Blasi Sturka 8
8
Lisamra tara ba luan
1Bara Gâd kupia krawan, Noa bara daiwan wail nani, tim nani sut kira, ark watla ra bâra kan ba. Bara witin yan pâsa krawan tasba purara, bara baku lî nani ba mahka rahwi iwan. 2Bara kabu tara ra lî kârma nani ba prakan, kasbrika purara wina lî nani karna pali auhi kan ba takaskan. 3Bara lî nani tasba purara kan ba, tawa tawa rahwi kan, yu 150 ningkara lî ba sut kau rahwan kan. 4Bara kati 7, lapta yua 17 alkan ba kat, ark watla ba, Ararat ilka purara kat uli takaskan. 5Lî nani ba kau ban rahwi kan, kati 10 bara yua pas ra, il nani bahna tâ ba kaiki kan.
6Baku takan ba ra, yu 40 ba ningkara, ark watla windarka Noa witin mita paskan ba bukutban. 7Bara Noa usus kum saki blikan wan, sakuna ususka ba, taki wan ba wina kli tawi balras, pâli ban tauki kan tasba purara, lî sut lâwan ba kat. 8Kli witin butku kum saki blikan, tasba mawan ba wina lî nani ba sut lâwan sapa kaikaia. 9Bara butku ba, anira ai mina kahbaia watlika ba sakras kan, butku ba Noa ra kli tawi balan, kan lî nani ba tasba mawanra kau ban bâra kan bamna. Bara Noa ai mihta sakbi, butku ba alki brin, kli witin nani aikuki kaia mata ark watla ra dingkan.
10Kau lapta 7 bîla kaikan, bara butku ba kli ark watla ba wina saki blikan wan. 11Bara baha yua tutnika, butku ba kli witin ra tawi balan; bara oliv wahia kum ai kakma ra brih balan; bara Noa tânka brin lî nani ba, tasba pura wina taki wan. 12Bara kau ban kli lapta 7 bîla kaikan, ningkara butku ba kli blikan wan, witin wan ba wina kli tawi balras kata.
13Bara baha yua ba kat, Noa 601 mani bri kan. Baha katka pas ra, yua pas pali ra, lî nani ba tasba pura wina sut lâwan kata. Bara Noa ark watla pura prakan kan ba bukutban bara kaikan, tasba purara lî ba sut lâwan kan. 14Kati wâl alkan, lapta yua 27 ba kat, tasba ba pain lâwan kan. 15Baha yua kat Gâd Noa ra aisi, win: 16“Bal taks ark watla ba wina, man, mayam, luhpiam waitna nani, bara mulam yaptika nani sut. 17Daiwan nani sut man wal bâra ba: tnawira nani, ai biara purara tasba ra kwasi tauki nani ba, man sâks ark watla wina bara tasba pura bâk witin nani taki wabia; baku sahwi ailal taki tasba pura ba banhki dauki banhbia.”
18Bara Noa bal takan, ai luhpia waitna, ai maya, ai mula yaptika nani aikuki. 19Daiwan nani sut, tasba purara kwasi tauki nani ba, tnawira nani sin, tasba purara aiawi tauki nani ba, ark watla ba wina bal takan. 20Bara Noa altar kum paskan Dawan dukia, bara daiwan klin nani bani ba wina kum brin, tnawira klin nani ba wina sin kum brin, bara wîna ba angki sakripais dauki Dawan ra yan. 21Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.
22“Tasba ba ban bâra piua ra,
mâ mangkaia piua bara mâ krikaia piua ba sin
takaskan kabia apia.
Kauhla pali piua ba, lapta piua sin,
mani piua bara lî auhaia piua ba sin,
kakna bara tihmia sin bâra ban kabia.”
Kasalukuyang Napili:
Blasi Sturka 8: MSKTU
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2010 Bible Society in Nicaragua
Blasi Sturka 8
8
Lisamra tara ba luan
1Bara Gâd kupia krawan, Noa bara daiwan wail nani, tim nani sut kira, ark watla ra bâra kan ba. Bara witin yan pâsa krawan tasba purara, bara baku lî nani ba mahka rahwi iwan. 2Bara kabu tara ra lî kârma nani ba prakan, kasbrika purara wina lî nani karna pali auhi kan ba takaskan. 3Bara lî nani tasba purara kan ba, tawa tawa rahwi kan, yu 150 ningkara lî ba sut kau rahwan kan. 4Bara kati 7, lapta yua 17 alkan ba kat, ark watla ba, Ararat ilka purara kat uli takaskan. 5Lî nani ba kau ban rahwi kan, kati 10 bara yua pas ra, il nani bahna tâ ba kaiki kan.
6Baku takan ba ra, yu 40 ba ningkara, ark watla windarka Noa witin mita paskan ba bukutban. 7Bara Noa usus kum saki blikan wan, sakuna ususka ba, taki wan ba wina kli tawi balras, pâli ban tauki kan tasba purara, lî sut lâwan ba kat. 8Kli witin butku kum saki blikan, tasba mawan ba wina lî nani ba sut lâwan sapa kaikaia. 9Bara butku ba, anira ai mina kahbaia watlika ba sakras kan, butku ba Noa ra kli tawi balan, kan lî nani ba tasba mawanra kau ban bâra kan bamna. Bara Noa ai mihta sakbi, butku ba alki brin, kli witin nani aikuki kaia mata ark watla ra dingkan.
10Kau lapta 7 bîla kaikan, bara butku ba kli ark watla ba wina saki blikan wan. 11Bara baha yua tutnika, butku ba kli witin ra tawi balan; bara oliv wahia kum ai kakma ra brih balan; bara Noa tânka brin lî nani ba, tasba pura wina taki wan. 12Bara kau ban kli lapta 7 bîla kaikan, ningkara butku ba kli blikan wan, witin wan ba wina kli tawi balras kata.
13Bara baha yua ba kat, Noa 601 mani bri kan. Baha katka pas ra, yua pas pali ra, lî nani ba tasba pura wina sut lâwan kata. Bara Noa ark watla pura prakan kan ba bukutban bara kaikan, tasba purara lî ba sut lâwan kan. 14Kati wâl alkan, lapta yua 27 ba kat, tasba ba pain lâwan kan. 15Baha yua kat Gâd Noa ra aisi, win: 16“Bal taks ark watla ba wina, man, mayam, luhpiam waitna nani, bara mulam yaptika nani sut. 17Daiwan nani sut man wal bâra ba: tnawira nani, ai biara purara tasba ra kwasi tauki nani ba, man sâks ark watla wina bara tasba pura bâk witin nani taki wabia; baku sahwi ailal taki tasba pura ba banhki dauki banhbia.”
18Bara Noa bal takan, ai luhpia waitna, ai maya, ai mula yaptika nani aikuki. 19Daiwan nani sut, tasba purara kwasi tauki nani ba, tnawira nani sin, tasba purara aiawi tauki nani ba, ark watla ba wina bal takan. 20Bara Noa altar kum paskan Dawan dukia, bara daiwan klin nani bani ba wina kum brin, tnawira klin nani ba wina sin kum brin, bara wîna ba angki sakripais dauki Dawan ra yan. 21Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.
22“Tasba ba ban bâra piua ra,
mâ mangkaia piua bara mâ krikaia piua ba sin
takaskan kabia apia.
Kauhla pali piua ba, lapta piua sin,
mani piua bara lî auhaia piua ba sin,
kakna bara tihmia sin bâra ban kabia.”
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2010 Bible Society in Nicaragua