Matayo 10
10
Yesu atuma abeegi babe ehumi nʼababiri
(Mar 3:13-19; Luk 6:12-16; Mar 6:7-13; Luk 9:1-6)
1Nga lulala Yesu alanga abeegi babe ehumi nʼababiri batiine aŋa gaali, ngʼabaŋa obuŋangi ohubbinganga emisambwa hu baatu era baŋonie hiisi bulwaye. 2Abahwenda babe abo ehumi nʼababiri mba bano: asooka nje Simooni oyu balanga erindi baati Peetero ni mugandaawe Andereya; ko ni Yakobbo ni mugandaawe Yowaane abasaani ba Zebbedaayo; 3Filipo ni Bbatulumaayo ni Matayo omuŋoosa ni Tomasi ni Yakobbo omusaani wʼAlufaayo; ni Sadaayo 4ni Simooni Omuzelote,#10:4 Omuzelote Omuzelote njʼowaali omuutu asolerera ohweŋuga hwʼegwanga lyawe. ko ni Yuda Yisikaryoti owalya mu Yesu oluhwe.
5Yesu gatuma abahwenda abo nabalaabbira ati, “Mutatiina mu Batali Bayudaaya, oba ohwingira mu hibuga hyʼAbasamaliya hyosihyosi. 6Aye mutiine eyiri abaatu ba Yisirayiri abaagota. 7Mutiine mubalome muuti; ‘Obuŋugi bwomwigulu bwegereeye ŋaapi.’ 8Era muŋonie abalwaye, mulamuse abafu, muŋonie abali nʼebigenge, mubbinge emisambwa hu baatu. Musunire obuŋangi obwo huwereere era mwesi mubutambisenga huwereere. 9Mu lugendo luno, mutagega bbeesa josijosi mu saŋu jenywe. 10Mutagega ehihapu oba ehyohwambala ehyohubiri oba omugogo gwʼengayito ogwohubiri oba omuhoomero#10:10 Omuutu geyedesanga omuhoomero ohutetega hugwa nʼagenda mu ngira ejaali eja gabaale nʼohwehumisa singa aba gagaane esolo ekambwe. olwohuba omutambi asaanira bamuŋe ebi genda.#1 Kor 9:14; 1 Tem 5:18
11“Hiisi hibuga oba mu hyalo eyi munolenga, mwendulirisanga omuutu aŋanga ohubasangaalira nga mumenya mu mago gage ohwola olu museebuha. 12Ni mwingiranga mu mago omwo, mubasabiranga ekabi. 13Abomu mago ago banabasangaalira, ekabi eji mubalombeeye jinabenga ni nabo. Aye banagaana ohubasangaalira, ekabi jenywe jibagoboleranga. 14Ni mwolanga mu mago aŋaatu oba mu hibuga, ndibabasangaalira oba bagaana ohuŋuliirisa ebi mubaloma, nga muŋwaŋo. Era ni muba ni muŋwaŋo, mwekukumulangaho efuuhe mu magulu, habe habonero ahalaga ohulabula ohuŋwa eyiri Hatonda.#Bik 13:51 15Mbalomera ehituufu ti hu ludaalo olwʼohusaliraho emisango, baliŋa abaatu bomu Sodoma ni Gomora ehibonereso ehiriho obudemwademwa ohuhira abomu hibuga ehyo.”
Ohuhiyaania ohulibaŋo
(Mar 13:9-13; Luk 21:12-17)
16Nga Yesu geyongera aloma ati, “Mbatuma aye mwehuume olwohuba eyi mbatuma muja huba hyʼenyana jʼetaama mu nalaŋa. Olwʼehyo mube bagesigesi mwehuume hyʼetemu era mube bawombeefu hyʼeŋuusi.#Luk 10:3 17Mubeŋo ni muhimanyire era ni mwetegehire, olwohuba balibaŋamba babaŋaayo mu mbuga jʼamagambi era balibahubbira mu mahumbaaniro gaawe. 18Balibemeha ohuŋosya mu mbuga jʼabaami neja bahabaha olwohuba baloobera bange. Hino hiribaleetera enywe ohulomera abaŋugi abo nʼAbatali Bayudaaya Amaŋuliro Amalaŋi agapambaho. 19Aye ni banabaŋambenga babaŋira mu mbuga jaawe, simweŋendehereranga ehi munalome oba ngʼolu munahirome. Olwohuba mu hiseera ehyo, Hatonda anabaŋenga ehyʼohuloma. 20Era simuja huba ndinywe omuloma aye ebibono ebi muja hulomanga bija huba byʼOmwoyo Omutukuvu owa Senywe ali mwigulu.
