LUK 3
3
Bolla vi Jaŋ ma mbus batemma maŋ suuna
(Matiye 3.1-12; Mark 1.1-8; Jaŋ 1.19-28)
1Hu basara doogo yam vadlla Tiber Sesar hu mulla, Pilat ay a mul ma goona hu mbassa Yudera wanni, Herod kak a mul ma Galilena may, wayamma Filip mi mul ma Iturena u suu Trakonitna. Lisaniyas kak mulla kay suu Abilenna may. 2Aan u Kaif ni muli ŋgol suu li ɓivunna. Lona ɓak boy mamma maŋ Jaŋ goŋ Zakarina ki ŋgoo bagiya. 3Nam poy ki kay mbassa fun lumma Yurdanna halaŋ. Nam di suuna ana jokogi hurugi ki zeɗ, mbusugi batemma, Lona hin daɓagi coogira kiyo. 4Lini dlara Ezayi sa ma jok vun Lona ɓiiri ay jew hu magaa mamba ana,
«Del sana sawalla ki ŋgoo bagiya,
ɗoɓogi voɗta vi Bu Suunara kiyo,
mbuɗuɗ huruɗ kiyo.
5Li ɦuɗugumba halaŋ hin tos kiyo,
ɦinira u li mbuyna
hin kaasi ki kaŋgaa.
Ta huruɗ bay horokŋa,
horokoɗ kiyo.
6Ni suuna halaŋ hin wi suɗta vi Lonara ni na tuwa.»
7Suuna moli eg Jaŋ coco ana nam mbususi batemma. Jaŋ dasi ana, «Agi njaf guy magira, sa haɗagi a agi puruɗ tagi ki ko yara vi Lonara ni gege? 8Lagi dlara jivira a tak ana hurugi ki joki zeɗ. Dagi ana Abrahammi bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su? 9Njetna ka gira a ka sari gugunina kiyo, gu ma vuɗum ka jiviɗi na, kaam kiyo, gam ki duk kura.»
10Asi suuna joɓom ana, «Ami hin li nanage?» 11Nam hoŋosi dira ana, «Sa baraw mamma kom mbana ɦal ki maŋ sa ka kombina dew. Sa va tira kom ŋgolna ɦal maŋ sa ka kombina may.» 12Suu vi taara mbay eg Jaŋ a nam mbususi batemma, asi joɓom ana, «Ami hin li ni nana may ge?» 13Nam dasi ana, «Lagi sunda ɗegee ko gaɗta dira na. Kul suunaɗi.» 14Suu asgaana joɓom olo ana, «Ami hin li ni nana may ge?» Jaŋ dasi ana, «Tli va ko sa u eŋgaɗi. Juɓugi ni warak magira doy hol.»
15Suuna saa hurusi ana, Jaŋ li ka ni Sa Lona Fuurumma kalage? 16Jaŋ dasi ana, «An mbusugi batemma ni u yona, sa ma mbay ŋgoron daganna ki suy kanu, an ka ndaki a buɗum zew ma fun tuɓuru mamma kiɗi. Nam hin mbusugi u Musuk Lonara u kura may. 17Kaalam mamba feɗ wa blena ka komu, vaa ma neena cukum hu veena, barra nam hin ŋgalaɗ ki duk kura ka miɗɗira.»
18Jaŋ njaɗasi na ni, dasi Boy ma Ayra ha duk cocoo. 19Jaŋ di Herod ana, «Aŋ ndak a tli Herodiad, caŋ wayaŋŋara ki uŋ bay nam miɗɗi.» Jaŋ dam na ni kay nam li dlara ndaŋga coco olo. 20Herod li cora ndaŋga olo, vi Jaŋ, gam daŋgayna.
Batem ma vi Yesuna
(Matiye 3.13-17; Mark 1.9-11)
21Suuna halaŋ fi batemma eg Jaŋ ma mbus batemma wanni, Yesu fi batemma may, hu li ma nam cen Lona na ni, huulona mal kiyo. 22Musuk Lonara sii ay kam ko gugukka na, della ɓak ay kolo huulona ana, «Aŋŋi goron ma an minim ɦayna. Aŋ irin jivi ɦay.»
Ni sem somoyoŋ Yesuna
(Matiye 1.1-17)
23Yesu li basa va ma dok hindi ni, gijaŋ sun mamba. Asi saa kam ana nammi goŋ Yosefna, goŋ Helina. 24Goŋ Mattatna, goŋ Levina, goŋ Melsina, goŋ Janayna, goŋ Yosefna, 25goŋ Mattatiyasna, goŋ Amosna, goŋ Nahumma, goŋ Eslina, goŋ Nagayna, 26goŋ Maatna, goŋ Mattatiyasna, goŋ Semeyna, goŋ Josekŋa, goŋ Jodana. 27Goŋ Joananna, goŋ Resana, goŋ Zorobabelna, goŋ Salatiyelna, goŋ Nerina. 28Goŋ Melsina, goŋ Addina, goŋ Kosamma, goŋ Elmadamma, goŋ Erna, 29goŋ Yosuwena, goŋ Eliezerna, goŋ Jorimma, goŋ Mattatna, goŋ Levina. 30Goŋ Simeonna, goŋ Yudana, goŋ Yosefna, goŋ Jonamma, goŋ Eliakimma, 31goŋ Meleana, goŋ Mennana, goŋ Mattatana, goŋ Natanna, goŋ Davidna, 32goŋ Jesena, goŋ Jobedna, goŋ Boozna, goŋ Salana, goŋ Naassonna. 33Goŋ Aminadabma, goŋ Adminna, goŋ Arnina, goŋ Esromma, goŋ Faresna, goŋ Yudana, 34goŋ Yakobma, goŋ Isaakŋa, goŋ Abrahamma, goŋ Tarana, goŋ Nakorna, 35goŋ Serukŋa, goŋ Ragauna, goŋ Falekŋa, goŋ Eberna, goŋ Salana, 36goŋ Kainamma, goŋ Arfaksadna, goŋ Semma, goŋ Nowana, goŋ Lamekŋa, 37goŋ Matusalana, goŋ Henokŋa, goŋ Jaredna, goŋ Maleleelna, goŋ Kainanna, 38goŋ Enosna, goŋ Setna, goŋ Adamma, goŋ Lonna.
Seçili Olanlar:
LUK 3: BMS
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bible Moussey © Bible Society of Chad, 2002.