MATIEE 'BƆGƲ 6 Popüler Kutsal Kitap Ayetleri

Paylaş

-Lagɔɔ nyininyinipɩɛ gbʋ playa tenyi -ɩ nanʋ-a dlɩ yawʋ a 'kɩ nʋ. -Ɩ la'a -ɩ tʋ-a 'wʋ ʋ 'bhë jiya 'nyɛ.

Ɩ yɛ a 'na-a nimï -ɩ ji-a zɩgbadlɩ'ɩ jie yɛ dlɩ -nɩ zlɩ -ɛ ji-a zɩɛ -su-o -nɩ ɛ 'bhëë jɩɛ -li. Sa zlɩ -mɛ la'a zɩ-a ɛ -yɛ ɛ yʋlɔyʋlʋɛ mlinɩ 'ji.

-Ɩ la'aa yɛ n gba-a a de naa: -Ʋ a 'yɛ-a li a 'yɛ -bhlɩ a 'na-a nimï ʋ dlɩ -nɩ. -Ʋ a 'yɛ-a 'mö 'pa a 'na-a nimï 'yɛ ʋ dlɩ -nɩ. -Wʋʋ yɛ-a, -bhlɩbhlɩɛ ka dlɩ yɛ ɛ zi lilie 'wʋ, nɩkpɛɛ ku ka 'yɛ dlɩ yɛ ʋ zi 'möpalu 'wʋ.

-Nmöö -nɩ-ɛ, -n -yɛ -Lagɔ -bɛlɩ 'paa ji-e, pla -ma -na -buduköbhë 'mö, -gba -bha, -na -Tɩbha -Lagɔ -ʋ -wʋ-a zuzolɩ'ɩ -n 'kʋ -bɛlɩ 'pa. -Bhaa do'o -bɛlɩ -n 'pa-a -sɩbha zuzolɩ'ɩ ʋ jɩnɩɛ 'wʋɔ yɛ, ʋ -jimö 'pɛnɩ.

A -yɛ -bɛlɩ 'paa ji-e, a nʋ: -Aa -Tɩbha -ɔ -wʋ -ma -Lagɔtapɛ'ɛ, -na 'nglɩ 'wlawla ɩ -wʋ -bha, nɩkpa 'bhuo zʋɩ -bha. -Na nyininyinie ji, -ɩ -n 'jɩbha-a sa ɩ -wʋ-ɔ -ma -Lagɔtapɛ'ɛ, ɩ -wʋ -sɩbha ma'a dʋdʋkpata'a.

-Nyɛya -zɩnɩ'ɩɛ lili.

'Tatinɩ -aa 'jinylolie gbʋ 'ji, sa nɩkpa -kaya-a 'jinyloli 'ji nʋ 'n a 'tatinɩ-a ɩ gbʋ 'ji.

-Nn -saya 'ji yawʋ -a 'na-a bhlinɩ -mapapɩɛ 'mö -nɩ. -Saya 'jinyloli ngli. -Wʋʋ -yɛ-a, -na 'nyize -nmö 'tɛɛ-a 'mö, -nmö 'ghli-i -bha, -nmö nyini-a 'kɔgwlɛswɩ'ɩ -li 'bhuo, ɩ -wʋ -sɩbha.

-Ma ɩ 'mö, 'jinyloli nɩkpa nʋya-a 'ji a -yɛ ɩ gbʋ 'ji 'tatinɩ-ɛ, 'mɩ a -Tɩbha -Lagɔ -ʋ -wʋ-ɔ -ma -Lagɔtapɛ'ɛ ji 'yɛ-a -nɩ a 'jinylolie gbʋ 'ji 'tatinɩɛ.

A yɩlɩ -lɛ -ma ghayɩɛ 'zɩ. Ɩ'ɩ glʋ, ɩ'ɩ -dɩ, ɩ'ɩ 'pa lili -digbagbʋ'ʋ, 'n a -Tɩbha -Lagɔ -ʋ -wʋ-ɔ -ma -Lagɔtapɛ'ɛ nyɩɩ-a lilie. A 'bhï a'aa cɛ dlɩ sɛ -ka tenyi a 'yɛ 'zɩ 'wʋ zi 'nɩ-ɩ?

