Yohana 6 Popüler Kutsal Kitap Ayetleri

Paylaş

UYeesu wávagomosesa wáaja, “One yuune shakiilya shina shikivapeela avaanu uwuumi. Umuunu yoyoona yuna iyinsa kunyangu na kinihuviilila, asikhava ni njala wala kikhawukha, hata gwalimo.

UNumbula wa Nguluvi yumwene ikivapeela avaanu uwuumi. Umuunu asikwiliile kigaha shoshoona kwa ngufu saakwe mwene duguli. Amaswi gina navajovela gikimuleeta kunyeenyu uNumbula wa Nguluvi, nu wuumi wa shiluta.

Musikhasengaji insengo kwa kiiva ya kipata ifyakiilya fina finanjikha, leelo musengaje kwa kiiva ya fyakiilya fina fisinanjikha shiluta. One Lusawo lwa Muunu nikivapeela avaanu ifyakiilya ifyo, kwa kiiva uDaada uNguluvi anibagwile kwa kiiva ya kisenga ago.”

Kiiva uNguluvi yuna anifiliishe, ageene kiija, shila muunu yuna iimanya kiija one nili Lusawo lwakwe na kinihuviilila, asiwupate uwuumi wa shiluta. One nikhayinsa kimufyusa mu lisiku ilya kihigwa inyi.”

UYeesu wávagomosesa wáaja, “Insengo yina uNguluvi isakula muyisenje yiyeene iyi, kinihuviilila one yuna nifiliikhwe nu mwene.”

Avaanu woona vina uDaada ikinipeela, viyinsa kunyangu na kinihuviilila. Khanji one nisikimukhaana hata yumo yuna iyinsa kunyangu.

USimoni Petulo wámugomosesa wáaja, “Wee Mutwa, yu naani uyunji yuna tikwiliile kiluta kunyaakwe? Owe una maswi gina gikitupeela uwuumi wa shiluta.

One yuune shakiilya shina shihumile kwa Nguluvi, shina shikivapeela avaanu uwuumi. Umuunu yoyoona yuna iilya ishakiilya ishi, iipata uwuumi wa shiluta. Ishakiilya ishi, muvili gwangu, guna nisiguhumye kwa vaanu woona, kiija vapate uwuumi wa shiluta.”

Kusiina umuunu yuna akwiliile kiyinsa kunyangu, nda uDaada yuna anifiliishe, asimulongwese. Na yuune nikhayinsa kimufyusa mu lisiku ilya kihigwa inyi.

Ifyakiilya fya Nguluvi, yumwene yula yuna iyiikha kihuma kushaanya, baheene avapeele avaanu woona ava mu nyi soona uwuumi wa shiluta.”

One yuune shakiilya, shina shikivapeela avaanu uwuumi wa shiluta.

UYeesu wátoola amakhaate gala, wámufuunya uNguluvi, wágamenyulania, wávagavila avaanu woona vina vakhandi pala. Wáagaha shiisho nasi nswi sila, shila muunu wáapata shina akhandi isakula. Avaanu woona vaganaga kiilya na kiyikuta, uYeesu wávajovela avamanyisiwa vaakwe wáaja, “Mukungaanie amakhaate amamenyulanie gina masigase, kiija gasilaave gananjishe.”

Avamanyisiwa va Yeesu pina vikholojela ishipugo, vajendile ngaja kilomiita sisaanu awu mutanda ndeeni, vamwaga umuunu ijenda pashaanya pa malenga, ivejeela pa shipugo shaanave, baheene vatiila mandu. Leelo uYeesu wávajovela wáaja, “Yuune, musikhatiilaji!”