Matayo 5
5
Yesu asomehesa hu lusozi
(Luk 6:20-23)
1Lulala, Yesu ni gabona ehiŋindi hyʼabaatu, gatiina hu lusozi nga geehala. Ngʼaŋo abeegi babe batiina aŋa gaali, 2ngʼatandiha ohubasomesa ati,
3“Bali nʼekabi abo abamanyire
baati benda Hatonda abayeede,
olwohuba njʼaba genda babe mu buŋugi buwe.
4Bali nʼekabi abalira hatyane;
olwohuba Hatonda alibagumyagumya.#Yis 61:2
5Bali nʼekabi abo abawombeefu;
olwohuba Hatonda alibaŋa ehyalo hino,
nʼebiraŋi byosibyosi ebi abendesa.#Zab 37:11
6Bali nʼekabi abayala era abʼenduŋo eruma
olwʼohwenda ohuhola ebi Hatonda genda,
olwohuba banahegute.#Yis 55:1-2
7Bali nʼekabi abo abali nʼehisa;
olwohuba Hatonda alibaŋambira ehisa.
8Bali nʼekabi abo abali nʼemyoyo emigwalaafu;
olwohuba balibona Hatonda moni hu moni.#Zab 24:3-4
9Bali nʼekabi abo abenda emiyaaya;
olwohuba balifuuha baana ba Hatonda.
10Bali nʼekabi abo ababahiyaania
olwʼohwenda ohuhola ebi Hatonda genda;
olwohuba abo mbaba genda babe mu buŋugi buwe.#1 Peet 3:14
11“Muli nʼekabi ni banabaduhenga, babahiyaania era babaŋayirisa hiisi hibi olwohuba baloobera bange.#1 Peet 4:14 12Musangaalenga era musaŋalyenga olwohuba muli nʼomuhemba mubba mwigulu. Mu ngeri njʼenyene nʼabanaabbi boosi babahiyaania.#2 Liŋo 36:16; Bik 7:52
Omunyu nʼenjase
(Mar 9:50; Luk 14:34-35)
13“Muli hyʼomunyu omuherehe mu hyalo muno. Aye singa omunyu gufuuha heresu, oŋanga otye ohugugobosamo obunoli nindi? Guba gubula mugaso ohutusaho ohugudanya ngʼabaatu bagutyakirira.#Mar 9:50; Luk 14:34-35
14“Enywe muli hyʼenjase mu hyalo muno emulihira hiisi muutu era muboneherera hyʼehibuga ehi batongola hu lusozi. 15Era omuutu saaŋambya taala gayifunihira mu hisero oba gayita mu kuliiti aye ayita hu hihondo aŋa yinaaŋe hiisi muutu ali mu nyumba enjase.#Mar 4:21; Luk 8:16 16Mu ngeri njʼenyene, mube hyʼenjase eyiri abaatu, ko bajumiryenga Senywe ali mwigulu ni babona ebikolwa byenywe ebiraŋi.#1 Peet 2:12
Ohwoheresa amagambi
17“Mutaŋeega muuti naaja hudibya magambi aga baŋa Musa oba ebi banaabbi baŋandiiha. Sinaaja hubidibya kadi, aye ohubyoheresa. 18Mbalomera ehituufu ti, ohutusaho ngʼegulu nʼehyalo biŋoyeeŋo, ŋabula hanjikuta huŋwa hu magambi ga Hatonda, ohwola olu byosibyosi bija hwolerera.#Luk 16:17
19“Olwʼehyo, omuutu yesiyesi abbwaga erala hu magambi wayire erisingayo obutono ohuba lyʼomugaso era gasomesa nʼabandi ohuhola cʼehyene, omuutu oyo njʼalisembayo ohutaba wʼomugaso mu buŋugi wa Hatonda. Aye oyo aŋamba ebiragiro era gabisomesa nʼabandi, aja huba muhulu mu buŋugi buwe. 20Era mbalomera ti; ohutusaho nga muholire ebi Hatonda genda ohuhiraho ngʼolu basomesa bʼamagambi ga Hatonda nʼAbafalisaayo bahola, simulingira mu buŋugi buwe.
