Yôhan 9
9
Yêsu Pơsuaih Mơnuih Bum Mơta
1Tơdang Yêsu rơbat nao, Ñu ƀuh sa čô mơnuih bum mơta mơ̆ng hrơi amĭ tơkeng. 2Ƀing ding kơna tơña kơ Yêsu: “Ơ Nai, tơlơi soh hlơi ngă kơ ñu bum mơta anai; tơlơi soh ñu, ƀôdah tơlơi soh amĭ ama ñu?”
3Yêsu laĭ glaĭ: “Ƀu djơ̆ yua kơ tơlơi ñu ƀôdah tơlơi soh amĭ ama ñu ôh, samơ̆ kiăng kơ bruă Ơi Adai dưi pơrơđah amăng ñu. 4Tơdang dŏ tơhrơi khŏm ƀing ta mă bruă bĕ kơ Pô pơkiaŏ rai Kâo; tơ mlam truh hlăk anŭn ƀu hmâo hlơi dưi mă bruă ôh. 5Tơdang Kâo dŏ amăng lŏn tơnah, Kâo jing tơlơi bơngač kơ lŏn tơnah.”#Mat 5:14; Yô 8:12.
6Pơhiăp giơ̆ng, Yêsu kơčuh ia bah ƀơi lŏn, lŭk lŏn hăng ia bah Ñu jing hlŭ, laih anŭn pik ƀơi mơta pô bum anŭn. 7Laih anŭn laĭ kơ gơ̆: “Nao rao bĕ pơ dơnao ia Silôê.” (Silôê kiăng pia “Arăng Pơkiaŏ Nao”). Tui anŭn gơ̆ nao rao laih anŭn wơ̆t glaĭ thâo ƀuh mơtam yơh.
8Ƀing jum dar hăng ƀing hmâo ƀuh gơ̆ hlâo anŭn jing mơnuih rơkâo dan, laĭ: “Djơ̆ mơ̆ mơnuih anai jing pô juăt dŏ ber rơkâo gơnam arăng?”
9Hmâo mơnuih laĭ: “Ơ, ñu yơh;” ƀing pơkŏn laĭ: “Ƀu djơ̆ ôh, samơ̆ lăng ñu hrup hăng pô anŭn.” Pô bum laĭ: “Kâo gơ̆ yơh.” 10Gơñu tơña kơ gơ̆: “Tui anŭn hyư̆m mơta ih dưi ƀuh?” 11Gơ̆ laĭ glaĭ: “Sa čô mơnuih anăn ñu Yêsu, hmâo lŭk hlŭ pik ƀơi mơta kâo hăng pơđar kâo: ‘Nao rao bĕ pơ ia dơnao Silôê.’ Tui anŭn kâo nao rao laih anŭn thâo ƀuh yơh.” 12Gơñu tơña: “Pơpă ñu lĕ?” Ñu laĭ glaĭ: “Kâo ƀu thâo ôh.”
Ƀing Pharisi Tơña Kơsem Pô Bum Mơta
13Gơñu ba pô bum mơta hlâo dih nao pơ ƀing Pharisi. 14Hrơi Yêsu lŭk hlŭ hăng pơsuaih mơta pô bum anŭn jing hrơi saƀat. 15Tui anŭn ƀing Pharisi tơña dơ̆ng kơ pô bum anŭn hyư̆m mơta ñu dưi thâo ƀuh. Pô bum laĭ glaĭ: “Ñu pik hlŭ ƀơi mơta kâo, kâo rao laih anŭn kâo thâo ƀuh yơh.”
16Hmâo mơnuih amăng ƀing Pharisi laĭ: “Mơnuih anai ƀu djơ̆ rai mơ̆ng Ơi Adai ôh, yua kơ ñu ƀu gưt tui tơlơi juăt hrơi saƀat ôh.”
Samơ̆ ƀing pơkŏn laĭ: “Hyư̆m sa čô mơnuih soh dưi ngă tơlơi mơsêh mơyang kar hăng anŭn lĕ?” Laih anŭn hmâo tơlơi kah pơpha tơdruă gơñu.
17Tui anŭn gơñu tơña kơ pô bum anŭn dơ̆ng: “Bơ ih, hyư̆m ih laĭ kơ ñu jing, yua kơ ñu hmâo pơsuaih mơta ih.”
