Matié 5
5
Jésu dor kual ca kubung
1Kiddin ga Jésu ba sol kalang ga yaué combu na, ddi nai ca kubung, ddi jom dugo. Anjama gai ’yé gusi. 2Ddi osum gelegé kual lé, Ddi yé wa:
Gusu mowa go cindi
(Luk 6:20–23)
3Kalang ga ba sol ca ka ga nyagé na, kanga gusu mowa cawa Leu do dang ni na togé.
4Kalang ga koinyé nyagé na, kanga gusu mowa cawa Kumu da jalgé ddaindigé.
5Kalang ga jal luguab luguab na, kanga gusu mowa cawa ka di delinya deba do Kumu ba dorgé kebu ca.
6Kalang gang tabelang do ca lo henga ga Kumu kederei ba dargé na, kanga gusu mowa cawa Kumu da bigé henga combu.
7Kalang ga solé kalang nyageigé na, kanga gusu mowa cawa Kumu da sol nyageigé bu’.
8Kalang gang ddainya do béré hér na, kanga gusu mowa cawa ka sol Kumu.
9Kalang ga daié kalang labia na, kanga gusu mowa cawa Kumu da téga karndi.
10Kalang gang gelé go cin ca ké lo henga ga Kumu kederei ba dargé na, kanga gusu mowa cawa Leu do dang ni na togé.
11Kalang nia nyangdugeng bua, ké nia gelgeng cindegeng bua, ké nia wadelé kual go poi cindi kaindi kaindi caigeng bu’ ca kenga anjama gang na, keng danga gusu mowa. 12Ga lageng kederé baria, dda gusugeng mouageng cawa boié gogeng go gumu wa amegeng wo dang, ké gel ga cogelé kebu go Kumu koi ga tumu cindega main kain.
Ddoaga kang arinwa
(Mark 9:50; Luk 14:34–35)
13Kenga ddoaga do delinya toa, ama ddoaga mowa doa nia durong cong na, ka nyano herua mena ga? To jia kurin, ké ba cong bua, kalang ddodera gondigé bu’.
14Kenga arinwa do delinya toa. Gulong go gumu go ké ba boii ca kubung na, wosé goi wo ’eno. 15Ké jagu tua ca kemba dalang ca ’eno, ama ké jagua dang ca arinya ké ga a duro kulu. 16Dda arinwa dogeng to arinya tumu kalang main kain bu’, ca ké sela gié gogeng go ddari bua, ké debainya Baigeng go dang ni bu’.
Gelé go Jésu koi ca so
17Ddo keng ’eremé wa: ’Enung ’erga ca toinyé so go Mois koi kang gelé go ga cogelé kebu go Kumu koi kogé. ’Enung ’erga ca toinyégé ’eno, ama ca gelé kual gogé go cindi dong. 18’Enung yegenga cindi waldong wang: Dangang delinya nia ddegel suguddong kau, garé pena, kau jibé pena a duro so lé go toinyang cong ’eno. Ka jom kené bera to do karé do henga togé mam. 19Na ca ma, kema goni goni goa kain so go bbani a duroigé, kau ddi gel kalang ca lo main kain bu’ na, ka belei wusin a duro Leu do dang ni, ama kema goni goni goa magu so lé bua, ddi gel kalang ca lo main kain bu’ na, ka belei gumu a duro Leu do dang ni. 20’Enung yegenga waldong wang: Keng nia magu henga ga Kumu kederei ba dargé mam, ddi ga gelé so go Kumu koi kang ga Parisié ’eno na, keng go andong duro Leu do dang ni ’eno bering.
Gelé go Jésu koi ca mainyé do lo
21Keng jé kual go ké ba yégé moinderegeng wa: Ji deddé temai ’eno, kema goni goni goa deddu temai na, ka goli tumu kema go kaidé kual. 22Ama ’enung yegenga waldong wang: Kema goni goni goa lé mainyang kermi na, ka goli tumu kema go kaidé kual. Kema goni goni goa yei kermi wa: Jia mader na, ka goli tumu gumu go bedang. Kema goni goni goa yei wa: Jia mam na, ddi bbal oré cin tua do kerbinya. 23Na ca ma, ji nia ca boi Kumu sandega doin do kalin ca dandang do tibé Kumu na, ama ji ’erem ca kermin dang kual tebenang nai na, 24ji dda sandega doin do kalin tumu dandang do tibé Kumu, ji ’era nyan kual go labia dang kermin jua ma, kardené ji sai jiga bi sandega doin do kalin lé dé.
