यहून्नो 15
15
यीशु सच्चे दाखलता
1सच्चे दाखो ब्रन्ज़ गेह शुगाह; दंङ गिऊ पिता परमेश्वर ज़िमदार शुह। 2हर इच्च़ा डाड़ी अरी गेरंङ साते जुडे़के तोह दंङ अच़ि फल माह रंड्रा, दोबि दोई ट्रिके चरच़ि, दंङ अंऊ डाड़ी फल रंड्रा दोई दुह अंङे चरच़ि। 3केहरे ता दुह शिक्षा ओ बजह च़ि अंऊ गेह केतंङ साते कुहषी तातग, शुद्ध तोतोन। 4केहरे गेरंङ बणेंकी तोईन, दंङ गेह केतंङ छना डाड़ी अगर ब्रन्ज़ारिंङ साते माह शोतो ता ऐनाह ए फल माह रंड्री, ध्वांए ठ्रोह, केहरे ला छले रुठे लेह मरपोंन अगर केहरे गेरंङ बणेंक माह बंङज़ोन ता।
5गेह दाखो ब्रन्ज़ शुगाह: केहरे डाड़ीर शुई; अरी गेरंङ बणेंके बंङज़ा दंङ गेह दोरंङ, दोई महसे फल हपि, छना कुचे गेरंङ शता शुहचे, केहरे छले लेह मरपोंन। 6अगर अरीया गेरंङ बणेंके माह बंङज़ोतो ता दुह डाड़ी ऊ ठ्रोह ट्रिके छङें चरच़ि। दंङ कर्चे इपि; दंङ मीहच़ी दोरे डाड़ीर ठ्रोहका लेह रोहच़ी केट्री। 7अगर केहरे गेरंङ बणेंके बंङज़ोन, दंङ गिऊ शिक्षा केतंङ शोतो ता छिला धिर पेट्रोंई ता गेह दुह लोहग। 8गिऊ पिता परमेश्वरो महिमा दिरंङ ए शवाह, कि केहरे महसे फल हतांई, दोथरे केहरे गिऊ चेलारे शोंई।
9छना पिता परमेश्वरे गेरंङ साते दाह लहरी, ध्वांए गेह केतंङ साते दाह लहरिगा, गिऊ दाह रिंङ बणेंक बंङज़ोंई। 10अगर केहच़ी गिऊ हुकुम मनेक्फोई, ता गिऊ दाह रिंङ बणेंके बंङज़ोन; छना कि गेह घेंङौ पिता परमेश्वरो हुकुम मनेक्च़ातेग, दंङ दोऊ दाह रिंङ बणेंक बंङज़ातग। 11गेह केतंङ साते दिहरे गप्पारे दिऊ थल्जी कुट्रातेग, कि केहतु अंद्रेग ला दुह ए खुशी शोतो अंऊ गिऊ अंद्रेग तोह, खुशी केहतु बड़के बंङज़ोतो, दंङ केहतु खुशी पूरा शुबी जूंस।
चेला तु इदिऊ अई दिरंङ साते नाता
12गिऊ हुकुम दिह तोह, कि छना गेह केतंङ साते दाह लहतग, ध्वांए केहरे ला इदिऊ अई दिरंङ साते दाह लांही। 13अतुआ कछंङ दिह कंड्रिमी थल्जी कि दोई एनोह मित्रा रंङ अंयों दाह लहज़ा, दिहबे मोह्ड़े ऊई छले तरीका माह कि दोई दोतिंङ बचाएच़िमी थल्जी एनोह जहान ला रें च़रपोतो। 14छिला धिरो हुकुम गेह केतिंङ रंड्रातग, अगर दुह लोहनी, ता केहरे गिऊ मित्र शुई। 15हेंतेग बे गेह केतिंङ परगर माह कोहग, छना कुचे परगर बि पता माह शुबी कि दोऊ मालिके छि लाह; पर गेह केतिंङ मित्र कुहतग, छना कुचे अंऊ गप्पा गेह घेंङौ पिता परमेश्वरो दोरच़ी रेड्रातग, दुह भत्तेर केतिंङ कंज़े च़रतग। 16केहच़ी गेह अंङषी माह शुगाह, पर गेह केतिंङ अंङषातग दंङ केहरे ठेहराएक्तग कि केहरे इलजे फल हतांई; दंङ केहतु फल हमेशा ओ थल्जी शोतो, कि केहरे गिऊ चेलारे शुई, दिऊ थल्जी छिला धिर पिता परमेश्वरो दोरच़ी पेपोंन, दोई केतिंङ रमतो। 17दीह गप्पातु हुकुम गेह केतिंङ दिऊ थल्जी रंड्रातग कि केन्दु बिचंङ दाह लांही।
संसारो मीहतु बैर
