Matayo 10
10
Yesu natuma abe:igisibwa bae ku rugeso
(Mk. 6:7-13; Lk. 9:1-6)
1Nabirikira abe:igisibwa bae ekumi na babiri, nabayana obuinga ku misambwa emijabi okujiirisya, no kuosya jindwara jo:ne no burwaririsi bwone. 2Amasi:na ga jintumwa ni ganu, Owo kwamba Simoni unu atogwaga Petero, na Andereya wabo, Yakobo wa Jebedayo na Yoana wabo. 3Filipo na Batolomayo, Tomaso na Matayo omutobesya, Yakobo wa Alifayo na Lebayo unu atogwaga Tadayo. 4Simoni Omukananayo, na Yuda Isikariote, unu amuromee iniku.
5Yesu nabatuma abo ekumi na babiri, nabaragirira ati, Mutaja kugenda mu njira ja bamaanga nakabee kuri kwingira mu misi ja Basamaria. 6Nawe akiri mugende ku na:ma jinu jaburire eja mu nyumba ya Israeli. 7Mbe murabaga nimuribata nimusimura ati, Obukama bwa mu rwire bwafugee. 8Muosyega abarwae, mwesyega abagenge, musu:rurega abafu:ye, muirisyega emisambwa. Mwayabirwe kutyo era, emwe one muyanega kutyo era. 9Mutagegaga jaabu amwi jimpirya amwi jiyera mu nsagwa jemwe. 10Amwi mutagegaga nsagwa ya rugendo nakabee jiri kanju ebiri, nakabee biri bikwirya, nakabee iri isimbo, kwo kuba unu kakora emirimu e:ire okuyabwa ebiryo byae. 11Nawe Omusi gwone amwi ruguyo rwone murengiragamo mubu:syebu:syega unu e:ire, muma:me omwo kukinga anu muriso:kerayo. 12Murengiraga mu nju mwake:syamo. 13Ikaba nyumba i:ire, omurembe gwemwe gube ku nyumba eyo. Nawe ikaba ite:ire, omurembe gwemwe gubasubire. 14No mu:nu wo:ne akarema okubakuma, amwi kungwa emisango jemwe, mukaso:ka mu nyumba eyo amwi mu musi ogwo, mukunune oruteri rwa mu bigere byemwe. 15Ni cimari enibabwira ati, ku rusiku rwa intambara i:si ya Sodoma na Gomora iri:gumirisyamo kukira omusi ogwo.
16Mbe nabatuma rwa ji:na:ma agati ye misege. Mubega no bwenge rwa jinjoka no bwororo rwa jinjiba. 17Nawe mwikenge aba:nu, kwo kuba baribasira mu bi:na, baribabuma mu mekofyanyisyo gebwe. 18Murisirwa imbere ya basi:ba na bakama kubwani kuba rusingiro ku bene na ku bamaanga. 19Nawe runu baribasira; mutariwa mwoyo ati ciryaika ki? amwi ati, Cirigamba kutiki? kwo kuba muriyabwa mu mwanya ogwo binu muryaika. 20Kwo kuba tari:mwe banu omwaika, nawe Omwoyo wa Esomwana niwe ka:ikirira mwimwe. 21Owa inda imwi arisira owabo okuja okwitwa, ne:semwene arisira Omwana wae, na ba:na bari:mukira abe:busi bebwe nibabe:ta. 22Aba:nu bo:ne baribasoka emwe kurwa risi:na ryani. Nawe unu ari:kome:sya kukinga ku bute:ro, niwe arikira. 23Nawe anu baribanya:sya mu musi ogwo, mwirukire mu gundi, kwo kuba ni cimari enibabwira ati, Mutariswisya misi ja Israeli kukinga anu ari:jira Omwana wo mu:nu. 24Omwiigisibwa atakukira omwiigisya, amwi omugaya atakukira esebugenyi. 25Omwiigisibwa kumwiire okuba rwo mwiigisya wae, no mugaya rwa esebugenyi. Bakaba batogere omwenemusi Belijebuli, ?batakukisyao aba mu musi gwae?
