MATIEE 'BƆGƲ 5 Popüler Kutsal Kitap Ayetleri

Paylaş

Wa'a-a -bhla 'napɛ 'ji -dɩ wa 'kɛ -lu 'wlumö -gbli. Wa -kɛɛ 'ji -dɩ -bha ghayɩ wa zʋɛ-a yɛ nɩkpa bhuo -wa -wʋ-ɔ -ma -budu'u, 'n ɛ ngönʋa-a 'wʋ. A namönamölɩ ngöna -sɩbha 'napɛɛ swɩ'ɩ nɩkpa 'wʋ, wa -yɛ a -lie -lie nʋnʋlɩ yɩlɩ-ɛ, wa 'yɛ a -Tɩbha -Lagɔ -ʋ -wʋ-ɔ -ma ghayɩɛ 'nglɩ 'ghlimanɩ.

Abha na -lʋa, sa 'napɛ lɩ-ɛ la'a 'n ɛ ngöna-a nɩkpa 'wʋ-ɔ, -sɩbha a -wʋ-ɔ ma'a 'pɩ 'wʋɔ nɩkpaa de. A -ji sɛ naa gbë -a glɩ-a -gɔgɔ 'wlu a'a 'zuzo-o.

-Waa dlɩa-a -wʋ-a 'wlawla -Lagɔɔ de, 'mʋna 'lɩbhʋa, -wʋʋ yɛ-a, wa ji 'ylɩ -bhlʋ -Lagɔ 'ji 'mö yɩlɩ.

-Wa 'jɩbha-a naa nɩkpa 'bhuo nʋ -ɩ -Lagɔ 'jɩbha-a, 'mʋna 'lɩbhʋa, -wʋʋ yɛ-a, -Lagɔɔ 'nglɩ 'mö wa dlɩ ji 'ylɩ -bhlʋ 'mö ji.

-Amöö -nɩ-ɛ, sa'a n gba na-a a de naa: A 'jɩbha a tʋngwa. A 'pa -wa wʋya-a 'zwɩ zia 'lee 'wlumö -Lagɔ -bɛlɩ.

“Nɩkpa -wa ji-a sɛ naa 'pʋangwa wa glɩnɩ-ɛ -bha -Lagɔ 'ji 'klʋ, 'mʋna 'lɩbhʋa, -wʋʋ yɛ-a, mʋa-a ji-e -ma -Lagɔɔ nyininyinipɩ 'wʋ möö.

-Wa yɩlɩ-a nɩkpaa -ghöbhanɔ yɛ, 'mʋna 'lɩbhʋa, -wʋʋ yɛ-a, -Lagɔ jua ʋ 'gwie la.

-Wa -wʋ-a -zɩnɩ'ɩ wi 'le, 'mʋna 'lɩbhʋa, -wʋʋ yɛ-a, -Lagɔ jua 'ylɩ -bhlʋ dɛpö.

-Ɩ nanɩ-a -Lagɔ dlɩ yawʋ, -wa wa zia-a ɩ yɛ 'zwɩ, 'mʋna 'lɩbhʋa, -wʋʋ yɛ-a, mʋa-a ji-e -ma -Lagɔɔ nyininyinipɩ 'wʋ möö.

-Wa pa-a wa linɩkpaa de ngazɩdlɩ, 'mʋna 'lɩbhʋa, -wʋʋ yɛ-a, -Lagɔ ji-a wa de ngazɩdlɩ 'paa.

Abha na -lʋa, nɩkpa kaya na yɛ 'jinylɔwɛlɩ gbanɩ wa kaya 'zwɩ zia, wa kaya yuoyuogbɩ -gömö 'pa, 'mʋna 'lɩbhaya. -Sɩbha wa köbha-a -bɛnyido'o -Lagɔɔ 'mögbanɩngwaa yɛ, wa kaya -sɩbha köbha 'le -wʋ, 'mʋna 'lɩbhaya tenyi, -Lagɔ jiya -ma ʋ yawʋ -lie -lie -bɛ 'nyɛ.

-Waa dlɩ-ɩ bhɩa-a, 'mʋna 'lɩbhʋa, -wʋʋ yɛ-a, mʋa-a ji-a dʋdʋkpata -a -Lagɔ nʋ la-a ʋ ji nɩkpa 'nyɛɛ nyinie.

Gïbhïë swɩ a -wʋ-ɔ ma'a dʋdʋkpata -gömö. 'N gïbhï -yɛ 'nʋ ngli bhɩa, 'manɩ nya wa jiɩ-a 'nʋ ngli zʋnʋɔ 'nɩ? Ɩ'ɩ-a 'mö -lu 'ji -ka 'sɔ, 'kwla wa pɩ -bha 'n nɩkpa namönɩɩ-a -gömö.

-Ɩ la'aa yɛ n gba-a naa: Sa a -Tɩbha -Lagɔ -ʋ -wʋ-ɔ -ma -Lagɔtapɛ'ɛ -wʋ-a -kpöön, a -wʋ -sɩbha -kpöön.

A -yɛ 'mö -sanɩɛ ji-e, ɛ -yɛ köön de glɩnɩ, a nʋ köön, ɛ -yɛ 'bhëbhëë de glɩnɩ-ɛ, a nʋ 'bhëbhë. -Ɩ wa pa-a -bha -ɩ la'a -gömö, 'Jinylozuzuko 'mö ɩ 'bhönɩ -bha.

-Ɩ wa gba-a -ɩ a 'nʋ-a mɩ-ɩ -yɛ-a naa: 'Ji -yɛ 'ji bhli, gleyi -yɛ gleyi bhli. -Amöö -nɩ-ɛ, 'dɩ n nyɛya na-a naa: Nɩkpɛ kaya 'jinyloli 'ji nʋ-ɔ, a 'na-a -sa ɩ kpa -nɩ. 'N nɩkpɛ -yɛ -ma -na linɩkpɛsɔ -yukwli 'mö 'pa, tuluanɩɔ kɔpɛsɔ -leyi 'ji ɔ 'yɛ 'yɛ -ma 'pa.

-Na linɩkpɛsɔ ji -kamö 'jinyloli 'mö kwa 'le -wʋ-ɔ, -sɛɛ -ma -n 'kɛ 'kwla 'pa. -Wʋʋ yɛ-a, ɩ -ga na de cɛ -n 'yɛ nɩmɛlɛ -ka -mɩzlɩ -na 'gblʋ 'bhuo -kpö 'yɛ -ma -kosu'u mö. -Na linɩkpɛsɔ -kɔta -kamö 'jinyloli 'wʋ tia 'le -wʋ-ɔ, -dɩa -bha -n 'ka 'kwla 'pa. -Wʋʋ yɛ-a, ɩ -ga -na de cɛ -n 'yɛ nɩmɛlɛ -ka -mɩzlɩ -na 'gblʋ 'bhuo -kpö 'yɛ -ma -kosu'u mö.