21“Mu hiseera ehyo, abalebe baja hulyanganamo oluhwe owundi gaŋayo owahye ohumwita, nʼabasaawe bʼabaana boosi baliŋaayo abaana baawe. Abaana balijeemera abasaaye baawe era bahena babaŋaayo ohubeeta.#Mar 13:12; Luk 21:16 22Era enywe, abaatu bosibosi balibacaawa olwohuba baloobera bange. Aye oyo aligumira ebigosi ohwola hu komerero, njʼalinoŋoha. 23Munatiina aŋaatu babahiyaania, mudulumiranga aŋandi. Mbalomera ehituufu ti; simulihenaho bibuga ebyomu Yisirayiri Omwana wʼOmuutu nʼatagobola.
24“Omusomi saahira musomesa wuwe eŋono era eŋuma omwidu ahiraho musengwawe.#Luk 6:40; Yow 13:16; 15:20 25Omusomi saali nʼohweŋunja singa bamubisya ngʼolu babisya omusomesa wuwe, mu ngeri njʼenyene nʼomwidu yeesi saali nʼohweŋunja banaba ni bamubisya ngʼolu babisya musengwawe. Obanga omwene mago bamulanga Bbeluzebbuli,#10:25 Bbeluzebbuli Sitaani aŋandi bamulanga baati “omuhulu wʼemisambwa.” hiina ehibataliranga abomu mago gage!”#Mat 9:34; 12:24; Mar 3:22; Luk 11:15
Oyu baatu bali nʼohutya
(Luk 12:2-9)
26Nga Yesu geyongera aloma ati, “Olwʼehyo simweŋendehereranga olwʼabaatu hyʼabo abalibahiyaania, olwohuba hiisi ehi bahweha balihigundula era ehiitu ehi bagisa hiryeta aŋalafu.#Mar 4:22; Luk 8:17 27Byosibyosi ebi mbalomera mu wiire mubiromanga mu muusi etangalwe. Ehi babaŋweŋweterera mu hutwi, mubibbutulanga mu lwijuuye.
28“Mutatyanga abo abeeta omubiri hyonyene. Mutyenga nje Hatonda olwohuba ali nʼobuŋangi ohusihiirisa obulamu nʼomubiri mu muliro ogutasima. Oyo njʼoyu muli nʼohutyanga.
29“Obuyuni bubiri bulimo ebbeesa#10:29 ebbeesa Mu Luyonaani jaali “Asalyoni” ndala. Asalyoni njʼahabbeesa ahaali ahʼomuŋendo oguhirirayo erala obudiidiri omutambi ahagasunanga mu ludaalo. totono nyene aye eŋuma wayire halala hubwo ahafa, Senywe ali mwigulu nʼatendire. 30Era ni nenywe mwesi, Hatonda amanyire nʼobungi wʼefiiri ejiri hu mitwe jenywe. 31Kale muteŋendehereranga, olwohuba muli bamuŋendo nʼohuhiraho obuyuni obwo eduuli.
32“Hiisi oyu esoni jitaŋamba ohwatula mu abaatu ati gaafugiirira, keesi ndyatula mu moni ja Bbaabba ali mwigulu ti muutu wange. 33Aye oyo oyu soni jiŋamba ohwatula mu baatu ati gaafugiirira, keesi ndimwegaana mu moni ja Bbaabba ali mwigulu.”#2 Tem 2:12
Si miyaaya aye talo
(Luk 12:51-53; 14:26-27)
34Nga Yesu geyongera ohuloma ati, “Mutaŋeega muuti naaja huleeta miyaaya hu hyalo. Sinaaja huleeta miyaaya aye etalo.#10:34 etalo Oba epiima. 35Hiri hiityo olwohuba naaja ohwabuhania
“omwana omuseere ni semwana,
omwana muhaana ni nyina,
omulya ni masaalawe.#Mik 7:6
36Era abalabe bʼomuutu
baja huba bomu mago gage ameene.”
