ỌMWỤ ỌDADA 2
2
1Ọlẹ ri jaabwọ ká Ohe Oluhye bwu họ uhye-ọgba bala odehe ọlẹ bala ang myị ang ịlẹpwụ nyaa wuu. 2Ụtụrụ ịrwọnyẹ Ohe Oluhye a kpa họ ụkụrwọ ịwẹ wuu lẹ. Ụka ká ẹnụtụrụ oharwiye warị, Ohe Oluhye hịnyọ lụkụrwọ ọhọhọ. Ọ́ họ ụkụrwọ ọ-ọhẹ-lọhẹ lẹnụtụrụ oharwiye ọọwa kpong-kpong kaka. 3Ohe Oluhye wahị kụrụ ẹnụtụrụ oharwiye ọwẹ. Ọọwa, ọ hwoo nọ nya ẹnụtụrụ nya ịlọmwụ lẹlẹ. Ẹnẹwẹ ọ hịnyọ lụkụrwọ nya odehe ọlẹ wuu kọ họ lẹ. 4Ịịwẹ Ohe Oluhye à bwu họ uhye-ọgba bala odehe tụ ang myị ang ịlẹpwụ nyamwụ wuu lẹ.
Ụ-ụwa Ẹ-ẹrụ Ọla Ịdẹn
Ụka nya ọgbanyẹ-ọgbanyẹ ká Amkpaa Ohe Oluhye họ uhye-ọgba bala odehe, 5ịngịngịhyẹ a ri ụmẹ lee ụpwụ ọhẹ-lọhẹ bwu jam odehe ọlẹ kpong-kpong lẹka chajị ụka ọwẹ, Amkpaa Ohe Oluhye-é họ enyi do kpong-kpong lẹka. Ọngọngọhẹ-ẹ́ tị jam ẹ-ẹpwụ nya odehe ọlẹ ka wu ịngịngịhyẹ ẹ-ẹrụ lụka ọọwa lẹka ịnyịnyị. 6Ma, jaabwọ kọ la lụka ọọwa ri yẹkẹẹ, enyi juwa rụ bwu ẹpwụ nya ịpyị kpehe gbee kọ họ, ká ịpyị la hyẹ̀hyẹ̀ ka ẹga myị ẹga nya odehe ọlẹ wuu.
7Ịnyị lẹ, Amkpaa Ohe Oluhye a kpa ọpyị-ọpyị me ọngịnyị ehe wuu lẹ, ọọwa lẹ, ọ dịhụ nya ọhịhị jwoo ka okwinyi lẹ, ọngịnyị ọọwa a la ọhịhị lẹlẹ.
8Amkpaa Ohe Oluhye wu ẹrụ ọhẹ ụ-ụwa ẹ-ẹga ọlẹ kị wụrụ Idẹn. Idẹn ọọwa ji koye nya ọmwẹnụ-ụtụrụ. Ọọwa lẹ, Amkpaa Ohe Oluhye a kpa ọlẹng nya ọgbanyẹ-ọgbanyẹ ọwẹ kele ka ẹrụ ọla Idẹn ọọwa lẹlẹ. 9Amkpaa Ohe Oluhye họ, ká ekeji ịhyẹ bwu kpehe bwu ẹpwụ nya ịpyị ụ-ụwa ẹ-ẹrụ ọọwa. Ekeji ịịwa hiigu lọyẹyẹ ẹ-ẹhị lụmẹ. Ekeji ịịwa nwụ egbe ịnyịịla ịlẹ kị há oriri lụmẹ ịnyịnyị. Ugbe nya okoji nya ọhịhị bwu rịrị ụ-ụwa ẹ-ẹpwarịrị nya ẹrụ ọọwa. Ugbe nya okoji ọ-kpa jẹ ang ọnyịịla bala ang ọtịpyọ datị hi awụlẹ bwu rịrị ụ-ụwa ẹ-ẹpwarịrị nya ẹrụ ọọwa ịnyịnyị.
