Yohanes 6 Popüler Kutsal Kitap Ayetleri

Paylaş

Ambano Yesus, “Idimo ini roti dumadino, sasuka maino ne Idi paemo naoꞌahoa, sasuka marasaeano ne Idi paemo nakekele wuꞌunoa.

Fowaꞌaono dadi buꞌou ingka Rohino Lahataꞌala, kaꞌosano mbadhano manusia miina sepaliꞌa nakofahalaa. Sabhaha wamba nefosampeku ne hintimiu, wambano Rohino Lahataꞌala, meowanomo dadi.

Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

Ainiꞌaemo kapoindalono Amaku, gaono mpuu sasuka mohano Anano bhe marasaeano ne Anoa naeꞌawa dadi suhue dhamani maka amodadie ne Oleono Kiama.”

Yesus tanotobhoosida ambano, “Kahadhaa nepoindalono Lahataꞌala, parasaeaꞌomu ne Katuduno Lahataꞌala!”

Kosasawindo newaꞌaono Amaku ne Idi damai se Idi, maka sasuka maino se Idi paise agumihada.

Notobhoosimo Simon Petrus ambano, “Waompu, takumala se laꞌae bhahaa? Wambamumo meowano dadi suhue dhamani.

Idimo ini roti dumadino sumampuꞌano maiꞌaono te surugaa. Ane mie naomaa roti aini nadumadi ampa suhue dhamani. Roti so newaꞌaoku maitu dhagiku Wutoku, somo kadadiꞌando dhunia.”

Bhe naseemie pae bhe so moolino maino ne Idi ane pae nahumelae Amaku tumudu kanau, maka sasuka maino maitu amodadida ne Oleono Kiama.

Kapaꞌamo roti kawaꞌaono Lahataꞌala nosampu nomaiꞌao te surugaa neowa dadi ne dhunia.”

Idimo ini roti dumadino.

Yesus noalamo roti amaitu, nefoampe katumpuno lalo ne Lahataꞌala maka nodawu-dawuandae mie bhahi mengkohano naꞌa. Pedamo dua aitu kenta haa uluno nodawu-dawuandae ampa kapoindalondo. Hato doweꞌi Yesus nopugaumo ne anaguhuꞌino ambano, “Foꞌonueꞌomu kabhilaꞌando itu keana nomambisa.”

Andoa dobhose napelima tawa nomo kilomo kakodoꞌonoa, tadua dowohamo Yesus nekala-kala te wawono oe nomaꞌoti bhangkando. Andoa doteꞌi sepaliꞌa. Tamaka Yesus nopugau ambano, “O Idi inia, koise moteꞌiomua!”