26Mbe, mutabo:bayaga, okuba gutariwo musango gunu gufundikiye gunu gutariswerurwa, amwi citariwo cinu cibisire cinu citarimenyeka. 27Cinu enibabwirira mu cisu:te, muca:ikirirega mu bweru. Na cinu omungwirwa mu kutwi, muca:ikirirega inguru ku nyumba. 28Amwi muto:bayaga banu abe:ta omubiri, nawe batakutura kwita omwoyo. Nawe mu:bayega unu katura okusimagisya omwoyo no mubiri byone mu muriro gunu gunyatasima. 29?Barukuyure batakukanwa babiri yera eta:nu? Nawe ne ye:ja:bo imwi itakugwa a:si Esomwana atendere. 30Na jifwiri ja ku mitwe jemwe jibarirwe jo:ne. 31Mbe mutaja ku:baya, emwe mukirire barukuyure aba:fu. 32Mbe mu:nu wo:ne unu arintogora imbere ya ba:nu, anye one ndimutogora imbere ya Rata unu ari mu rwire. 33Nawe unu wo:ne arinyiga:nira imbere ya ba:nu, anye one ndimwiga:nira imbere ya Rata unu ari mu rwire.
34Mute:ganirisya ati, ne:jire kure:ta murembe mu ca:ro. Nite:jire kure:ta murembe, nawe ne:jire kure:ta ecinyambutu. 35Kwo kuba ne:jire okuta:nya Omwana ne:semwene, no muyasya na nyiramwene, no muka-mwana na nyabuko. 36Na baremo bo mu:nu bariba ba mu nyumba yae. 37Unu kenda esemwene amwi nyiramwene kukira anye atanyiire, na unu kenda omumura amwi omuyasya kukira anye, atanyiire. 38Na unu atakugega omusaraba gwae nandu:ba inyuma yani, atanyiire. 39Unu kaonya obuanga bwae aribubusya, na unu kabusya obuanga bwae kubwani aribubona.
40Unu kabakuma emwe, kankuma anye, na unu kankuma anye, kamukuma unu antumire. 41Unu kakuma omuragi mwisi:na ryo muragi, ariyabwa omuyero gwo muragi. Na unu kakuma omurenge:resi mwisi:na ryo murenge:resi, ariyabwa omuyero gwo murenge:resi. 42No mu:nu wo:ne akamuyana oumwi kwabo abato:to okunywa ecikombe ca manji era amanyiriye, mwisi:na ryo mwiigisibwa, ni cimari enibabwira ati, omuyero gwae gutarimubura na katyari.
Kasalukuyang Napili:
Matayo 10: KIJ1960
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Kijita New Testament © The British and Foreign Bible Society and The Bible Society of Tanzania, 1960.
Matayo 10
10
Yesu natuma abe:igisibwa bae ku rugeso
(Mk. 6:7-13; Lk. 9:1-6)
1Nabirikira abe:igisibwa bae ekumi na babiri, nabayana obuinga ku misambwa emijabi okujiirisya, no kuosya jindwara jo:ne no burwaririsi bwone. 2Amasi:na ga jintumwa ni ganu, Owo kwamba Simoni unu atogwaga Petero, na Andereya wabo, Yakobo wa Jebedayo na Yoana wabo. 3Filipo na Batolomayo, Tomaso na Matayo omutobesya, Yakobo wa Alifayo na Lebayo unu atogwaga Tadayo. 4Simoni Omukananayo, na Yuda Isikariote, unu amuromee iniku.
5Yesu nabatuma abo ekumi na babiri, nabaragirira ati, Mutaja kugenda mu njira ja bamaanga nakabee kuri kwingira mu misi ja Basamaria. 6Nawe akiri mugende ku na:ma jinu jaburire eja mu nyumba ya Israeli. 7Mbe murabaga nimuribata nimusimura ati, Obukama bwa mu rwire bwafugee. 8Muosyega abarwae, mwesyega abagenge, musu:rurega abafu:ye, muirisyega emisambwa. Mwayabirwe kutyo era, emwe one muyanega kutyo era. 9Mutagegaga jaabu amwi jimpirya amwi jiyera mu nsagwa jemwe. 10Amwi mutagegaga nsagwa ya rugendo nakabee jiri kanju ebiri, nakabee biri bikwirya, nakabee iri isimbo, kwo kuba unu kakora emirimu e:ire okuyabwa ebiryo byae. 11Nawe Omusi gwone amwi ruguyo rwone murengiragamo mubu:syebu:syega unu e:ire, muma:me omwo kukinga anu muriso:kerayo. 12Murengiraga mu nju mwake:syamo. 13Ikaba nyumba i:ire, omurembe gwemwe gube ku nyumba eyo. Nawe ikaba ite:ire, omurembe gwemwe gubasubire. 14No mu:nu wo:ne akarema okubakuma, amwi kungwa emisango jemwe, mukaso:ka mu nyumba eyo amwi mu musi ogwo, mukunune oruteri rwa mu bigere byemwe. 15Ni cimari enibabwira ati, ku rusiku rwa intambara i:si ya Sodoma na Gomora iri:gumirisyamo kukira omusi ogwo.