10Ihu ọtụka ọhẹ juwa Idẹn ọọwa. Enyi nya ihu ọọwa kaa mwụ kpehe kaka ju ẹrụ ọla Idẹn ọwẹ, ụka wuu ịnyịnyịịnyị. Egbeju nya ihu ọtụka ọọwa be, apa ine, ụ-ụwa ọ-ọpyị nya Idẹn ọwẹ ịnyịnyị. 11Ẹnyị nya ụpa nya ihu ọọwa ọhẹ ri iPichọn. IPichọn ọọwa juwa mwụ dagaga ju ọpyị ọhẹ ọlẹ kị wụrụ ịHavila. Okpoko ịgọm juwa ọ-ọpyị nya ịHavila ọọwa. 12Okpoko ịgọm ọlụwa hiigu lụmẹ. Okoji ọhẹ juwa ụ-ụwa ọlẹ ká alụwa kaa kpa enyi nyamwụ họ itangare ochoru kwọkwọ. Ị wụrụ ẹnyị nya okoji ọọwa, ịbẹdẹlịyọm. Ẹjwọ ọnyịịla-ọnyịịla oyiro-yiro, ọhẹ ọlẹ kị wụrụ onikisi juwa ụ-ụwa ịnyịnyị. 13Ị wụrụ ẹnyị nya ụpa oheeye nya ihu ọtụka ọọwa, iGihọn. IGihọn ọọwa juwa mwụ dagaga ju ọpyị nya iKuchi. 14Ị wụrụ ẹnyị nya ụpa ọhata nya ihu ọtụka ọọwa, ịTayịgirisi ọlẹ kọ juwa mwụ bwu oye nya ọmwẹnụ-ụtụrụ nya ala Asiriya. Ị wụrụ ẹnyị nya ụpa ohene nya ihu ọọwa iYufuretisi.
15Ụka ọọwa, Amkpaa Ohe Oluhye kpa ọlẹng nya ọgbanyẹ-ọgbanyẹ ọwẹ kele ka ẹrụ ọla Idẹn lẹ, Ohe Oluhye a byoo yẹkẹẹ, “Aa wu ẹrụ am̀ ẹ-ẹgẹlẹ ká juwa kpẹhị rịrọọ mẹ.” 16Amkpaa Ohe Oluhye myịmyị byi ọlẹng ọwẹ yẹkẹẹ, “M̀ hu egbe nya ekeji myị ekeji ịlẹpwụ nya ẹrụ ọlẹ wuu hang kị ka yẹ ri ang oriri nyang lẹ.” 17Ma, Amkpaa Ohe Oluhye tị dọọ ehile yẹkẹẹ, “Ā ri ugbe nya okoji ọlẹ kọ ri okoji ọ-kpa jẹ ang ọnyịịla bala ang ọtịpyọ datị hi awụlẹ kpong-kpong koo! Chajị ẹnụ myị ẹnụ ká hyọọ ri lẹ aalẹ, a ka gbu lẹlẹ.”
18Ịnyị lẹ, Amkpaa Ohe Oluhye a yẹkẹẹ, “Ọ́ chịla ká ọlẹng ọlẹ ka hụ ụbwọọmwụ ka. Chajị nya ọọwa lẹ, m̀ ka họ ọngọdụbwọ nyamwụ ọlẹ kọ ka pwokwoo họọ lẹ.” 19Ọpyị-ọpyị, Amkpaa Ohe Oluhye a kpa họ anyị-iyo myị anyị-iyo ilodehe ọlẹ wuu bala ịchịnụ myị ịchịnụ iluhye-ọgba wuu lụka ọlẹ kọ haa lẹ. Ụka kọ họ ọlẹng nya ọgbanyẹ-ọgbanyẹ kpá, ọ byi ọlẹng ọwẹ yẹkẹẹ, “Aa ju anyị-iyo bala ịchịnụ ịwẹ wuu ẹnyị myị ẹnyị ọlẹ kọ háng mẹ.” Ọọwa lẹ, ọlẹng ọwẹ a jwaa ẹnyị ịlẹ kị họ́ọ jaabwọ ká Amkpaa Ohe Oluhye byoo lẹlẹ. Ịịwẹ, anyị-iyo myị anyị-iyo bala ịchịnụ myị ịchịnụ wuu, a bwu la ẹnyị nyaa lẹ. 20Ọlẹng nya ọgbanyẹ-ọgbanyẹ ọwẹ ju iyo myị iyo ịlẹpwa bala ịchịnụ myị ịchịnụ wuu bala iyo myị iyo ịlẹpwamẹ ịkịla wuu ẹnyị. Ma, Adam ayịdang á tị ye