Yùxanà 14 Popüler Kutsal Kitap Ayetleri

Paylaş

Mun kpɛ̀yn bèe, ŋà, jaanciàn n tɔ̀ toò e re, à mun naa jaanciàn nì sìnkɔɔn ye ra. Mun na à sìan, a ci dziɲan y'a sìan nìi tsuru waa. Tɔ̀ kamà, e akiri mà gbiiman waa, shiɲaanbe tsu to mà bà ni e vunun tsɛ waa.

Yesù yè dzin à ra ci: «A y'a myɛ̀n shia ko sààbeen ko jaamabee, tɔ mun nì. Mòò pɛn na dzia nà Fà Ŋaablà ma nàu'n kuru pɛn na, è bà mun shɛn too waa.

Àyìwà, tà shɔ̀ùn, Yesù yè dzin e re kàràndzin neè rà ci: «E maà à to e akir'là yè gbiiman waa. Ye ɲɛn Ŋaablà ra, ye ɲɛn mun sa ra.

Ŋà, Fà Ŋaablà nà Dzwɛ̀mabaa nìi ka na mun tsoo ka, Ŋaablà re Dzi Fɛnɛɛ, tɔ nà ye kàràn goò sapɛ ra. Mun to nìi dèu ye ra, à nà ye taa to tɔ̀ re.

Mòò riì mun kɛ̀niɔ̀n, tɔ̀ rii mun dzugooma xɔù rèè toò e duùn, à yè è shi jiì. Mòò riì to mun kɛ̀niɔ̀n, mun Fà Ŋaablà sa nà tɔ̀ tsìfa kɛ̀n, mun nà à tsìfa kɛ̀n, mun yè n yɛrɛ kpadè à ra.»

Tà doùn, mun nà à gaa Fà Ŋaablà re, è Dzwɛ̀mabaa kpɛrɛ sìn ye ra, sànko, tɔ̀ yeè bà ni tsuù ye ka kudɛyn. À Ŋaablà re Dzia rìì, sààbeen ni nìi ɲàn. Dziɲan na dzia tɔ̀ tàrà waa, kàtsu, dziɲan na à jàa waa, à to na à tɔ̀ tsu waa. Ŋà, nìi ye, ye y'à tɔ̀, kàtsu, à ni ye ka, à to nà bà ni ye ɲan.

Ye to ye gè o ge gaa mun tsoo ka, mun nà tɔ̀ fa, sànko Fà Ŋaablà blabee yè kpàdè, è bo Dzin Kpirimaa ɲàn. Ɔ̀ɔn, ye ye gè o ge gaa mun tsoo ka, mun nà tɔ̀ fa.

Ye ye ba mun kɛ̀niɔ̀n taki, ye nà mun dzugooma xɔù rèè shi jiì.

Gbà giri ni mun Fàà rè gàne rɔ̀n. À mà bà tɔ̀ tsuru, mun ni dzin ye ra, ci mun nà bè tsùùma lamɔnɔ̀n tsùù ye re o ?

Min tsùùmaà lamɔnɔ̀n dò ye re waatsi riì bwèy, mun nà sèè na, min nà ye sen be n ka, sànko mun ni min niì, ye sa yeè bà ni mɔn.

Yesù rè kàràndzin neè ɲàn, nìi tsoo Tomà, tɔ̀ yeè dzin à ra ci: «Tsìfaà, wo bèe min niì, ɲe na tɔ̀ tɔ̀ waa, shi niì to bèe mɔn, ɲe nà tɔ̀ tɔ̀ dzùrù ?»