Matye 11
11
Bipayi bi Za-Batiisë
(Lik 7.18-35)
1Yeesu bunë kwamani kuvaanë tutumu twaandi ke likuumi li bilaanzi byaandi bi byooli, na wusë botukë faawu i wusë ke yendaangë mu mëvulë maawu, ke loongaangë i ke tendulaangë Mpolu Mboti.
2Za mu buloko, kwayuwu mëvaangë më Kliistu. Oboobo naandi wusë filë bilaanzi byaandi 3bisë n'yufulë : « Njeeyi, nje wun'kwisë, kaambofo wun'ka tufwenikini kuciingë? » 4Yeesu wusë bëvutulilë : « Ye kaambaanu Za mo lulë mu kuwu i kumonë : 5simpofo bake m'monë, bibolikinyi bake n'lyaatë, bangë bwaasi bëlë mu kulyoomë, mëbabë make n'tubë, bëfwa bëlë mu kuvulumukë i Mpolu Mboti yilë mu kutendulu ke biyeembi#11.5 Ezy 35.5-6; 61.1.. 6Nyeenzi oyo ke wunë wun'kaambu kubwa mu cibilë cyaami miinu! »
7Bunë bëlëkwendë, Yeesu wusë kaambë nkoongë, mu cibilë ci Za : « Nani luye monë ku ntaandu ciyumi? Liveeso bëlëyuunjyaangë mu mpeemwe? 8Kasi nani luye monë? Muutu wuvwaatë binkutu bi bukaalwe? Oboobo banë bën'vwaataangë binkutu bi bukaalu, bëkalilaangë mu sinzo si mitinu. 9Nani beeno luye monë? M'bicye? Cibeeni, yilukaambë i kuvyokilili m'bici! 10Na wuuwu, bësonikë mu cibilë cyaandi : “Tala, miinu yake n'filë cipayi cyaami fë ntwaalaaku, bwiinji kukubelikilë nzilë#11.10 Mal 3.1..” 11Licyelikë yilukaambë : fëkeeli muutu ko wuvyokili bunenë yi Za-Batiisë. Wunë wuvyokili bubwabwanë mu Lwaangu lu mëyilu, mwiinji bukuluutu yi naandi. 12Kutoonë fë bilumbu bi Za-Batiisë tee fë bubwayi afë, Lwaangu lu mëyilu bëlë mu kulunwanisi#11.12 kumonë simpasi : wun'toombë nzilë mu butuutë. i bangë bunkani bën'toombë ku lubyalilë. 13Licyelikë mibici yooso i n'kaakë Moyiizë bëbikulë tee mu ntaangu Za. 14Ningë luzolisi kun'cikunë, naandi na Eli wufwenikini kwiisë. 15Wosuku wuke yi n'tu, matu mëke yaandi! »
16« Ke nani yin'fwiikë liloongu li bubwayi ali? Yaawu fwiifu yi bibabanë bike fë ciyalëlë, banë bëke kaambaangë bayaawu bën'ka : 17“Beeso twalusikilë mpyeepi, beeno lusye cinë ko, twaluyolilë twiimbu tu cinyoonji, beeno lusye vwaatë cifwiili ko!” 18Licyelikë, Za wuyisë, sye lya kuve, sye nwa kuve, i bisë tubë : “Naandi wuvwaatu ke ciluunzi cibi!” 19Mwaanë muutu wuyisë, wulëlyangaangë, wulënwangaangë i bisë tubë : “Naandi n'lyaafu i cinwa-mëlafu, ndiku binoongë mpaku i bisumuci.” Bungelë bun'zabukunu mu mëvaangë maandi. »
Mëvulë mëmaangë kuta maanë
(Lik 10.13-15)
20Oboobo, naandi wusë toonë kuvaanë mëseembu ke mëvulë mo kuvangilë bimaaku bimpaapë mu luleendo lwaandi, cibilë basë mëvulë bësye vilukë ko. Wusë tubë : 21« Lusifu mu njeeyi, a Kolaziinë! Lusifu mu njeeyi, a Betesayiidë! Cibilë ningë bimaaku bivangënë fë meeyiinu, ti bivangënë ku Tiilë i ku Sidoonë, nkanë ntamë baawu bëlëvwaatë sisaaku, kuyikukisi libuufu#11.21 Kolaziinë i Betesayiidë : mëvulë mëbelëmë yi Kapelënawuumë. Tiilë i Sidoonë : Ezy 23.1-18; Ezk 26; Zow 4.4-8; Amo 1.9-10. i baawu bëlëvilukë. 22Kasi beeno yin'kaambë : Cilumbu ci Lufundusu, Tiilë i Sidoonë bën'tambulë lutabu luvyokilili kutukukë yi beeno. 