Kejadian Uram 14
14
Abram biryi Lot bisi lebdobmou deyok
14:1-16
1Weik atei dumbaryi asi weik sien nang ababyi dumbaryi aryi taleamnyi. Sun si ab sun atei si ab ara ato. Amrafel bira Sinear atei sienyi kiamwe. Ariokh bira Elasar atei sienyi kiamwe. Kedorlaomer bira Elam atei sienyi kiamwe. Ba, Tideal bira Goyim atei sienyi kiamwe. 2Anda sien nang dumbaryi antanibdobmaici, yuk sien nang amubaryi asi mar bobmai. Sun atei si ab sun si ab ara Sodom atei sienyi si Bera ab, Gomora atei sienyi si Birsya ab, Adma atei sienyi si Syinab ab, Zeboim atei sienyi si Syemeber ab, Bela mutuk ara Zoar atei sienyi ab asi mar bobmai. 3A amubaryi sien nang ara antanibdobmaici, tonkwa anaboka mutuk lu si Sidim binmai. A mutuk lu ara sik eramwe me kwan si Laut Asin dam kuramwe. 4A amubaryi sien nang ara kwalina amolbaryi talak nirya ara sienyi si Kedorlaomer biryi luknubdob nang kimdeiriramwe. Asi, kwalina 13 baryi kwalibmai talak ara sunci Kedorlaomer bisi mar bobmai. 5Ura, kwalina 14 baryi kubmou talak aryi uki tentok tum ara sienyi Kedorlaomer ab, yuk winiryi sien nang ab tonkwa mar iyanmai. Ura, Refaim mutuk nang asi Asyterot-Karnaim atei dam yandoka ninyi oboka erebdobmai. Ani, Zuzim mutuk nang asi atei si Ham dam aryi yandoka ninyi oboka erebdobmai. Ani, Emim mutuk nang asi atei si Syawe-Kiryataim dam yandoka ninyi oboka erebdobmai. 6Ani, tubto tamuboka mutuk si Hori nang sun mutuk kon si Seir kuboka sirya ara El-Paran mutuk, yini mutuk dam, ninyi oboka erebdobmai. 7Sirya ura, Kedorlaomer ab, er ab tonkwa dobde yanganmai nang aryi En-Mispat mutuk tamuboka binmai. En-Mishpat ukuryok si ara Kadesh mutuk enung. Binmai ura, Amalek mutuk ninyi nirya ab, Amori ninyi asi atei si Hazezon-Tamar kuramnyi ninyi nirya luknubdob nang kibdeiboka erebdobmai. 8Ura, Sodom sienyi ab, Gomora sienyi ab, Adma sienyi ab, Zeboim sienyi ab, Zoar mutuk dam atei si Bela sienyi ab anaboka sunbabyi mutuk Sidim dam mar bobkwamaici, sun yin doun nang lelebdeiboka kiknibmai. 9Ura, Elam mutuk sienyi Kedorlaomer ab, Goyim mutuk sienyi Tideal ab, Sinear sienyi Amrafel ab, Elasar mutuk sienyi Ariokh ab ukuboka sien nang akwe dumbaryi nang ab, amubaryi sien nang ab obdanmai. 10A ordanmai mutuk Sidim dam ara a mutuk lu nirya aspal kikniramiryi tukwe ungdaramyi. Akiryi Sodom sienyi ab, Gomora sienyi ab cukoka baronmarei uca, tukwe a ungdaramnyi umbura bisik wekmarei. Ba, ton sien nang winiryi ara cukoka mutuk kon dam bai bukoka da bindobmai. 11Ba, sun a ordanmai sien nang yandoka Sodom atei ab, Gomora atei miningnamnyi bona ab, yina ab, ninyi ab nirya daluboka bobde binsekdobmai. 12Ani, Abram er kwit Lot bibabyi Sodom dam a kuramwe deyok aryi er nong babyi, er bona talena nirya babyi daluboka bobinmai.
