Lucas 24
24
Nai Jesus moris fila fali hosi mate
(Mateus 28:1-10; Marcos 16:1-8; João 20:1-10)
1Iha Domingu, loron primeiru semana nian, iha dadeer-saan nakukun, senhora sira nee baa iha Jesus nia rate. Sira lori ai been morin ho mina morin nebee sira prepara tiha ona atu tau ba Jesus nia isin. 2Too iha nebaa, sira haree fatuk boot nebee hodi taka rate ibun, duir tiha ona ba ninin. 3Entaun sira tama ba rate laran, maibee sira la haree Nai Jesus nia mate isin. 4Sira hotu bilaan tiha hodi hanoin hela buat nee. Derepenti deit, mane nain rua hatais hena lakan nabilan hamriik hela iha sira nia sorin. 5Senhora sira nee tauk teb-tebes, i hakruuk iha sira nia oin. Ema nain rua nee husu, “Nusaa mak imi mai buka ema moris iha ema mate sira nia fatin? 6Nia la iha nee ona. Nia moris fali ona! Keta haluha buat nebee Nia hatete ba imi bainhira Nia sei hamutuk ho imi iha Galileia. 7Nia foo hatene kedas ona dehan, ema sei faan Ema Oan ba iha ema sala nain sira nia liman, i sei prega Nia iha krus too mate. Maibee iha loron tolu Nia sei moris fali.”#Mateus 16:21; 17:22-23; 20:18-19; Marcos 8:31; 9:31; 10:33-34; Lucas 9:22; 18:31-33
8Rona nunee, sira foin hanoin hetan Jesus nia liafuan uluk nee. 9Depois sira fila hosi rate hodi konta buat sira nee hotu ba Jesus nia apostolu nain sanulu resin ida ho ema sira seluk nebee tuir Nia. 10Senhora sira nebee baa iha rate nee mak Maria hosi rai Madala, Joana, Tiago nia inan Maria, ho mos ema seluk tan. Sira nee hotu konta buat sira nee ba apostolu sira. 11Maibee apostolu sira la fiar, sira hanoin dehan senhora sira koalia nar-naran deit.
12Maski nunee, Pedro hamriik lalais hodi halai ba rate. Too iha nebaa, nia hakruuk hodi hateke ba rate laran, maibee nia so haree deit hena mutin nebee hodi falun mate isin nee. Nia fila ba uma hodi hanoin hela dehan, “Oinsaa mak nee?”
Nai Jesus hatudu Aan ba eskolanti nain rua iha dalan baa Emaus
(Marcos 16:12-13)
13Iha loron nee kedas, Jesus nia eskolanti nain rua sai hosi Jerusalém atu baa iha aldeia ida naran Emaus. Aldeia nee kala kilometru sanulu resin ida hosi Jerusalém. 14Tuir dalan, sira koalia dadauk kona ba buat hotu nebee foin akontese nee. 15Sira koalia namanas hela kona ba buat sira nee, Jesus rasik toman sira i lao hamutuk ho sira. 16Maibee sira la konhese katak, nee Jesus, tanba Maromak taka tiha sira nia hanoin.
17Depois Jesus husu ba sira, “Ohin iha dalan, imi koalia saida mak nee?”
Sira nain rua hamriik iha fatin, hatudu oin tristi loos. 18Ida naran Cleopas dehan ba Jesus, “Hosi ema hotu-hotu nebee mai vizita Jerusalém nee, Ita Boot mesak deit mak la hatene buat nebee mak foin akontese dadauk nee.”
19Jesus husu fali, “Buat saida?”
Sira hataan, “Buat nebee mak akontese ba ho Jesus hosi Nazaré. Nia profeta ida, Nia halo milagre boot i Nia liafuan mos hatudu katak Nia iha kbiit. Maromak rasik konsidera Nia profeta boot, saa tan povu.
