Tobit 4
4
Tobit mi' käñtesañ iyalobil
1Ti jiñbä k'iñ tsa' k'ajtiyi kcha'añ jiñi tak'iñ tsa'bä käk'ä ti lotol ya' ti' iyotot jiñi Gabael ya' ti tejklum Ragües ti Media. 2Tsa' kña'ta: «Tsa'ix jk'ajti kchämel ti' tojlel Lak Ch'ujutat, jiñ cha'añ uts'at cha'añ mi kaj tsiktesäbeñ jiñi kalobil Tobías cha'añ jiñi tak'iñ». 3Che' jiñi tsa' kpäyä jiñi Tobías, tsa' kaji ksu'beñ ili tik'ojel:
«Che' mi' k'otel iyorajlel kchämel, yom weñ ma' mukoñ bajche' mi' ich'ujul mujkel wiñik. K'uxbiñ aña' ti' pejtelel k'iñ yik'ot mach awis bajñel käy, mele chuki mi' mulañ yik'ot mach awäk' ti mich'añ cha'añ bajche' ma' mel. 4La' k'ajtiyik acha'añ kalobil, bajche' tsa'ix iyu'bi wokol che' käñtäbileto icha'añ yik'ot che' maxto ak'ele pañämil. Che'bä mi' ichämel yom ma' muk ya' ti kt'ejl baki ch'ujñäbiloñ.
5»La' k'ajtiyik ja'el achäñ ach'ujbiñ Lak Yum ti' pejtelel k'iñ che' kuxuleto; mach acha'leñ mulil ti' tojlel yik'ot ñajt-esañ abä ti käñtesa jiñi xjoñtolob. 6Mi tojäch añusak'iñ, ti' pejtelel mu'bä aña'tañ amel uts'at mi' kaj iyujtel. 7Jiñäch ichobejtäbal jiñi mu'bä imelob tojo'bä.
»K'äñä jiñi achu'bä añ cha'añ ma' koltañob jiñi p'ump'uño'bä, yik'ot mach xchäket. Mi añ majch mi' ik'ajtibeñet koltaya, mach amäye' awut, cha'añ Lak Yum ma'añik mi' imäye' iwut che' mi' ak'ajtiñ akoltäñtel. 8Koltañ jiñi yaño'bä che' bajche' k'amel añ achu'bä añ: Mi ma'añik ka'bäl achu'bä añ, mach acha'leñ bäk'eñ cha'añ ma' ch'äm ojlil cha'añ ma' koltañ yaño'bä. 9Mi che'äch ma' mel, ti wi'il mi' kaj ataj akoltäñtel che' bakibä k'iñ ma'añik achu'bä añ. 10Che' mi' akoltañ yaño'bä mejl ikoltañet ataj akuxtälel yik'ot mejl ilok'sañet ya' ti wokolil. 11Awilañ, mu'bä lak käk' koltaya, jiñäch bajche' jump'ejl imajtañ ti' tojlel mu'bä lak käk'beñ Lak Yum.
12-13»Kalobil, päyä ti awijñam juñtikil x-ixik israelitabä, mach apäy jiñi ñajtbä tilem. Yom k'ajal acha'añ che' ip'olbaloñla jiñi x-alt'añob. Jiñi lak ñojte'elob bajche' Noé, Abraham, Isaac yik'ot Jacob tsi' päyäyob iyijñam lok'eñbä ya' ti' p'olbal ilumalob, che' jiñi Lak Yum tsi' ich'ujutesa iyalobilob, cha'añ che' jiñi ip'olbalob mi' kajel ich'äm jiñi lum che' icha'año'bix. K'uxbiñ ti' pejtelelob jiñi israelitajob, awilañ ip'olbalo'bäch lak lumal.
»Mach achañ-esañ abä mi' ti' tojlel juñtikilik. Ichobejtäbal jiñi chañbä mi' imelob ipusik'al jiñäch jilel, ya'i ma'añik bakibä k'iñ tijikñayob mi' ichumtälob. Jiñi xts'u'lelob p'ump'uñob mi kaj iyajñelob yik'ot mi' ikaj iyilañob ka'bäl wi'ñal.
14»Yom awäk ti iyorajlel itojol x-e'telob acha'añ. Mele chuki yom Lak Yum, ya'i jiñi mi' kaj iyäk'eñet achobejtäbal. Yom xuk'ulet ti' pejtelel wolibä amel yik'ot päsä aweñlel käñtesäbilbä. 15Mach ma' mel jiñi joñtolil ti' tojlel api'äl machbä awomik ma' melbeñtel ti' atojlel jatet. Mach ma' ajap lembal jiñto ma' yäk'añ; ¡Mach ñämiyetik ti lemoñel ti jujump'ejl k'iñ!