13Ura, ninyi tentok ordanmaia dam aryi cukoka yangaronmou ani, Ibraninyi Abram dam yanmou. Ura, ninyi ordanmai to ab, Lot taleboka bobinmai to ab nukmou. Abram bira co tarbantin kankan kuramwe. A co tarbantin ara Amori mutuknyi si Mamre er kwemdeina moloramwe mutuk asi kuramwe. Anyi Mamre ab, er kwit yabwe Eskol ab, Aner ab, ara Abram ab antaniboka kuramnyi. 14Abram kekenmou uca, “Kan weit mi Lot bira sien nang aryi sun atei taleboka bobinmang,” ebmou. Ura, Abram a uram tol kekebmou ura, er ai umbura kobdob aryi deiamnyi nang asi mar ordana bikdob nang akwe yubwa 318 baryi wibmou. Ura, anaboka aminda dobde binmai ani, atei si Dan dam binmai. 15Ura, akatei dam bindoka lukunda aryi er milibmai nang wiboka olong yuk-yuk mar ibinkwamai to kuboka, wibmou ura, aminda dombinmai. Dombinmai ani, a nang asi bindoka oboka erebdobmaici, ton nang asi dobde binmai. Ani, Damsyik mutuk asi eitam kuboka Hoba dam bindoka a bobanmai nang asi oboka erebdobmai. 16Ato kuboka Abram er weit mi Lot ab, er bona talena ab, er ai ninyi ab, nerabwe ab daluboka bobanmai asi tubto leboka boyanmou.
Melkisedek biryi Abram bisi kisal dakmou deyok
14:17-24
17Abram biryi sienyi Kedorlaomer ab, yuk sien nang ab asi sirya oboka erebdobmouci, tamuboka Sodom atei yanmou. Ura, Sodom sienyi biryi Abram bisi bisik diryanmou. A mutuk si ara, “Sienyi Mutuk Lu,” ena ati, “Syawe lu,” enung dam asi diryanmou.
18Ani, Melkisedek bira Salem atei sienyi kuramwe. Ba, tonda er wa iramwe ara Er Iya Erebdobnyi biti dama deiboka wa inanyi imam kuramwe. Erci roti ab, anggur me ab boyandoka Abram bisi karebmou. 19Ura, Melkisedek biryi Abram bisi ato eboka kisal dakmou, “Er Iya Erebdobnyi, im ab tukwe ab kiknibunyi biryi Abram kansi kisal dangna dinyi karekina teleb!” eboka kisal dangna dinyi karebmou. 20Ani, ton ato ebmou, “Er Iya Erebdobnyi biryi kansi milibmakirci, kan mar ordan nang asi oboka erebdeibmakir. Ati, Er Iya Erebdobnyi bisi si weik ebman,” ebmou. Ura, Abram biryi bona daluboka boyanmou dinyi meici kukoka olong takubaryi kiboka olong tentok asi Melkisedek bisi karebmou.
21Ura, Sodom sienyi si Bera biryi Abram bisi ato ebmou, “Bona daluboka yanmarim dinyi ara nirya ur kan dobdobdum. Eda, ninyi asi nirya nibabyi tamubkarebnurum,” ebmou. 22Uca, Abram biryi ato ebmou, “Er Iya Erebdobnyi, im ab tukwe ab kiknibunyi si deici aryi iya dib en uram ebkun. 23Niryi kan bona ab, utotoa nirya ab ton dorona kum kubkwaman. Mitik dinyi ongon aling denena tabwe kum, yan karuk tabwe kum ababyi ton dorona kum kubkwaman. Anda bona donmanyi asi, ‘Abram bira ni bona aryi karebse ba, bona bonanyi kimdarur,’ ebniminyei. 24Ni nong kobdob ara a bona dorona kum kubkwan. Eda, ni milibmaning nang aryi da yibmangnyi dinyi ara tamurkarena kum kubkwansin. Ba, ni milibmaning nang Aner ab, Eskol ab, Mamre ab asi sun dobdobmanto dinyi asi wiboka yuk-yuk ton dobdobkwaming,” ebmou.
