यहून्नो 6 Popüler Kutsal Kitap Ayetleri

Paylaş

यीशु ज़ि दोतंङ साते कुंई, “जीवनो रोटी गेह शुगाह; अंऊ गिऊ कछंङ अपा, दुह अपेहला योंई माह केषतो, दंङ अरी गिऊ टोहकठे विशवास लोहतो दुह अपेहला तीस्करे माह शोतो।

आत्मा ता जीवन रड्रा शुह, शरीरो दोरच़ी छले फायदा माह। अंऊ गप्पा गेह केतंङ साते कुट्रातग दुह आत्मा शुह, दंङ जीवन ला शुह।

दुह बगतो थल्जी मेहनत थाह लांही अंऊ नाशवान तोह पर दुह बगतो थल्जी लांही अंऊ अनंत जीवन तचेक बंङज़ा, मतलब गेह मीहू योह दिह बगत रमोग, छना कुचे पिता परमेश्वरे गिह्बी झांह लहज़िमी अधिकार रांहषी ततो।”

छना कुचे गिऊ पिता परमेश्वरो हिटी दिह तोह, कि अच़िला गिह्बी खमोर, दंङ गिऊ टोहकठे विशवास लोहर, दोई अनंत जीवन खोक्पोतो; दंङ गेह अंतिम ध्याड़ा रिंङ यच़ाह षीङमी लोहग।”

यीशु ज़ि दोतिंङ जुबाब रेंई, “परमेश्वरे जुंज़ातो कि केहरे दोऊ टोहकठे विशवास लांही अरी दोई च़रसी शुह।”

अंऊ धिर ला पिता परमेश्वरे गिह्बी रंड्रा दुह भत्ते धिर गिऊ कछंङ अपतो, दंङ अंऊला गिऊ कछंङ अपतो दोबि गेह अपेहल ला माह हुंपोग।

शमौन पतरसे यीशु बि जुबाब रेंई, “हे प्रभु, ञेंहरे अतु कछंङ योंई? अनंत जीवनो गप्पा ता कांह ए कछंङ तोह।

जीवनो रोटी अंऊ स्वर्गंङच़ि तक्सा, दुह गेह शुगाह। अगर अच़िया दिह रोटीऊ दोरच़ी ज़ोतो ता हमेशा श्रींङे बंङज़ोतो; दंङ अंऊ रोटी गेह रमोग, दुह गिऊ फुक शुह अंऊ गेह संसारो मीहतु जीवनो थल्जी बलिदान लोहग।”

अरीला गिऊ कछंङ दोहपल तचेक अपि मरच़ि अपेहल तचेक गिऊ पिता परमेश्वर अच़ि गिह्बी च़रसी शुह, दोबि गिऊ कछंङ माह हपतो; दंङ गेह दोबि अंतिम ध्याड़ारिंङ यह्च़ा श्रींङमी लोहग।

छना कुचे परमेश्वरो रोटी दुह ए शुह, अंऊ स्वर्गंङच़ि तक्सा संसारो मीहतिंङ जीवन रंड्रा।”

जीवनो रोटी गेह शुगाह।

दंङ यीशु ज़ि रोटी लेहप्ती, दंङ परमेश्वरो धन्यवाद लेह अंऊ मीहरे दोर्तिंङ बंङज़ा तोईरे दोतु बिचंङ फाए च़रति; दंङ ध्वांए मह्छ़ अंयों दोच़ी जुन्ज़ातेर फाए च़रति। छना दोरे ज़ेह कहशी इलिर, ता यीशु ज़ि एनोह चेला तु हखा कुंई, “नव्शी खंणीर सोटेकी च़रतुंई, कि छले छंङसी माह जूंस।”

अपेहल दोरे सूले-सूले लगभग पांच छह किलो मीटर तुंखा शुहचे इलिर, ता दोच़ी यीशु बि झीलो टोहकठे जोई ए दंङ किशतीऊ कछंङ अपि तंङातोर, दंङ दोरे बेवा इलिर। पर यीशु ज़ि दोतंङ साते कुहतो, “गेह शुगाह; बेंईन था।”