EVASELIO A LUKA 14 Popüler Kutsal Kitap Ayetleri

Paylaş

Kapau e hau he tahi kia au, kae e mole ina fakamuamua au i tana tamai, mo tana fae, mo tona ohoana, mo ana fanau, mo ona tehina, mo ona tuagaane, pea mo tona mauli totonu, pea e mole feala ke liliu ia ko taku tisipulo.

Pea ko ae e mole ina amo tona koluse o mulimuli mai ia au, e mole feala ke liliu ia ko taku tisipulo.

Koteuhi ko ae e fiamaoluga e tuku anai ia ki lalo, pea ko ae e fiamalalo e hiki anai ia ki oluga.

Koia ko ae ia koutou e mole fakafisi ki te u mea fuli e ina mau, e mole feala ke liliu ko taku tisipulo.

Koteuhi, pe ko ai ia koutou, mo kapau e loto ia ke ina fau he tule, e mole nofo ifo mua ia ki lalo, o fakafuafua te puli, pea mo sio pe e ina mau he mea ke fakaosi ai ia, koteuhi naa osi tana hili te fakatafito, pea e mole feala anai ke ina fakaosi ia, pea e nukinuki anai kia ia natou fuli e sisio anai ki ai, o ui: Nee kamata laga e te tagata aena, kae nee mole ina fealagia tona fakaosi!

Kae, ka ke fai he kaitahi, fakaafe te kau masiva, mo te kau maimoa, mo te kau ketu, mo te kau kivi. Pea e ke manuia anai, koteuhi e mole feala ke natou totogi atu kia koe. E totogi atu anai ia e te Atua kia koe i te toe tuuake a te kau agatonu.

Ko te masima ko he mea lelei; kae kapau e puli tona konakona, pea e fakakonakona anai ia aki tea? E mole kei lelei ia ki te kele, pe ki te fakagako o te kele; e li ia ki fafo. Ko ae e ina mau ni taliga ke fakalogo, ke fakalogo.