LUK 23
23
Yesu fok Pilat
(Matiye 27.1-2,11-14; Mark 15.1-5; Jaŋ 18.28-38)
1Suu moli halaŋŋa yow koloo, tuɗ Yesu fok Pilat. 2Hu li namma asi gijaŋ kaam boyna kam ana, «Sana wanni ami fam aya, nammi sa ɓeŋ suuna kina, nam doo suuna ki ana asi ɦal taara maŋ Sesarɗi. Nam di olo ana nammi Sa Lona Fuurumma, Mul Ŋgolna.» 3Pilat joɓom ana, «Aŋŋi mulna vi suu Juifna su?» Yesu hoŋom dira ana, «Aŋ di ni aŋŋa diɗi.» 4Pilat di muli suu li ɓivunna u suu halaŋŋa ana, «An ka fi cora vi sa namma a kaam ɓak mammaɗi.» 5Asi gijaŋ sawalla ha kolo ni saay na ɗow ɗow ana, «Nam cuk suuna kay tasi u boy mamma, nam gijaŋŋa ay hu mbassa Galilera u mbassa Yudera gak gak tew ki karam tani u boy mamma.»
Yesu fok Herod
6Pilat hum boy namma na ni, nam joɓ suuna ana, «Sa namma ni sa Galilena su?» 7Pilat hum ana Yesu ni sa ma ay kay mbassa vi Herod ni, nam hoŋ sunumma ha egem Yerusalem. 8Herod wi Yesu na ni, hurum furi ɦay. Ay jew day ni Herod hal a wi Yesu kayme nam humum dlamu. Nam min ana Yesu lam dlara mbuɗta dew. 9Herod joɓ Yesu cocoo. Nam hoŋom va ka diɗi. 10Muli suu li ɓivunna u suu wi magaara gaɗta taɓ vunusi ka dlara kay Yesu. 11Herod u asgaa mamsina pan Yesu cocoo, waɗam lay, cukum baraw ma jivina tamu, hoŋom maŋ Pilat. 12Jew ni Pilat u Herod duk ɦoŋosi ka taɓbi. Hu buu namma asi vi banara ki hu gaw.
Asi kaɓakŋa kay Yesu ana cam kiyo
(Matiye 27.15-26; Mark 15.6-15; Jaŋ 18.39—19.16)
13Pilat tok muli suu li ɓivunna u suu ŋgolona egemu. 14Nam dasi ana, «Agi mbaaran sana ay ana nam cuk suuna kay tasiya. Agi gola an joɓommi, fi va ma co ka funumbi. 15Herod lay ni fam coomba ay kaɗi. Nam sunuygina ay tani. Sa namma li va co ma aygi cam ki kamma kaɗi. 16An cam poŋga ci ci ni, hinimu.» [17Hu buu ma Pakŋa tew tew ni, Pilat gasi sa ma daŋgayna dew.] 18Asi hum na ni, tum soora ha tumi na ɗow ɗow ana, «Ci sa namma ki ciya, gi Barabbas kiyo.»
19(Barabbas asi vam ay daŋgayna ni duk suu mbuɗ vunna u mul masinana, asi ci sa ki dew, nam ay duk may.) 20Pilat saa ana nam a gi Yesu kiyo, nam joɓ suu molina olo. 21Asi suuna tum soora ana, «Ɓalam ki hu gu garakŋa.» 22Pilat dasi a yamba hindira ana, «Nam li ni co mege? An fam co mayra cam ki kaɗi, hin hinimu.» 23Suu molina vunusi ka a seŋgi, sawalla kolo gak gak ana, «Ɓalam ki hu gu garakŋa.» Wal masi ndaɗta su kam wa. 24Pilat kaɓakŋa ana nam hinisina ko va asi joɓomma na. 25Nam gasi sa ma asi vam ay duk suu mbuɗ vunna u mul masina, ci maɗna layna kiyo. Nam ɦasi Yesu ki ana asi li dlara egem u min masira.
Yesu ɓali kolo hu gu garakŋa
(Matiye 27.32-44; Mark 15.21-32; Jaŋ 19.17-27)
26Asi tuɗ a ɓal Yesu kira wanni, ŋgaf sa ma Sirenna voɗo, yam ana Simon. Nam ay hu sene mamma. Asi ɦeɓem ana nam zii gu garakŋa ha kay ce Yesu.