20Maibee nai lulik nia xefi sira ho ita nia ukun nain sira entrega fali Nia ba governador para kastigu mate Nia. Depois sira prega tiha Nia iha krus too mate. 21Afinal, uluk ami laran metin katak, Nia mak atu foo liberdade ba povu Israel. Maibee agora buat sira nee akontese liu loron tolu ona.
22Agora ami bilaan liu tan. Tanba ohin dadeer-saan nakukun senhora balu hosi ami nia grupu baa iha rate, 23maibee sira la hetan Jesus nia mate isin. Depois sira fila hodi konta mai ami dehan, sira haree anju sira nebee hatete katak Jesus moris fali ona. 24Nunee ami nia kolega balu halai kedas ba rate. Too iha rate, sira haree katak, buat nebee senhora sira konta nee, loos duni. Sira mos la haree Jesus nia mate isin.”
25Jesus hatete ba sira, “Imi ulun toos duni! Nusaa mak imi la fiar nafatin liafuan sira nebee Maromak nia profeta sira foo sai ona hori uluk!? 26Sira hakerek dehan, Kristu tenki simu terus hanesan nee duni, foin Nia bele simu onra no gloria.” 27Depois Jesus esplika ba sira kona ba buat hotu-hotu nebee hakerek ona iha Sagrada Eskritura kona ba Nia Aan, komesa hosi Moisés nia livru, no profeta sira seluk nia livru.
28Bainhira sira besik too ona iha Emaus, Jesus halo finji kontinua lao ba oin nafatin. 29Maibee sira nain rua husu bebeik, “Senhor, deskansa lai ho ami kalan nee, tanba loro matan atu besik monu ona.” Entaun Jesus tama hamutuk ho sira ba uma laran.
30Bainhira sira tuur iha meza hodi haan, Jesus foti paun, i foo agradese ba Nai Maromak. Depois Nia silu paun nee halo rohan-rohan hodi foo ba sira nain rua. 31Tempu nee kedas Maromak loke sira nia hanoin, i sira hatene katak, ema nee Jesus. Maibee derepenti deit, Nia lakon tiha hosi sira nia oin. 32Sira konta ba malu, “Ohin iha dalan Nia koalia ho ita hodi esplika Maromak nia liafuan, ita nia laran haksolok teb-tebes.”
33Sira nain rua mos hamriik kedas hodi fila fali ba Jerusalém. Too iha nebaa sira hasoru malu ho Jesus nia apostolu nain sanulu resin ida ho sira seluk nebee halibur hamutuk hela. 34Ema sira nee hatete ba sira nain rua, “Loos duni! Nai Jesus moris fali ona! Ohin Nia hatudu Aan ba Simão Pedro.”#24:34:Lian Gregu dehan ‘Simão’. Simão nee Pedro nia naran seluk.
35Depois sira nain rua mos konta buat hotu nebee akontese iha dalan, too sira konhese Jesus bainhira Nia silu paun.
Nai Jesus hatudu Aan ba Nia eskolanti sira hotu
(Mateus 28:16-20; Marcos 16:14-18; João 20:19-23; Apostolu sira nia Istoria 1:6-8)
36Sira sei koalia hela nunee, derepenti deit, Jesus rasik hamriik iha sira nia klaran. Nia kumprimenta sira dehan, “Nai Maromak foo paz ba imi!”
37Sira hakfodak ho tauk teb-tebes, tanba sira hanoin katak, Nia nee mate klamar.
38Maibee Jesus dehan ba sira, “Nusaa mak imi tauk? Nusaa mak imi laran rurua? 39Haree took Hau nia liman ho ain. Hau rasik mak nee! Lolo liman hodi kaer rasik baa, para imi bele hatene katak, Hau laos mate klamar. Tanba mate klamar la iha isin no ruin, maibee imi haree ona, Hau iha isin duni.”
40Koalia tiha hotu, Jesus mos hatudu Nia liman ho Nia ain ba sira. 41Sira seidauk fiar, tanba sira haksolok demais no admira. Entaun Jesus husu ba sira, “Iha hahaan ruma iha nee? Foo ituan mai.” 42Sira foo ikan tunu pedasuk ida ba Nia. 43Jesus simu tiha ikan nee hodi haan iha sira nia oin.