Obusungu
(Luk 12:57-59)
21“Mwaŋulira muuti Hatonda gaaloma abaatu abahalehale ati, ‘Siwiitanga muutu wahyo. Era omuutu yesiyesi owiita, balimusalira omusango.’ 22Aye ese mbaloma ti; hiisi aluŋira owahye, balimusalira omusango. Nindi oyo aloma owahye ati, ‘Oboneha hirangi,’ bamuŋaŋabira mu Luhiiho lwʼAbayudaaya Olubbala. Era hiisi aloma owahye ati, ‘Musiru ewe,’ balimudanya mu muliro namehere ogutasima.
23“Olwʼehyo, nʼobanga nʼoŋira eŋongo yiyo eyiri Hatonda hu hituuti, ne wahebulira oti mulebewo ali nʼehyahwemulugunyaho, 24olehanga aŋo eŋongo liryo ŋa hituuti, watiina watabagana ni naye, ko wagobola waliŋayo.
25“Singa ŋabaŋo ahuŋaŋabira, nʼaba nʼahuŋira mu mbuga fuba nʼamaani mufugiirisanie ni muhiiri mu ngira. Ne ni mutafugiirisania, nʼalihwosa mu moni wʼomulamuzi, balihusalira omusango bahena bahuŋayo eyiri omuhulu wʼabasirikale bahudanye mu komera. 26Kulomera ehituufu ti, sooliŋwa mu komera ohutusaho nʼosasuuye ebbeesa josijosi eji ahubanja.
Obuhwedi
27“Mwaŋulira muuti amagambi aga baŋa Musa galoma gaati, ‘Soholanga buhwedi.’#Huŋ 20:14; Mag 5:18 28Aye mbaloma ti omuutu yesiyesi aheja hu muhasi gamwegomba, aba ahenire ohuhola obuhwedi mu mwoyo gugwe. 29Olwʼehyo hanye emoni yiyo eyʼohu muhono omulungi njʼehuleetera ohuhola ehibi, yomoleemo oyidanye. Hiraŋi obe wa moni ndala aye wingire mu buŋugi wa Hatonda, ohuhira olu osigasa emoni jombi, aye bahudanya mu hifo omu oja husihiirihira.#Mat 18:9; Mar 9:47 30Era hanye omuhono gugwo omulungi njʼoguhuleetera ohuhola ehibi, gutemeeho ogudanye. Hiraŋi ohufiirwa hirala hu bitundu byʼomubiri gugwo aye osune obulamu obutaŋwaŋo ohuhira olu badanya omubiri gugwo gwosigwosi mu hifo omu oja husihiirihira.#Mat 18:8; Mar 9:43
Ohwabuhana hwʼabafumbo
(Mat 19:9; 5:32; Mar 10:11-12; Luk 16:18)
31“Mwaŋulira muuti amagambi aga baŋa Musa galoma gaati, ‘Omuutu yesiyesi abbinga omuhasi wuwe, amuŋanga ebbaluŋa eyihahasa yiiti amubbingire.’#Mag 24:1-4; Mar 10:4 32Aye ese mbaloma ti, hiisi abbinga omuhasi wuwe, ohutusaho olwʼobuhwedi, amuleetera ohuhola obuhwedi. Era omuutu yesiyesi afumbirwa oyu babbingire, aba ahola obuhwedi.#5:32 obuhwedi Ebyaŋandihiwa ebindi ebyahale biŋuma bibono ebyo.
Ohulayira
33“Era nindi mwaŋulira muuti baaloma abahalehale baati, ‘Soolayiranga wereere aye woheresanga ebi wasuubisa Hatonda Musengwa.’#Leev 19:12; Hub 30:2; Mag 23:21 34Aye mbaloma ti mutalayiranga wayire lulala oba ohulayira mbo muuti, ‘Mu mazima aga Hatonda ali mwigulu,’ olwohuba njʼetebe ya Hatonda, 35oba ehyalo, olwohuba Hatonda njʼohwata amagulu gage, oba ni mutangirisa ehibuga Yerusaalemu, olwohuba njʼehibuga hya Habaha Ohihenaho.#Yis 66:1; Zab 48:2 36Era soolayiranga wasinga nʼomutwe gugwo, olwohuba oguŋumaho buŋangi, ohufuula wayire olufiiri lulala ohuba luhosa oba lumali. 37Olwʼehyo, onaba nʼonahole ehiitu, loma oti, ‘Nahihole’ oba oti, ‘Bbe sinahihole.’ Ehiitu hyosihyosi ehihiraho aŋo hiba hiŋwa eyiri hibooyi Sitaani.
Esomesa eŋamba hu hwegalula
(Luk 6:29-30)
38“Mwaŋulira muuti baaloma abahalehale baati, ‘Singa omuutu ahukosa emoni, weesi mukose moni, linaba liino weesi omukosa liino.’#Huŋ 21:24; Leev 24:20; Mag 19:21 39Aye mbaloma ti; siwegalulanga. Era omuutu nʼahuhubbanga oluŋi hwitama, mucuuhise ahubbe nʼohulindi lyosi. 40Era singa omuutu ahuŋira mu mbuga ni genda ahunyageho esaati yiyo, omuŋanga nʼekooti yoosi. 41Era singa omuutu ahuŋalirisa ohumugegera ebiitu emayiro ndala, bimugegere emayiro ebiri. 42Singa omuutu ahusunga ehiitu, omuŋanga, era ni bayo owenda ohumuŋola, omuŋolanga.
Ohwenda abalabe
(Luk 6:27-28,32-36)
43“Mwaŋulira muuti baaloma abahalehale baati, ‘Yendanga omuutu wahyo, aye ocaawenga omulabe wuwo.’#Leev 19:18 44Ne mbaloma ti, mwendenga abalabe benywe era mulomberenga abo ababahiyaania, 45ko muŋange ohuba abaana ba Senywe ali mwigulu. Olwohuba gaduhisa abalaŋi nʼababi omumwi era agwisa efula ewʼabahola ebiraŋi ko nʼabahola ebibi. 46Ni munendenga ababenda boŋene, ehyo hibaŋeesa kabi hi? Nʼabaŋoosa aba muloma ti bali nʼebibi boosi benda ababenda. 47Era singa muheesa abalebe benywe boŋene, ehi muba ni muholire hiba hihiriraho ŋe ehyʼabandi? NʼAbatali Bayudaaya boosi po bahola. 48Olwʼehyo, enywe muli nʼohuba besigwa mu huhola ebiraŋi ngʼolu Senywe ali mwigulu ali mwesigwa.”
Kasalukuyang Napili:
Matayo 5: NUJ
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© (Active), Wycliffe Bible Translators, Inc. All rights reserved.
Matayo 5
5
Yesu asomehesa hu lusozi
(Luk 6:20-23)
1Lulala, Yesu ni gabona ehiŋindi hyʼabaatu, gatiina hu lusozi nga geehala. Ngʼaŋo abeegi babe batiina aŋa gaali, 2ngʼatandiha ohubasomesa ati,
3“Bali nʼekabi abo abamanyire
baati benda Hatonda abayeede,
olwohuba njʼaba genda babe mu buŋugi buwe.
4Bali nʼekabi abalira hatyane;
olwohuba Hatonda alibagumyagumya.#Yis 61:2
5Bali nʼekabi abo abawombeefu;
olwohuba Hatonda alibaŋa ehyalo hino,
nʼebiraŋi byosibyosi ebi abendesa.#Zab 37:11
6Bali nʼekabi abayala era abʼenduŋo eruma
olwʼohwenda ohuhola ebi Hatonda genda,
olwohuba banahegute.#Yis 55:1-2
7Bali nʼekabi abo abali nʼehisa;
olwohuba Hatonda alibaŋambira ehisa.
8Bali nʼekabi abo abali nʼemyoyo emigwalaafu;
olwohuba balibona Hatonda moni hu moni.#Zab 24:3-4
9Bali nʼekabi abo abenda emiyaaya;
olwohuba balifuuha baana ba Hatonda.