37Nga Yesu aloma ati, “Omuutu yesiyesi owenda semwana oba nyina oba abaana babe ohuhiraho ngʼolu ganyenda ese, saasanira huba muloobera wange. 38Hiisi owenda ohuba omuloobera wange, ali nʼohwefiirisa gagega omusalabba gugwe gagendanga ni neese.#Mat 16:24; Mar 8:34; Luk 9:23 39Hiisi owehenerera obulamu wuwe, alibufiirwa aye hiisi afiirwa obulamu wuwe hu lwange, alibunoŋola.”#Mat 16:25; Mar 8:35; Luk 9:24; 17:33; Yow 12:25
Omuhemba ohuŋwa eyiri Hatonda
(Mar 9:41)
40Ngʼaŋo Yesu aloma abeegi babe ati, “Hiisi abasangaalira aba asangaaliiye ndiise, era hiisi owusangaalira aba asangaliiye oyo owaatuma.#Mar 9:37; Luk 9:48; 10:16; Yow 13:20 41Hiisi asangaalira naabbi olwohuba naabbi, alisuna omuhemba hyʼogwa naabbi. Era hiisi asangaalira omuutu omugwalaafu olwohuba omuutu oyo mugwalaafu, alisuna omuhemba hyʼogwoyo omugwalaafu. 42Mbalomera ehituufu ti, singa omuutu yesiyesi aŋa mulala hu beegi bange bano omwendo gwʼamaaji, olwohuba oyu baŋa muloobera wange wayire nga njʼasembayo ohuba wʼeŋono, mu hiisi ngeri Hatonda alisasula omuutu oyo.”
Kasalukuyang Napili:
Matayo 10: NUJ
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© (Active), Wycliffe Bible Translators, Inc. All rights reserved.
Matayo 10
10
Yesu atuma abeegi babe ehumi nʼababiri
(Mar 3:13-19; Luk 6:12-16; Mar 6:7-13; Luk 9:1-6)
1Nga lulala Yesu alanga abeegi babe ehumi nʼababiri batiine aŋa gaali, ngʼabaŋa obuŋangi ohubbinganga emisambwa hu baatu era baŋonie hiisi bulwaye. 2Abahwenda babe abo ehumi nʼababiri mba bano: asooka nje Simooni oyu balanga erindi baati Peetero ni mugandaawe Andereya; ko ni Yakobbo ni mugandaawe Yowaane abasaani ba Zebbedaayo; 3Filipo ni Bbatulumaayo ni Matayo omuŋoosa ni Tomasi ni Yakobbo omusaani wʼAlufaayo; ni Sadaayo 4ni Simooni Omuzelote,#10:4 Omuzelote Omuzelote njʼowaali omuutu asolerera ohweŋuga hwʼegwanga lyawe. ko ni Yuda Yisikaryoti owalya mu Yesu oluhwe.
