ZAA 'BƆGƲ 14 Popüler Kutsal Kitap Ayetleri

Paylaş

-Gömöwlonɔ n tɩya-a yawʋ, na -gömöwlonɔ n nyɛya -bha, n 'nɩya-a 'pɩnɩkpaa swɩ 'mʋ -gömöwlonɔ 'nyɛ. 'Kalɛ 'na-a 'lɩbhaya -nɩ, nganɔ 'na-a 'lɩbhaya 'yɛ -nɩ.

Zezwi nɛ -bha ɔ de naa: “-Amö-ö -yɛ-a 'yuogblʋ, -amö-ö -yɛ-a 'dɛdɛɛ, -amö-ö -yɛ-a 'kɔgwlɛpɩ. -Bɛ 'nɩ bhɛlɩ ɔ 'yɛ -ma -Tɩbha -Lagɔɔ 'bhɛyɩ mö, 'n ɔ nɩ -bha na de 'plɩnɩ.

Zezwi nɛ -bha ɔ 'wʋbhlinɩngwaa de naa: “'Kalɛ 'na-a 'lɩbhaya -nɩ. A 'tɛnɩ -Lagɔ dlɩ 'bhë a -tɛnɩ'ɩ 'yɛ na-a dlɩ.

Zuzu Wlawla -ʋ -yɛ-a kwanɩnyɔ -ʋ -Tɩbha -Lagɔ jiya-a na 'nglɩ 'mö 'yuo 'paa, mʋ-ʋ jiya-a ɩ 'bhuo ngli 'paa, -ɩ 'bhuo n gba-a a de, 'n ʋ 'kaya 'yɛ-a ɩ dlɩ glu -sa.

-Ɔ la'a -ɔ -ji-a na gbö 'n ɔ zʋɩ-ɛ -bha, mɔ la'a mɔ-ɔ -jɩbha'a -bha. -Ɔ la'a -ɔ -jɩbha'a-a, 'mɔ na -Tɩbha ji-a 'jɩbhaa, na 'bhë n jio 'yɛ na-a 'jɩbha, 'n n 'kɔ-a najɩ 'ji tuluanɩ.”

-Amöö -nɩ-ɛ, -Tɩbha -Lagɔ n ji-a -bɛlɩ 'paa ɔ 'kaya kwanɩnyɔ -mʋmɔ -la, ɔ nyɛya 'sɔ 'yɛ 'wʋ -bhlinɩ -kitiki. 'Dɛdɛɛgba -Zuzu -bha, -ʋ 'pɩ-ɩ bhë 'na-a ghlɩ, wa 'nʋ 'wʋ jɩnɩ 'bhë, wa 'nʋ -jie yɛ -bha. Abhaa -nɩ-ɛ, ʋ wʋya 'gbamö 'n ʋ 'yɛ 'yɛ-ɛ -ma a dlɩa zɔmöö yɛ, a -jiʋ.

-Ɩ la'a 'bhuo -kpö a ji-e na 'nglɩ 'mö 'jɩbhanɩɛ, nʋɔ n jiɩ -bha, -Tɩbha 'yɛ -ma 'Gu 'mö 'ghlimanɩɔɔ yɛ. Ɩ yɛ a -yɛ na 'nglɩ 'mö -lu 'jɩbhanɩ-ɛ, nʋɔ n jiʋ -bha.”

“A ka'a 'jɩbha a ji na gbö 'ji zʋ.

-Ma na -Tɩbhaa 'ligbë'ë glɩdee -bɛ -wʋ-ɔ -ma, ɛ nɩ la -sɩbha glɩnɩ, n kaya la 'dɩ -sanɩ 'bhë. Mö 'le n -wʋ -bha, n 'yɛ a 'bhle göganɩ.

N -yɛ mö, n -yɛ a 'bhle göganɩ 'bhë-ë, ye n jiya-a jie, la n glɩ-a a 'yɛ 'yɛ -bha -nɩ glɩ.

Zezwi gba-a -sɩbha, Toma nɛ: “Nyininyɔ, la bhë -n -wʋ-a mö 'le, -aa la'a -bha -ji-e, samɩ -a ji-e 'mö-a -bhaa 'yuogblʋ de 'mö -jijinɩɛ 'nɩ?”