MALƖKÖÖ 'BƆGƲ 12 Popüler Kutsal Kitap Ayetleri

Paylaş

Zezwi nɛ: “-Lagɔɔ gba 'kada ma-a yɛ-a naa: Izlayɛlɩɛ nɩkpayi, a pönɩ 'yukwli. -Aa Nyininyɔ -Lagɔ, ʋ -bhlʋ 'tɩ mʋ-ʋ -yɛ-a -Lagɔ. Ɩ yɛ 'jɩbha -na Nyininyɔ -Lagɔ, ʋ -kamö dlɩ yɛ, 'jɩbhʋ -ma -na dlɩpapɩɛ 'bhuo 'mö. 'Jɩbhʋ -ma -na nɔnʋli 'bhuo 'mö. -Lagɔɔ gba 'kada ma-a -la, 'sɔ -la -a ka 'yɛ-a dlɩ yɛ ma -yɛ-a naa: Sa -n 'jɩbha-a -najɩ, 'jɩbha -sɩbha -na linɩkpɛ. Gbö -mɩ 'yɛ dlɩ sɛ -ka tenyi -ɩ 'yɛ gbö la'a 'sɔ 'wʋ zi ɩ'ɩ -bhlɩ.”

Zezwi yɩlɩɔ-a, 'n ɔ ji-a ɔ 'wʋbhlinɩngwa wɔzɩ, ɔ nɛ naa: “'Dɩɛ -dɩ n 'nyɛya -bha naa, 'pʋalɩbhakuzlenglɔ -la, mëni -ɛ ɔ 'nyɛ-a -Lagɔ mɛ-ɛ -zu-a mɛ-ɛ zi-a -mʋabha 'bhuoo -leyi 'wʋ. -Wʋʋ yɛ-a, -mʋabha 'bhuo mëni -ɛ 'kplanʋa-a cɛ 'mɛ wa palɩ-ɛ -ma -dakwɩ 'mö yɛ. 'Kuzlenglɔɔ -nɩ-ɛ, -ɛ la'a 'bhuo ɔ ka la-a ɔ 'yɛ lie yɛ, 'mɛ ɔ 'nyɛ-a -Lagɔ.”

-Ma -Lagɔbudu 'kadʋ 'mö -dakwɩ -wʋ-ɔ -ma, wa -yɛ -Lagɔ mëni 'nyɛɛ ji-e, -ma ɩ 'mö wa palɩɛ-a yɛ. 'Ylɩ -bhlʋ, Zezwi 'nɩgbö -bha -dakwɩ la'a yawʋ sa nɩkpa palɩpalɩnɩ-ɛ -ma ɩ 'mö mëni 'mö yɛ, 'n ɔ yɩlɩ-ɛ -sɩbha. Lɩkangwaa -bɛ ji-a, mëni -bebe wa palɩ-ɛ -ma yɛ. 'N 'pʋalɩbhakuzlenglɔ -bhlʋ ji 'yɛ-ɛ -bha -nɩ nyini, ɔ palɩ -ma ɩ 'mö gbɔkwie gbɔkwie 'sɔ yɛ.

Nɩkpɛ -yɛ -Lagɔ 'jɩbha, ʋ -kɔɔ dlɩ sɛ -ka, ɔ -kʋʋ -ma ɔ dlɩpapɩɛ 'bhuo 'mö 'jɩbhanɩ, ɔ -kʋʋ -ma ɔ nɔnʋli 'bhuo 'mö 'jɩbhanɩ, 'bhë sa ɔ 'jɩbha-a ɔjɩ ɔ -yɛ -sɩbha ɔ linɩkpɛ 'jɩbha-a, mɩ-ɩ -ga-a cɛ, mɩ-ɩ zi-a bʋbɔnʋlie -gɔpö 'bhuo 'wʋ.”

Zezwi nɛ: “-Ɩ -yɛ-a dʋdʋnyininyɔ 'kadɔ Sezalɩɛ -li-e, a 'nyɔ 'ye, -ɩ -yɛ-a -Lagɔɔ -li-e, a 'nyɩ 'yɛ -Lagɔ 'ye.” Ɔ gba-a -sɩbha ngli-i mönʋa-a tenyi.