Kasalukuyang Napili:
Kejadian Uram 14: MTG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
@LAI 2007 (New Testament), @LAI2022 (Old and New Testament)
Kejadian Uram 14
14
Abram biryi Lot bisi lebdobmou deyok
14:1-16
1Weik atei dumbaryi asi weik sien nang ababyi dumbaryi aryi taleamnyi. Sun si ab sun atei si ab ara ato. Amrafel bira Sinear atei sienyi kiamwe. Ariokh bira Elasar atei sienyi kiamwe. Kedorlaomer bira Elam atei sienyi kiamwe. Ba, Tideal bira Goyim atei sienyi kiamwe. 2Anda sien nang dumbaryi antanibdobmaici, yuk sien nang amubaryi asi mar bobmai. Sun atei si ab sun si ab ara Sodom atei sienyi si Bera ab, Gomora atei sienyi si Birsya ab, Adma atei sienyi si Syinab ab, Zeboim atei sienyi si Syemeber ab, Bela mutuk ara Zoar atei sienyi ab asi mar bobmai. 3A amubaryi sien nang ara antanibdobmaici, tonkwa anaboka mutuk lu si Sidim binmai. A mutuk lu ara sik eramwe me kwan si Laut Asin dam kuramwe. 4A amubaryi sien nang ara kwalina amolbaryi talak nirya ara sienyi si Kedorlaomer biryi luknubdob nang kimdeiriramwe. Asi, kwalina 13 baryi kwalibmai talak ara sunci Kedorlaomer bisi mar bobmai. 5Ura, kwalina 14 baryi kubmou talak aryi uki tentok tum ara sienyi Kedorlaomer ab, yuk winiryi sien nang ab tonkwa mar iyanmai. Ura, Refaim mutuk nang asi Asyterot-Karnaim atei dam yandoka ninyi oboka erebdobmai. Ani, Zuzim mutuk nang asi atei si Ham dam aryi yandoka ninyi oboka erebdobmai. Ani, Emim mutuk nang asi atei si Syawe-Kiryataim dam yandoka ninyi oboka erebdobmai. 6Ani, tubto tamuboka mutuk si Hori nang sun mutuk kon si Seir kuboka sirya ara El-Paran mutuk, yini mutuk dam, ninyi oboka erebdobmai. 7Sirya ura, Kedorlaomer ab, er ab tonkwa dobde yanganmai nang aryi En-Mispat mutuk tamuboka binmai. En-Mishpat ukuryok si ara Kadesh mutuk enung. Binmai ura, Amalek mutuk ninyi nirya ab, Amori ninyi asi atei si Hazezon-Tamar kuramnyi ninyi nirya luknubdob nang kibdeiboka erebdobmai. 8Ura, Sodom sienyi ab, Gomora sienyi ab, Adma sienyi ab, Zeboim sienyi ab, Zoar mutuk dam atei si Bela sienyi ab anaboka sunbabyi mutuk Sidim dam mar bobkwamaici, sun yin doun nang lelebdeiboka kiknibmai. 9Ura, Elam mutuk sienyi Kedorlaomer ab, Goyim mutuk sienyi Tideal ab, Sinear sienyi Amrafel ab, Elasar mutuk sienyi Ariokh ab ukuboka sien nang akwe dumbaryi nang ab, amubaryi sien nang ab obdanmai. 10A ordanmai mutuk Sidim dam ara a mutuk lu nirya aspal kikniramiryi tukwe ungdaramyi. Akiryi Sodom sienyi ab, Gomora sienyi ab cukoka baronmarei uca, tukwe a ungdaramnyi umbura bisik wekmarei. Ba, ton sien nang winiryi ara cukoka mutuk kon dam bai bukoka da bindobmai. 11Ba, sun a ordanmai sien nang yandoka Sodom atei ab, Gomora atei miningnamnyi bona ab, yina ab, ninyi ab nirya daluboka bobde binsekdobmai. 12Ani, Abram er kwit Lot bibabyi Sodom dam a kuramwe deyok aryi er nong babyi, er bona talena nirya babyi daluboka bobinmai.
