လုကာ 24 Popüler Kutsal Kitap Ayetleri

Paylaş

ငါ​သည် ငါ့​ခမည်းတော် ကတိ​ထားတော်မူသည့်​အတိုင်း သန့်ရှင်းသော​ဝိညာဉ်တော်​ကို သင်တို့​ထံသို့ စေလွှတ်မည်။ သို့ရာတွင် သင်တို့​သည် ကောင်းကင်​မှ​တန်ခိုးတော် မရရှိ​မီ​အထိ မြို့​ထဲတွင်​နေကြ​ရမည်” ဟု မိန့်တော်မူ၏။

ထို​အရှင်​သည် ဤ​နေရာ​တွင် မရှိ။ သေခြင်း​မှ ရှင်ပြန်​ထမြောက်တော်မူပြီ။ ဂါလိလဲပြည်​၌ ရှိတော်မူ​စဉ် အရှင်​က သင်တို့​အား ‘လူသား​သည် အပြစ်သားများ​လက်သို့ အပ်နှံခြင်း​ကို ခံရမည်။ လက်ဝါးကပ်တိုင်​တွင် သတ်ခြင်း​ခံရမည်။ ထို့နောက် သုံးရက်မြောက်သော​နေ့​၌ သေခြင်း​မှ ထမြောက်မည်’ ဟူ၍ မိန့်တော်မူသည်​ကို သတိရကြလော့” ဟု ဆိုကြ၏။

ထိုအခါ သူတို့​၏​မျက်စိများ ပွင့်​၍ ယေရှု​ဖြစ်ကြောင်း သိကြရ၏။ ထိုစဉ် ယေရှု​သည် သူတို့​၏​မြင်ကွင်း​မှ ကွယ်ပျောက်သွား​တော်မူ၏။ သူတို့​ကလည်း “လမ်း​တွင် ငါတို့​အား စကားပြော​လျက် ကျမ်းစာ​ကို အနက်ဖွင့်​ရှင်းပြတော်မူ​စဉ် ငါတို့​၏​စိတ်နှလုံး​သည် အတွင်း​၌ လောင်းကျွမ်းနေ​သကဲ့သို့​ဖြစ်သည်​မဟုတ်လော” ဟု အချင်းချင်း​ပြောဆိုကြ၏။

ယေရှု​က “ကျမ်းစာတော်​တွင် ဤသို့ ရေးသားထား၏။ ခရစ်တော်​သည် အသေခံ​၍ သုံးရက်မြောက်​နေ့​တွင် သေခြင်း​မှ ရှင်ပြန်​ထမြောက်တော်မူမည်။ ခရစ်တော်​၏​အမည်​နာမ​အားဖြင့် အပြစ်​လွတ်ခြင်းတရား​နှင့် နောင်တတရား​အကြောင်းတို့​ကို ဂျေရုဆလင်မြို့​မှစ၍ လူမျိုး​တကာတို့​အား ဟောပြော​ရမည်။

သင်္ချိုင်းဂူ​သို့​ရောက်​သော် ဂူဝ​၌ ပိတ်ထားသော​ကျောက်တုံးကြီး​မှာ ဘေးဘက်​သို့ လှိမ့်ဖယ်ထားပြီး​ဖြစ်သည်​ကို တွေ့မြင်ကြ​သဖြင့် ဂူ​ထဲ​သို့ ဝင်ကြ၏။ သို့သော် သူတို့​သည် သခင်​ယေရှု​၏​အလောင်းတော်​ကို မတွေ့ရပေ။