5Yesu gatuma abahwenda abo nabalaabbira ati, “Mutatiina mu Batali Bayudaaya, oba ohwingira mu hibuga hyʼAbasamaliya hyosihyosi. 6Aye mutiine eyiri abaatu ba Yisirayiri abaagota. 7Mutiine mubalome muuti; ‘Obuŋugi bwomwigulu bwegereeye ŋaapi.’ 8Era muŋonie abalwaye, mulamuse abafu, muŋonie abali nʼebigenge, mubbinge emisambwa hu baatu. Musunire obuŋangi obwo huwereere era mwesi mubutambisenga huwereere. 9Mu lugendo luno, mutagega bbeesa josijosi mu saŋu jenywe. 10Mutagega ehihapu oba ehyohwambala ehyohubiri oba omugogo gwʼengayito ogwohubiri oba omuhoomero#10:10 Omuutu geyedesanga omuhoomero ohutetega hugwa nʼagenda mu ngira ejaali eja gabaale nʼohwehumisa singa aba gagaane esolo ekambwe. olwohuba omutambi asaanira bamuŋe ebi genda.#1 Kor 9:14; 1 Tem 5:18
11“Hiisi hibuga oba mu hyalo eyi munolenga, mwendulirisanga omuutu aŋanga ohubasangaalira nga mumenya mu mago gage ohwola olu museebuha. 12Ni mwingiranga mu mago omwo, mubasabiranga ekabi. 13Abomu mago ago banabasangaalira, ekabi eji mubalombeeye jinabenga ni nabo. Aye banagaana ohubasangaalira, ekabi jenywe jibagoboleranga. 14Ni mwolanga mu mago aŋaatu oba mu hibuga, ndibabasangaalira oba bagaana ohuŋuliirisa ebi mubaloma, nga muŋwaŋo. Era ni muba ni muŋwaŋo, mwekukumulangaho efuuhe mu magulu, habe habonero ahalaga ohulabula ohuŋwa eyiri Hatonda.#Bik 13:51 15Mbalomera ehituufu ti hu ludaalo olwʼohusaliraho emisango, baliŋa abaatu bomu Sodoma ni Gomora ehibonereso ehiriho obudemwademwa ohuhira abomu hibuga ehyo.”
Ohuhiyaania ohulibaŋo
(Mar 13:9-13; Luk 21:12-17)
16Nga Yesu geyongera aloma ati, “Mbatuma aye mwehuume olwohuba eyi mbatuma muja huba hyʼenyana jʼetaama mu nalaŋa. Olwʼehyo mube bagesigesi mwehuume hyʼetemu era mube bawombeefu hyʼeŋuusi.#Luk 10:3 17Mubeŋo ni muhimanyire era ni mwetegehire, olwohuba balibaŋamba babaŋaayo mu mbuga jʼamagambi era balibahubbira mu mahumbaaniro gaawe. 18Balibemeha ohuŋosya mu mbuga jʼabaami neja bahabaha olwohuba baloobera bange. Hino hiribaleetera enywe ohulomera abaŋugi abo nʼAbatali Bayudaaya Amaŋuliro Amalaŋi agapambaho. 19Aye ni banabaŋambenga babaŋira mu mbuga jaawe, simweŋendehereranga ehi munalome oba ngʼolu munahirome. Olwohuba mu hiseera ehyo, Hatonda anabaŋenga ehyʼohuloma. 20Era simuja huba ndinywe omuloma aye ebibono ebi muja hulomanga bija huba byʼOmwoyo Omutukuvu owa Senywe ali mwigulu.
21“Mu hiseera ehyo, abalebe baja hulyanganamo oluhwe owundi gaŋayo owahye ohumwita, nʼabasaawe bʼabaana boosi baliŋaayo abaana baawe. Abaana balijeemera abasaaye baawe era bahena babaŋaayo ohubeeta.#Mar 13:12; Luk 21:16 22Era enywe, abaatu bosibosi balibacaawa olwohuba baloobera bange. Aye oyo aligumira ebigosi ohwola hu komerero, njʼalinoŋoha. 23Munatiina aŋaatu babahiyaania, mudulumiranga aŋandi. Mbalomera ehituufu ti; simulihenaho bibuga ebyomu Yisirayiri Omwana wʼOmuutu nʼatagobola.
24“Omusomi saahira musomesa wuwe eŋono era eŋuma omwidu ahiraho musengwawe.#Luk 6:40; Yow 13:16; 15:20 25Omusomi saali nʼohweŋunja singa bamubisya ngʼolu babisya omusomesa wuwe, mu ngeri njʼenyene nʼomwidu yeesi saali nʼohweŋunja banaba ni bamubisya ngʼolu babisya musengwawe. Obanga omwene mago bamulanga Bbeluzebbuli,#10:25 Bbeluzebbuli Sitaani aŋandi bamulanga baati “omuhulu wʼemisambwa.” hiina ehibataliranga abomu mago gage!”#Mat 9:34; 12:24; Mar 3:22; Luk 11:15
Oyu baatu bali nʼohutya
(Luk 12:2-9)
26Nga Yesu geyongera aloma ati, “Olwʼehyo simweŋendehereranga olwʼabaatu hyʼabo abalibahiyaania, olwohuba hiisi ehi bahweha balihigundula era ehiitu ehi bagisa hiryeta aŋalafu.#Mar 4:22; Luk 8:17 27Byosibyosi ebi mbalomera mu wiire mubiromanga mu muusi etangalwe. Ehi babaŋweŋweterera mu hutwi, mubibbutulanga mu lwijuuye.