Ñu laĭ glaĭ: “Ñu jing sa čô pô laĭ lui hlâo.”
18Samơ̆ ƀing khua ană Yuđa ƀu đaŏ ôh pô anŭn hlâo adih bum mơta, samơ̆ ră anai thâo ƀuh glaĭ, tơl gơñu iâu amĭ ama gơ̆ rai, 19gơñu tơña kơ amĭ ama gơ̆: “Djơ̆ mơ̆ anai jing ană đah rơkơi ƀing gih, jing pô bum mơta mơ̆ng hrơi amĭ tơkeng? Tui anŭn hyư̆m ră anai ñu thâo ƀuh lĕ?”
20Amĭ ama ñu laĭ glaĭ: “Gơmơi thâo anai jing ană đah rơkơi gơmơi, ñu bum mơta mơ̆ng hrơi tơkeng. 21Samơ̆ gơmơi ƀu thâo ôh hyư̆m ră anai ñu thâo ƀuh. Kŏn gơmơi thâo lơi hlơi pô hmâo pơsuaih brơi ñu. Tơña kơ ñu pô bĕ; ñu tha laih, ñu pô dưi ră ruai kơ ƀing gih.” 22Amĭ ama ñu laĭ tui anŭn yua kơ gơñu hwĭ kơ ƀing khua ană Yuđa; yua kơ ƀing khua Yuđa hmâo tŭ ư hrŏm hơbĭt laih tơdah hlơi pô pơhaih hăng đaŏ kơ Yêsu jing Yang Krist, arăng či puh pơđuaĭ hĭ pô anŭn mơ̆ng sang bơjơnum. 23Yua kơ anŭn yơh amĭ ama ñu laĭ: “Ñu tha laih, tơña ñu bĕ!”
24Gơñu iâu pô bum mơ̆ng hrơi amĭ tơkeng tal dua dơ̆ng hăng laĭ: “Brơi ih pơpŭ bơni kơ Ơi Adai bĕ! Gơmơi thâo mơnuih anŭn jing mơnuih soh.”
25Ñu laĭ glaĭ: “Kâo ƀu thâo ôh Ñu jing mơnuih soh, ƀôdah ƀu soh. Kâo kơnơ̆ng thâo sa tơlơi, hlâo adih kâo bum, ră anai kâo thâo ƀuh.”
26Gơñu tơña dơ̆ng: “Hơgĕt ñu hmâo ngă laih kơ ih? Hyư̆m ñu hmâo pơsuaih laih mơta ih?”
27Gơ̆ laĭ glaĭ: “Kâo hmâo laĭ laih kơ ƀing gih, samơ̆ ƀing gih ƀu kiăng hmư̆ ôh, hyư̆m ƀing gih kiăng hmư̆ dơ̆ng hă? Djơ̆ mơ̆ ƀing gih ăt kiăng jing ding kơna Ñu?”
28Gơñu djik djak kơ gơ̆ hăng laĭ: “Ŏng yơh jing ding kơna ñu, gơmơi jing ding kơna Môis. 29Ƀing gơmơi thâo Ơi Adai hmâo pơhiăp laih hăng Môis, samơ̆ kơ pô anai gơmơi ƀu thâo ôh mơ̆ng pơpă ñu tơbiă rai.”
30Pô bum laĭ glaĭ: “Aƀơih, kâo kơtuă hling biă mă! Ƀing gih ƀu thâo ôh mơ̆ng pơpă ñu tơbiă rai, samơ̆ ñu hmâo pơsuaih laih mơta kâo. 31Ƀing ta thâo Ơi Adai ƀu hmư̆ ôh hiăp ƀing mơnuih soh, samơ̆ hlơi pô hwĭ pơpŭ kơ Ơi Adai laih anŭn ngă tui tơlơi Ñu kiăng, pô anŭn yơh Ơi Adai hmư̆. 32Čơdơ̆ng mơ̆ng phŭn hmâo lŏn tơnah arăng aka hmư̆ ôh kơ sa čô mơnuih dưi pơsuaih mơta mơnuih bum mơ̆ng hrơi amĭ tơkeng. 33Tơdah pô anai ƀu tơbiă rai mơ̆ng Ơi Adai, Ñu ƀu dưi ngă hơgĕt gĕt ôh.”
