Kufuma 22
22
1Mundu akahiwa ng’ombe kana ng’onji akaisinza, kana akaitagha; enehundua ng’ombe sano hena ng’ombe, na ng’onji ’nne hena ng’onji.
2Muhiwi akawonwa ekiboghora nyumba, akabighwa mtano kifwa, tehena kwenda sakame hena lwakwe. 3Kwakicha zano yacha wanga yakwe, sakame ineendwa hena lwakwe: kuhundua enehundua: kwakicha esina kindu, ataghwe hena wuhiwi wakwe. 4Kihiwiwe kikawonwa na moo mkononi hakwe, akeye ng’ombe, mtano njoe, mtano ng’onji, enehundua kandu keri.
5Mundu akarisha ngondeni kana mzabibuni, akashigha nyamao yakwe, ikakurisha ngondeni ha mughenji: enehundua vyedi vioho ngondeni hakwe na mzabibuni hakwe.
6Moto ukaaka, akagura mivwa, mafindiko makaliwa, kana vidjo vioho mtemeni kana ngonde; kuhundua enehundua efutie moto.
7Mundu akamng’olia mughenji fetha kana viya avirinde, vikasokwa hena nyumba yakwe; muhiwi akawonwa enehundua kandu keri. 8Kwakicha muhiwi tawonwa, aze mwenye myumba hena Izuwa, kuwona tagera mkono wakwe ghati ya walatya wakwe. 9Hena kiteto cha iteko lose wanga ya ng’ombe, wanga ya njoe, wanga ya ng’onji, wanga ya nguo, wanga ya kyose kitekie, mundu ekiteta, ti huwu niwo, mtano hena Izuwa na vize viteto vyawo wose weri; ula Izuwa enemchilia enemwihia mughenji kandu keri. 10Mundu akamng’olia mughenji njoe, ka na ng’ombe, kana ng’onji kana nyamao yose akeye airinde: nayo yafwa, kana yanyamarika kana yauhwa, asiiwone mundu: 11Iraro la Mzuri lineoka ghati yawo weri, kwakicha asagera mkono wakwe ghati ya mali ya walatya wakwe: naye mwenye eneuhia, tenehundua. 12Kake kwakicha kihiwiwe, enemhunduyia mwenye. 13Kwakicha yatonywatonywa, eneiete hena luwonyo, ya ila yatonywa tenehundua.
14Mundu akaomba kindu hena walatya wakwe, kikabaika kana kikafwa, esiohoho mwenye, kuhundua enekihundua. 15Kake mwenye akaokaho tenehundua ikaoka hena wuesi hena wuesi ikaza. 16Mundu akamweleja mbora ngale esimuowoe, akayaa naye, kuuha enemwuha kuoka mche. 17Wawee akasua pia kumwinga, eneiha fetha hena kikwi cha mbora ngale.
18Msawi asishighwe na moo.
19Ose eyaa na nyamao kufwa enefwa.
20Ula eng’ola itasi hena izuwa, esire hena Mzuri mwenye, akomwe pia.
21Usimwetie nyare mugheni, nete usimwinale amu mweokie wagheni ghati ya isanga la Misri.
22Ose mche ngawiani na mwana esina wawee msiwarishe wasi. 23Ukawarisha wasi wadongo, nawo waniiyia mi, kusikia ninewasikia kiiyo. 24Na oro yangu ineaka, ninemkoma na muhandi; na wache wenyu weneoka ngawiani, na waana wenyu wesina wawee.
25Ukawahakua wandu wangu fetha, mkiwa, eoho hako, usioke hakwe sa msile; usimgere mbucha yako. 26Kuuha mredeke, ukimwuhia mredeke nguo ya muri ya walatya wako, mtano zano ikaswa unemwingawa: 27Amu niyo imfinikira, nguo yakwe ni sa kikonde chakwe: ayayia kini? ineoka ekiniiya, ninesikia, amu mi mwenye lusario.
28Usimrighe Izuwa, nete mbaha wa wandu wako usimrighe.
29Malumbulo wako ma ndunda na ma vinyiwa vyako usimasheshiye. Mbele wa waana wako uneniinga. 30Ni huwu uneketa hena ng’ombe yako na hena ng’onji yako: misi mifungate ineoka na mee wayo; musi wa kanane eneniinga mi. 31Wandu weshenete muneoka hangu: nyamao yatonywa ngondeni musile: hena nguro muneitagha.
Seçili Olanlar:
Kufuma 22: TAVETA
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.