A 'na-a 'kplɔnʋ ma'a 'pɩ 'wʋɔ wʋlʋwʋlʋɛ -nɩ, 'klɩmö -yɛ 'glɩ 'sɔ bhɛlɩ ɩ 'kɛ 'ji nyimanɩ, 'wingwa bhɛlɩ wa 'kɛ 'wi ghli. Wʋlʋwʋlʋɛ -ɛ -Lagɔ jiya-a -ma ʋ nyininyinipɩ 'wʋ 'nyɛɛ, ɛ 'na sɛ yɩla, 'mɛ a 'yɛ-a 'nama 'Klɩmö -yɛ 'glɩ 'sɔ 'na 'kɛ 'ji nyimanɩ, 'wingwa 'na 'kɛ 'wi ghli. -Wʋʋ yɛ-a, la -na lɩ -wʋ-a, -bha -na dlɩ -wʋ -bha.

Nɩkpɛ 'nɩ bhɛlɩ ɔ 'yɛ 'bhitɩbhangwa 'sɔ -ka 'bhë ɔ 'yɛ wa 'sɔ -kpɔ -bha zʋ. -Bhlʋ ɔ ji-a 'jɩbhaa 'n ɔ 'yɛ-a -mɔbha 'jɛbhɛlɩ. -Bhlʋɔ wɛlɩ ɔ ji-e -bha zʋɔ 'n ɔ 'yɛ-a -mɔbhaa wɛlɩ -bha -sa. -Ɩ la'aa yɛ a'a -lɛ bhɛlɩ a 'yɛ -Lagɔ a dlɩa 'ye 'nyɛ 'bhë a 'yɛ 'yɛ mëni a dlɩa 'ye 'nyɛ.

-Ma 'kwla 'möö -titi -ɩ -bhlɩ-a -zɩnɩ'ɩ 'bhë wa 'yɛ-a zʋma -kosu'u 'pa, -Lagɔ -wɩɩ la'a -sa -nɩ bʋlɔ-a 'le, e 'kë zi abha kɔ-a dlɩ yɛ, abhaa cɛ ʋ 'na-a 'möpali 'nyɛ 'nɩ-ɩ? A -Lagɔɔ dlɩwʋkakʋ 'nɩ -zu lɛɛ!

-Nmöö -nɩ-ɛ, -n -yɛ -na 'pʋanyɔ -lu 'nyɛ 'le -wʋ-ɔ, -ɩ -na linɩkpɛsɔ -kɔta -wʋ-a nʋ 'le -na kɔpɛsɔ -kɔta 'na-a -ji ɩ bhle'e -nɩ, -na 'nyɛnyɛlu 'yɛ zuzolɩ'ɩ -wʋ, -ɩ -n 'nyɛ-ɛ -sɩbha zuzolɩ'ɩ -na -Tɩbha -Lagɔ -ʋ jɩnɩ-a -ɩ 'zuzo-a 'wʋ, ʋ -jimö ɩ 'wlumö 'pɛnɩ.

A -yɛ -lie -li nʋɔ ji-e, a möna 'mö, ɛ 'na-a glɩnɩ -bha nɩkpaa 'ji klʋ -nɩ, -wʋʋ yɛ-a, wa kaya yɩlɩ wa -yɛ a 'dɩɛ dɩ -sa, -bhaa do'o a -Tɩbha -Lagɔ -ʋ -wʋ-ɔ -ma -Lagɔtapɛ'ɛ 'na 'kaya a -lie -lie 'wlumö 'pɛnɩ.

A -yɛ lɔlɔ 'sʋ 'le -wʋ-ɔ, a 'na-a kalɩmanɩ 'klʋ 'mö -nɩ, -sɩbha 'kwlɩsɔkangwa nʋ -bha. Wa -yɛ lɔlɔ 'sʋ 'le -wʋ wa 'klʋ 'mö-ö 'kökö, nɩkpa 'yɛ sɛ jɩblɩnɩ naa wa-a lɔlɔ 'sʋ 'lee yɛ. 'Dɩɛ -dɩ n nyɛya -bha naa, -sɩbhaa nɩkpa la'a wa yɛ wa 'pɛnɔ ghlɩ 'gamö 'bhë. -Nmöö -nɩ-ɛ, -n -yɛ lɔlɔ 'sʋ 'le -wʋ-ɔ, budo, 'fla nyuko, nɩkpa ji-e sɛ jɩblɩnɩ naa lɔlɔ -n -wʋ-a 'sʋ 'le, -na -Tɩbha -Lagɔ -ʋ -wʋ-a zuzolɩ'ɩɛ 'nyize 'yɛ sɛ -ji. -Na -Tɩbha -ʋ jɩnɩ-a -ɩ 'zuzo-a 'wʋ, ʋ -jimö 'pɛnɩ.