34Gơñu laĭ kơ gơ̆: “Arăng hmâo tơkeng laih ŏng amăng tơlơi soh, samơ̆ ŏng kiăng pơtô gơmơi hă?” Laih anŭn gơñu puh pơđuaĭ hĭ gơ̆ mơ̆ng sang bơjơnum.
Bum Gah Bơngăt Jua
35Yêsu hmư̆ gơñu hmâo puh pơđuaĭ hĭ laih gơ̆ mơ̆ng sang bơjơnum. Yêsu nao bưp gơ̆ hăng laĭ: “Ih đaŏ kơ Ană Mơnuih mơ̆?”#9:35 Ană Mơnuih: đơđa Hră Ơi Adai Pơhiăp so đưm čih Ană Ơi Adai
36Gơ̆ laĭ glaĭ: “Ơ khua, hlơi Ñu anŭn, kiăng kơ kâo dưi đaŏ kơ Ñu?”
37Yêsu laĭ kơ ñu: “Ih hmâo ƀuh Ñu laih, laih anŭn Ñu yơh pô pơhiăp hăng ih ră anai.”
38Gơ̆ laĭ: “Ơ Khua, kâo đaŏ.” Laih anŭn ñu bon kơkuh ƀơi anăp Yêsu.
39Yêsu laĭ: “Kâo hmâo rai laih pơ lŏn tơnah kiăng phat kơđi, kiăng kơ mơnuih bum dưi thâo ƀuh, laih anŭn mơnuih thâo ƀuh jing hĭ bum mơta.”
40Đơđa ƀing Pharisi dŏ giăm Ñu hmư̆ tơlơi anŭn, laih anŭn gơñu tơña kơ Yêsu: “Hyư̆m ƀing gơmơi ăt jing mơnuih bum mơ̆n hă?”
41Yêsu laĭ glaĭ: “Tơdah ƀing gih bum mơta, ƀing gih ƀu hmâo tơlơi soh ôh; samơ̆ yua kơ ƀing gih laĭ: ‘Gơmơi ƀuh,’ tui anŭn yơh tơlơi soh ƀing gih ăt dŏ.”
Kasalukuyang Napili:
Yôhan 9: JRA2016
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2016 United Bible Societies. All rights reserved.
Yôhan 9
9
Yêsu Pơsuaih Mơnuih Bum Mơta
1Tơdang Yêsu rơbat nao, Ñu ƀuh sa čô mơnuih bum mơta mơ̆ng hrơi amĭ tơkeng. 2Ƀing ding kơna tơña kơ Yêsu: “Ơ Nai, tơlơi soh hlơi ngă kơ ñu bum mơta anai; tơlơi soh ñu, ƀôdah tơlơi soh amĭ ama ñu?”
3Yêsu laĭ glaĭ: “Ƀu djơ̆ yua kơ tơlơi ñu ƀôdah tơlơi soh amĭ ama ñu ôh, samơ̆ kiăng kơ bruă Ơi Adai dưi pơrơđah amăng ñu. 4Tơdang dŏ tơhrơi khŏm ƀing ta mă bruă bĕ kơ Pô pơkiaŏ rai Kâo; tơ mlam truh hlăk anŭn ƀu hmâo hlơi dưi mă bruă ôh. 5Tơdang Kâo dŏ amăng lŏn tơnah, Kâo jing tơlơi bơngač kơ lŏn tơnah.”#Mat 5:14; Yô 8:12.
6Pơhiăp giơ̆ng, Yêsu kơčuh ia bah ƀơi lŏn, lŭk lŏn hăng ia bah Ñu jing hlŭ, laih anŭn pik ƀơi mơta pô bum anŭn. 7Laih anŭn laĭ kơ gơ̆: “Nao rao bĕ pơ dơnao ia Silôê.” (Silôê kiăng pia “Arăng Pơkiaŏ Nao”). Tui anŭn gơ̆ nao rao laih anŭn wơ̆t glaĭ thâo ƀuh mơtam yơh.
8Ƀing jum dar hăng ƀing hmâo ƀuh gơ̆ hlâo anŭn jing mơnuih rơkâo dan, laĭ: “Djơ̆ mơ̆ mơnuih anai jing pô juăt dŏ ber rơkâo gơnam arăng?”
