Lúqá 14 Popüler Kutsal Kitap Ayetleri

Paylaş

Agar koí mere pás áe, aur apne báp, aur máṉ, aur bíwí, aur bachchoṉ, aur bháiyoṉ, aur bahinoṉ, balki apní ján se bhí dushmaní na kare, to merá shágird nahíṉ ho saktá.

Jo koí apní salíb na uṭháe aur mere píchhe na áe, wuh merá shágird nahíṉ ho saktá.

Kyúṉki jo koí apne áp ko baṛá banáegá wuh chhoṭá kiyá jáegá; aur jo apne áp ko chhoṭá banáegá, wuh baṛá kiyá jáegá.

Pas isí tarah tum meṉ se jo koí apná sab kuchh tark na kare, wuh merá shágird nahíṉ ho saktá.

Kyúṉki tum meṉ aisá kaun hai, ki jab wuh ek burj banáná cháhe, to pahle baiṭhkar lágat ká hisáb na kar le, ki áyá mere pás us ke taiyár karne ká sámán hai, yá nahíṉ? Aisá na ho, ki jab neo ḍálkar taiyár na kar sake, to sab dekhnewále yih kahkar us par haṉsná shurúʻ kareṉ, ki Is shaḳhs ne ʻimárat banání shurúʻ to kí, magar taiyár na kar saká.

Balki jab tú ziyáfat kare, to garíboṉ, lunjoṉ, laṉgṛoṉ, andhoṉ ko bulá: to tujh par barakat hogí; kyúṉki un ke pás tujhe badla dene ko kuchh nahíṉ; aur tujhe rástbázoṉ kí qiyámat meṉ badla milegá.

Namak achchhá to hai; lekin agar namak ká maza játá rahe, to wuh kis chíz se mazadár kiyá jáegá? Na wuh zamín ke kám ká rahá, na khád ke; log use báhar pheṉk dete haiṉ. Jis ke kán sunne ke hoṉ, wuh sun le.