Yôhan 7
7
Yêsu Hăng Ƀing Adơi Đah Rơkơi Ñu
1Tơdơi kơ tơlơi anŭn, Yêsu hyu amăng tring Galilê. Ñu ƀu hyu ôh amăng kwar Yuđa yua kơ ƀing ană Yuđa hơduah kiăng pơdjai Ñu. 2Phĕt Sang Khăn ƀing ană Yuđa jĕ truh.#Lêwi 23:34; Mơñă 16:13. 3Tui anŭn ƀing adơi Yêsu laĭ kơ Ñu: “Tơbiă bĕ mơ̆ng anih anai hăng nao pơ tring Yuđa, kiăng kơ ƀing ding kơna ih dưi ƀuh bruă ih ngă. 4Yua kơ ƀu hmâo ôh sa čô mă bruă hơgơ̆m tơdah ñu kiăng kơ arăng thâo krăn ñu. Tơdah ih ngă hơdôm bruă anŭn, pơrơđah bĕ ih pô kơ mơnuih lŏn tơnah thâo.” 5Yua kơ wơ̆t ƀing adơi Ñu kŏn đaŏ kơ Ñu lơi.
6Yêsu laĭ hăng gơñu: “Mông kâo aka truh ôh, samơ̆ ƀing gih hmâo mông gal nanao. 7Lŏn tơnah ƀu bơrơmŭt kơ ƀing gih ôh, samơ̆ lŏn tơnah bơrơmŭt kơ kâo, yua kơ kâo pơhaih bruă gơñu ngă jing soh sat. 8Ƀing gih nao bĕ kơ hrơi phĕt anai. Kâo aka nao ôh yua kơ mông kâo aka truh.” 9Pơhiăp giơ̆ng, Ñu ăt dŏ glaĭ amăng tring Galilê.
Yêsu Nao Pơ Phĕt Sang Khăn
10Samơ̆ tơ ƀing adơi Ñu nao laih kơ hrơi phĕt, tơdơi kơ anŭn Ñu pô ăt nao mơ̆n, samơ̆ Ñu nao hăng tơlơi hơgơ̆m ƀu brơi ƀing mơnuih lu thâo ôh. 11Ƀing Yuđa hyu sem Yêsu amăng anih tơlơi phĕt anŭn hăng laĭ: “Pơpă Ñu?”
12Lu ƀing ană plei pơhiăp phač djơ̆ kơ Ñu tơdang hmâo đơđa mơnuih laĭ: “Ñu jing sa čô mơnuih hiam,” ƀing pơkŏn laĭ: “Ư ưh, Ñu jing mơnuih plư pleč ană plei.” 13Samơ̆ ƀu hmâo hlơi khĭn pơhiăp rơđah ôh yua kơ hwĭ kơ ƀing khua ană Yuđa.
14Hlăk tơ̆ng krah hrơi phĕt, Yêsu nao pơ sang kơkuh pơpŭ laih anŭn pơtô laĭ. 15Ƀing Yuđa kơtuă hling kơ tơlơi anŭn hăng laĭ: “Hyư̆m mơnuih anai dưi thâo Hră Ơi Adai Pơhiăp lu tui anŭn, Ñu aka hrăm djơ̆ ôh?”
16Yêsu laĭ glaĭ: “Tơlơi Kâo pơtô ƀu djơ̆ mơ̆ng Kâo pô ôh samơ̆ mơ̆ng Pô pơkiaŏ rai Kâo. 17Tơdah sa čô mơnuih mơak pran jua kiăng ngă tui hăng tơlơi Ơi Adai kiăng, ñu či thâo yơh tơlơi Kâo pơtô tơbiă rai mơ̆ng Ơi Adai ƀôdah mơ̆ng Kâo pô. 18Hlơi pô pơhiăp tui hăng tơlơi dưi ñu pô, sem hơduah tơlơi ư-ang kơ ñu pô; samơ̆ hlơi pô sem hơduah tơlơi ư-ang kơ pô pơkiaŏ rai ñu, ñu jing pô tơpă sĭt, laih anŭn amăng ñu ƀu hmâo tơlơi plơ̆m ƀlor ôh. 19Ƀu djơ̆ ôh hă Môis hmâo brơi laih tơlơi juăt kơ ƀing gih? Samơ̆ ƀu hmâo ôh sa čô amăng ƀing gih gưt ngă tui tơlơi juăt. Hyư̆m ƀing gih sem hơduah kiăng pơdjai Kâo lĕ?”