25Kema go pena nia kembein ca orang nain tumu go kaidé kual, kiddin ga keng wa oré duro giyong dé na, bia gusin kala, ji nyana kual go labia dang nai ca ddo ddi oré boin kuaba go kaidé kual ’eno, ca ddo go kaidé kual ddi boin kuaba asengar go magé kulu kibi ’eno, ca ddo go magé kulu kibi dibein duro gerngang ’eno. 26’Enung yeinya cindi waldong wang: Ji go andongang kiddin lé ’eno bera ji boi sula go to do karé.
Gelé go Jésu koi ca béli lo goa
27Keng jé kual go ké ba yei: Ji lo béli ’eno. 28Ama ’enung yegenga waldong wang: Kema goni goni goa sol tama do ddang dang tabelang do dara na, ddi lé béliang na duro ddaindi ka’. 29Tindin do barua nia sin ca jia aserong duro isinwa na, ji dura, jia debo a gusin cong cigad, na golgo ji basu henga ga gusin pena cong, ddia go ké nia dibin cin tua do kerbinya dang gusin mam. 30Kobin go barua nia sin ca jia aserong duro isinwa na, ji walai, ji debi a gusin cong cidad, na golgo ji basu henga ga gusin pena cong, ddia go ké nia dibin ca tua do kerbinya dang gusin mam.
Gelé go Jésu koi ca taié go kandu
(Matié 19:9; Mark 10:11–12; Luk 16:18)
31Ké jogu yé com: Kema goni goni goa tai tamdi na, na gad ddi bo maktub do taié. 32Ama ’enung yegenga waldong wang: Kema goni goni goa tai tamdi do ba la béli ’eno, ama to nia ’yé barua go ddang na, ddia bela tama do béli. Barua go ba ’yé tama do main kain lé na, ddia go lo béli bu’.
Gelé go Jésu koi ca kual go bbesé
33Keng jé kual go ké ba yégé moinderegeng: Ji bbesé gusin ca poi ’eno, ama ji ser to kebu go doré go ji ba dori tumu Bagulong. 34Ama ’enung wa yegeng: Ddo keng bbesé gusugeng dang henga gani gani ’eno bering, kau dang dang cawa na pogu go Kumu koi. 35Kau dang gesong cawa na kiddin ga so gondi, kau dang Jorsalém cawa na gulong go gumu go Kelma go gumu koi. 36Ji bbesé gusin dang cain ’eno cawa jiang dono do belé kederum pena béré kau ’indi ’eno. 37Yagenga ’I, kau ’eno mera, ji nia ddi main kain na, saga a gusu Sidan.
Gelé go Jésu koi ca kual go gojé gusin
(Luk 6:29–30)
38Keng jé kual go ké ba yei, tî ca tî bua, kégé ca kégé bu’. 39Ama ’enung wa yegeng: Kema goa legeng isinwa na, ddo keng gojé gusugengang nai ’eno, ama kema goni goni nia sombin mongjein ga barua na, ddai ddi sembein mongjein ga masa bu’, 40Kema goni goni nia kembein tumu go kaidé kual ca ddia ’ya badigé gain ga wusin na, ddai ddi ’ya badigé gain ga gumu bu’. 41Go ddo ca kema goi nia leinyang dono ca jia kujai henga gai ’erai guaddang dubu pena na, ji ’era guaddang dubu sua. 42Kema goa olin na, ji bi henga ga pena na, ji narei ’eno.
Kederegeng ’ya kageng ga tebena
(Luk 6:27–28, 32–36)
43Keng jé kual go ké ba yei, na gad kederein ’ya mondin, ji kainya koin go tebena. 44Ama ’enung wa yegenga: Kederegeng ’ya kageng ga tebena, ké ga wa gelegeng cindegeng na, ga ulageng caigé. 45Ca keng bel Baigeng go a dang karndi, cawa ddi ddé teba doi andong ddar ca kalang ga isindong bua, ca kalang ga ddaderong bu’. Ddi hongu kang ca kalang ga lo gié go ddari main ddi hongu kang ca kalang ga lo gié go isini kain bu’. 46Kederegeng nia ’ya kalang ga kederégé ba ’yogeng mera na, cawa ma keng sai am boié gogeng a gusu Kumu ga? Kalang ga hogé kau la main kain ’eno ga? 47Keng nia la karmegeng labia mera na, keng la henga ga ddari ga? Kalang ga toigé ddang ka la main kain ’eno ga? 48Ga bbalagenga kerab main Baigeng go dang ba bbal kerab kain.
Kasalukuyang Napili:
Matié 5: TNG1978
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© Alliance biblique universelle (United Bible Societies) 1978.
