Mak 10 Popüler Kutsal Kitap Ayetleri

Paylaş

Ngong ka Gute Ka Polou Langka Osep ngame kesua lou bokongon lua osep ka pula keniye. Ngame ma ngapli tarna lungong e ngamete ma ngakli osep urok elio epmes ina. E ngame batne ngawaiki osep tilua ngong ke urok bokongon bitna bitna kovok.”

Deka Yesus bitna nekek ke isak e wai ke isak langane. “Langka osep tiwaiki tilua isak tona tikaranga kovok e tibure vala. E Ida Tapolngon vala karanga lua osep kesua iye karanga due wan ka pula keniye ka iye waiki due.”

Deka Yesus koli wai langane. “Amkaranga amla. Kesua aitno lugom ila dagar me dagar ke ngong deka ngalua wom ine.” Yesus wai langane deka lokono gute tonari bitna tipolou itau blang e iye karanga vati omur. Deka iye didi Yesus e isak kla tididi ekreng tonari.

E langane. Osep orwo ka Ida Tapolngon due isak tineklep pulu ma tidong langane vala. E gute gesa ma dar urok gingen kovok.”

Yesus vati gute tonari e iye lana iye ke gute. Deka iye wai langane. “Wan kene dong ka dau pes wom. Amla omdue burong ke lem brokngon keniye. Deka amkar lem brokngon ina mani ke osep ka urok wan isuk boto vala. Omdue langane deka mase ma omdue wan itau lokono ka omur heven ina. E omo emdidi ngong.”

Deka Yesus pmi iye langane. “Amwaiki ngalua wom ke elio lange?” Deka gute ka bitna evin wai langane. “Ngau Puda ngawaiki omdue omtongu tipolou itau ma ngakaranga ngavati omur blang.”

E ke umu deka umodue elio bitna langka osep tonari ka tiplau umu tidue kovok. Langka gute waiki iye omba e ma mole umu ma iye polou lumu gute bokongon ina.

Ngawai ke umu ke pelengon ane ka lokono. Langka osep tisongon Ida Tapolngon ma iye plau isak eriar langka mimi tisongon iye ma iye plau isak e ma tidong kap iye. E osep ka tidue elio langane kovok ma Ida Tapolngon plau isak kovok e ma tidong kap iye kovok.”

Mase osep ka eknikane timgo ke osep ma time batne. E mase osep ka eknikane time batne ke osep ma timgo ke isak.”

E ke mgongon alo ka Ida Tapolngon tapol wan ka pula keniye oku iye due osep ma isak arang e apmang. Iye due elio langane deka alo ka gute auram gi esna ma iye songon timla e tna deka ma iye la dong kap esna vala. E ma osep orwo ka tigi pulu tidong langka isak kene e pampamu lisak langka kene vala. E ma tidong langka isak dau osep orwo kovok.