Mak 9 Popüler Kutsal Kitap Ayetleri

Paylaş

Deka Yesus koli wai langane. “Ina lange amwai langka ngakaranga ngalua umu deka amwaiki ma ngalua umu? Emile langane kovok i? Ida Tapolngon karanga lua osep keniye ka aitno lisak dagar ke iye ma tikaranga tidue elio keniye.”

Yesus wai langane deka lokono mimi tonari timla wai omba langane. “Aitno lungong dagar ke wom e aitno lungong ila dagar dau dagar lokono ke wom kovok. Omlua ngong ma aitno lungong ila dagar polou dagar lokono ke wom vala.”

Deka Yesus kap ila disaipel isak kla ke ninu gesa e tidong ke ninu aitno. E ila disaipel tipmi iye langane. “Imawaiki imasapir angelo soulu tonari e imobure vala batne lange?” Deka Yesus koli wai ke isak langane. “Langka umawai itau ke Ida Tapolngon kovok ma angelo soulu bitna langka angelo soulu ka due mimi tonari ma polou e la kovok. E langka umodong umawai itau ke Ida Tapolngon ine deka ma angelo soulu ka langane tipolou kla.”

“Sol wan ka itau. E langka sol emlel ma umakaranga umodue ma polou galo blang kovok. Deka langane. Eriar langka sol ka galo lua itosep deka umodue elio itau ka tilua umu. E aitno lumu tidong epen pulu.”

“Langka gute gesa aitno itau ke mimi gesa langka mimi ane batne ke ngong deka ila elio ane eriar langka aitno itau ke ngong. Langka gute gesa aitno itau ke ngong deka ila elio ane eriar langka aitno itau ke ngong vala kovok. Aurou. Ila elio ane eriar langka aitno itau ke Ida Tapolngon ka pagei ngong ngame blang.”

Ngawai ke umu ke pelengon ane ka lokono lokono. Langka aki vel umu e osep leklou tikar upu aki ke umu batne umu lou disaipel mase ma Ida Tapolngon kere isak ke ila kerengen.”

Deka Yesus wai ke ila disaipel langane. “Umodue elio soulu ka tipagolgol osep ka aitno lisak dagar ke ngong kovok. Langka mimi gesa ka aitno lisak ila dagar dau tidong dagar lokono kovok deka umapagolgol aitno lisak kovok. E langka itadangdang osep ka tiwaiki tidue elio langane e itopou opmu ombatno ke agunsak e itouri isak kla tisep ke misuon e timete are itau ke isak. Lama isak tidong tipaiavu osep tonari aitno lisak.

“Langka omtomu gesa due umu umodue elio epmes ina ine ma umepie la vala. Langka umepi omtomu kene la deka umodue elio epmes ina kovok batne iye dong kovok are itau. Kesua mase ma umodong ke omur ka Ida Tapolngon plaue deka ma lumu mosongon ka itau dong vala dong. E langka omtomu orwo tidong deka umodue elio epmes ina bitna bitna ine e mase umala umokluk ke omur hel are soulu lokono.