27Suu moli bolowna tuɗ ha kay ceremu. Boyogina tii ha irisiya, yoo tasi kam may. 28Yesu pereɗ irim egesiya dasi ana, «Boyogi suu Yerusalemma tiirigi kanɗi. Tii kay tagi ɗow. Tii kay goryogi may. 29Buu ma hin mba ni, asi hin ana furira kay cara vuɗ goo kaɗira, ta goo caɗ pooɗ kaɗira lay. 30Fat ndaɗta suuna hin di ana ɦinira bow ay kamiya, mbura kolo ŋgolla bow ay kamiya. 31Lini asi ka gu ma ŋgolomma kiyo ni, ma sooyna hin lini nanage?»
32Asi yow suu li dla cora ay mba' a casi ki u Yesu. 33Asi mba hu li ma ŋgot yamba wani, asi ɓal Yesu ki hu gu garakŋa, ɓal suu li dla cora ki egem mba' may, ma dew kay bikim ma njufna may, ma hiŋŋa kay ma gulna may. 34Yesu di ana, «Bunu, vaɗasi coosira kiyo. Dlara asi laɗta asi ka waɗɗi.» Asi ɓorowom baraw mamma ki kosi a ci ɓelera. 35Suuna moli a golla. Muli suu Juifna panamu di ana, «Nam suɗ suu daŋŋa kiyo, lini nammi Sa Lona Fuurumma, ma Lona ŋgaɓam ayna ni, suɗ tamba ki may.» 36Suu asgaana panam lay. Asi ɦuɗ tasi egem ɦuɗni, ɦam sum ma dlayna, 37di ana, «Lini aŋŋi mul ma vi suu Juifna ni, suɗ taŋ ki may.» 38Ki ɓiiri kam kolo ana, «Sa namma ni mulna vi suu Juifna.»
39Suu ɓali kolo egemma maa dew panam ana, «Aŋŋi ka Sa Lona Fuurummaɗi su? Suɗ taŋga ki may suɗumi ki may.» 40Ma hiŋŋa hoŋom dira ɗaŋi ana, «Aŋ ka li ndaana ko Lonaɗi su? Aŋ ma wi hawra u nam dewna 41ay wanni wi haw mayra ni u voɗoɗu kay dlara ay laɗ u bik koyra. Nam wanni li va co kaɗi.» 42Nam hin di Yesu ana, «Falira aŋ hin hoŋ ay a mulnara wanni, gi humuŋ kan may.» 43Yesu hoŋom dira ana, «An daŋ ha ni gasira, hu faɗta karamba an hin tuɗ Paradis u taya.»
Miɗ ma Yesu miɗna
(Matiye 27.45-56; Mark 15.33-41; Jaŋ 19.28-30)
44-45Faali faɗta col duk wanni, lina mbuɗ ndufunda ha ki kay yam mbassa na halaŋ, gak gak faɗta leŋ ki a boyogina du barra u ndaɗta. Baraw ma ŋgolna caki hu Ziŋ Lonara haa ki duk gayra. 46Yesu bay eŋga na haŋgak ana, «Bunu, an cuk ŋgusun hu duk koŋu.» Nam di na di ni, seeɗ gaw. 47Mul asgaa ma Romma wi dla ndaɗta na ni, geleɗ Lona ana, «Gasi sa namma ay ni sa jivina.» 48Suu may suu mbay moli hu li namma wi dla ndaɗta na ni, hoŋ voo, ci kosi ɦayasiya. 49Banayaŋ Yesuna u boyogi suu tuɗ u nam Galilena col ha ki na day a gol dlara li ndaɗta may.
Asi gi Yesu hu zulla
(Matiye 27.57-61; Mark 15.42-47; Jaŋ 19.38-42)
50-51Sa maa dew yam ana Yosef hu zi ma Juif ma Arimatena, nammi sa ma jivina, ni sa ma ɗegeena lay. Nam tin hurum kay Mul Lonara ta mbayra. Nammi duk suu ŋgolo suu gi ii dlara. Nam kal vunum ka duk boy ma ndarayam suu gi ii dlara lammaɗi. 52Nam tuɗ joɓ Pilat kay ta Yesu. 53Nam tlam maɗam ay ki kaŋga tani, ganam u baraw ma haɓma, gam hu zulla nam vekeɗ duk ɦinira wilira, bay gi sa huruɗ tuwa. 54Ni buu ma asi min tasi a vinda ni buu ma vi Lonna.
55Boyogi suu tuɗ ay u Yesu Galilena mbay u Yosef. Asi gol hu zulla Yesu gi hura ana nam gammi ana mege? 56Ŋgoo daganda asi hoŋ vo a hal mbul ma hisna a lam ta Yesu.
Buu ma vi Lonna asi koɗ tasi huwa ko gaɗta dira na.
Seçili Olanlar:
LUK 23: BMS
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.