Matié 5
5
Jésu dor kual ca kubung
1Kiddin ga Jésu ba sol kalang ga yaué combu na, ddi nai ca kubung, ddi jom dugo. Anjama gai ’yé gusi. 2Ddi osum gelegé kual lé, Ddi yé wa:
Gusu mowa go cindi
(Luk 6:20–23)
3Kalang ga ba sol ca ka ga nyagé na, kanga gusu mowa cawa Leu do dang ni na togé.
4Kalang ga koinyé nyagé na, kanga gusu mowa cawa Kumu da jalgé ddaindigé.
5Kalang ga jal luguab luguab na, kanga gusu mowa cawa ka di delinya deba do Kumu ba dorgé kebu ca.
6Kalang gang tabelang do ca lo henga ga Kumu kederei ba dargé na, kanga gusu mowa cawa Kumu da bigé henga combu.
7Kalang ga solé kalang nyageigé na, kanga gusu mowa cawa Kumu da sol nyageigé bu’.
8Kalang gang ddainya do béré hér na, kanga gusu mowa cawa ka sol Kumu.
9Kalang ga daié kalang labia na, kanga gusu mowa cawa Kumu da téga karndi.
10Kalang gang gelé go cin ca ké lo henga ga Kumu kederei ba dargé na, kanga gusu mowa cawa Leu do dang ni na togé.
11Kalang nia nyangdugeng bua, ké nia gelgeng cindegeng bua, ké nia wadelé kual go poi cindi kaindi kaindi caigeng bu’ ca kenga anjama gang na, keng danga gusu mowa. 12Ga lageng kederé baria, dda gusugeng mouageng cawa boié gogeng go gumu wa amegeng wo dang, ké gel ga cogelé kebu go Kumu koi ga tumu cindega main kain.
Ddoaga kang arinwa
(Mark 9:50; Luk 14:34–35)
13Kenga ddoaga do delinya toa, ama ddoaga mowa doa nia durong cong na, ka nyano herua mena ga? To jia kurin, ké ba cong bua, kalang ddodera gondigé bu’.
14Kenga arinwa do delinya toa. Gulong go gumu go ké ba boii ca kubung na, wosé goi wo ’eno. 15Ké jagu tua ca kemba dalang ca ’eno, ama ké jagua dang ca arinya ké ga a duro kulu. 16Dda arinwa dogeng to arinya tumu kalang main kain bu’, ca ké sela gié gogeng go ddari bua, ké debainya Baigeng go dang ni bu’.
Gelé go Jésu koi ca so
17Ddo keng ’eremé wa: ’Enung ’erga ca toinyé so go Mois koi kang gelé go ga cogelé kebu go Kumu koi kogé. ’Enung ’erga ca toinyégé ’eno, ama ca gelé kual gogé go cindi dong. 18’Enung yegenga cindi waldong wang: Dangang delinya nia ddegel suguddong kau, garé pena, kau jibé pena a duro so lé go toinyang cong ’eno. Ka jom kené bera to do karé do henga togé mam. 19Na ca ma, kema goni goni goa kain so go bbani a duroigé, kau ddi gel kalang ca lo main kain bu’ na, ka belei wusin a duro Leu do dang ni, ama kema goni goni goa magu so lé bua, ddi gel kalang ca lo main kain bu’ na, ka belei gumu a duro Leu do dang ni. 20’Enung yegenga waldong wang: Keng nia magu henga ga Kumu kederei ba dargé mam, ddi ga gelé so go Kumu koi kang ga Parisié ’eno na, keng go andong duro Leu do dang ni ’eno bering.
Gelé go Jésu koi ca mainyé do lo
21Keng jé kual go ké ba yégé moinderegeng wa: Ji deddé temai ’eno, kema goni goni goa deddu temai na, ka goli tumu kema go kaidé kual. 22Ama ’enung yegenga waldong wang: Kema goni goni goa lé mainyang kermi na, ka goli tumu kema go kaidé kual. Kema goni goni goa yei kermi wa: Jia mader na, ka goli tumu gumu go bedang. Kema goni goni goa yei wa: Jia mam na, ddi bbal oré cin tua do kerbinya. 23Na ca ma, ji nia ca boi Kumu sandega doin do kalin ca dandang do tibé Kumu na, ama ji ’erem ca kermin dang kual tebenang nai na, 24ji dda sandega doin do kalin tumu dandang do tibé Kumu, ji ’era nyan kual go labia dang kermin jua ma, kardené ji sai jiga bi sandega doin do kalin lé dé.
