Kɛɛradzin neè faadziɛ 1 Popüler Kutsal Kitap Ayetleri

Paylaş

Ŋà tɔ̀ Dzi Fɛnɛɛ ye na jàà ye tsɛ, tɔ̀ baraka rɔ̀n, ye nà bà mun shɛɛrɛ ì, ye yè mun ne goò lakɛɛ̀y dziɲantsiɛ min niì sapɛ, è sen Yerusalɛmùn, è bè Yude mar'la ko Samari mar'la min niì sapɛ, è bè suu fɔ dziɲaan dààn rà.»

Yesù yè dzin è ra ci: «Ye yè bà ni twɛy goo rèè fa waatsi tɔ, tɔ̀ na ni ye suun waa. È nà fa waatsi riì bwèy, mùn Fà Ŋaablà rii tɔ̀ tɔ̀, kàtsu à faa shia ni wò soo pe rii suun.

Àwà, sii sɔn see, Yesù ko e re kɛɛradzin neè ni ɲwɛɛ̀n nà, à y'à dè màxɔbe è ra nèe tsuru ci: «E maà bo Yerusalɛmùn waa. Ye to mɔn, fɔ mun Fà Ŋaabla nìi làyiri seun ye re, fɔ tɔ̀ yeè fa e re. Mun làyir'lìi gooma deu ye ra, à tɔ̀ rii. Yùxanà mòdzian jaara fooŋ Ŋaablà re shia goo rèè rà ko yu rìì ka. Ŋà, nìi ye, ye jaara nà fòò ko Ŋaablà re Dzi Fɛnɛɛ rìì ka. Sani bwèy dànman, tɔ nà fa.»

Àwà, à saunmaà shɔ̀ùn, è nà e yɛrɛ kpadè e re kɛɛradzin neè rà, è goo giri ka à kpàdè è ra, ci wò rii sèè bàuma yɛ jaama. È bè tàrà fɔ bwèy dzyèè, è yɛrɛ kpadèe è ra tà tsuru, è Ŋaablà re Màsàbee gooma deè è ra.

Àwà, twɛy gooma reè dè dòumaà shɔ̀ùn, Yesù rè, à ɲan ye sen fu bè kɛɛradzin neè jaa ra jìran. Twɛy y'à tèyn bekɔɔn siin fur'lu, fɔ munun sɔn yeè b'a tsyee bo è mà, è jaa yè fɔn à ra.

È jaà gbɛ̀rɛ̀ toumaà tɔ̀ tsuru, yè Yesù bèkɔɔn siɛ̀n jìran nɔ̀n, yè nà bàràma jaa soo, yè kpiri mɛyɛ̀fyɛ̀tsi fii jà e tɛyn. Twɛy yè dzin è ra ci: «Galileka reè, fee rìì ye tsìiŋnà mìin, ye yè bà Ŋaablaxɔɔ̀ siɛ̀n ? Yesù nìi bou ye fi, è sen fu bè jìrànxɔɔ̀ doùn, à sen fu bèu nìi tsuru, ye nà à sèè jàà nakɔɔn ja sii sɔn see tɔ̀ fau'n kuru soo rà.»