44Hotu tiha Jesus dehan ba sira, “Uluk Hau sei hamutuk ho imi, Hau hatete katak, buat hotu nebee hakerek ona kona ba Hau iha Livru Sagradu, komesa hosi lei Moisés nian too profeta sira seluk nia liafuan ho mos livru Salmus, buat sira nee hotu tenki kumpri duni.”
45Depois Nia loke sira nia hanoin para sira bele komprende didiak Livru Sagradu. 46Nia dehan, “Iha Livru Sagradu hakerek nunee: Kristu tenki terus, i mate, depois iha loron tolu, Nia moris fali. 47I ema sei foo sai hodi Kristu nia naran katak, see mak husik nia sala, Maromak foo perdaun ba nia. Sira sei foo sai nunee iha nasaun hotu-hotu, hahuu hosi Jerusalém. 48Imi mak sai sasin kona ba buat sira nee hotu. 49Hau sei haruka saida mak Aman Maromak promete tiha ona ba imi. Maibee imi tenki hein iha sidade nee, too imi simu kbiit hosi lalehan.”#Joel 2:28-29; João 14:16-17; Apostolu sira nia Istoria 1:4
Nai Jesus sae ba lalehan
(Marcos 16:19-20; Apostolu sira nia Istoria 1:9-11)
50Depois Jesus lori sira sai hosi sidade, baatoo iha aldeia Betánia. Iha nebaa Nia foti liman hodi foo bensaun ba sira.#Apostolu sira nia Istoria 1:9-11 51Nia foo dadauk bensaun ba sira, i Nia sae ba lalehan, husik hela sira. 52Sira hotu adora Nia, i fila ba Jerusalém ho haksolok teb-tebes. 53Loro-loron sira sempre iha Uma Kreda Boot hodi hahii Nai Maromak.
Kasalukuyang Napili:
Lucas 24: BTDT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2024 Wycliffe Timor-Leste.
Lucas 24
24
Nai Jesus moris fila fali hosi mate
(Mateus 28:1-10; Marcos 16:1-8; João 20:1-10)
1Iha Domingu, loron primeiru semana nian, iha dadeer-saan nakukun, senhora sira nee baa iha Jesus nia rate. Sira lori ai been morin ho mina morin nebee sira prepara tiha ona atu tau ba Jesus nia isin. 2Too iha nebaa, sira haree fatuk boot nebee hodi taka rate ibun, duir tiha ona ba ninin. 3Entaun sira tama ba rate laran, maibee sira la haree Nai Jesus nia mate isin. 4Sira hotu bilaan tiha hodi hanoin hela buat nee. Derepenti deit, mane nain rua hatais hena lakan nabilan hamriik hela iha sira nia sorin. 5Senhora sira nee tauk teb-tebes, i hakruuk iha sira nia oin. Ema nain rua nee husu, “Nusaa mak imi mai buka ema moris iha ema mate sira nia fatin? 6Nia la iha nee ona. Nia moris fali ona! Keta haluha buat nebee Nia hatete ba imi bainhira Nia sei hamutuk ho imi iha Galileia. 7Nia foo hatene kedas ona dehan, ema sei faan Ema Oan ba iha ema sala nain sira nia liman, i sei prega Nia iha krus too mate. Maibee iha loron tolu Nia sei moris fali.”#Mateus 16:21; 17:22-23; 20:18-19; Marcos 8:31; 9:31; 10:33-34; Lucas 9:22; 18:31-33
8Rona nunee, sira foin hanoin hetan Jesus nia liafuan uluk nee. 9Depois sira fila hosi rate hodi konta buat sira nee hotu ba Jesus nia apostolu nain sanulu resin ida ho ema sira seluk nebee tuir Nia. 10Senhora sira nebee baa iha rate nee mak Maria hosi rai Madala, Joana, Tiago nia inan Maria, ho mos ema seluk tan. Sira nee hotu konta buat sira nee ba apostolu sira. 11Maibee apostolu sira la fiar, sira hanoin dehan senhora sira koalia nar-naran deit.
