Matiu 7 Popüler Kutsal Kitap Ayetleri

Paylaş

«Viŋ kɨ bitə, buu vɨ taa kɔ tɨ́ viŋ. Viŋ kɨ kəə, buu viŋ taa ye. Viŋ kɨ buꞌtə, buu Nwi taa ŋaꞌsə tɨ́ viŋ.

Lùu nɨniŋ buꞌ laa wə tɨ̀ me wə faŋ ŋwə bùꞌ ghɔ tɨ́ Nwi, yaa kɨ kii. Wə ntɨə faŋ ŋwə kəə jɨɨ yinsəŋ, yaa kɨ ye. Wə ntɨə faŋ ŋwə bùꞌtə shuufɔ yifwàŋ yizɔ, vɨ ŋaꞌsə tɨ́ ŋwə.

«Nɨniŋ, wə ntɨə faŋ ŋwə zɔ̀ təgi taŋ tɔ́, kɨ yɨsə nɨzi, fɨnə wuu yitɔ faŋ ŋwə nə fìa ŋii yi taa nsi yighɔsə.

Vənu vənshə faŋ viŋ kəə laa vɨɨ kɨ yɨsə maa viŋ, viŋ kɨ yɨsə maa vəŋ nɨzi. Lùu nu ŋkɨə faŋ ŋkə lùu taa ŋwaꞌlə ntɨsə Nwi nə taa ŋwaꞌlə nshiisə-ŋii sɔghɔ.

Luu nə, shuu məŋii məbwey vəlwaŋ tiitə. Jɨɨ məgə ŋii shɔ baa lùu yitɨtiꞌ. Ye sheꞌ mbusə vɨɨ ye jɨɨ yitɨtiꞌ yɔ́.»

Viŋ kɨ shɔɔ fɨ maa shuu tiitə, fɔnə shuu məŋii shəŋ ŋkɨə faŋ Nwi ndisə vɨɨ bwənə shɔ, lùu kwalə, jɨɨ yi baa lùu yikwalə. Vɨɨ mbɨə faŋ vəŋ shɔɔ fɨ fuŋ lùu vəyaŋ.

Nɨniŋ, faŋ viŋ yaa kɨ kɔ vətɔ vəjəəvə tɨ́ vaŋ viŋ nə, faŋ viŋ kɔlə lùu vɨɨ bwənə, buu tɨta Nwi, Tii wiŋ fɨ yizɔ, taa kɨ kɔ vətɔ vəjəəvə tɨ́ vɨɨ faŋ vəŋ ndwàŋ, shɔɔ yimbii.

«Kɨ viŋ kɨ shia nsɔꞌ tɔ vɨɨ me, laa kɨ Nwi ndɔ shia nsɔꞌ tɔ viŋ nɨzi me. Viŋ kɔꞌ kɨɨ laa nsɔꞌ njyə faŋ viŋ kwàŋ tɔ vɨɨ, luu sheꞌ nsɔꞌ njyə faŋ Nwi ndɔ shia tɔ viŋ nɨzi. Mfɨꞌ njyə faŋ viŋ fɨꞌ vənu və vɨɨ, luu sheꞌ njyə faŋ Nwi ndɔ fɨꞌ vənu viŋ shɔ nɨzi.

Luu nə, wə ntɨə faŋ ŋwə zɔ̀ təgi taŋ tɔ́, kee kɨ yɨsə me, buu ŋwə fɨnə ŋkɔmə, faŋ ŋwə nə bɔ̀ŋ ŋii yi fuu waꞌsə.

Sii yɨ̀ kə a ye wee-fa taa yisɨ weenshu wə, kee yè nshɨ-fa faŋ ŋwə lùu taa yisɨ ghɔ me? Sii kaꞌ a gì tɨ́ weenshu wə laa, «Naꞌ, mə fuusə wee-fa fɨ yisɨ ghɔ,» faŋ a kii ŋkee nshɨ-fa taa yisɨ ghɔ kɨkə?

«Viŋ kɨ tɔfə buꞌ vɨɨ məbweꞌsə vɨɨ faŋ vəŋ gi laa vəŋ lùu nshiisə-ŋii sɔghɔ, faŋ kee tɔŋ Nwi tɔŋ vəŋ me. Vəŋ jwi yuu bisə-njɨɨ, luu nə, fɨ təŋ vəŋ lùu vəbɔɔ vəbwəvə. Nu ŋkɨə faŋ kaꞌ viŋ kɨ̀ɨ nə vəŋ fɨ fuŋ, lùu fɨ maa jɨɨsə nsɨə faŋ vəŋ yɨsə vənu. Maa təndɨꞌ tə nyawsə kee yaa kɨ koonə me. Kaꞌ wə kwii vətaŋ fɨ fuu təndɨꞌ tə nyawsə mu, tɨꞌnə me kwii yɔŋ fɨ fuu tɨ fuu mu?

Viŋ zɔ! Vətɨ vəjəəvə vənshə kwaanə vətaŋ vəjəəvə. Tɨ bwə kwaanə vətaŋ vəbwəvə.

Kaꞌ tɨ jəə kee kwaanə vətaŋ vəbwəvə me, tɨ bwə kee kwaanə vətaŋ vəjəəvə me.

Nɨniŋ, tɨ tɨ̀ me tɨ faŋ ŋkə kee kwaanə vətaŋ vəjəəvə me, vɨ ndɔ gwia, twàŋ maa ŋkɔꞌ.