20Ƀing ană plei laĭ glaĭ: “Amăng ih hmâo yang sat! Hlơi hơduah sem kiăng pơdjai ih?”
21Yêsu laĭ glaĭ: “Kâo hmâo ngă laih sa mơta bruă, laih anŭn abih bang ƀing gih dŏ kơtuă hling yua kơ bruă anŭn. 22Môis brơi kơ ƀing gih tơlơi juăt khăt klĭ. (Tơlơi anŭn ƀu djơ̆ tơbiă rai mơ̆ng Môis ôh, samơ̆ mơ̆ng ơi adon ƀing gih), laih anŭn ƀing gih khăt klĭ kơ ƀing đah rơkơi amăng hrơi saƀat.#Čơd 17:10; Lêwi 12:3. 23Tơdah sa čô đah rơkơi khŏm tŭ tơlơi khăt klĭ amăng hrơi saƀat kiăng kơ ƀu hmâo gao ôh tơlơi juăt Môis, hyư̆m ƀing gih hil kơ Kâo yua kơ Kâo hmâo pơsuaih abih drơi jan sa čô mơnuih amăng hrơi saƀat lĕ?#Yô 5:9. 24Anăm phat kơđi tui hăng tơlơi thâo ƀuh gah rơngiao ôh, samơ̆ brơi ƀing gih phat kơđi tui hăng tơlơi tơpă hơnơ̆ng.”
Djơ̆ Mơ̆ Yêsu Jing Yang Krist?
25Hmâo đơđa mơnuih amăng plei Yêrusalem laĭ: “Ƀu djơ̆ ôh hă pô anai yơh arăng hơduah kiăng pơdjai? 26Lăng adih, Ñu dŏ pơtô hăng tơlơi rơngai ƀơi anăp abih bang mơnuih, laih anŭn arăng ƀu laĭ tơlơi hơgĕt kơ Ñu ôh. Djơ̆ mơ̆ ƀing khua wai lăng thâo klă sĭt laih mơnuih anai jing Yang Krist? 27Samơ̆ tơ Yang Krist či rai ƀu hmâo hlơi pô thâo mơ̆ng pơpă Ñu rai ôh. Bơ mơnuih anai ƀing ta thâo laih mơ̆ng pơpă ñu tơbiă rai.”
28Hlăk Yêsu dŏ pơtô amăng sang kơkuh pơpŭ, Ñu pơhiăp kraih: “Ƀing gih thâo krăn laih Kâo, laih anŭn ƀing gih ăt thâo mơ̆n mơ̆ng pơpă Kâo rai. Kâo ƀu rai ôh tui hăng pô Kâo kiăng; samơ̆ Pô hmâo pơkiaŏ rai Kâo jing pô sĭt laih anŭn ƀing gih ƀu thâo krăn Ñu ôh. 29Samơ̆ Kâo thâo krăn Ñu, yua kơ Kâo rai mơ̆ng Ñu, laih anŭn Ñu jing Pô pơkiaŏ rai Kâo.”
30Tui anŭn, gơñu hơduah jơlan kiăng mă Yêsu, samơ̆ ƀu hmâo hlơi pô dưi yơr tơngan ruaih Ñu ôh, yua kơ mông Ñu aka truh. 31Samơ̆ hmâo lu mơnuih đaŏ kơ Ñu laih anŭn gơñu laĭ: “Tơ Yang Krist truh, Ñu či ngă lu gru kơnăl mơyang hloh kơ pô anai hmâo ngă laih mơ̆?”