LUK 23
23
Yesu fok Pilat
(Matiye 27.1-2,11-14; Mark 15.1-5; Jaŋ 18.28-38)
1Suu moli halaŋŋa yow koloo, tuɗ Yesu fok Pilat. 2Hu li namma asi gijaŋ kaam boyna kam ana, «Sana wanni ami fam aya, nammi sa ɓeŋ suuna kina, nam doo suuna ki ana asi ɦal taara maŋ Sesarɗi. Nam di olo ana nammi Sa Lona Fuurumma, Mul Ŋgolna.» 3Pilat joɓom ana, «Aŋŋi mulna vi suu Juifna su?» Yesu hoŋom dira ana, «Aŋ di ni aŋŋa diɗi.» 4Pilat di muli suu li ɓivunna u suu halaŋŋa ana, «An ka fi cora vi sa namma a kaam ɓak mammaɗi.» 5Asi gijaŋ sawalla ha kolo ni saay na ɗow ɗow ana, «Nam cuk suuna kay tasi u boy mamma, nam gijaŋŋa ay hu mbassa Galilera u mbassa Yudera gak gak tew ki karam tani u boy mamma.»
Yesu fok Herod
6Pilat hum boy namma na ni, nam joɓ suuna ana, «Sa namma ni sa Galilena su?» 7Pilat hum ana Yesu ni sa ma ay kay mbassa vi Herod ni, nam hoŋ sunumma ha egem Yerusalem. 8Herod wi Yesu na ni, hurum furi ɦay. Ay jew day ni Herod hal a wi Yesu kayme nam humum dlamu. Nam min ana Yesu lam dlara mbuɗta dew. 9Herod joɓ Yesu cocoo. Nam hoŋom va ka diɗi. 10Muli suu li ɓivunna u suu wi magaara gaɗta taɓ vunusi ka dlara kay Yesu. 11Herod u asgaa mamsina pan Yesu cocoo, waɗam lay, cukum baraw ma jivina tamu, hoŋom maŋ Pilat. 12Jew ni Pilat u Herod duk ɦoŋosi ka taɓbi. Hu buu namma asi vi banara ki hu gaw.
Asi kaɓakŋa kay Yesu ana cam kiyo
(Matiye 27.15-26; Mark 15.6-15; Jaŋ 18.39—19.16)
13Pilat tok muli suu li ɓivunna u suu ŋgolona egemu. 14Nam dasi ana, «Agi mbaaran sana ay ana nam cuk suuna kay tasiya. Agi gola an joɓommi, fi va ma co ka funumbi. 15Herod lay ni fam coomba ay kaɗi. Nam sunuygina ay tani. Sa namma li va co ma aygi cam ki kamma kaɗi. 16An cam poŋga ci ci ni, hinimu.» [17Hu buu ma Pakŋa tew tew ni, Pilat gasi sa ma daŋgayna dew.] 18Asi hum na ni, tum soora ha tumi na ɗow ɗow ana, «Ci sa namma ki ciya, gi Barabbas kiyo.»
19(Barabbas asi vam ay daŋgayna ni duk suu mbuɗ vunna u mul masinana, asi ci sa ki dew, nam ay duk may.) 20Pilat saa ana nam a gi Yesu kiyo, nam joɓ suu molina olo. 21Asi suuna tum soora ana, «Ɓalam ki hu gu garakŋa.» 22Pilat dasi a yamba hindira ana, «Nam li ni co mege? An fam co mayra cam ki kaɗi, hin hinimu.» 23Suu molina vunusi ka a seŋgi, sawalla kolo gak gak ana, «Ɓalam ki hu gu garakŋa.» Wal masi ndaɗta su kam wa. 24Pilat kaɓakŋa ana nam hinisina ko va asi joɓomma na. 25Nam gasi sa ma asi vam ay duk suu mbuɗ vunna u mul masina, ci maɗna layna kiyo. Nam ɦasi Yesu ki ana asi li dlara egem u min masira.
Yesu ɓali kolo hu gu garakŋa
(Matiye 27.32-44; Mark 15.21-32; Jaŋ 19.17-27)
26Asi tuɗ a ɓal Yesu kira wanni, ŋgaf sa ma Sirenna voɗo, yam ana Simon. Nam ay hu sene mamma. Asi ɦeɓem ana nam zii gu garakŋa ha kay ce Yesu.