10Bali nʼekabi abo ababahiyaania
olwʼohwenda ohuhola ebi Hatonda genda;
olwohuba abo mbaba genda babe mu buŋugi buwe.#1 Peet 3:14
11“Muli nʼekabi ni banabaduhenga, babahiyaania era babaŋayirisa hiisi hibi olwohuba baloobera bange.#1 Peet 4:14 12Musangaalenga era musaŋalyenga olwohuba muli nʼomuhemba mubba mwigulu. Mu ngeri njʼenyene nʼabanaabbi boosi babahiyaania.#2 Liŋo 36:16; Bik 7:52
Omunyu nʼenjase
(Mar 9:50; Luk 14:34-35)
13“Muli hyʼomunyu omuherehe mu hyalo muno. Aye singa omunyu gufuuha heresu, oŋanga otye ohugugobosamo obunoli nindi? Guba gubula mugaso ohutusaho ohugudanya ngʼabaatu bagutyakirira.#Mar 9:50; Luk 14:34-35
14“Enywe muli hyʼenjase mu hyalo muno emulihira hiisi muutu era muboneherera hyʼehibuga ehi batongola hu lusozi. 15Era omuutu saaŋambya taala gayifunihira mu hisero oba gayita mu kuliiti aye ayita hu hihondo aŋa yinaaŋe hiisi muutu ali mu nyumba enjase.#Mar 4:21; Luk 8:16 16Mu ngeri njʼenyene, mube hyʼenjase eyiri abaatu, ko bajumiryenga Senywe ali mwigulu ni babona ebikolwa byenywe ebiraŋi.#1 Peet 2:12
Ohwoheresa amagambi
17“Mutaŋeega muuti naaja hudibya magambi aga baŋa Musa oba ebi banaabbi baŋandiiha. Sinaaja hubidibya kadi, aye ohubyoheresa. 18Mbalomera ehituufu ti, ohutusaho ngʼegulu nʼehyalo biŋoyeeŋo, ŋabula hanjikuta huŋwa hu magambi ga Hatonda, ohwola olu byosibyosi bija hwolerera.#Luk 16:17
19“Olwʼehyo, omuutu yesiyesi abbwaga erala hu magambi wayire erisingayo obutono ohuba lyʼomugaso era gasomesa nʼabandi ohuhola cʼehyene, omuutu oyo njʼalisembayo ohutaba wʼomugaso mu buŋugi wa Hatonda. Aye oyo aŋamba ebiragiro era gabisomesa nʼabandi, aja huba muhulu mu buŋugi buwe. 20Era mbalomera ti; ohutusaho nga muholire ebi Hatonda genda ohuhiraho ngʼolu basomesa bʼamagambi ga Hatonda nʼAbafalisaayo bahola, simulingira mu buŋugi buwe.
Obusungu
(Luk 12:57-59)
21“Mwaŋulira muuti Hatonda gaaloma abaatu abahalehale ati, ‘Siwiitanga muutu wahyo. Era omuutu yesiyesi owiita, balimusalira omusango.’ 22Aye ese mbaloma ti; hiisi aluŋira owahye, balimusalira omusango. Nindi oyo aloma owahye ati, ‘Oboneha hirangi,’ bamuŋaŋabira mu Luhiiho lwʼAbayudaaya Olubbala. Era hiisi aloma owahye ati, ‘Musiru ewe,’ balimudanya mu muliro namehere ogutasima.
23“Olwʼehyo, nʼobanga nʼoŋira eŋongo yiyo eyiri Hatonda hu hituuti, ne wahebulira oti mulebewo ali nʼehyahwemulugunyaho, 24olehanga aŋo eŋongo liryo ŋa hituuti, watiina watabagana ni naye, ko wagobola waliŋayo.
25“Singa ŋabaŋo ahuŋaŋabira, nʼaba nʼahuŋira mu mbuga fuba nʼamaani mufugiirisanie ni muhiiri mu ngira. Ne ni mutafugiirisania, nʼalihwosa mu moni wʼomulamuzi, balihusalira omusango bahena bahuŋayo eyiri omuhulu wʼabasirikale bahudanye mu komera. 26Kulomera ehituufu ti, sooliŋwa mu komera ohutusaho nʼosasuuye ebbeesa josijosi eji ahubanja.