25Kema go pena nia kembein ca orang nain tumu go kaidé kual, kiddin ga keng wa oré duro giyong dé na, bia gusin kala, ji nyana kual go labia dang nai ca ddo ddi oré boin kuaba go kaidé kual ’eno, ca ddo go kaidé kual ddi boin kuaba asengar go magé kulu kibi ’eno, ca ddo go magé kulu kibi dibein duro gerngang ’eno. 26’Enung yeinya cindi waldong wang: Ji go andongang kiddin lé ’eno bera ji boi sula go to do karé.
Gelé go Jésu koi ca béli lo goa
27Keng jé kual go ké ba yei: Ji lo béli ’eno. 28Ama ’enung yegenga waldong wang: Kema goni goni goa sol tama do ddang dang tabelang do dara na, ddi lé béliang na duro ddaindi ka’. 29Tindin do barua nia sin ca jia aserong duro isinwa na, ji dura, jia debo a gusin cong cigad, na golgo ji basu henga ga gusin pena cong, ddia go ké nia dibin cin tua do kerbinya dang gusin mam. 30Kobin go barua nia sin ca jia aserong duro isinwa na, ji walai, ji debi a gusin cong cidad, na golgo ji basu henga ga gusin pena cong, ddia go ké nia dibin ca tua do kerbinya dang gusin mam.
Gelé go Jésu koi ca taié go kandu
(Matié 19:9; Mark 10:11–12; Luk 16:18)
31Ké jogu yé com: Kema goni goni goa tai tamdi na, na gad ddi bo maktub do taié. 32Ama ’enung yegenga waldong wang: Kema goni goni goa tai tamdi do ba la béli ’eno, ama to nia ’yé barua go ddang na, ddia bela tama do béli. Barua go ba ’yé tama do main kain lé na, ddia go lo béli bu’.
Gelé go Jésu koi ca kual go bbesé
33Keng jé kual go ké ba yégé moinderegeng: Ji bbesé gusin ca poi ’eno, ama ji ser to kebu go doré go ji ba dori tumu Bagulong. 34Ama ’enung wa yegeng: Ddo keng bbesé gusugeng dang henga gani gani ’eno bering, kau dang dang cawa na pogu go Kumu koi. 35Kau dang gesong cawa na kiddin ga so gondi, kau dang Jorsalém cawa na gulong go gumu go Kelma go gumu koi. 36Ji bbesé gusin dang cain ’eno cawa jiang dono do belé kederum pena béré kau ’indi ’eno. 37Yagenga ’I, kau ’eno mera, ji nia ddi main kain na, saga a gusu Sidan.
Gelé go Jésu koi ca kual go gojé gusin
(Luk 6:29–30)
38Keng jé kual go ké ba yei, tî ca tî bua, kégé ca kégé bu’. 39Ama ’enung wa yegeng: Kema goa legeng isinwa na, ddo keng gojé gusugengang nai ’eno, ama kema goni goni nia sombin mongjein ga barua na, ddai ddi sembein mongjein ga masa bu’, 40Kema goni goni nia kembein tumu go kaidé kual ca ddia ’ya badigé gain ga wusin na, ddai ddi ’ya badigé gain ga gumu bu’. 41Go ddo ca kema goi nia leinyang dono ca jia kujai henga gai ’erai guaddang dubu pena na, ji ’era guaddang dubu sua. 42Kema goa olin na, ji bi henga ga pena na, ji narei ’eno.
Kederegeng ’ya kageng ga tebena
(Luk 6:27–28, 32–36)
43Keng jé kual go ké ba yei, na gad kederein ’ya mondin, ji kainya koin go tebena. 44Ama ’enung wa yegenga: Kederegeng ’ya kageng ga tebena, ké ga wa gelegeng cindegeng na, ga ulageng caigé. 45Ca keng bel Baigeng go a dang karndi, cawa ddi ddé teba doi andong ddar ca kalang ga isindong bua, ca kalang ga ddaderong bu’. Ddi hongu kang ca kalang ga lo gié go ddari main ddi hongu kang ca kalang ga lo gié go isini kain bu’. 46Kederegeng nia ’ya kalang ga kederégé ba ’yogeng mera na, cawa ma keng sai am boié gogeng a gusu Kumu ga? Kalang ga hogé kau la main kain ’eno ga? 47Keng nia la karmegeng labia mera na, keng la henga ga ddari ga? Kalang ga toigé ddang ka la main kain ’eno ga? 48Ga bbalagenga kerab main Baigeng go dang ba bbal kerab kain.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© Alliance biblique universelle (United Bible Societies) 1978.