28“Mutatyanga abo abeeta omubiri hyonyene. Mutyenga nje Hatonda olwohuba ali nʼobuŋangi ohusihiirisa obulamu nʼomubiri mu muliro ogutasima. Oyo njʼoyu muli nʼohutyanga.
29“Obuyuni bubiri bulimo ebbeesa#10:29 ebbeesa Mu Luyonaani jaali “Asalyoni” ndala. Asalyoni njʼahabbeesa ahaali ahʼomuŋendo oguhirirayo erala obudiidiri omutambi ahagasunanga mu ludaalo. totono nyene aye eŋuma wayire halala hubwo ahafa, Senywe ali mwigulu nʼatendire. 30Era ni nenywe mwesi, Hatonda amanyire nʼobungi wʼefiiri ejiri hu mitwe jenywe. 31Kale muteŋendehereranga, olwohuba muli bamuŋendo nʼohuhiraho obuyuni obwo eduuli.
32“Hiisi oyu esoni jitaŋamba ohwatula mu abaatu ati gaafugiirira, keesi ndyatula mu moni ja Bbaabba ali mwigulu ti muutu wange. 33Aye oyo oyu soni jiŋamba ohwatula mu baatu ati gaafugiirira, keesi ndimwegaana mu moni ja Bbaabba ali mwigulu.”#2 Tem 2:12
Si miyaaya aye talo
(Luk 12:51-53; 14:26-27)
34Nga Yesu geyongera ohuloma ati, “Mutaŋeega muuti naaja huleeta miyaaya hu hyalo. Sinaaja huleeta miyaaya aye etalo.#10:34 etalo Oba epiima. 35Hiri hiityo olwohuba naaja ohwabuhania
“omwana omuseere ni semwana,
omwana muhaana ni nyina,
omulya ni masaalawe.#Mik 7:6
36Era abalabe bʼomuutu
baja huba bomu mago gage ameene.”
37Nga Yesu aloma ati, “Omuutu yesiyesi owenda semwana oba nyina oba abaana babe ohuhiraho ngʼolu ganyenda ese, saasanira huba muloobera wange. 38Hiisi owenda ohuba omuloobera wange, ali nʼohwefiirisa gagega omusalabba gugwe gagendanga ni neese.#Mat 16:24; Mar 8:34; Luk 9:23 39Hiisi owehenerera obulamu wuwe, alibufiirwa aye hiisi afiirwa obulamu wuwe hu lwange, alibunoŋola.”#Mat 16:25; Mar 8:35; Luk 9:24; 17:33; Yow 12:25
Omuhemba ohuŋwa eyiri Hatonda
(Mar 9:41)
40Ngʼaŋo Yesu aloma abeegi babe ati, “Hiisi abasangaalira aba asangaaliiye ndiise, era hiisi owusangaalira aba asangaliiye oyo owaatuma.#Mar 9:37; Luk 9:48; 10:16; Yow 13:20 41Hiisi asangaalira naabbi olwohuba naabbi, alisuna omuhemba hyʼogwa naabbi. Era hiisi asangaalira omuutu omugwalaafu olwohuba omuutu oyo mugwalaafu, alisuna omuhemba hyʼogwoyo omugwalaafu. 42Mbalomera ehituufu ti, singa omuutu yesiyesi aŋa mulala hu beegi bange bano omwendo gwʼamaaji, olwohuba oyu baŋa muloobera wange wayire nga njʼasembayo ohuba wʼeŋono, mu hiisi ngeri Hatonda alisasula omuutu oyo.”
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© (Active), Wycliffe Bible Translators, Inc. All rights reserved.