Obuhwedi
27“Mwaŋulira muuti amagambi aga baŋa Musa galoma gaati, ‘Soholanga buhwedi.’#Huŋ 20:14; Mag 5:18 28Aye mbaloma ti omuutu yesiyesi aheja hu muhasi gamwegomba, aba ahenire ohuhola obuhwedi mu mwoyo gugwe. 29Olwʼehyo hanye emoni yiyo eyʼohu muhono omulungi njʼehuleetera ohuhola ehibi, yomoleemo oyidanye. Hiraŋi obe wa moni ndala aye wingire mu buŋugi wa Hatonda, ohuhira olu osigasa emoni jombi, aye bahudanya mu hifo omu oja husihiirihira.#Mat 18:9; Mar 9:47 30Era hanye omuhono gugwo omulungi njʼoguhuleetera ohuhola ehibi, gutemeeho ogudanye. Hiraŋi ohufiirwa hirala hu bitundu byʼomubiri gugwo aye osune obulamu obutaŋwaŋo ohuhira olu badanya omubiri gugwo gwosigwosi mu hifo omu oja husihiirihira.#Mat 18:8; Mar 9:43
Ohwabuhana hwʼabafumbo
(Mat 19:9; 5:32; Mar 10:11-12; Luk 16:18)
31“Mwaŋulira muuti amagambi aga baŋa Musa galoma gaati, ‘Omuutu yesiyesi abbinga omuhasi wuwe, amuŋanga ebbaluŋa eyihahasa yiiti amubbingire.’#Mag 24:1-4; Mar 10:4 32Aye ese mbaloma ti, hiisi abbinga omuhasi wuwe, ohutusaho olwʼobuhwedi, amuleetera ohuhola obuhwedi. Era omuutu yesiyesi afumbirwa oyu babbingire, aba ahola obuhwedi.#5:32 obuhwedi Ebyaŋandihiwa ebindi ebyahale biŋuma bibono ebyo.
Ohulayira
33“Era nindi mwaŋulira muuti baaloma abahalehale baati, ‘Soolayiranga wereere aye woheresanga ebi wasuubisa Hatonda Musengwa.’#Leev 19:12; Hub 30:2; Mag 23:21 34Aye mbaloma ti mutalayiranga wayire lulala oba ohulayira mbo muuti, ‘Mu mazima aga Hatonda ali mwigulu,’ olwohuba njʼetebe ya Hatonda, 35oba ehyalo, olwohuba Hatonda njʼohwata amagulu gage, oba ni mutangirisa ehibuga Yerusaalemu, olwohuba njʼehibuga hya Habaha Ohihenaho.#Yis 66:1; Zab 48:2 36Era soolayiranga wasinga nʼomutwe gugwo, olwohuba oguŋumaho buŋangi, ohufuula wayire olufiiri lulala ohuba luhosa oba lumali. 37Olwʼehyo, onaba nʼonahole ehiitu, loma oti, ‘Nahihole’ oba oti, ‘Bbe sinahihole.’ Ehiitu hyosihyosi ehihiraho aŋo hiba hiŋwa eyiri hibooyi Sitaani.
Esomesa eŋamba hu hwegalula
(Luk 6:29-30)
38“Mwaŋulira muuti baaloma abahalehale baati, ‘Singa omuutu ahukosa emoni, weesi mukose moni, linaba liino weesi omukosa liino.’#Huŋ 21:24; Leev 24:20; Mag 19:21 39Aye mbaloma ti; siwegalulanga. Era omuutu nʼahuhubbanga oluŋi hwitama, mucuuhise ahubbe nʼohulindi lyosi. 40Era singa omuutu ahuŋira mu mbuga ni genda ahunyageho esaati yiyo, omuŋanga nʼekooti yoosi. 41Era singa omuutu ahuŋalirisa ohumugegera ebiitu emayiro ndala, bimugegere emayiro ebiri. 42Singa omuutu ahusunga ehiitu, omuŋanga, era ni bayo owenda ohumuŋola, omuŋolanga.
Ohwenda abalabe
(Luk 6:27-28,32-36)
43“Mwaŋulira muuti baaloma abahalehale baati, ‘Yendanga omuutu wahyo, aye ocaawenga omulabe wuwo.’#Leev 19:18 44Ne mbaloma ti, mwendenga abalabe benywe era mulomberenga abo ababahiyaania, 45ko muŋange ohuba abaana ba Senywe ali mwigulu. Olwohuba gaduhisa abalaŋi nʼababi omumwi era agwisa efula ewʼabahola ebiraŋi ko nʼabahola ebibi. 46Ni munendenga ababenda boŋene, ehyo hibaŋeesa kabi hi? Nʼabaŋoosa aba muloma ti bali nʼebibi boosi benda ababenda. 47Era singa muheesa abalebe benywe boŋene, ehi muba ni muholire hiba hihiriraho ŋe ehyʼabandi? NʼAbatali Bayudaaya boosi po bahola. 48Olwʼehyo, enywe muli nʼohuba besigwa mu huhola ebiraŋi ngʼolu Senywe ali mwigulu ali mwesigwa.”
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© (Active), Wycliffe Bible Translators, Inc. All rights reserved.