23Njeeyi, Kapelënawuumë, wum'balë ti, njeeyi wun'zanjiku tee ku yilu? Mba wun'kululu tee ku buloongo bu bo bëfwa, cibilë, ningë bimaaku bivangënë ke njeeyi, bivangënë ku Sodoomë, livulë be lyoolyo lilëziingë tee yi zwaalu#11.23 njeeyi wun'telëmë... buloongo bu baatu bëfwa. Ezy 14.13-15.. 24Kasi yilukaambë, cilumbu ci Lufundusu, basë Sodoomë bën'tambulë lutabu lun'vyokililë kutukukë yi njeeyi. »
Yisaanu ke miinu mu kubakë luvundulu
(Lik 10.21-22)
25Mu ntaangu be yininaani, Yeesu wutubë : « Njeeyi yin'dumisi, A Tataami, Fumu li yilu i n'toto, cibilë njeeyi wusweekë mamoomë ke bënaangë i ke bangë luzaabu lunenë i wumëyalulë ke baanë bëcyeeci#11.25 1 Ko 1.17-29.. 26Ngete! Ata, cibilë boobo bwaawu wuvwiili n'ciinzë. »
27« Byakë byooso bim'peewu ke Taatë i muutu ve wuzabisi Mwaanë kanuku wo Taatë i wun'viipë ve wuzabisi Taatë kanuku wo Mwaanë i wo Mwaanë kun'vwa n'ciinzë kwalulilë. »
28« Yisaanu ke miinu beeno booso lwavolë bitu mu kunatë n'funë wuzitë. Miinu yiluvaanë luvundulu. 29Boongaanu n'funaami i tambulaanu mëkomini maami, cibilë miinu muungë bubonzulu i yitukukë n'timë. Mu boobo, mwa beeno lum'bakilë luvundulu lu biluunzi biinu#11.29 Yel 6.16.. 30Cyelikë n'funaami wukeeli mpasi ko mu kunatë i lizitë lyaami li leengë. »
Kasalukuyang Napili:
Matye 11: NTVIL
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2019, Wycliffe Bible Translators, Inc. and © Alliance Biblique du Congo. All rights reserved.
Matye 11
11
Bipayi bi Za-Batiisë
(Lik 7.18-35)
1Yeesu bunë kwamani kuvaanë tutumu twaandi ke likuumi li bilaanzi byaandi bi byooli, na wusë botukë faawu i wusë ke yendaangë mu mëvulë maawu, ke loongaangë i ke tendulaangë Mpolu Mboti.
2Za mu buloko, kwayuwu mëvaangë më Kliistu. Oboobo naandi wusë filë bilaanzi byaandi 3bisë n'yufulë : « Njeeyi, nje wun'kwisë, kaambofo wun'ka tufwenikini kuciingë? » 4Yeesu wusë bëvutulilë : « Ye kaambaanu Za mo lulë mu kuwu i kumonë : 5simpofo bake m'monë, bibolikinyi bake n'lyaatë, bangë bwaasi bëlë mu kulyoomë, mëbabë make n'tubë, bëfwa bëlë mu kuvulumukë i Mpolu Mboti yilë mu kutendulu ke biyeembi#11.5 Ezy 35.5-6; 61.1.. 6Nyeenzi oyo ke wunë wun'kaambu kubwa mu cibilë cyaami miinu! »
7Bunë bëlëkwendë, Yeesu wusë kaambë nkoongë, mu cibilë ci Za : « Nani luye monë ku ntaandu ciyumi? Liveeso bëlëyuunjyaangë mu mpeemwe? 8Kasi nani luye monë? Muutu wuvwaatë binkutu bi bukaalwe? Oboobo banë bën'vwaataangë binkutu bi bukaalu, bëkalilaangë mu sinzo si mitinu. 9Nani beeno luye monë? M'bicye? Cibeeni, yilukaambë i kuvyokilili m'bici! 10Na wuuwu, bësonikë mu cibilë cyaandi : “Tala, miinu yake n'filë cipayi cyaami fë ntwaalaaku, bwiinji kukubelikilë nzilë#11.10 Mal 3.1..” 11Licyelikë yilukaambë : fëkeeli muutu ko wuvyokili bunenë yi Za-Batiisë. Wunë wuvyokili bubwabwanë mu Lwaangu lu mëyilu, mwiinji bukuluutu yi naandi. 12Kutoonë fë bilumbu bi Za-Batiisë tee fë bubwayi afë, Lwaangu lu mëyilu bëlë mu kulunwanisi#11.12 kumonë simpasi : wun'toombë nzilë mu butuutë. i bangë bunkani bën'toombë ku lubyalilë. 13Licyelikë mibici yooso i n'kaakë Moyiizë bëbikulë tee mu ntaangu Za. 14Ningë luzolisi kun'cikunë, naandi na Eli wufwenikini kwiisë. 15Wosuku wuke yi n'tu, matu mëke yaandi! »