9Hmâo mơnuih laĭ: “Ơ, ñu yơh;” ƀing pơkŏn laĭ: “Ƀu djơ̆ ôh, samơ̆ lăng ñu hrup hăng pô anŭn.” Pô bum laĭ: “Kâo gơ̆ yơh.” 10Gơñu tơña kơ gơ̆: “Tui anŭn hyư̆m mơta ih dưi ƀuh?” 11Gơ̆ laĭ glaĭ: “Sa čô mơnuih anăn ñu Yêsu, hmâo lŭk hlŭ pik ƀơi mơta kâo hăng pơđar kâo: ‘Nao rao bĕ pơ ia dơnao Silôê.’ Tui anŭn kâo nao rao laih anŭn thâo ƀuh yơh.” 12Gơñu tơña: “Pơpă ñu lĕ?” Ñu laĭ glaĭ: “Kâo ƀu thâo ôh.”
Ƀing Pharisi Tơña Kơsem Pô Bum Mơta
13Gơñu ba pô bum mơta hlâo dih nao pơ ƀing Pharisi. 14Hrơi Yêsu lŭk hlŭ hăng pơsuaih mơta pô bum anŭn jing hrơi saƀat. 15Tui anŭn ƀing Pharisi tơña dơ̆ng kơ pô bum anŭn hyư̆m mơta ñu dưi thâo ƀuh. Pô bum laĭ glaĭ: “Ñu pik hlŭ ƀơi mơta kâo, kâo rao laih anŭn kâo thâo ƀuh yơh.”
16Hmâo mơnuih amăng ƀing Pharisi laĭ: “Mơnuih anai ƀu djơ̆ rai mơ̆ng Ơi Adai ôh, yua kơ ñu ƀu gưt tui tơlơi juăt hrơi saƀat ôh.”
Samơ̆ ƀing pơkŏn laĭ: “Hyư̆m sa čô mơnuih soh dưi ngă tơlơi mơsêh mơyang kar hăng anŭn lĕ?” Laih anŭn hmâo tơlơi kah pơpha tơdruă gơñu.
17Tui anŭn gơñu tơña kơ pô bum anŭn dơ̆ng: “Bơ ih, hyư̆m ih laĭ kơ ñu jing, yua kơ ñu hmâo pơsuaih mơta ih.”
Ñu laĭ glaĭ: “Ñu jing sa čô pô laĭ lui hlâo.”
18Samơ̆ ƀing khua ană Yuđa ƀu đaŏ ôh pô anŭn hlâo adih bum mơta, samơ̆ ră anai thâo ƀuh glaĭ, tơl gơñu iâu amĭ ama gơ̆ rai, 19gơñu tơña kơ amĭ ama gơ̆: “Djơ̆ mơ̆ anai jing ană đah rơkơi ƀing gih, jing pô bum mơta mơ̆ng hrơi amĭ tơkeng? Tui anŭn hyư̆m ră anai ñu thâo ƀuh lĕ?”
20Amĭ ama ñu laĭ glaĭ: “Gơmơi thâo anai jing ană đah rơkơi gơmơi, ñu bum mơta mơ̆ng hrơi tơkeng. 21Samơ̆ gơmơi ƀu thâo ôh hyư̆m ră anai ñu thâo ƀuh. Kŏn gơmơi thâo lơi hlơi pô hmâo pơsuaih brơi ñu. Tơña kơ ñu pô bĕ; ñu tha laih, ñu pô dưi ră ruai kơ ƀing gih.” 22Amĭ ama ñu laĭ tui anŭn yua kơ gơñu hwĭ kơ ƀing khua ană Yuđa; yua kơ ƀing khua Yuđa hmâo tŭ ư hrŏm hơbĭt laih tơdah hlơi pô pơhaih hăng đaŏ kơ Yêsu jing Yang Krist, arăng či puh pơđuaĭ hĭ pô anŭn mơ̆ng sang bơjơnum. 23Yua kơ anŭn yơh amĭ ama ñu laĭ: “Ñu tha laih, tơña ñu bĕ!”
24Gơñu iâu pô bum mơ̆ng hrơi amĭ tơkeng tal dua dơ̆ng hăng laĭ: “Brơi ih pơpŭ bơni kơ Ơi Adai bĕ! Gơmơi thâo mơnuih anŭn jing mơnuih soh.”
