ಮತ್ತಾಯ 3
3
ಬಾಪ್ತಿಸ್ಮ ದಿವಾನು ಯೊಹಾನನಾ ಉಪದೆಶ
1ತೆ ಕಾಲಮಾ ಬಾಪ್ತಿಸ್ಮಾ ದಿವಾಲೊ ಯೊಹಾನ ಯುದಾಯನಾ ರಾನ್ಮಾ ಬೊದನೆ ಕವಾನು ಶುರು ಕರ‍್ಯೊ. 2ಸ್ವರ್ಗನೊ ರಾಜ್ಯ ನಜಿಕ ಆಯೊಸ. ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡ್ದಿನ ಕ್ಹುದಾಕನ ಫರೊ” ಕೈನ ತೆ ಬೊದನೆ ಕರ‍್ಯೊ. 3ಪ್ರಭುನಾ ಹುತಿ ವಾಟ ತಯ್ಯಾರ ಕರೊ; ತಿನಿ ವಾಟ ಸಿದಾ ಚೊ಼ಕಿ ಕರೊ ಕೈನ ರಾನ್ಮಾ ಅಡ್ಡಾಲಾನಿ ಆವಾಜ ಐಕು ಆವಾಡುಸ. (ಯೆಶಾಯ 40:3) ಕೈನ ಬಾಪ್ತಿಸ್ಮಾ ದಿವಾಲಾ ಯೊಹಾನನಾ ಹುತಿ ಪ್ರವಾದಿ ಥಯಲ ಯೆಶಾಯ ಕದಲ ವ್ಹೈ. 4ಯೊಹಾನನಾ ವಣ್ಣಾ ಹುಂಟಾನಾ ಬಾಲೊಕ್ಹು ಕರಲ ವ್ಹತ್ತಾ. ತಿನೆ ಕಂಬರನೊ ಪಟ್ಟೊ ವ್ಹತ್ತೊ. ತಿನೆ ಫಿರಕಾ ವರಿ ರಾನನು ಜೆನ ಅನ್ನ ಲಿಂಗತ ವ್ಹತ್ತು. 5ಮನಕ್ಹೊ ಯೊಹಾನನು ಉಪದೆಶ ಐಕಾನೆ ಯೆರುಸಲೆಮತಾ, ಯುದಾಯ ವರಿ ಯೊರ್ದನ ನದಿನಾ ಬಗಲ ದಂಡಿಕನ ರ‍್ಹಯಲ ಕ್ಹಾರಾ ಜ಼ಗಾತಾ ಆವಾಡಾತಾ. 6ಮನಕ್ಹೊ ತ್ಯುನೆ ಕರಲ ಪಾಪ ವಪ್ಪಿ ಲಿದಲ್ಪರ ಯೊಹಾನ ತ್ಯುನೊನೆ ಯೊರ್ದನ ನದಿಮಾ ಬಾಪ್ತಿಸ್ಮಾ ದಿವಾಡೊತೊ. 7ಘನ್ನಾ ಫರಿಸಾಯರೊ ವರಿ ಸದ್ದುಕಾಯರೊ ಯೊಹಾನನಾ ಹತೆ ಬಾಪ್ತಿಸ್ಮಾ ಕರೈಲಿವಾನಾ ಹುತಿ ಆಯಾ. ಯೊಹಾನ ತ್ಯುನೊನೆ ದೆಕಿನ, ತುಮೆ ಕ್ಹಾರಾ ಕ್ಹಾಪೊ ವ್ಹೈ! ಆವಾನೆ ರ‍್ಹಯಲ ಕ್ಹುದಾನಾ ಶಿಟ್ಟಕ್ಹು ವಾಚಾನೆ ತುಮೊನೆ ಹುಶಾರಕಿ ದಿದಲವಾಲು ಕುನ್ನ ವ್ಹೈ? 8ತುಮಾರು ಮನಸ ಕ್ಹರಿಮಾಜ಼ ಕ್ಹುದಾ ಬಗಲ ಛೆ ಕೈನ ಕವಾನು ತುಮೆ ಕರಾನಾ ಕಾಮೊಕ್ಹು ದೆಕಾಡೊ. 9‘ಅಬ್ರಹಾಮ ಅಪ್ನೊ ಬಾ ವ್ಹೈ’ ಕೈನ ತುಮೆ ಸ್ವಕ್ಕ ಕರಾನು ಕಾ? ಕ್ಹುದಾ ಅಬ್ರಹಾಮನಾ ಹುತಿ ನ್ಯ್ಹಾ ರ‍್ಹಯಲ ದಗಡಾವೊಕ್ಹುಬಿ ಬಚ್ಚಾ ಹುಟ್ಸಾವಾನೆ ಥಾವಸ ಕೈನ ಮಿ ತುಮೊನೆ ಕೌಸ. 10ಝಾಡೊ ಕತ್ರಿನ ನಾಕಾನೆ ಕೊಡ್ಲಿ ಹಮ್ನಾಜ ತಯ್ಯಾರ ಛೆ. ಚೊ಼ಕು ಫಲ ನೈ ದಿವಾನಾ ಹರಯಕ್ಕ ಝಾಡನೆ ಕತ್ರಿನ ಆಗಮಾ ಘಾಲಸ. 11ತುಮಾರಾ ಮನಸೊ ಕ್ಹುದಾ ಬಗಲ ಫರ್xಯಾಸ ಕವಾನೆ ದೆಕಾಡಾನಾ ಹುತಿ ಮಿ ತುಮೊನೆ ಪಾನಿಮಾ ಬಾಪ್ತಿಸ್ಮಾ ಕರೌಸ. ತೆನೈಸೊ ಮಾರಾ ಪಾಚೊ಼ ಆವಾಲೊ ಮಾರಾತಿ ತಾಕತವಾಲೊ ವ್ಹೈ. ತಿನಾ ಚಪ್ಲೊ ಛೊಡಾವಾನೆಬಿ ಮಿ ಯೊಗ್ಯ ನ್ಹವೈ. ತೆ ತುಮೊನೆ ಪವಿತ್ರ ಆತ್ಮಾಮಾ ಆಗಮಾ ಬಾಪ್ತಿಸ್ಮಾ ಕರಾವಸ. 12ತೆ ಬಿಯ್ಯಾವೊನೆ ಸ್ವಚ್ಛ ಕರಾನೆ ತಯ್ಯಾರ ಥಯೊಸ. ತೆ ಬಿಯ್ಯಾವೊನೆ ಕೊಂಡಾವೊಕ್ಹು ಜುದೊ ಕರಿನ ಚೊ಼ಕಾ ಬಿಯ್ಯಾವೊನೆ ಕಣಜಮಾ ಭರೈನ ಕೊಂಡಾವೊನೆ ನೈ ಇಜ್ಜಾ಼ವಾನಿ ಆಗಮಾ ಬಾಳಿ ಪಡಸ” ಕೈನ ಕದ್ಯೊ.
ಯೊಹಾನನಾ ಹತೆ ಯೆಸು ಬಾಪ್ತಿಸ್ಮಾ
(ಮಾರ್ಕ 1:9-11; ಲುಕ 3:21-22)
13ತೆ ಟೈಮ ಯೊಹಾನನಾ ಹತೆ ಯೆಸು ಬಾಪ್ತಿಸ್ಮಾ ಲಿವಾನೆ ಗಲಿಲಾಯತೊ ಯೊರ್ದನ ನದಿನೆ ಆಯೊ. 14ತೆನೈಸೊ ಯೊಹಾನ, ಮಿಜ಼ ತಾರಾ ಹತೆ ಬಾಪ್ತಿಸ್ಮಾ ಕರೈ ಲಿವಾನು ಛೆ. ಇಮ್ಮ ರ‍್ಹತಾಮಾ ತು ಮಾರಾಕ್ಹು ಬಾಪ್ತಿಸ್ಮಾ ಲಿವಾನೆ ಮಕನ ಆವಾನು ಕಾ? ಕೈನ ತಿನೆ ಹುಬ್ರಾಡಾನೆ ದೆಕ್ಯೊ. 15ಯೆಸು "ಹಮ್ನಾ ತು ಇನಿ ಒಪ್ಪಿಲೆ ಅಪೆ ಕಾಮೊ ಕರಾನು ಶೆ" ಕದ್ಯೊ. ತೆಳಾಮಾ ಯೊಹಾನ ಯೆಸುನೆ ಬಾಪ್ತಿಸ್ಮಾ ದಿವಾನೆ ಒಪ್ಪಿಲಿದ್ಯೊ. 16ಯೆಸು ಬಾಪ್ತಿಸ್ಮಾ ಲಿನಾ ಪಾನಿಮಾತೊ ಉಪ್ಪರ ಆಯೊ, ತೆಳಾಮಾಜ಼ ಹಬಾಳ ಕ್ಹುಲ್ಯು ಕ್ಹುದಾನಿ ಆತ್ಮಾ ಖಬುತರನಾ ರುಪ್ಮಾ ಉತರಿ ತಿನಾ ಉಪ್ಪರ ಆವಾನು ಯೆಸು ದೆಕ್ಯೊ. 17ತೆಳಾಮಾ ಸ್ವರ್ಗಮಾತು ಆವಾಜ ಐಯು "ಆ ಮಾರೊ ಮಾಯಾನೊ ದಿಕ್ರೊ ಯೆಸು ವ್ಹೈ, ಅನೆ ಮಿ ಘನ್ನೊ ಮೆಚ್ಚೊಸ".
Kasalukuyang Napili:
ಮತ್ತಾಯ 3: NTSrr23
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
The New Testament in Sikkiligar Language © The Word for the World International and Sikkiligar Bhasha Samiti, Madhya Pradesh, 2023