Arăng Pơkiaŏ Tơhan Nao Mă Yêsu
32Ƀing Pharisi hmư̆ ƀing mơnuih lu pơhiăp phač djơ̆ kơ Yêsu. Tui anŭn gơñu hăng ƀing khua ngă yang prŏng pơkiaŏ ƀing tơhan gak wai sang kơkuh pơpŭ nao mă Yêsu. 33Yua kơ anŭn yơh Yêsu laĭ: “Kâo či dŏ hrŏm hơbĭt hăng ƀing gih sui ƀiă dơ̆ng, giơ̆ng anŭn Kâo či glaĭ pơ Pô hmâo pơkiaŏ rai Kâo. 34Ƀing gih či sem hơduah Kâo samơ̆ ƀing gih ƀu ƀuh Kâo ôh; ƀơi anih Kâo dŏ ƀing gih ƀu dưi nao ôh.”
35Ƀing Yuđa bơlaĭ tơdruă gơñu: “Pơpă pô anai pơmĭn kiăng nao tơl ƀing ta ƀu či ƀuh Ñu ôh? Djơ̆ mơ̆ Ñu či nao pơ ƀing bra hyu tơ̆ng krah ƀing Grek hăng pơtô kơ ƀing Grek mơ̆? 36Hơgĕt Ñu kiăng laĭ: ‘Ƀing gih či sem hơduah Kâo, samơ̆ ƀing gih ƀu či ƀuh ôh’, laih anŭn ‘ƀơi anih Kâo dŏ ƀing gih ƀu dưi nao ôh?’”
Akŏ Ia Hơdip
37Ƀơi hrơi hnal tuč jing hrơi yom hloh amăng hrơi phĕt anŭn, Yêsu dŏ dơ̆ng hăng pơhiăp kraih tui anai: “Hlơi pô mơhao, brơi ñu rai bĕ pơ Kâo laih anŭn mơñum.#Lêwi 23:36. 38Hlơi pô đaŏ kơ Kâo, tui hăng Hră Ơi Adai pơhiăp hmâo laĭ: ‘Či hmâo ia tơlơi hơdip ro mơ̆ng pran jua ñu.’”#Êsê 47:1; Sak 14:8. 39Yêsu laĭ tơlơi anŭn kiăng laĭ nao kơ Yang Bơngăt Hiam, kơ hlơi pô đaŏ kơ Ñu či tŭ mă. Hrơi anŭn Ơi Adai aka brơi trŭn Yang Bơngăt Hiam ôh, yua kơ Yêsu aka hmâo tơlơi guh kơang.
Ană Plei Pla Pơrơjah
40Tơ ƀing mơnuih lu hmư̆ hơdôm tơlơi anai, hmâo đơđa laĭ: “Sĭt mơnuih anai jing pô Laĭ Lui Hlâo.”#7:40 Lăng 1:21.
41Ƀing pơkŏn laĭ: “Anai yơh Yang Krist.” Samơ̆ đơđa laĭ: “Yang Krist ƀu tơbiă rai mơ̆ng tring Galilê ôh. 42Ƀu djơ̆ ôh hă Hră Ơi Adai Pơhiăp hmâo laĭ laih Yang Krist jing ană tơčo Đawit, laih anŭn tơbiă rai mơ̆ng Betlêhem, jing plei Đawit?”#II Sa 7:12; Mika 5:2. 43Tui anŭn hmâo tơlơi pơkah pha phung tơ̆ng krah ƀing ană plei yua kơ Yêsu. 44Đơđa ƀing gơñu kiăng mă čaŏ Yêsu, samơ̆ ƀu hmâo hlơi ruaih djơ̆ Ñu ôh.