27Suu moli bolowna tuɗ ha kay ceremu. Boyogina tii ha irisiya, yoo tasi kam may. 28Yesu pereɗ irim egesiya dasi ana, «Boyogi suu Yerusalemma tiirigi kanɗi. Tii kay tagi ɗow. Tii kay goryogi may. 29Buu ma hin mba ni, asi hin ana furira kay cara vuɗ goo kaɗira, ta goo caɗ pooɗ kaɗira lay. 30Fat ndaɗta suuna hin di ana ɦinira bow ay kamiya, mbura kolo ŋgolla bow ay kamiya. 31Lini asi ka gu ma ŋgolomma kiyo ni, ma sooyna hin lini nanage?»
32Asi yow suu li dla cora ay mba' a casi ki u Yesu. 33Asi mba hu li ma ŋgot yamba wani, asi ɓal Yesu ki hu gu garakŋa, ɓal suu li dla cora ki egem mba' may, ma dew kay bikim ma njufna may, ma hiŋŋa kay ma gulna may. 34Yesu di ana, «Bunu, vaɗasi coosira kiyo. Dlara asi laɗta asi ka waɗɗi.» Asi ɓorowom baraw mamma ki kosi a ci ɓelera. 35Suuna moli a golla. Muli suu Juifna panamu di ana, «Nam suɗ suu daŋŋa kiyo, lini nammi Sa Lona Fuurumma, ma Lona ŋgaɓam ayna ni, suɗ tamba ki may.» 36Suu asgaana panam lay. Asi ɦuɗ tasi egem ɦuɗni, ɦam sum ma dlayna, 37di ana, «Lini aŋŋi mul ma vi suu Juifna ni, suɗ taŋ ki may.» 38Ki ɓiiri kam kolo ana, «Sa namma ni mulna vi suu Juifna.»
39Suu ɓali kolo egemma maa dew panam ana, «Aŋŋi ka Sa Lona Fuurummaɗi su? Suɗ taŋga ki may suɗumi ki may.» 40Ma hiŋŋa hoŋom dira ɗaŋi ana, «Aŋ ka li ndaana ko Lonaɗi su? Aŋ ma wi hawra u nam dewna 41ay wanni wi haw mayra ni u voɗoɗu kay dlara ay laɗ u bik koyra. Nam wanni li va co kaɗi.» 42Nam hin di Yesu ana, «Falira aŋ hin hoŋ ay a mulnara wanni, gi humuŋ kan may.» 43Yesu hoŋom dira ana, «An daŋ ha ni gasira, hu faɗta karamba an hin tuɗ Paradis u taya.»
Miɗ ma Yesu miɗna
(Matiye 27.45-56; Mark 15.33-41; Jaŋ 19.28-30)
44-45Faali faɗta col duk wanni, lina mbuɗ ndufunda ha ki kay yam mbassa na halaŋ, gak gak faɗta leŋ ki a boyogina du barra u ndaɗta. Baraw ma ŋgolna caki hu Ziŋ Lonara haa ki duk gayra. 46Yesu bay eŋga na haŋgak ana, «Bunu, an cuk ŋgusun hu duk koŋu.» Nam di na di ni, seeɗ gaw. 47Mul asgaa ma Romma wi dla ndaɗta na ni, geleɗ Lona ana, «Gasi sa namma ay ni sa jivina.» 48Suu may suu mbay moli hu li namma wi dla ndaɗta na ni, hoŋ voo, ci kosi ɦayasiya. 49Banayaŋ Yesuna u boyogi suu tuɗ u nam Galilena col ha ki na day a gol dlara li ndaɗta may.
Asi gi Yesu hu zulla
(Matiye 27.57-61; Mark 15.42-47; Jaŋ 19.38-42)
50-51Sa maa dew yam ana Yosef hu zi ma Juif ma Arimatena, nammi sa ma jivina, ni sa ma ɗegeena lay. Nam tin hurum kay Mul Lonara ta mbayra. Nammi duk suu ŋgolo suu gi ii dlara. Nam kal vunum ka duk boy ma ndarayam suu gi ii dlara lammaɗi. 52Nam tuɗ joɓ Pilat kay ta Yesu. 53Nam tlam maɗam ay ki kaŋga tani, ganam u baraw ma haɓma, gam hu zulla nam vekeɗ duk ɦinira wilira, bay gi sa huruɗ tuwa. 54Ni buu ma asi min tasi a vinda ni buu ma vi Lonna.
55Boyogi suu tuɗ ay u Yesu Galilena mbay u Yosef. Asi gol hu zulla Yesu gi hura ana nam gammi ana mege? 56Ŋgoo daganda asi hoŋ vo a hal mbul ma hisna a lam ta Yesu.
Buu ma vi Lonna asi koɗ tasi huwa ko gaɗta dira na.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.