16Mbe nabatuma rwa ji:na:ma agati ye misege. Mubega no bwenge rwa jinjoka no bwororo rwa jinjiba. 17Nawe mwikenge aba:nu, kwo kuba baribasira mu bi:na, baribabuma mu mekofyanyisyo gebwe. 18Murisirwa imbere ya basi:ba na bakama kubwani kuba rusingiro ku bene na ku bamaanga. 19Nawe runu baribasira; mutariwa mwoyo ati ciryaika ki? amwi ati, Cirigamba kutiki? kwo kuba muriyabwa mu mwanya ogwo binu muryaika. 20Kwo kuba tari:mwe banu omwaika, nawe Omwoyo wa Esomwana niwe ka:ikirira mwimwe. 21Owa inda imwi arisira owabo okuja okwitwa, ne:semwene arisira Omwana wae, na ba:na bari:mukira abe:busi bebwe nibabe:ta. 22Aba:nu bo:ne baribasoka emwe kurwa risi:na ryani. Nawe unu ari:kome:sya kukinga ku bute:ro, niwe arikira. 23Nawe anu baribanya:sya mu musi ogwo, mwirukire mu gundi, kwo kuba ni cimari enibabwira ati, Mutariswisya misi ja Israeli kukinga anu ari:jira Omwana wo mu:nu. 24Omwiigisibwa atakukira omwiigisya, amwi omugaya atakukira esebugenyi. 25Omwiigisibwa kumwiire okuba rwo mwiigisya wae, no mugaya rwa esebugenyi. Bakaba batogere omwenemusi Belijebuli, ?batakukisyao aba mu musi gwae?
26Mbe, mutabo:bayaga, okuba gutariwo musango gunu gufundikiye gunu gutariswerurwa, amwi citariwo cinu cibisire cinu citarimenyeka. 27Cinu enibabwirira mu cisu:te, muca:ikirirega mu bweru. Na cinu omungwirwa mu kutwi, muca:ikirirega inguru ku nyumba. 28Amwi muto:bayaga banu abe:ta omubiri, nawe batakutura kwita omwoyo. Nawe mu:bayega unu katura okusimagisya omwoyo no mubiri byone mu muriro gunu gunyatasima. 29?Barukuyure batakukanwa babiri yera eta:nu? Nawe ne ye:ja:bo imwi itakugwa a:si Esomwana atendere. 30Na jifwiri ja ku mitwe jemwe jibarirwe jo:ne. 31Mbe mutaja ku:baya, emwe mukirire barukuyure aba:fu. 32Mbe mu:nu wo:ne unu arintogora imbere ya ba:nu, anye one ndimutogora imbere ya Rata unu ari mu rwire. 33Nawe unu wo:ne arinyiga:nira imbere ya ba:nu, anye one ndimwiga:nira imbere ya Rata unu ari mu rwire.
34Mute:ganirisya ati, ne:jire kure:ta murembe mu ca:ro. Nite:jire kure:ta murembe, nawe ne:jire kure:ta ecinyambutu. 35Kwo kuba ne:jire okuta:nya Omwana ne:semwene, no muyasya na nyiramwene, no muka-mwana na nyabuko. 36Na baremo bo mu:nu bariba ba mu nyumba yae. 37Unu kenda esemwene amwi nyiramwene kukira anye atanyiire, na unu kenda omumura amwi omuyasya kukira anye, atanyiire. 38Na unu atakugega omusaraba gwae nandu:ba inyuma yani, atanyiire. 39Unu kaonya obuanga bwae aribubusya, na unu kabusya obuanga bwae kubwani aribubona.
40Unu kabakuma emwe, kankuma anye, na unu kankuma anye, kamukuma unu antumire. 41Unu kakuma omuragi mwisi:na ryo muragi, ariyabwa omuyero gwo muragi. Na unu kakuma omurenge:resi mwisi:na ryo murenge:resi, ariyabwa omuyero gwo murenge:resi. 42No mu:nu wo:ne akamuyana oumwi kwabo abato:to okunywa ecikombe ca manji era amanyiriye, mwisi:na ryo mwiigisibwa, ni cimari enibabwira ati, omuyero gwae gutarimubura na katyari.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Kijita New Testament © The British and Foreign Bible Society and The Bible Society of Tanzania, 1960.