25Ñu laĭ glaĭ: “Kâo ƀu thâo ôh Ñu jing mơnuih soh, ƀôdah ƀu soh. Kâo kơnơ̆ng thâo sa tơlơi, hlâo adih kâo bum, ră anai kâo thâo ƀuh.”
26Gơñu tơña dơ̆ng: “Hơgĕt ñu hmâo ngă laih kơ ih? Hyư̆m ñu hmâo pơsuaih laih mơta ih?”
27Gơ̆ laĭ glaĭ: “Kâo hmâo laĭ laih kơ ƀing gih, samơ̆ ƀing gih ƀu kiăng hmư̆ ôh, hyư̆m ƀing gih kiăng hmư̆ dơ̆ng hă? Djơ̆ mơ̆ ƀing gih ăt kiăng jing ding kơna Ñu?”
28Gơñu djik djak kơ gơ̆ hăng laĭ: “Ŏng yơh jing ding kơna ñu, gơmơi jing ding kơna Môis. 29Ƀing gơmơi thâo Ơi Adai hmâo pơhiăp laih hăng Môis, samơ̆ kơ pô anai gơmơi ƀu thâo ôh mơ̆ng pơpă ñu tơbiă rai.”
30Pô bum laĭ glaĭ: “Aƀơih, kâo kơtuă hling biă mă! Ƀing gih ƀu thâo ôh mơ̆ng pơpă ñu tơbiă rai, samơ̆ ñu hmâo pơsuaih laih mơta kâo. 31Ƀing ta thâo Ơi Adai ƀu hmư̆ ôh hiăp ƀing mơnuih soh, samơ̆ hlơi pô hwĭ pơpŭ kơ Ơi Adai laih anŭn ngă tui tơlơi Ñu kiăng, pô anŭn yơh Ơi Adai hmư̆. 32Čơdơ̆ng mơ̆ng phŭn hmâo lŏn tơnah arăng aka hmư̆ ôh kơ sa čô mơnuih dưi pơsuaih mơta mơnuih bum mơ̆ng hrơi amĭ tơkeng. 33Tơdah pô anai ƀu tơbiă rai mơ̆ng Ơi Adai, Ñu ƀu dưi ngă hơgĕt gĕt ôh.”
34Gơñu laĭ kơ gơ̆: “Arăng hmâo tơkeng laih ŏng amăng tơlơi soh, samơ̆ ŏng kiăng pơtô gơmơi hă?” Laih anŭn gơñu puh pơđuaĭ hĭ gơ̆ mơ̆ng sang bơjơnum.
Bum Gah Bơngăt Jua
35Yêsu hmư̆ gơñu hmâo puh pơđuaĭ hĭ laih gơ̆ mơ̆ng sang bơjơnum. Yêsu nao bưp gơ̆ hăng laĭ: “Ih đaŏ kơ Ană Mơnuih mơ̆?”#9:35 Ană Mơnuih: đơđa Hră Ơi Adai Pơhiăp so đưm čih Ană Ơi Adai
36Gơ̆ laĭ glaĭ: “Ơ khua, hlơi Ñu anŭn, kiăng kơ kâo dưi đaŏ kơ Ñu?”
37Yêsu laĭ kơ ñu: “Ih hmâo ƀuh Ñu laih, laih anŭn Ñu yơh pô pơhiăp hăng ih ră anai.”
38Gơ̆ laĭ: “Ơ Khua, kâo đaŏ.” Laih anŭn ñu bon kơkuh ƀơi anăp Yêsu.
39Yêsu laĭ: “Kâo hmâo rai laih pơ lŏn tơnah kiăng phat kơđi, kiăng kơ mơnuih bum dưi thâo ƀuh, laih anŭn mơnuih thâo ƀuh jing hĭ bum mơta.”
40Đơđa ƀing Pharisi dŏ giăm Ñu hmư̆ tơlơi anŭn, laih anŭn gơñu tơña kơ Yêsu: “Hyư̆m ƀing gơmơi ăt jing mơnuih bum mơ̆n hă?”
41Yêsu laĭ glaĭ: “Tơdah ƀing gih bum mơta, ƀing gih ƀu hmâo tơlơi soh ôh; samơ̆ yua kơ ƀing gih laĭ: ‘Gơmơi ƀuh,’ tui anŭn yơh tơlơi soh ƀing gih ăt dŏ.”
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2016 United Bible Societies. All rights reserved.