16»T'oxbeñ awaj ti' tojlel woliyo'bä iyilañ wi'ñal, yik'ot jiñi pits'ilbä yom ma' wäk'eñ chuki mi' xoj. Majtañ ak'ä chuki mi' ikolibäyel acha'añ, yik'ot mach amel chäk. 17Yom ma' puk jiñi awaj ti iyorajlel imujkel xsajtel xuk'ulo'bä ipusik'al.
18»K'ajtiñ käñtesäñtel ti' tojlel wiñikob yujilo'bä iyajkäñtel chuki toj, yik'ot mach awajleñ uts'atbä ikäñtesa.
19»Ch'ujutesañ Lak Yum ti' pejtelel k'iñ, k'ajtibeñ cha'añ xuk'ul ma' wajñel yik'ot cha'añ uts'at mi' lok'el pejtelel mu'bä aña'tañ. Ma'añik mach juñtikil iyum jiñi ña'täbaläl. Jiñäch Lak Yum mu'bä iyäk'eñoñla ti jaychajp lak chu'bä añ. Ixku ja'el mi' ipek'esañ majki yom ipek'esañ, yik'ot mi' iyäk' ti yajlel jiñto mi laj k'otel ti' ye'bal jiñi ik'yoch'añbä.
»Kalobil, chäñ ña'tañ ti' pejtelel ili xik'ojeltak, mach ma' wäk' ti ñajayel ti apusik'al. 20Che' ja'el kom ksu'beñet cha'añ tsa' käk'ä ti lotol lujump'ejl iwuklujunk'al (130) iyalel säklemañbä tak'iñ ya' ti iyotot jiñi Gabael iyalobil Gabrí ya' ti tejklum Ragües ambä ti yumäñtel ti Media. 21Jiñ cha'añ, mach yomik ma' mel ich'ijiyemal apusik'al che' p'ump'uñoñixla wäle; mi tsa' achäñ k'uxbi jiñi Lak Ch'ujutat, mi tsa' achäñ mele chuki yom yik'ot che' ma'añik ma' cha'leñ mulil, mi' kaj ataj ka'bäl achu'bä añ».
Kasalukuyang Napili:
Tobit 4: CholDc
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© Biblia Chol de estudio con DC- Derechos reservados por SBM
Tobit 4
4
Tobit mi' käñtesañ iyalobil
1Ti jiñbä k'iñ tsa' k'ajtiyi kcha'añ jiñi tak'iñ tsa'bä käk'ä ti lotol ya' ti' iyotot jiñi Gabael ya' ti tejklum Ragües ti Media. 2Tsa' kña'ta: «Tsa'ix jk'ajti kchämel ti' tojlel Lak Ch'ujutat, jiñ cha'añ uts'at cha'añ mi kaj tsiktesäbeñ jiñi kalobil Tobías cha'añ jiñi tak'iñ». 3Che' jiñi tsa' kpäyä jiñi Tobías, tsa' kaji ksu'beñ ili tik'ojel:
«Che' mi' k'otel iyorajlel kchämel, yom weñ ma' mukoñ bajche' mi' ich'ujul mujkel wiñik. K'uxbiñ aña' ti' pejtelel k'iñ yik'ot mach awis bajñel käy, mele chuki mi' mulañ yik'ot mach awäk' ti mich'añ cha'añ bajche' ma' mel. 4La' k'ajtiyik acha'añ kalobil, bajche' tsa'ix iyu'bi wokol che' käñtäbileto icha'añ yik'ot che' maxto ak'ele pañämil. Che'bä mi' ichämel yom ma' muk ya' ti kt'ejl baki ch'ujñäbiloñ.
5»La' k'ajtiyik ja'el achäñ ach'ujbiñ Lak Yum ti' pejtelel k'iñ che' kuxuleto; mach acha'leñ mulil ti' tojlel yik'ot ñajt-esañ abä ti käñtesa jiñi xjoñtolob. 6Mi tojäch añusak'iñ, ti' pejtelel mu'bä aña'tañ amel uts'at mi' kaj iyujtel. 7Jiñäch ichobejtäbal jiñi mu'bä imelob tojo'bä.
