ZAA 'BƆGƲ 19 Popüler Kutsal Kitap Ayetleri

Paylaş

Zezwi 'nɩma-a zɛzɛnʋ la'a, ɔ nɛ: “Ɩ 'bhuo yɛ 'wʋ 'wlenɩ 'bhë.” Ɔ gba-a -sɩbha, ɔ -gbli-a 'wlu yɛ, 'n ɔ ji-a nyɔmʋ sɛ zʋ.

-Bha -gömö Zezwi -ji la sɛ naa, -li 'bhuo yɛ ɔ de 'ji bhɩɔ 'bhë, wɛlɩköbhë -a 'cɛlɩɔ-ɔ -ma -Lagɔwɛlɩɛ 'bɔgʋ 'mö 'yɛ 'wʋ 'wlenɩɛ yɛ, ɔ nɛ: “'Nyutʋ-ʋ wʋ'ʋ-a 'lɩbha 'le.”

Zezwi yɩlɩ-a ɔ -da, 'bhë ɔ yɩlɩ 'yɛ-ɛ -bha ɔ -da yawʋ ɔ 'wʋbhlinɩnyɔ -ɔ ɔ 'jɩbha-a, ɔ nɛ: “'Nyia, -na gu-o -la.” 'Bhë ɔ nɛ -bha ɔ 'wʋbhlinɩnyɔ la'aa de: “-Na -da-a -la.” Tɛnɩ-a 'mö -bha, -ma ɔ 'wʋbhlinɩnyɔ la'a zʋ-a Mali ɔ 'ligbë'ë yɛ.

Wa nyini-e -bha Zezwie de, wa yɩlɩ-ɛ -bha naa ɔ yɛ tlɩ 'gamö 'bhë-ë, wa 'nɩɔ-ɔ bhɩ 'katɛ. 'Slʋjeyi -bhlʋ, mɔ-ɔ 'libhï-a ɔ 'li 'wʋ 'n ɔ jie-e -bha ɔ gbaközɔmö 'pa. -Bha -gaganɩlɩ'ɩ, 'n 'nyu -yɛ dlu 'sɔ ji-e -bha ghlanɩ.

-Wʋʋ yɛ 'mɩ -ɩ la'a 'plɩ-ɛ -sɩbha, wɛlɩköbhë -a 'cɛlɩɔ-ɔ -ma -Lagɔwɛlɩɛ 'bɔgʋ 'mö 'yɛ 'wʋ 'wlenɩɛ yɛ -bha. Sa'a naa: “Wa 'na ɔ 'kwa -bhlʋɔ 'bhë 'katɛ.” 'Sɔ köbhë nɛ 'yɛ naa: “-Ɔ wa 'pa la-a 'li, 'mɔ wa ji-a 'wʋ yɩlɩɛ.”

Zezwi -su ɔ 'klʋkʋnʋsu, 'n wa -nyɔɔ ji-a 'gbë 'mö 'wlʋ, 'n wa ji-e -ma 'bhle -bhlʋ wa la-a 'Wlukɔfʋ 'klʋ mö. 'Ma 'bhle 'ma wa la-a -ma eblegbʋ 'mö Gɔlʋgota.

'Slʋja 'libhïɔ-a 'wʋ, wa lɩbha-a sɛmöwiee -glipë, 'n wa jio-a 'wlumö -gbli, 'n wa jio-a -bana -zala 'kada 'mö 'pa.