ọngọdụbwọ nya ịlọmwụ ọhẹ-lọhẹ ọlẹ kọ pwokwoo kpong-kpong kaka. 21Ịnyị lẹ, Amkpaa Ohe Oluhye a họ lẹ, ọlẹng nya ọgbanyẹ ọwẹ a nune ọtụka-ọtụka pyịị lẹlẹ. Ụka ká ọlẹng ọwẹ juwa kpa une ọọwa nọ lẹ, Amkpaa Ohe Oluhye a gba ukpunogu ọlaka ọhẹ nya ọlẹng ọwẹ lẹ, ọ tụ ụgbịnyịrọ nyamwụ mịla awụlẹ hịlẹlẹ lẹlẹ. 22Ịnyị lẹ, Amkpaa Ohe Oluhye a kpa ukpunogu ọlaka nya ọlẹng ọọwa họ ọnyang lẹlẹ. Ọọwa lẹ, Amkpaa Ohe Oluhye a hu ọnyang ọọwa kpa kele kịla ọlẹng nya ọgbanyẹ ọwẹ lẹlẹ. 23Ụka ọọwa, ọlẹng ọwẹ yẹkẹẹ, “Ẹhẹẹ! Ẹẹla a lẹẹ wẹẹ ka-á! Ọlẹ ri ịnyịrọ-ịnyịrọ nyam bala ukpunogu-ukpunogu nyam lẹ.” Ọọwa lẹ, ọ wụrụ ẹnyị nyamwụ ọnyang lẹlẹ. Chajị, ị gbọọ kpehe bwu aka nya ọlẹng ọọwa. 24Ịnyị a du ká ọlẹng ọnyị myị ọnyị kaa tụụbwọ hi ịnamwụ bala adamwụ kaka ye ahụ nya ịlọmwụ lẹ. Ịnyị a du kọọwa bala ahụ nyamwụ ọọwa kaa tụchawụlẹ yẹ ri ịnyịrọ ookpokpo ịnyịnyị lẹ.
25Ọlẹng nya ọgbanyẹ ọọwa bala ahụ nyamwụ juwa la awụlẹ lọhị-lọhị. Ma, ị́ tị ju oyi nya awụlẹ kpong-kpong ka.
Kasalukuyang Napili:
ỌMWỤ ỌDADA 2: IBNO
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Igede Bible © The Bible Society of Nigeria, 2019.
ỌMWỤ ỌDADA 2
2
1Ọlẹ ri jaabwọ ká Ohe Oluhye bwu họ uhye-ọgba bala odehe ọlẹ bala ang myị ang ịlẹpwụ nyaa wuu. 2Ụtụrụ ịrwọnyẹ Ohe Oluhye a kpa họ ụkụrwọ ịwẹ wuu lẹ. Ụka ká ẹnụtụrụ oharwiye warị, Ohe Oluhye hịnyọ lụkụrwọ ọhọhọ. Ọ́ họ ụkụrwọ ọ-ọhẹ-lọhẹ lẹnụtụrụ oharwiye ọọwa kpong-kpong kaka. 3Ohe Oluhye wahị kụrụ ẹnụtụrụ oharwiye ọwẹ. Ọọwa, ọ hwoo nọ nya ẹnụtụrụ nya ịlọmwụ lẹlẹ. Ẹnẹwẹ ọ hịnyọ lụkụrwọ nya odehe ọlẹ wuu kọ họ lẹ. 4Ịịwẹ Ohe Oluhye à bwu họ uhye-ọgba bala odehe tụ ang myị ang ịlẹpwụ nyamwụ wuu lẹ.
Ụ-ụwa Ẹ-ẹrụ Ọla Ịdẹn
Ụka nya ọgbanyẹ-ọgbanyẹ ká Amkpaa Ohe Oluhye họ uhye-ọgba bala odehe, 5ịngịngịhyẹ a ri ụmẹ lee ụpwụ ọhẹ-lọhẹ bwu jam odehe ọlẹ kpong-kpong lẹka chajị ụka ọwẹ, Amkpaa Ohe Oluhye-é họ enyi do kpong-kpong lẹka. Ọngọngọhẹ-ẹ́ tị jam ẹ-ẹpwụ nya odehe ọlẹ ka wu ịngịngịhyẹ ẹ-ẹrụ lụka ọọwa lẹka ịnyịnyị. 6Ma, jaabwọ kọ la lụka ọọwa ri yẹkẹẹ, enyi juwa rụ bwu ẹpwụ nya ịpyị kpehe gbee kọ họ, ká ịpyị la hyẹ̀hyẹ̀ ka ẹga myị ẹga nya odehe ọlẹ wuu.