18अगर संसारो मीहरे केतंङ साते दुश्मनी तहच़ातोर ता, केहच़ी कि दोच़ी केतंङ बे तुई गेरंङ साते दुश्मनी लहतेर। 19अगर केहरे संसारो मीहतु ठ्रोह शुहचंङ, ता संसारो मीह ज़ि केतंङ साते दाह लहज़ी तोहई, पर दिह बजह च़ि कि केहरे दिह संसारो मीहतंङ साते नाता माह तहच़ातंई, पर गेह केतिंङ संसारो मीहतु बिचंङ च़ि अंङे केहतग; दिऊ थल्जी संसारो मीहरे केतंङ साते बैर लहज़ातोर। 20हिद ताईन कि गेह केतंङ साते छि कुहतेग, परगर एनोह मालिका बे मोह्ड़े माह शुहबी, दोबि हिद तांई, अगर दोच़ी गिह्बी तंग लहतोर, ता केतिंङ ला तंग लोहर; अगर दोच़ी गिऊ शिक्षा मनेक्तिर, ता केहतु ला मनेक्पोर। 21पर दिह भत्ते धिर मीहरे, गिऊ चेला शुहबिमी बजह च़ि केतंङ साते लोहर छना कुचे दोरे गिह्बी च़रच़ा परमेश्वर बि माह सेहचातोर। 22अगर गेह माह अंजाङ दंङ दोतंङ साते गप्पा माह लंहीयां, ता दोरे पापी माह शुबी तोईरे; दा दोतिंङ दोतु पापो थल्जी छले भाना माह। 23अच़ि गेरंङ साते दुश्मनी तहच़ा, दोई गिऊ पिता परमेश्वरारंङ साते ला दुश्मनी तहच़ा। 24अगर गेह दोतु बिचंङ दिह चमत्कार माह लंहीयां अंऊ ऊई अच़िला मीहे लहसी माह, ता दोरे पापी माह शुहचंङ, पर धह दोच़ी गेह ए गिऊ पिता परमेश्वर झुल्लातिंङ तंङातोर दंङ झुल्लातंङ साते बैर लहरिर। 25दंङ दिह दुह गप्पा पुरा लहज़ा अंऊ दोतु पवित्र शास्त्रारिंङ च़ेहसी तोह। दोई कुट्रा, “दोच़ी छा बजह मेह गेरंङ साते नफरत लहतोर।”
26गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो। 27दंङ केहरे संसारो मीहतिंङ गिऊ पाहठी कंमोई, छना कुचे केहरे शुरुवात बे गेरंङ साते तोईन।
Kasalukuyang Napili:
यहून्नो 15: LBFNT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
यहून्नो 15
15
यीशु सच्चे दाखलता
1सच्चे दाखो ब्रन्ज़ गेह शुगाह; दंङ गिऊ पिता परमेश्वर ज़िमदार शुह। 2हर इच्च़ा डाड़ी अरी गेरंङ साते जुडे़के तोह दंङ अच़ि फल माह रंड्रा, दोबि दोई ट्रिके चरच़ि, दंङ अंऊ डाड़ी फल रंड्रा दोई दुह अंङे चरच़ि। 3केहरे ता दुह शिक्षा ओ बजह च़ि अंऊ गेह केतंङ साते कुहषी तातग, शुद्ध तोतोन। 4केहरे गेरंङ बणेंकी तोईन, दंङ गेह केतंङ छना डाड़ी अगर ब्रन्ज़ारिंङ साते माह शोतो ता ऐनाह ए फल माह रंड्री, ध्वांए ठ्रोह, केहरे ला छले रुठे लेह मरपोंन अगर केहरे गेरंङ बणेंक माह बंङज़ोन ता।
5गेह दाखो ब्रन्ज़ शुगाह: केहरे डाड़ीर शुई; अरी गेरंङ बणेंके बंङज़ा दंङ गेह दोरंङ, दोई महसे फल हपि, छना कुचे गेरंङ शता शुहचे, केहरे छले लेह मरपोंन। 6अगर अरीया गेरंङ बणेंके माह बंङज़ोतो ता दुह डाड़ी ऊ ठ्रोह ट्रिके छङें चरच़ि। दंङ कर्चे इपि; दंङ मीहच़ी दोरे डाड़ीर ठ्रोहका लेह रोहच़ी केट्री। 7अगर केहरे गेरंङ बणेंके बंङज़ोन, दंङ गिऊ शिक्षा केतंङ शोतो ता छिला धिर पेट्रोंई ता गेह दुह लोहग। 8गिऊ पिता परमेश्वरो महिमा दिरंङ ए शवाह, कि केहरे महसे फल हतांई, दोथरे केहरे गिऊ चेलारे शोंई।
9छना पिता परमेश्वरे गेरंङ साते दाह लहरी, ध्वांए गेह केतंङ साते दाह लहरिगा, गिऊ दाह रिंङ बणेंक बंङज़ोंई। 10अगर केहच़ी गिऊ हुकुम मनेक्फोई, ता गिऊ दाह रिंङ बणेंके बंङज़ोन; छना कि गेह घेंङौ पिता परमेश्वरो हुकुम मनेक्च़ातेग, दंङ दोऊ दाह रिंङ बणेंक बंङज़ातग। 11गेह केतंङ साते दिहरे गप्पारे दिऊ थल्जी कुट्रातेग, कि केहतु अंद्रेग ला दुह ए खुशी शोतो अंऊ गिऊ अंद्रेग तोह, खुशी केहतु बड़के बंङज़ोतो, दंङ केहतु खुशी पूरा शुबी जूंस।
