Matiu 6 Popüler Kutsal Kitap Ayetleri

Paylaş

Nɨniŋ, viŋ bɨ tə̀ sɨ maa nu yifwàŋ yizɔ, baa nə laa viŋ ndɔ luu vəloomə sɨ ŋwə, buu ŋwə kɨ kuꞌsə vətɔ vɔ́ tɨ́ viŋ nɨzi.

Nɨniŋ, kɨ viŋ kɨ saŋ ŋwaa wiŋ buꞌ nu mbisɨ me. Shi mbisɨ taa lootə nu sheꞌ maa nshɨ-tɔ wi. Ŋɨꞌ ndee kùꞌ tɨ́ ndee.»

«Nɨniŋ, mə naysə tɨ́ viŋ laa, kɨ viŋ kɨ saŋ ŋwaa buꞌ nu məbwey kiŋ, laa viŋ taa zɨ kə, tɨꞌnə me nù kə me, kee kɨ saŋ ŋwaa buꞌ yiŋwaa yiŋ laa viŋ taa shuŋ kə me. Maa məbwey shɔ̀ɔ fazɨ, ŋwaa shɔɔ njwisə.

Gə fɨ maa ghɔ, a kəə kɨ shɔꞌtə Nwi, a ŋìi njɨɨ ŋii yishi, fə̀ŋ shuu wi, buu kɨ shɔꞌtə Nwi, Tii wə, faŋ ŋwə lùu maa shəŋ vəndenə, buu Nwi, Tii wə, faŋ ŋwə ye ghɔ maa shəŋ vəndenə nə, ndɔ bəŋsə tɨ́ ghɔ.

Nɨniŋ, ŋkə bàw laa viŋ kɨ shɔꞌtə Nwi, gi laa lee, Tii wia fɨ yizɔ, məbəŋsə lùu maa yizii yə. Bàw yifwàŋ yə jwi. Yɨsə laa vənu vənshə gay sheꞌ maa ŋkitə yə shɨ nsi yuu ŋkə lùu yizɔ.

Kɔ yia ndee nə fazɨ yuu ŋkə kùꞌnə maa shi ndee.

Ndenə yibɨsə yia, faŋ yia ndènə yibɨsə vɨɨ nə.

Kɨ ghɔ biŋ yia ŋii məmɔŋ maa məyɨ nu bwə me. Gaŋtə yia fɨ ghɔ vənu vəbwəvə. [Wutə məsɔꞌ vɨɨ nə wutə məyɨ vənu vənshə, nə feenə, kii sheꞌ ghɔ, tɨta Nwi. Ŋkə goꞌsə yighee muꞌ. Amen.]

Viŋ kɨ luu kɨ ndenə yibɨsə vɨɨ faŋ vəŋ nə yɨ maa viŋ, buu Nwi, Tii wiŋ fɨ yizɔ, taa kɨ ndenə yibɨsə yiŋ nɨzi.

Viŋ ndeynə mənwə faŋ mbə vɨɨlə fɨ taa yizɔ, ye, mbə kee bia vətɔ me, kee shɨshwi me, kee bee kwaŋ taa ta me. Luu nə, tɨta Nwi, Tii wiŋ fɨ yizɔ, zəsə mbə. Maa viŋ shɔ̀ɔ mbə ŋkee dɨdɨꞌ!

«Kɨ viŋ baytə vətɔ fɨ shɨ nsi, nùŋ maa shəŋ faŋ mbɔŋ nə kwa taa kwə me, tɨꞌnə me vəndɔꞌ bɨꞌ ŋìi shàw me. Viŋ nuŋ ka wiŋ luu yizɔ, faŋ kaꞌ mbɔŋ nə kwa kee kwə me, vəndɔꞌ kee shaw me. Bàw viŋ yɨ nɨniŋ, buꞌ laa shəŋ ŋkɨə faŋ ka wiŋ lùu shɔ, lùu shəŋ kɔ́ faŋ fwi yiŋ lùu shɔ nɨzi.

Kaꞌ wə muꞌ kee fàꞌ tɨ́ vɨɨ vəbɔɔ me. Wə kəə kɨ yɨ nɨniŋ, buu ŋwə taa bee wuu mɔ́ꞌ, kàw wuu mɔ́ꞌ, yighee mɔ́ꞌ kɨ zɔnə wuu mɔ́ꞌ, shiasə wuu mɔ́ꞌ, kaꞌ wə kee kɨ faꞌ tɨ́ Nwi, baa faꞌ ndeynə ka me.»

Nɨniŋ, faŋ Nwi mɔꞌ ŋkee njwisə jəəsə maa təgay fɨ taa tɔɔ nə, faŋ lùu ndee, fu taa kɨ lee, vɨ ndì maa ŋkɔꞌ, twaŋ, maa kɨ kaꞌ Nwi kɨ mɔꞌ njwisə maa viŋ shɔɔ yinsii.

Gə fɨ maa ghɔ, a kɔ fa tɨ́ wuu ŋɨꞌ, kɨ ghɔ biŋ laa kwiŋ ŋkwii kɨɨ nə nu ŋkɨə faŋ kwiŋ maꞌnə yɨsə me. Nɨniŋ laa jəə wə faŋ a yɨ̀sə, goꞌ sheꞌ taa vəndenə. A yɨ̀ nɨniŋ, buu Nwi, Tii wə, faŋ ŋwə ye vənu vəndenə vənshə, ndɔ key ghɔ shɔ.»

«Viŋ kɨ ndɨɨnə laa viŋ kee kɨ yɨsə nu faŋ ŋkə lùu kəloomə vɨsɨ vɨɨ me, laa vəŋ kɨ ye viŋ shɔ me. Viŋ kɨ luu kɨ yɨsə nu loomə laa vɨɨ kɨ ye viŋ shɔ, buu vəkeynə viŋ fɨ ghɔ tɨta Nwi, Tii wiŋ fɨ yizɔ, kee baa lùu shɔ me.

«Viŋ kɨ luu kɨ baŋ fazɨ, kɨ viŋ kɨ kaŋ yikəꞌ yiŋ yaa vɨɨ məkoꞌsə ŋwaa me. Vəŋ kaŋ yikəꞌ vəŋ, tɨ́ kɨ kaꞌ vɨɨ kɨ ye, bə̀ŋsə vəŋ shɔ. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ. Gə fɨ maa ghɔ, a kɨ luu kɨ kəə kɨ baŋ fazɨ, a wìŋsə məŋgwə tɔ ghɔ, sɔ̀ sɨ ghə, laa kɨ ghɔ yɨsə vɨɨ kɨɨ laa a baŋ fazɨ me. Kɨɨ sheꞌ tɨta Nwi faŋ ŋwə lùu maa shəŋ vəndenə. Nɨniŋ, Nwi, Tii wə, ye nu ŋkɨə faŋ ŋkə gày maa shəŋ vəndenə; ŋwə ndɔ key ghɔ shɔ.»