16« Ke nani yin'fwiikë liloongu li bubwayi ali? Yaawu fwiifu yi bibabanë bike fë ciyalëlë, banë bëke kaambaangë bayaawu bën'ka : 17“Beeso twalusikilë mpyeepi, beeno lusye cinë ko, twaluyolilë twiimbu tu cinyoonji, beeno lusye vwaatë cifwiili ko!” 18Licyelikë, Za wuyisë, sye lya kuve, sye nwa kuve, i bisë tubë : “Naandi wuvwaatu ke ciluunzi cibi!” 19Mwaanë muutu wuyisë, wulëlyangaangë, wulënwangaangë i bisë tubë : “Naandi n'lyaafu i cinwa-mëlafu, ndiku binoongë mpaku i bisumuci.” Bungelë bun'zabukunu mu mëvaangë maandi. »
Mëvulë mëmaangë kuta maanë
(Lik 10.13-15)
20Oboobo, naandi wusë toonë kuvaanë mëseembu ke mëvulë mo kuvangilë bimaaku bimpaapë mu luleendo lwaandi, cibilë basë mëvulë bësye vilukë ko. Wusë tubë : 21« Lusifu mu njeeyi, a Kolaziinë! Lusifu mu njeeyi, a Betesayiidë! Cibilë ningë bimaaku bivangënë fë meeyiinu, ti bivangënë ku Tiilë i ku Sidoonë, nkanë ntamë baawu bëlëvwaatë sisaaku, kuyikukisi libuufu#11.21 Kolaziinë i Betesayiidë : mëvulë mëbelëmë yi Kapelënawuumë. Tiilë i Sidoonë : Ezy 23.1-18; Ezk 26; Zow 4.4-8; Amo 1.9-10. i baawu bëlëvilukë. 22Kasi beeno yin'kaambë : Cilumbu ci Lufundusu, Tiilë i Sidoonë bën'tambulë lutabu luvyokilili kutukukë yi beeno. 23Njeeyi, Kapelënawuumë, wum'balë ti, njeeyi wun'zanjiku tee ku yilu? Mba wun'kululu tee ku buloongo bu bo bëfwa, cibilë, ningë bimaaku bivangënë ke njeeyi, bivangënë ku Sodoomë, livulë be lyoolyo lilëziingë tee yi zwaalu#11.23 njeeyi wun'telëmë... buloongo bu baatu bëfwa. Ezy 14.13-15.. 24Kasi yilukaambë, cilumbu ci Lufundusu, basë Sodoomë bën'tambulë lutabu lun'vyokililë kutukukë yi njeeyi. »
Yisaanu ke miinu mu kubakë luvundulu
(Lik 10.21-22)
25Mu ntaangu be yininaani, Yeesu wutubë : « Njeeyi yin'dumisi, A Tataami, Fumu li yilu i n'toto, cibilë njeeyi wusweekë mamoomë ke bënaangë i ke bangë luzaabu lunenë i wumëyalulë ke baanë bëcyeeci#11.25 1 Ko 1.17-29.. 26Ngete! Ata, cibilë boobo bwaawu wuvwiili n'ciinzë. »
27« Byakë byooso bim'peewu ke Taatë i muutu ve wuzabisi Mwaanë kanuku wo Taatë i wun'viipë ve wuzabisi Taatë kanuku wo Mwaanë i wo Mwaanë kun'vwa n'ciinzë kwalulilë. »
28« Yisaanu ke miinu beeno booso lwavolë bitu mu kunatë n'funë wuzitë. Miinu yiluvaanë luvundulu. 29Boongaanu n'funaami i tambulaanu mëkomini maami, cibilë miinu muungë bubonzulu i yitukukë n'timë. Mu boobo, mwa beeno lum'bakilë luvundulu lu biluunzi biinu#11.29 Yel 6.16.. 30Cyelikë n'funaami wukeeli mpasi ko mu kunatë i lizitë lyaami li leengë. »
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2019, Wycliffe Bible Translators, Inc. and © Alliance Biblique du Congo. All rights reserved.