12Maski nunee, Pedro hamriik lalais hodi halai ba rate. Too iha nebaa, nia hakruuk hodi hateke ba rate laran, maibee nia so haree deit hena mutin nebee hodi falun mate isin nee. Nia fila ba uma hodi hanoin hela dehan, “Oinsaa mak nee?”
Nai Jesus hatudu Aan ba eskolanti nain rua iha dalan baa Emaus
(Marcos 16:12-13)
13Iha loron nee kedas, Jesus nia eskolanti nain rua sai hosi Jerusalém atu baa iha aldeia ida naran Emaus. Aldeia nee kala kilometru sanulu resin ida hosi Jerusalém. 14Tuir dalan, sira koalia dadauk kona ba buat hotu nebee foin akontese nee. 15Sira koalia namanas hela kona ba buat sira nee, Jesus rasik toman sira i lao hamutuk ho sira. 16Maibee sira la konhese katak, nee Jesus, tanba Maromak taka tiha sira nia hanoin.
17Depois Jesus husu ba sira, “Ohin iha dalan, imi koalia saida mak nee?”
Sira nain rua hamriik iha fatin, hatudu oin tristi loos. 18Ida naran Cleopas dehan ba Jesus, “Hosi ema hotu-hotu nebee mai vizita Jerusalém nee, Ita Boot mesak deit mak la hatene buat nebee mak foin akontese dadauk nee.”
19Jesus husu fali, “Buat saida?”
Sira hataan, “Buat nebee mak akontese ba ho Jesus hosi Nazaré. Nia profeta ida, Nia halo milagre boot i Nia liafuan mos hatudu katak Nia iha kbiit. Maromak rasik konsidera Nia profeta boot, saa tan povu.
20Maibee nai lulik nia xefi sira ho ita nia ukun nain sira entrega fali Nia ba governador para kastigu mate Nia. Depois sira prega tiha Nia iha krus too mate. 21Afinal, uluk ami laran metin katak, Nia mak atu foo liberdade ba povu Israel. Maibee agora buat sira nee akontese liu loron tolu ona.
22Agora ami bilaan liu tan. Tanba ohin dadeer-saan nakukun senhora balu hosi ami nia grupu baa iha rate, 23maibee sira la hetan Jesus nia mate isin. Depois sira fila hodi konta mai ami dehan, sira haree anju sira nebee hatete katak Jesus moris fali ona. 24Nunee ami nia kolega balu halai kedas ba rate. Too iha rate, sira haree katak, buat nebee senhora sira konta nee, loos duni. Sira mos la haree Jesus nia mate isin.”
25Jesus hatete ba sira, “Imi ulun toos duni! Nusaa mak imi la fiar nafatin liafuan sira nebee Maromak nia profeta sira foo sai ona hori uluk!? 26Sira hakerek dehan, Kristu tenki simu terus hanesan nee duni, foin Nia bele simu onra no gloria.” 27Depois Jesus esplika ba sira kona ba buat hotu-hotu nebee hakerek ona iha Sagrada Eskritura kona ba Nia Aan, komesa hosi Moisés nia livru, no profeta sira seluk nia livru.
28Bainhira sira besik too ona iha Emaus, Jesus halo finji kontinua lao ba oin nafatin. 29Maibee sira nain rua husu bebeik, “Senhor, deskansa lai ho ami kalan nee, tanba loro matan atu besik monu ona.” Entaun Jesus tama hamutuk ho sira ba uma laran.
30Bainhira sira tuur iha meza hodi haan, Jesus foti paun, i foo agradese ba Nai Maromak. Depois Nia silu paun nee halo rohan-rohan hodi foo ba sira nain rua. 31Tempu nee kedas Maromak loke sira nia hanoin, i sira hatene katak, ema nee Jesus. Maibee derepenti deit, Nia lakon tiha hosi sira nia oin. 32Sira konta ba malu, “Ohin iha dalan Nia koalia ho ita hodi esplika Maromak nia liafuan, ita nia laran haksolok teb-tebes.”