चेला तु इदिऊ अई दिरंङ साते नाता
12गिऊ हुकुम दिह तोह, कि छना गेह केतंङ साते दाह लहतग, ध्वांए केहरे ला इदिऊ अई दिरंङ साते दाह लांही। 13अतुआ कछंङ दिह कंड्रिमी थल्जी कि दोई एनोह मित्रा रंङ अंयों दाह लहज़ा, दिहबे मोह्ड़े ऊई छले तरीका माह कि दोई दोतिंङ बचाएच़िमी थल्जी एनोह जहान ला रें च़रपोतो। 14छिला धिरो हुकुम गेह केतिंङ रंड्रातग, अगर दुह लोहनी, ता केहरे गिऊ मित्र शुई। 15हेंतेग बे गेह केतिंङ परगर माह कोहग, छना कुचे परगर बि पता माह शुबी कि दोऊ मालिके छि लाह; पर गेह केतिंङ मित्र कुहतग, छना कुचे अंऊ गप्पा गेह घेंङौ पिता परमेश्वरो दोरच़ी रेड्रातग, दुह भत्तेर केतिंङ कंज़े च़रतग। 16केहच़ी गेह अंङषी माह शुगाह, पर गेह केतिंङ अंङषातग दंङ केहरे ठेहराएक्तग कि केहरे इलजे फल हतांई; दंङ केहतु फल हमेशा ओ थल्जी शोतो, कि केहरे गिऊ चेलारे शुई, दिऊ थल्जी छिला धिर पिता परमेश्वरो दोरच़ी पेपोंन, दोई केतिंङ रमतो। 17दीह गप्पातु हुकुम गेह केतिंङ दिऊ थल्जी रंड्रातग कि केन्दु बिचंङ दाह लांही।
संसारो मीहतु बैर
18अगर संसारो मीहरे केतंङ साते दुश्मनी तहच़ातोर ता, केहच़ी कि दोच़ी केतंङ बे तुई गेरंङ साते दुश्मनी लहतेर। 19अगर केहरे संसारो मीहतु ठ्रोह शुहचंङ, ता संसारो मीह ज़ि केतंङ साते दाह लहज़ी तोहई, पर दिह बजह च़ि कि केहरे दिह संसारो मीहतंङ साते नाता माह तहच़ातंई, पर गेह केतिंङ संसारो मीहतु बिचंङ च़ि अंङे केहतग; दिऊ थल्जी संसारो मीहरे केतंङ साते बैर लहज़ातोर। 20हिद ताईन कि गेह केतंङ साते छि कुहतेग, परगर एनोह मालिका बे मोह्ड़े माह शुहबी, दोबि हिद तांई, अगर दोच़ी गिह्बी तंग लहतोर, ता केतिंङ ला तंग लोहर; अगर दोच़ी गिऊ शिक्षा मनेक्तिर, ता केहतु ला मनेक्पोर। 21पर दिह भत्ते धिर मीहरे, गिऊ चेला शुहबिमी बजह च़ि केतंङ साते लोहर छना कुचे दोरे गिह्बी च़रच़ा परमेश्वर बि माह सेहचातोर। 22अगर गेह माह अंजाङ दंङ दोतंङ साते गप्पा माह लंहीयां, ता दोरे पापी माह शुबी तोईरे; दा दोतिंङ दोतु पापो थल्जी छले भाना माह। 23अच़ि गेरंङ साते दुश्मनी तहच़ा, दोई गिऊ पिता परमेश्वरारंङ साते ला दुश्मनी तहच़ा। 24अगर गेह दोतु बिचंङ दिह चमत्कार माह लंहीयां अंऊ ऊई अच़िला मीहे लहसी माह, ता दोरे पापी माह शुहचंङ, पर धह दोच़ी गेह ए गिऊ पिता परमेश्वर झुल्लातिंङ तंङातोर दंङ झुल्लातंङ साते बैर लहरिर। 25दंङ दिह दुह गप्पा पुरा लहज़ा अंऊ दोतु पवित्र शास्त्रारिंङ च़ेहसी तोह। दोई कुट्रा, “दोच़ी छा बजह मेह गेरंङ साते नफरत लहतोर।”
26गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो। 27दंङ केहरे संसारो मीहतिंङ गिऊ पाहठी कंमोई, छना कुचे केहरे शुरुवात बे गेरंङ साते तोईन।
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.