13Ura, ninyi tentok ordanmaia dam aryi cukoka yangaronmou ani, Ibraninyi Abram dam yanmou. Ura, ninyi ordanmai to ab, Lot taleboka bobinmai to ab nukmou. Abram bira co tarbantin kankan kuramwe. A co tarbantin ara Amori mutuknyi si Mamre er kwemdeina moloramwe mutuk asi kuramwe. Anyi Mamre ab, er kwit yabwe Eskol ab, Aner ab, ara Abram ab antaniboka kuramnyi. 14Abram kekenmou uca, “Kan weit mi Lot bira sien nang aryi sun atei taleboka bobinmang,” ebmou. Ura, Abram a uram tol kekebmou ura, er ai umbura kobdob aryi deiamnyi nang asi mar ordana bikdob nang akwe yubwa 318 baryi wibmou. Ura, anaboka aminda dobde binmai ani, atei si Dan dam binmai. 15Ura, akatei dam bindoka lukunda aryi er milibmai nang wiboka olong yuk-yuk mar ibinkwamai to kuboka, wibmou ura, aminda dombinmai. Dombinmai ani, a nang asi bindoka oboka erebdobmaici, ton nang asi dobde binmai. Ani, Damsyik mutuk asi eitam kuboka Hoba dam bindoka a bobanmai nang asi oboka erebdobmai. 16Ato kuboka Abram er weit mi Lot ab, er bona talena ab, er ai ninyi ab, nerabwe ab daluboka bobanmai asi tubto leboka boyanmou.
Melkisedek biryi Abram bisi kisal dakmou deyok
14:17-24
17Abram biryi sienyi Kedorlaomer ab, yuk sien nang ab asi sirya oboka erebdobmouci, tamuboka Sodom atei yanmou. Ura, Sodom sienyi biryi Abram bisi bisik diryanmou. A mutuk si ara, “Sienyi Mutuk Lu,” ena ati, “Syawe lu,” enung dam asi diryanmou.
18Ani, Melkisedek bira Salem atei sienyi kuramwe. Ba, tonda er wa iramwe ara Er Iya Erebdobnyi biti dama deiboka wa inanyi imam kuramwe. Erci roti ab, anggur me ab boyandoka Abram bisi karebmou. 19Ura, Melkisedek biryi Abram bisi ato eboka kisal dakmou, “Er Iya Erebdobnyi, im ab tukwe ab kiknibunyi biryi Abram kansi kisal dangna dinyi karekina teleb!” eboka kisal dangna dinyi karebmou. 20Ani, ton ato ebmou, “Er Iya Erebdobnyi biryi kansi milibmakirci, kan mar ordan nang asi oboka erebdeibmakir. Ati, Er Iya Erebdobnyi bisi si weik ebman,” ebmou. Ura, Abram biryi bona daluboka boyanmou dinyi meici kukoka olong takubaryi kiboka olong tentok asi Melkisedek bisi karebmou.
21Ura, Sodom sienyi si Bera biryi Abram bisi ato ebmou, “Bona daluboka yanmarim dinyi ara nirya ur kan dobdobdum. Eda, ninyi asi nirya nibabyi tamubkarebnurum,” ebmou. 22Uca, Abram biryi ato ebmou, “Er Iya Erebdobnyi, im ab tukwe ab kiknibunyi si deici aryi iya dib en uram ebkun. 23Niryi kan bona ab, utotoa nirya ab ton dorona kum kubkwaman. Mitik dinyi ongon aling denena tabwe kum, yan karuk tabwe kum ababyi ton dorona kum kubkwaman. Anda bona donmanyi asi, ‘Abram bira ni bona aryi karebse ba, bona bonanyi kimdarur,’ ebniminyei. 24Ni nong kobdob ara a bona dorona kum kubkwan. Eda, ni milibmaning nang aryi da yibmangnyi dinyi ara tamurkarena kum kubkwansin. Ba, ni milibmaning nang Aner ab, Eskol ab, Mamre ab asi sun dobdobmanto dinyi asi wiboka yuk-yuk ton dobdobkwaming,” ebmou.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
@LAI 2007 (New Testament), @LAI2022 (Old and New Testament)