33Sira nain rua mos hamriik kedas hodi fila fali ba Jerusalém. Too iha nebaa sira hasoru malu ho Jesus nia apostolu nain sanulu resin ida ho sira seluk nebee halibur hamutuk hela. 34Ema sira nee hatete ba sira nain rua, “Loos duni! Nai Jesus moris fali ona! Ohin Nia hatudu Aan ba Simão Pedro.”#24:34:Lian Gregu dehan ‘Simão’. Simão nee Pedro nia naran seluk.
35Depois sira nain rua mos konta buat hotu nebee akontese iha dalan, too sira konhese Jesus bainhira Nia silu paun.
Nai Jesus hatudu Aan ba Nia eskolanti sira hotu
(Mateus 28:16-20; Marcos 16:14-18; João 20:19-23; Apostolu sira nia Istoria 1:6-8)
36Sira sei koalia hela nunee, derepenti deit, Jesus rasik hamriik iha sira nia klaran. Nia kumprimenta sira dehan, “Nai Maromak foo paz ba imi!”
37Sira hakfodak ho tauk teb-tebes, tanba sira hanoin katak, Nia nee mate klamar.
38Maibee Jesus dehan ba sira, “Nusaa mak imi tauk? Nusaa mak imi laran rurua? 39Haree took Hau nia liman ho ain. Hau rasik mak nee! Lolo liman hodi kaer rasik baa, para imi bele hatene katak, Hau laos mate klamar. Tanba mate klamar la iha isin no ruin, maibee imi haree ona, Hau iha isin duni.”
40Koalia tiha hotu, Jesus mos hatudu Nia liman ho Nia ain ba sira. 41Sira seidauk fiar, tanba sira haksolok demais no admira. Entaun Jesus husu ba sira, “Iha hahaan ruma iha nee? Foo ituan mai.” 42Sira foo ikan tunu pedasuk ida ba Nia. 43Jesus simu tiha ikan nee hodi haan iha sira nia oin.
44Hotu tiha Jesus dehan ba sira, “Uluk Hau sei hamutuk ho imi, Hau hatete katak, buat hotu nebee hakerek ona kona ba Hau iha Livru Sagradu, komesa hosi lei Moisés nian too profeta sira seluk nia liafuan ho mos livru Salmus, buat sira nee hotu tenki kumpri duni.”
45Depois Nia loke sira nia hanoin para sira bele komprende didiak Livru Sagradu. 46Nia dehan, “Iha Livru Sagradu hakerek nunee: Kristu tenki terus, i mate, depois iha loron tolu, Nia moris fali. 47I ema sei foo sai hodi Kristu nia naran katak, see mak husik nia sala, Maromak foo perdaun ba nia. Sira sei foo sai nunee iha nasaun hotu-hotu, hahuu hosi Jerusalém. 48Imi mak sai sasin kona ba buat sira nee hotu. 49Hau sei haruka saida mak Aman Maromak promete tiha ona ba imi. Maibee imi tenki hein iha sidade nee, too imi simu kbiit hosi lalehan.”#Joel 2:28-29; João 14:16-17; Apostolu sira nia Istoria 1:4
Nai Jesus sae ba lalehan
(Marcos 16:19-20; Apostolu sira nia Istoria 1:9-11)
50Depois Jesus lori sira sai hosi sidade, baatoo iha aldeia Betánia. Iha nebaa Nia foti liman hodi foo bensaun ba sira.#Apostolu sira nia Istoria 1:9-11 51Nia foo dadauk bensaun ba sira, i Nia sae ba lalehan, husik hela sira. 52Sira hotu adora Nia, i fila ba Jerusalém ho haksolok teb-tebes. 53Loro-loron sira sempre iha Uma Kreda Boot hodi hahii Nai Maromak.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2024 Wycliffe Timor-Leste.