Ƀing Khua Yuđa Ƀu Đaŏ Ôh
45Tui anŭn, ƀing khua tơhan gak wai sang kơkuh pơpŭ wơ̆t glaĭ pơ ƀing khua ngă yang prŏng hăng ƀing Pharisi, laih anŭn gơñu tơña: “Hyư̆m ƀing gih ƀu mă Yêsu ba rai pơ anai?”
46Ƀing khua tơhan laĭ glaĭ: “Aka hmâo djơ̆ ôh mơnuih pơhiăp kar hăng pô anai!”
47Ƀing Pharisi laĭ glaĭ kơ gơñu: “Wơ̆t kơ ƀing gih ăt lĕ tơlơi Ñu plư mơ̆n hă? 48Hmâo mơ̆ hlơi amăng ƀing khua ană Yuđa ƀôdah ƀing mơnuih Pharisi đaŏ kơ Ñu? 49Ƀing mơnuih lu anai ƀu thâo tơlơi juăt Môis ôh, gơñu năng lăp kơ hơtơ̆m pah yơh!”
50Nikôđem, jing sa čô mơnuih amăng ƀing Pharisi, pô hmâo nao laih pơ Yêsu hlâo adih, laĭ kơ gơñu,#Yô 3:1-2. 51“Tui tơlơi juăt ƀing ta ƀu dưi mă phat kơđi ôh kơ sa čô mơnuih tơdah aka ƀu hmâo tơña sem laih hơgĕt tơlơi ñu hmâo ngă.”
52Gơñu laĭ glaĭ: “Hyư̆m ih ăt jing mơnuih Galilê mơ̆n hă? Brơi ih kơsem lăng bĕ Hră Ơi Adai, ih či ƀuh ƀu hmâo sa čô pô laĭ lui hlâo tơbiă rai mơ̆ng tring Galilê ôh.” [53Giơ̆ng anŭn abih bang gơñu glaĭ pơ sang gơñu pô.
Kasalukuyang Napili:
Yôhan 7: JRA2016
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2016 United Bible Societies. All rights reserved.
Yôhan 7
7
Yêsu Hăng Ƀing Adơi Đah Rơkơi Ñu
1Tơdơi kơ tơlơi anŭn, Yêsu hyu amăng tring Galilê. Ñu ƀu hyu ôh amăng kwar Yuđa yua kơ ƀing ană Yuđa hơduah kiăng pơdjai Ñu. 2Phĕt Sang Khăn ƀing ană Yuđa jĕ truh.#Lêwi 23:34; Mơñă 16:13. 3Tui anŭn ƀing adơi Yêsu laĭ kơ Ñu: “Tơbiă bĕ mơ̆ng anih anai hăng nao pơ tring Yuđa, kiăng kơ ƀing ding kơna ih dưi ƀuh bruă ih ngă. 4Yua kơ ƀu hmâo ôh sa čô mă bruă hơgơ̆m tơdah ñu kiăng kơ arăng thâo krăn ñu. Tơdah ih ngă hơdôm bruă anŭn, pơrơđah bĕ ih pô kơ mơnuih lŏn tơnah thâo.” 5Yua kơ wơ̆t ƀing adơi Ñu kŏn đaŏ kơ Ñu lơi.
6Yêsu laĭ hăng gơñu: “Mông kâo aka truh ôh, samơ̆ ƀing gih hmâo mông gal nanao. 7Lŏn tơnah ƀu bơrơmŭt kơ ƀing gih ôh, samơ̆ lŏn tơnah bơrơmŭt kơ kâo, yua kơ kâo pơhaih bruă gơñu ngă jing soh sat. 8Ƀing gih nao bĕ kơ hrơi phĕt anai. Kâo aka nao ôh yua kơ mông kâo aka truh.” 9Pơhiăp giơ̆ng, Ñu ăt dŏ glaĭ amăng tring Galilê.
