Yela 1
1
Yela tɔn loɡle
(Yela 1—41)
1Nɛra baa wola nɛnchɔɡa
we-ɛɛla ta teŋɛ,
baa wola waa
wechɔɡ-ɛɛra aa dɛ ɛ ɛ,
kɛɛ baa wola banɔ la
baa dɛ mamɛ
Korowii nɛɛ jae la,
ba na som.
2Ba sie dɛ lɛ Korowii waa ta,
dɛɛ hweli o Mmara la
chɔɔ ne jwaana.
3Ba do kɛŋɔ daa
baa duu
bela waa sɔna,
saŋ bɛlbwa o dɛ nɔnɛ
o saŋ ta,
o papooni ɡe aa chure bwa.
A ɡɛ nɛra la wobɛlbwa
baa ɛ dɛ́ do wer.#Jer 17:8
4Gɛ laa nɛnchɔɡa la te do,
ba waa do kɛŋɔ haahra,
peu yon ta
dɛ́ kaa ane la ken.
5Awola tɔpere Korowii
aa bol nɛra waa la,
nɛnchɔɡa aa won che o sie,
baa nɛra ba wa
aa toɡra nɛɛ ja.
6Korowii dɛ nyiŋi nɛra
ba wa aa toɡra nɛ,
kɛ nɛnchɔɡa ŋwɛnɛre te,
a dɛ kaa ba ne seo ta.
Kasalukuyang Napili:
Yela 1: mzw
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.