7Ịnyị lẹ, Amkpaa Ohe Oluhye a kpa ọpyị-ọpyị me ọngịnyị ehe wuu lẹ, ọọwa lẹ, ọ dịhụ nya ọhịhị jwoo ka okwinyi lẹ, ọngịnyị ọọwa a la ọhịhị lẹlẹ.
8Amkpaa Ohe Oluhye wu ẹrụ ọhẹ ụ-ụwa ẹ-ẹga ọlẹ kị wụrụ Idẹn. Idẹn ọọwa ji koye nya ọmwẹnụ-ụtụrụ. Ọọwa lẹ, Amkpaa Ohe Oluhye a kpa ọlẹng nya ọgbanyẹ-ọgbanyẹ ọwẹ kele ka ẹrụ ọla Idẹn ọọwa lẹlẹ. 9Amkpaa Ohe Oluhye họ, ká ekeji ịhyẹ bwu kpehe bwu ẹpwụ nya ịpyị ụ-ụwa ẹ-ẹrụ ọọwa. Ekeji ịịwa hiigu lọyẹyẹ ẹ-ẹhị lụmẹ. Ekeji ịịwa nwụ egbe ịnyịịla ịlẹ kị há oriri lụmẹ ịnyịnyị. Ugbe nya okoji nya ọhịhị bwu rịrị ụ-ụwa ẹ-ẹpwarịrị nya ẹrụ ọọwa. Ugbe nya okoji ọ-kpa jẹ ang ọnyịịla bala ang ọtịpyọ datị hi awụlẹ bwu rịrị ụ-ụwa ẹ-ẹpwarịrị nya ẹrụ ọọwa ịnyịnyị.
10Ihu ọtụka ọhẹ juwa Idẹn ọọwa. Enyi nya ihu ọọwa kaa mwụ kpehe kaka ju ẹrụ ọla Idẹn ọwẹ, ụka wuu ịnyịnyịịnyị. Egbeju nya ihu ọtụka ọọwa be, apa ine, ụ-ụwa ọ-ọpyị nya Idẹn ọwẹ ịnyịnyị. 11Ẹnyị nya ụpa nya ihu ọọwa ọhẹ ri iPichọn. IPichọn ọọwa juwa mwụ dagaga ju ọpyị ọhẹ ọlẹ kị wụrụ ịHavila. Okpoko ịgọm juwa ọ-ọpyị nya ịHavila ọọwa. 12Okpoko ịgọm ọlụwa hiigu lụmẹ. Okoji ọhẹ juwa ụ-ụwa ọlẹ ká alụwa kaa kpa enyi nyamwụ họ itangare ochoru kwọkwọ. Ị wụrụ ẹnyị nya okoji ọọwa, ịbẹdẹlịyọm. Ẹjwọ ọnyịịla-ọnyịịla oyiro-yiro, ọhẹ ọlẹ kị wụrụ onikisi juwa ụ-ụwa ịnyịnyị. 13Ị wụrụ ẹnyị nya ụpa oheeye nya ihu ọtụka ọọwa, iGihọn. IGihọn ọọwa juwa mwụ dagaga ju ọpyị nya iKuchi. 14Ị wụrụ ẹnyị nya ụpa ọhata nya ihu ọtụka ọọwa, ịTayịgirisi ọlẹ kọ juwa mwụ bwu oye nya ọmwẹnụ-ụtụrụ nya ala Asiriya. Ị wụrụ ẹnyị nya ụpa ohene nya ihu ọọwa iYufuretisi.
15Ụka ọọwa, Amkpaa Ohe Oluhye kpa ọlẹng nya ọgbanyẹ-ọgbanyẹ ọwẹ kele ka ẹrụ ọla Idẹn lẹ, Ohe Oluhye a byoo yẹkẹẹ, “Aa wu ẹrụ am̀ ẹ-ẹgẹlẹ ká juwa kpẹhị rịrọọ mẹ.” 16Amkpaa Ohe Oluhye myịmyị byi ọlẹng ọwẹ yẹkẹẹ, “M̀ hu egbe nya ekeji myị ekeji ịlẹpwụ nya ẹrụ ọlẹ wuu hang kị ka yẹ ri ang oriri nyang lẹ.” 17Ma, Amkpaa Ohe Oluhye tị dọọ ehile yẹkẹẹ, “Ā ri ugbe nya okoji ọlẹ kọ ri okoji ọ-kpa jẹ ang ọnyịịla bala ang ọtịpyọ datị hi awụlẹ kpong-kpong koo! Chajị ẹnụ myị ẹnụ ká hyọọ ri lẹ aalẹ, a ka gbu lẹlẹ.”
