Kufuma 25
25
1Mzuri akamburra Musa, ekiteta, 2Wawurra waana wa Israeli waniuhie itasi: sandu mundu ose ekundie ngoroni hakwe muuhe itasi langu. 3Ilo nilo itasi munewauhia; thahabu, na fetha, na sango. 4Na ngoningoni, na ya ngundu, na ya irotome, na kitani, na nyui ya mbuji. 5Na mikota ya ng’onji mingundu, na mikota ya tahashi, na mti wa mshitta, 6Mafuta ya taa, na mbungo hena marhamu, na mbungo ya kufukija. 7Mabwe ma shoham, na mabwe ma kugera hena efodi, na cha mbafuni. 8Waniarehie heshenete; niikae ghati yawo. 9Hena vyose nikuwonja, fwana ya masikani, na fwano ya viya vyakwe vyose, nihuwo uneareha.
10Na waarehe sanduku la mti mshitta: mikono miri na ihindi wueza wakwe, na mikono na ihindi kuarama kwakwe, na mikono na ihindi kuikaasi kwakwe. 11Unelifinikira na thahabu izerre, ndeni na some unelifinikira, uneareha wanga yakwe lutiriwo lwa thahabu mbai jose. 12Uneliarehia napete manne ma thahabu, unemawika wanga ya maghuu makwe manne; na mapete meri mbai yakwe mwe, na mapete meri mbai yakwe ya keri. 13Uneareha mitikio miri ya mti wa mshitta, uneifinikira na thahabu. 14Nayo mitikio uneiingija ghati ya mapete meoho mbai ya sanduku, sanduku litikwe henayo. 15Ghati ya mapete ma sanduku ineoka mitikio isiwushijwe uko. 16Unewika ghati ya sanduku luwondjo ninekuinga. 17Uneareha na kiikaiyo cha lusario hena thahabu izerre: mikono miri na ihindi wueza wakwe, na mkono na ihindi kuarama kwakwe. 18Uneareha makerubi meri ma thahabu, hena ishaniwe unemaareha, hena mito miri ya kichumbi kiikaiyo cha lusario. 19Unearaha kerubi imwe ghati ya mwidiwiko uko, na kerubi la keri ghati ya mwidiwiko uko: hena kiikaiyo areha makerubi hena mito miri yakwe. 20Meneoka makerubi mekironga mazau wanga, mekifinikira kiikaiyo na mazau mawo na mawusho mawo mekiyoana; hena kiikaiyo cha lusario meneoka mawusho ma makerubi. 21Unewika kiikaiyo cha lusario sandukuni wanga: na ghati ya sanduku unewika luwondjo ninekuinga. 22Ninewonana nawe uko, nineteta nawe kufuma wanga ya kiikaiyo cha lusario, ghati ya makerubi meri meoho wanga ya sanduku ya luwondjo, vyose ninekuaghanya hena waana wa Israeli.
23Uneareha meza ya mti wa mshitta, mikono miri wueza wakwe, na mkono kuarama kwakwe, na mkono na kihindi kuikaasi kwakwe. 24Uneifinikira hena thahabu izerre, uneiarehia lutiriwo lwa thahabu mbai jose. 25Uneiarehia ikindo la vichaa vinne kujunguluka, na uneareha lutiriwo lwa thahabu hena ikindo lijunguluke. 26Uneiarehia mepete manne ma thahabu, unemawika mapete hena nganda nne jioho ghati ya maghuu makwe manne. 27Hena mkindo meneoka mapete handu henye mitikio ya kutikia meza. 28Uneareha mitikio ya mti wa mshitta, unifinikira hena thahabu, nesa meza itikwe nawo. 29Uneareha na mianje yakwe, na nyiko jakwe, na mabakuli makwe, na ndemwa jakwe, ja kumiminia thahabu izerre uneji areha. 30Uneng’ola wanga ya meza mabumunda ma luwonyanyo msongorana wangu misi yose.
31Uneareha kinara cha thahabu izerre cha ishaniwe kinearehika kinara kikolo kyakwe, na mbagha jakwe, na mabakuli makwe, na kura jakwe, na viwaro vyakwe, ni huwo vineoka 32Na mbagha ndandatu unefuma misawajoni hakwe mbagha ndatu ja kinara mbai yakwe mwe na mbagha ndatu ja kinara mbai yakwe ya keri 33Mabakuli matatu sa viwaro vya lozi, hena mbagha mwe, na kura na kiwaro na mabakuli matatu sa viwaro vya lozi hena mbagha ya keri, na kura na kiwaro: huwo ghati ya mbagha ndandatu jifumie na kinara. 34Na ghati ya kinara meneoka mabakuli manne sa viwaro vya lozi, kura jawo na viwaro vyawo 35Na kura si ya mbagha mbiri ghati ya kila, na kuri si ya mbagha mbiri ghati ya kila, hena mbagha ndandatu jila jafuma ghati ya kinara. 36Kura jawo na mbagha jawo jose kimwe: yose ndima ishaniwe ya thahabu izerre. 37Unekiareha taa jakwe fungate: weneasha taa jakwe, jiangaje msongorana wakwe. 38Na muhado wakwe, na vimwanje vyake thahabu izerre. 39Hena talanto ya thahabu izerre unekiareha, na viya ivi vyakwe vyose. 40Ureyoa, uarehe hena fwana yakwe, uwonyijwe ghati ya nduwi.
Seçili Olanlar:
Kufuma 25: TAVETA
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.