JOHN 6 Popüler Kutsal Kitap Ayetleri

Paylaş

Jesu’n a kawmvah, Kei hinna tanghou chu ka hi; koipouh ka kawma hung chu a gilkial ngei sih diing, huleh koipouh kei hung gingta chu a dangtaah ngei sih diing

Suhingtu chu hagau ahi a, tahsa chu bangmah a phatuam sih; na kawmva ka thusoite chu hagau ahi a, huleh hinna zong ahi.

An mangthang diing mai hawlin phephe sih unla, kumtuang hinna dong a um zing diing an, mihing Tapa in ahung piah diing hawlin phe zaw un; ajiahchu Pa Pathian in amah a chiamchihta hi, a chi a.

Huleh hichu ahung sawlpa deihzawng ahi, Koipouh Tapa mu a, gingta in kumtuang hinna a neih a, huleh ke’n ni tawpni chianga amah ka kaihthoh chu, a chi a.

Jesu’n a dawng a, a kawmvah, Amah ahung sawlpa na gintaat uh, hichu Pathian natoh ahi, a chi a.

Ka Pa’n ahung piah zousiah ka kawmah ahung diing; huleh ka kawma hung photmah chu bangchi lezong ka nohdoh het sih diing.

Simon Peter in a dawng a, a kawmah, Lalpa, koi kawmah ahiai ka chiah diing uh? Nang in kumtuang hinna thute na nei hi.

Kei vaan apata tanghou hing hung kumsuh chu ka hi, mi koipouh in hi tanghou a neeh inchu kumtuang in a hing diing uh; huleh ka tanghou piah diing chu khovel hinna diing a ka piah diing ka tahsa ahi, a chi a.

Pa ahung sawlpa’n a hiip louhleh koimah ka kawmah ahung thei sih; huleh ke’n amah nitawp ni chiangin ka kaithou diing.

Bang jiahin ahiai i chih leh Pathian tanghou chu vaan a kipana hung kumsuh, khovel kawma hinna pe pa chu ahi, a chi a.

Kei hinna tanghou chu ka hi.

Huin Jesu’n tanghou pheengte chu a la a, huleh a vangpiah zohin a nungjuite kawmah a hawm a, a nungjuite’n a toute kawmah; huchimahbangin ngate zong a deihkhop un a hawm uhi. Huin a kham nungun ama’n a nungjuite kawmah, Bangmah mang lou diingin a nengthemte luaah un, a chi a.

Huchi'n farlong sawmnih le ngaa aha, sawmthum aha a jap nungun Jesu diil tunga a keenga pai a, kuang lam hung naih a mu va, huleh a lau uhi. Hizongleh ama’n a kawmvah, Kei ka hi, lau sih un, a chi a.