1 oKorotiyawa 12 Popüler Kutsal Kitap Ayetleri

Paylaş

Omaku ko Owuso sayi kiyi nu dananoho wa shini wo neshi ka kpiri.

Kpiri kala wikpiye ko Okristi, kweyi ananoho kala wigo nu.

Owoni igo oye ya mowe, ashini kigo kpiri ba mowe kpanu dudu, kweyi owoni ashigo oye iye, igo wonyonya ya shotunehe kpanu.

Ashe Omaku ko Owuso danu eshi koleho ko oziyi nwashika, ashe ke anano Omaku ko Owuso mani danu eshi koleho ko ogyogye nwashika. Omaku ko Owuso oye kponu mani dashe eshi kotuse, kweyi ashe Omaku ko Owuso oye kponu daneshi ko dase ogege. Ashe odanoshu koyoza kigbashi, akashe, odaneshi ko bane koleho ko Owuso; ashe odaneshi ko gya aweshi gogo-gogo ni wa bwebe ko Omaku ko Owuso ni kpo oni wa bwebe ko Owuso lo ni, ashe odanoshu ko kela igbenu gogo-gogo, kwikyikyeni ashe odanoshu ko gwikweyi koza ni oka ni.

Kpiri mani ke woko ko Omaku ko Owuso oye kponu la, kweyi odananoho byoni oyimu ko danu ni.

Ozani ya ni ikpiye woye kpokponu ni oma, awigo kikpiye kpiri gboko oye kponu kpiyiwa.

Eshi ko Omaku ko Owuso baba gogo-gogo, Omaku ko Owuso ni ke ya dase ni woye kpokponu la. Owe baba gogo-gogo ko yoko, Adole oye kponu pini aba yoko danu la. Oshu yaba gogo-gogo ko yoko, Owuso oye kpokponu pini ke dase kpiri oshu ko yoko la.

Kweyi ipu koda ko Owuso, Owuso yase kpiri baba: ikyikyo wayikoko ko Oyesu, omwepa wawobane, omweta wawofoza, omene awo yoza kigbashi, awo dase ogege, awotasabo, awoyoko koteyi, kpawokela igbenu gogo-gogo.

Ikweyi koni ikpiye abiyinu gbigo oye kponu lalo, oke gbigo nwashika.

Abishi koni, awigo kikpiye ni ya bya gboshu lo, aba gege ko yojije lo owoni awigo ni loshu lo ni baba kpawa lo

Owoni ikpiye kpiri bi wiyi kin, abi ba pwaha kpoji? Owoni ikpiye kpiri bi wakpaha, abi ba pwipi kpoji? Byoni owe ni, Owuso yigo wonyonya kwikpiye, byoni oyimu shini ana we ni. Kpiri wa bi wigo oyekponu, ikpiye biya yaba lo!