လုကာ 14 Popüler Kutsal Kitap Ayetleri

Paylaş

“ငါ့​ထံသို့​လာသော​သူ​သည် ငါ့​ကို​ချစ်သည်​ထက် မိဘ၊ သားမယား၊ ညီအစ်ကို​မောင်နှမများ​နှင့် မိမိ​အသက်​ကို ပို၍ ချစ်သော​သူ​ဖြစ်​လျှင် ထို​သူ​သည် ငါ့​တပည့်​မဖြစ်နိုင်။

မိမိ​လက်ဝါးကပ်တိုင်​ကို ထမ်း​၍ ငါ့​နောက်သို့ မလိုက်သောသူ​သည်လည်း ငါ့​တပည့်​မဖြစ်နိုင်ပါ။

မိမိကိုယ်ကိုယ် ချီးမြှောက်သော​သူ​သည် နှိမ့်ချခြင်း​ကို ခံရ​လိမ့်မည်။ မိမိကိုယ်ကိုယ် နှိမ့်ချသော​သူ​သည် ချီးမြှောက်ခြင်း​ကို ခံရ​လိမ့်မည်” ဟု မိန့်တော်မူ၏။

ထို​နည်းတူ မိမိ​ပိုင်ဆိုင်သော ဥစ္စာ​ပစ္စည်းများ​ကို မစွန့်လွတ်နိုင်သော​သူ​သည် ငါ့​တပည့်​မဖြစ်နိုင်။

တစ်စုံတစ်ဦး​သည် အဆောက်အအုံ​တစ်ခု​ကို တည်ဆောက်မည်​ဟု ရည်ရွယ်ရာ​တွင် ထို​အဆောက်အအုံ​ပြီးစီးသည်​အထိ လုံလောက်သော​ငွေ​ပမာဏ​ရှိ၊ မရှိ​ကို သိ​ရန် ကုန်ကျစရိတ်​ကို ဦး​စွာ မတွက်ချက်ဘဲ နေမည်လော။ ထိုသို့ မတွက်ချက်ဘဲ အုတ်မြစ်ချ​၍ မပြီးစီးနိုင်​လျှင် ထို​အဖြစ်​ကို မြင်သူတိုင်း​က ကဲ့ရဲ့​လှောင်ပြောင်​လျက် ‘ဤ​လူ​သည် စတင်​ဆောက်လုပ်​သော်လည်း အဆုံး​မသတ်နိုင်ပါ’ ဟု ပြောဆိုကြမည်။

သို့သော် သင်​သည် ပွဲ​ကျင်းပ​သောအခါ ဆင်းရဲသားများ၊ မသန်စွမ်းသူများ၊ ခြေမသန်သူများ​နှင့် မျက်စိ​မမြင်သူများ​ကို ဖိတ်ခေါ်လော့။ ထိုသို့ ကျေးဇူး​မတုံ့ပြန်နိုင် သူများ​ကို ဖိတ်ခေါ်သည့်​အတွက် သင်​သည် မင်္ဂလာရှိ​လိမ့်မည်။ အဘယ်ကြောင့်ဆိုသော် ဖြောင့်မတ်သော​သူများ ထမြောက်မည့်​ကာလ​၌ ဘုရားသခင်​သည် သင့်​အား ကျေးဇူးတုံ့ပြန်​လိမ့်မည်” ဟု မိန့်တော်မူ၏။

ဆား​သည် အရသာ​ကောင်း၏။ သို့သော် အငန်ဓာတ်​ပျောက်ဆုံး​လျှင် ငန်သော​အရသာ​ကို မည်သို့​ပြန်ရနိုင်မည်နည်း။ အရသာ​မဲ့သော ဆား​သည် မြေဆီသြဇာ​အတွက်​ဖြစ်စေ၊ အမှိုက်ပုံ​အတွက်​ပင်​ဖြစ်စေ မည်သို့မျှ အသုံး​မဝင်ဘဲ အပြင်​သို့ လွှင့်ပစ်လိုက်ရ၏။ နား​ရှိသောသူ​သည် ကြား​၍ နားလည်ပါစေ” ဟု မိန့်တော်မူ၏။