Yêsu Nao Pơ Phĕt Sang Khăn
10Samơ̆ tơ ƀing adơi Ñu nao laih kơ hrơi phĕt, tơdơi kơ anŭn Ñu pô ăt nao mơ̆n, samơ̆ Ñu nao hăng tơlơi hơgơ̆m ƀu brơi ƀing mơnuih lu thâo ôh. 11Ƀing Yuđa hyu sem Yêsu amăng anih tơlơi phĕt anŭn hăng laĭ: “Pơpă Ñu?”
12Lu ƀing ană plei pơhiăp phač djơ̆ kơ Ñu tơdang hmâo đơđa mơnuih laĭ: “Ñu jing sa čô mơnuih hiam,” ƀing pơkŏn laĭ: “Ư ưh, Ñu jing mơnuih plư pleč ană plei.” 13Samơ̆ ƀu hmâo hlơi khĭn pơhiăp rơđah ôh yua kơ hwĭ kơ ƀing khua ană Yuđa.
14Hlăk tơ̆ng krah hrơi phĕt, Yêsu nao pơ sang kơkuh pơpŭ laih anŭn pơtô laĭ. 15Ƀing Yuđa kơtuă hling kơ tơlơi anŭn hăng laĭ: “Hyư̆m mơnuih anai dưi thâo Hră Ơi Adai Pơhiăp lu tui anŭn, Ñu aka hrăm djơ̆ ôh?”
16Yêsu laĭ glaĭ: “Tơlơi Kâo pơtô ƀu djơ̆ mơ̆ng Kâo pô ôh samơ̆ mơ̆ng Pô pơkiaŏ rai Kâo. 17Tơdah sa čô mơnuih mơak pran jua kiăng ngă tui hăng tơlơi Ơi Adai kiăng, ñu či thâo yơh tơlơi Kâo pơtô tơbiă rai mơ̆ng Ơi Adai ƀôdah mơ̆ng Kâo pô. 18Hlơi pô pơhiăp tui hăng tơlơi dưi ñu pô, sem hơduah tơlơi ư-ang kơ ñu pô; samơ̆ hlơi pô sem hơduah tơlơi ư-ang kơ pô pơkiaŏ rai ñu, ñu jing pô tơpă sĭt, laih anŭn amăng ñu ƀu hmâo tơlơi plơ̆m ƀlor ôh. 19Ƀu djơ̆ ôh hă Môis hmâo brơi laih tơlơi juăt kơ ƀing gih? Samơ̆ ƀu hmâo ôh sa čô amăng ƀing gih gưt ngă tui tơlơi juăt. Hyư̆m ƀing gih sem hơduah kiăng pơdjai Kâo lĕ?”
20Ƀing ană plei laĭ glaĭ: “Amăng ih hmâo yang sat! Hlơi hơduah sem kiăng pơdjai ih?”
21Yêsu laĭ glaĭ: “Kâo hmâo ngă laih sa mơta bruă, laih anŭn abih bang ƀing gih dŏ kơtuă hling yua kơ bruă anŭn. 22Môis brơi kơ ƀing gih tơlơi juăt khăt klĭ. (Tơlơi anŭn ƀu djơ̆ tơbiă rai mơ̆ng Môis ôh, samơ̆ mơ̆ng ơi adon ƀing gih), laih anŭn ƀing gih khăt klĭ kơ ƀing đah rơkơi amăng hrơi saƀat.#Čơd 17:10; Lêwi 12:3. 23Tơdah sa čô đah rơkơi khŏm tŭ tơlơi khăt klĭ amăng hrơi saƀat kiăng kơ ƀu hmâo gao ôh tơlơi juăt Môis, hyư̆m ƀing gih hil kơ Kâo yua kơ Kâo hmâo pơsuaih abih drơi jan sa čô mơnuih amăng hrơi saƀat lĕ?#Yô 5:9. 24Anăm phat kơđi tui hăng tơlơi thâo ƀuh gah rơngiao ôh, samơ̆ brơi ƀing gih phat kơđi tui hăng tơlơi tơpă hơnơ̆ng.”
