Yawhana 13 Popüler Kutsal Kitap Ayetleri

Paylaş

Mabari bǝlin ani tǝ Yi la gǝri: yiɗɛ mɛ kǝma gǝri. Apa tǝ Yi yiɗǝ tǝ gǝri, kǝ ndzai ntsakǝr gǝr yɛ ka gǝri yiɗǝ kǝma gǝri tsu awa apani. Ənǝni ani whal nam tǝ sanga ndɛ ata zǝndi apǝri gǝri ndzǝr nuwurna: ma gǝr yiɗǝ kǝma gǝri.

Kulini nam tǝ Yi, Thlakǝr gǝri ba Malǝmǝr gǝri kǝ kǝtsǝnta thlǝlɛ ala gǝri, gǝr yɛ ka gǝri kǝtsǝnta thlǝlɛ ala kǝma gǝri. Yi 'ya ala gǝri sǝr nkǝrti, gǝr ma ka gǝri 'ya ala kǝma gǝri apa tǝ Yi tara 'ya ala gǝri.

Yɛsu kalaktsǝni alari, “Kulini gǝ adi ata zǝndi sǝ nam tǝ Yi ada 'ya ni wɛ, ama saka laka gǝ ata siya zǝndi.”

Yi ada gha ala gǝri dzǝrkur, zǝr kǝi adi ngga ta thlakǝrni wɛ, wala ndǝr hya adi ngga ta ndǝ nam tara hya tǝni wɛ.

Kulini nam tǝ gǝr zǝndi ǝni, ma gǝri ada 'yati, gǝr ndzǝ nam aka barka.”

Ani dzǝ ka hyati akwa sǝm sǝr sǝmɛ, dzǝ ka ngunta lǝkutǝrni nam abǝlabǝla, dzǝ ka kǝtǝ zǝr zaɓi, dzǝ ka mbwaba kusarari akǝri. Antǝ dzǝ ka pu yimi akwa ntasa ba dzǝ ka baditsǝni kǝtsǝ thlǝla ndzǝr nuwurni, dzǝ ka lǝkǝma aka ɗangulnta thlǝla ndzǝr nuwurni aka zaɓi nam tǝ dzǝ mbwai ata kusarari ni.