လုကာ 23 Popüler Kutsal Kitap Ayetleri

Paylaş

ထိုအခါ ယေရှု​က “အို အဖ… သူတို့​အား​ခွင့်လွှတ်တော်မူပါ။ ထို​သူတို့​သည် မိမိတို့​အဘယ်​အမှု​ပြုနေသည်​ကို​ပင် မသိကြပါ” ဟု ဆိုလေ၏။ ထို့နောက် စစ်သားတို့​သည် အဝတ်တော်​ကို မဲနှိုက်​၍ ခွဲဝေကြ၏။

ထိုအခါ ယေရှု​က “သင့်​အား ငါ​အမှန်​ဆို၏။ ယနေ့ သင်​သည် ငါ​နှင့်အတူ ပရဒိသုဘုံ​တွင်​ရှိ​လိမ့်မည်” ဟု မိန့်တော်မူ၏။

ထို့နောက် ယေရှု​အား “အရှင်​ယေရှု… ကိုယ်တော်​၏​နိုင်ငံတော်​ထဲသို့ ဝင်တော်မူ​သောအခါ အကျွန်ုပ်​ကို သတိရတော်မူပါ” ဟု လျှောက်လေ၏။

ထို့နောက် ယေရှု​သည် ကျယ်လောင်သော​အသံ​ဖြင့် “အို အဖ… အကျွန်ုပ်​၏​စိတ်ဝိညာဉ်​ကို အဖ​၏​လက်တော်​သို့ အပ်ပါ၏” ဟု ဆို​လျက် အသက်​ချုပ်တော်မူ၏။

ဦးခေါင်းခွံ​ဟု ခေါ်သော​အရပ်​သို့ ရောက်ကြ​သောအခါ ကိုယ်တော်​နှင့်​ရာဇဝတ်သား​နှစ်ဦး​ကို လက်ဝါးကပ်တိုင်​တစ်ခုစီ​တွင် ရိုက်ထားကြ၏။ တစ်ဦး​ကို ကိုယ်တော်​၏​လက်ယာတော်ဘက်​နှင့် အခြား​တစ်ဦး​ကို လက်ဝဲတော်ဘက်​တွင် ထားကြ၏။

ထို​အချိန်​သည် မွန်းတည့်ချိန်​ခန့် ဖြစ်ပြီး မွန်းလွဲ​သုံးနာရီ​တိုင်အောင် မြေပြင်​တစ်ခွင်လုံး​သည် အမှောင်ဖုံးလေ၏။ နေရောင်​သည်လည်း ကွယ်ပျောက်လေ၏။ ဗိမာန်တော်​၏​ကန့်လန့်ကာ​သည် နှစ်ခြမ်း​ကွဲလေ၏။

ဤ​အဖြစ်အပျက်​ကို ရောမ​တပ်မှူး​သည် မြင်တွေ့​သောအခါ “ဤ​သူ​သည် အမှန်ပင်​ဖြောင့်မတ်သော​သူ ဖြစ်သည်” ဟု ဆို​ကာ ဘုရားသခင်​ကို​ချီးမွမ်းလေ၏။