»K'äñä jiñi achu'bä añ cha'añ ma' koltañob jiñi p'ump'uño'bä, yik'ot mach xchäket. Mi añ majch mi' ik'ajtibeñet koltaya, mach amäye' awut, cha'añ Lak Yum ma'añik mi' imäye' iwut che' mi' ak'ajtiñ akoltäñtel. 8Koltañ jiñi yaño'bä che' bajche' k'amel añ achu'bä añ: Mi ma'añik ka'bäl achu'bä añ, mach acha'leñ bäk'eñ cha'añ ma' ch'äm ojlil cha'añ ma' koltañ yaño'bä. 9Mi che'äch ma' mel, ti wi'il mi' kaj ataj akoltäñtel che' bakibä k'iñ ma'añik achu'bä añ. 10Che' mi' akoltañ yaño'bä mejl ikoltañet ataj akuxtälel yik'ot mejl ilok'sañet ya' ti wokolil. 11Awilañ, mu'bä lak käk' koltaya, jiñäch bajche' jump'ejl imajtañ ti' tojlel mu'bä lak käk'beñ Lak Yum.
12-13»Kalobil, päyä ti awijñam juñtikil x-ixik israelitabä, mach apäy jiñi ñajtbä tilem. Yom k'ajal acha'añ che' ip'olbaloñla jiñi x-alt'añob. Jiñi lak ñojte'elob bajche' Noé, Abraham, Isaac yik'ot Jacob tsi' päyäyob iyijñam lok'eñbä ya' ti' p'olbal ilumalob, che' jiñi Lak Yum tsi' ich'ujutesa iyalobilob, cha'añ che' jiñi ip'olbalob mi' kajel ich'äm jiñi lum che' icha'año'bix. K'uxbiñ ti' pejtelelob jiñi israelitajob, awilañ ip'olbalo'bäch lak lumal.
»Mach achañ-esañ abä mi' ti' tojlel juñtikilik. Ichobejtäbal jiñi chañbä mi' imelob ipusik'al jiñäch jilel, ya'i ma'añik bakibä k'iñ tijikñayob mi' ichumtälob. Jiñi xts'u'lelob p'ump'uñob mi kaj iyajñelob yik'ot mi' ikaj iyilañob ka'bäl wi'ñal.
14»Yom awäk ti iyorajlel itojol x-e'telob acha'añ. Mele chuki yom Lak Yum, ya'i jiñi mi' kaj iyäk'eñet achobejtäbal. Yom xuk'ulet ti' pejtelel wolibä amel yik'ot päsä aweñlel käñtesäbilbä. 15Mach ma' mel jiñi joñtolil ti' tojlel api'äl machbä awomik ma' melbeñtel ti' atojlel jatet. Mach ma' ajap lembal jiñto ma' yäk'añ; ¡Mach ñämiyetik ti lemoñel ti jujump'ejl k'iñ!
16»T'oxbeñ awaj ti' tojlel woliyo'bä iyilañ wi'ñal, yik'ot jiñi pits'ilbä yom ma' wäk'eñ chuki mi' xoj. Majtañ ak'ä chuki mi' ikolibäyel acha'añ, yik'ot mach amel chäk. 17Yom ma' puk jiñi awaj ti iyorajlel imujkel xsajtel xuk'ulo'bä ipusik'al.
18»K'ajtiñ käñtesäñtel ti' tojlel wiñikob yujilo'bä iyajkäñtel chuki toj, yik'ot mach awajleñ uts'atbä ikäñtesa.
19»Ch'ujutesañ Lak Yum ti' pejtelel k'iñ, k'ajtibeñ cha'añ xuk'ul ma' wajñel yik'ot cha'añ uts'at mi' lok'el pejtelel mu'bä aña'tañ. Ma'añik mach juñtikil iyum jiñi ña'täbaläl. Jiñäch Lak Yum mu'bä iyäk'eñoñla ti jaychajp lak chu'bä añ. Ixku ja'el mi' ipek'esañ majki yom ipek'esañ, yik'ot mi' iyäk' ti yajlel jiñto mi laj k'otel ti' ye'bal jiñi ik'yoch'añbä.
»Kalobil, chäñ ña'tañ ti' pejtelel ili xik'ojeltak, mach ma' wäk' ti ñajayel ti apusik'al. 20Che' ja'el kom ksu'beñet cha'añ tsa' käk'ä ti lotol lujump'ejl iwuklujunk'al (130) iyalel säklemañbä tak'iñ ya' ti iyotot jiñi Gabael iyalobil Gabrí ya' ti tejklum Ragües ambä ti yumäñtel ti Media. 21Jiñ cha'añ, mach yomik ma' mel ich'ijiyemal apusik'al che' p'ump'uñoñixla wäle; mi tsa' achäñ k'uxbi jiñi Lak Ch'ujutat, mi tsa' achäñ mele chuki yom yik'ot che' ma'añik ma' cha'leñ mulil, mi' kaj ataj ka'bäl achu'bä añ».
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© Biblia Chol de estudio con DC- Derechos reservados por SBM