18Ịnyị lẹ, Amkpaa Ohe Oluhye a yẹkẹẹ, “Ọ́ chịla ká ọlẹng ọlẹ ka hụ ụbwọọmwụ ka. Chajị nya ọọwa lẹ, m̀ ka họ ọngọdụbwọ nyamwụ ọlẹ kọ ka pwokwoo họọ lẹ.” 19Ọpyị-ọpyị, Amkpaa Ohe Oluhye a kpa họ anyị-iyo myị anyị-iyo ilodehe ọlẹ wuu bala ịchịnụ myị ịchịnụ iluhye-ọgba wuu lụka ọlẹ kọ haa lẹ. Ụka kọ họ ọlẹng nya ọgbanyẹ-ọgbanyẹ kpá, ọ byi ọlẹng ọwẹ yẹkẹẹ, “Aa ju anyị-iyo bala ịchịnụ ịwẹ wuu ẹnyị myị ẹnyị ọlẹ kọ háng mẹ.” Ọọwa lẹ, ọlẹng ọwẹ a jwaa ẹnyị ịlẹ kị họ́ọ jaabwọ ká Amkpaa Ohe Oluhye byoo lẹlẹ. Ịịwẹ, anyị-iyo myị anyị-iyo bala ịchịnụ myị ịchịnụ wuu, a bwu la ẹnyị nyaa lẹ. 20Ọlẹng nya ọgbanyẹ-ọgbanyẹ ọwẹ ju iyo myị iyo ịlẹpwa bala ịchịnụ myị ịchịnụ wuu bala iyo myị iyo ịlẹpwamẹ ịkịla wuu ẹnyị. Ma, Adam ayịdang á tị ye ọngọdụbwọ nya ịlọmwụ ọhẹ-lọhẹ ọlẹ kọ pwokwoo kpong-kpong kaka. 21Ịnyị lẹ, Amkpaa Ohe Oluhye a họ lẹ, ọlẹng nya ọgbanyẹ ọwẹ a nune ọtụka-ọtụka pyịị lẹlẹ. Ụka ká ọlẹng ọwẹ juwa kpa une ọọwa nọ lẹ, Amkpaa Ohe Oluhye a gba ukpunogu ọlaka ọhẹ nya ọlẹng ọwẹ lẹ, ọ tụ ụgbịnyịrọ nyamwụ mịla awụlẹ hịlẹlẹ lẹlẹ. 22Ịnyị lẹ, Amkpaa Ohe Oluhye a kpa ukpunogu ọlaka nya ọlẹng ọọwa họ ọnyang lẹlẹ. Ọọwa lẹ, Amkpaa Ohe Oluhye a hu ọnyang ọọwa kpa kele kịla ọlẹng nya ọgbanyẹ ọwẹ lẹlẹ. 23Ụka ọọwa, ọlẹng ọwẹ yẹkẹẹ, “Ẹhẹẹ! Ẹẹla a lẹẹ wẹẹ ka-á! Ọlẹ ri ịnyịrọ-ịnyịrọ nyam bala ukpunogu-ukpunogu nyam lẹ.” Ọọwa lẹ, ọ wụrụ ẹnyị nyamwụ ọnyang lẹlẹ. Chajị, ị gbọọ kpehe bwu aka nya ọlẹng ọọwa. 24Ịnyị a du ká ọlẹng ọnyị myị ọnyị kaa tụụbwọ hi ịnamwụ bala adamwụ kaka ye ahụ nya ịlọmwụ lẹ. Ịnyị a du kọọwa bala ahụ nyamwụ ọọwa kaa tụchawụlẹ yẹ ri ịnyịrọ ookpokpo ịnyịnyị lẹ.
25Ọlẹng nya ọgbanyẹ ọọwa bala ahụ nyamwụ juwa la awụlẹ lọhị-lọhị. Ma, ị́ tị ju oyi nya awụlẹ kpong-kpong ka.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Igede Bible © The Bible Society of Nigeria, 2019.