Djơ̆ Mơ̆ Yêsu Jing Yang Krist?
25Hmâo đơđa mơnuih amăng plei Yêrusalem laĭ: “Ƀu djơ̆ ôh hă pô anai yơh arăng hơduah kiăng pơdjai? 26Lăng adih, Ñu dŏ pơtô hăng tơlơi rơngai ƀơi anăp abih bang mơnuih, laih anŭn arăng ƀu laĭ tơlơi hơgĕt kơ Ñu ôh. Djơ̆ mơ̆ ƀing khua wai lăng thâo klă sĭt laih mơnuih anai jing Yang Krist? 27Samơ̆ tơ Yang Krist či rai ƀu hmâo hlơi pô thâo mơ̆ng pơpă Ñu rai ôh. Bơ mơnuih anai ƀing ta thâo laih mơ̆ng pơpă ñu tơbiă rai.”
28Hlăk Yêsu dŏ pơtô amăng sang kơkuh pơpŭ, Ñu pơhiăp kraih: “Ƀing gih thâo krăn laih Kâo, laih anŭn ƀing gih ăt thâo mơ̆n mơ̆ng pơpă Kâo rai. Kâo ƀu rai ôh tui hăng pô Kâo kiăng; samơ̆ Pô hmâo pơkiaŏ rai Kâo jing pô sĭt laih anŭn ƀing gih ƀu thâo krăn Ñu ôh. 29Samơ̆ Kâo thâo krăn Ñu, yua kơ Kâo rai mơ̆ng Ñu, laih anŭn Ñu jing Pô pơkiaŏ rai Kâo.”
30Tui anŭn, gơñu hơduah jơlan kiăng mă Yêsu, samơ̆ ƀu hmâo hlơi pô dưi yơr tơngan ruaih Ñu ôh, yua kơ mông Ñu aka truh. 31Samơ̆ hmâo lu mơnuih đaŏ kơ Ñu laih anŭn gơñu laĭ: “Tơ Yang Krist truh, Ñu či ngă lu gru kơnăl mơyang hloh kơ pô anai hmâo ngă laih mơ̆?”
Arăng Pơkiaŏ Tơhan Nao Mă Yêsu
32Ƀing Pharisi hmư̆ ƀing mơnuih lu pơhiăp phač djơ̆ kơ Yêsu. Tui anŭn gơñu hăng ƀing khua ngă yang prŏng pơkiaŏ ƀing tơhan gak wai sang kơkuh pơpŭ nao mă Yêsu. 33Yua kơ anŭn yơh Yêsu laĭ: “Kâo či dŏ hrŏm hơbĭt hăng ƀing gih sui ƀiă dơ̆ng, giơ̆ng anŭn Kâo či glaĭ pơ Pô hmâo pơkiaŏ rai Kâo. 34Ƀing gih či sem hơduah Kâo samơ̆ ƀing gih ƀu ƀuh Kâo ôh; ƀơi anih Kâo dŏ ƀing gih ƀu dưi nao ôh.”
35Ƀing Yuđa bơlaĭ tơdruă gơñu: “Pơpă pô anai pơmĭn kiăng nao tơl ƀing ta ƀu či ƀuh Ñu ôh? Djơ̆ mơ̆ Ñu či nao pơ ƀing bra hyu tơ̆ng krah ƀing Grek hăng pơtô kơ ƀing Grek mơ̆? 36Hơgĕt Ñu kiăng laĭ: ‘Ƀing gih či sem hơduah Kâo, samơ̆ ƀing gih ƀu či ƀuh ôh’, laih anŭn ‘ƀơi anih Kâo dŏ ƀing gih ƀu dưi nao ôh?’”
Akŏ Ia Hơdip
37Ƀơi hrơi hnal tuč jing hrơi yom hloh amăng hrơi phĕt anŭn, Yêsu dŏ dơ̆ng hăng pơhiăp kraih tui anai: “Hlơi pô mơhao, brơi ñu rai bĕ pơ Kâo laih anŭn mơñum.#Lêwi 23:36. 38Hlơi pô đaŏ kơ Kâo, tui hăng Hră Ơi Adai pơhiăp hmâo laĭ: ‘Či hmâo ia tơlơi hơdip ro mơ̆ng pran jua ñu.’”#Êsê 47:1; Sak 14:8. 39Yêsu laĭ tơlơi anŭn kiăng laĭ nao kơ Yang Bơngăt Hiam, kơ hlơi pô đaŏ kơ Ñu či tŭ mă. Hrơi anŭn Ơi Adai aka brơi trŭn Yang Bơngăt Hiam ôh, yua kơ Yêsu aka hmâo tơlơi guh kơang.
Ană Plei Pla Pơrơjah
40Tơ ƀing mơnuih lu hmư̆ hơdôm tơlơi anai, hmâo đơđa laĭ: “Sĭt mơnuih anai jing pô Laĭ Lui Hlâo.”#7:40 Lăng 1:21.
41Ƀing pơkŏn laĭ: “Anai yơh Yang Krist.” Samơ̆ đơđa laĭ: “Yang Krist ƀu tơbiă rai mơ̆ng tring Galilê ôh. 42Ƀu djơ̆ ôh hă Hră Ơi Adai Pơhiăp hmâo laĭ laih Yang Krist jing ană tơčo Đawit, laih anŭn tơbiă rai mơ̆ng Betlêhem, jing plei Đawit?”#II Sa 7:12; Mika 5:2. 43Tui anŭn hmâo tơlơi pơkah pha phung tơ̆ng krah ƀing ană plei yua kơ Yêsu. 44Đơđa ƀing gơñu kiăng mă čaŏ Yêsu, samơ̆ ƀu hmâo hlơi ruaih djơ̆ Ñu ôh.
Ƀing Khua Yuđa Ƀu Đaŏ Ôh
45Tui anŭn, ƀing khua tơhan gak wai sang kơkuh pơpŭ wơ̆t glaĭ pơ ƀing khua ngă yang prŏng hăng ƀing Pharisi, laih anŭn gơñu tơña: “Hyư̆m ƀing gih ƀu mă Yêsu ba rai pơ anai?”
46Ƀing khua tơhan laĭ glaĭ: “Aka hmâo djơ̆ ôh mơnuih pơhiăp kar hăng pô anai!”
47Ƀing Pharisi laĭ glaĭ kơ gơñu: “Wơ̆t kơ ƀing gih ăt lĕ tơlơi Ñu plư mơ̆n hă? 48Hmâo mơ̆ hlơi amăng ƀing khua ană Yuđa ƀôdah ƀing mơnuih Pharisi đaŏ kơ Ñu? 49Ƀing mơnuih lu anai ƀu thâo tơlơi juăt Môis ôh, gơñu năng lăp kơ hơtơ̆m pah yơh!”
50Nikôđem, jing sa čô mơnuih amăng ƀing Pharisi, pô hmâo nao laih pơ Yêsu hlâo adih, laĭ kơ gơñu,#Yô 3:1-2. 51“Tui tơlơi juăt ƀing ta ƀu dưi mă phat kơđi ôh kơ sa čô mơnuih tơdah aka ƀu hmâo tơña sem laih hơgĕt tơlơi ñu hmâo ngă.”
52Gơñu laĭ glaĭ: “Hyư̆m ih ăt jing mơnuih Galilê mơ̆n hă? Brơi ih kơsem lăng bĕ Hră Ơi Adai, ih či ƀuh ƀu hmâo sa čô pô laĭ lui hlâo tơbiă rai mơ̆ng tring Galilê ôh.” [53Giơ̆ng anŭn abih bang gơñu glaĭ pơ sang gơñu pô.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2016 United Bible Societies. All rights reserved.