ᤗᤠᤶᤍᤡᤰ ᤛᤠᤵᤐᤴ ᤏᤡᤛᤢᤶ
ᤛᤠᤵᤐᤴ ᤏᤡᤛᤢᤶ
ᤗᤠᤶᤍᤡ᤺ᤰᤁᤡᤸᤗᤧ ᤁᤢᤒᤣᤴ “ᤕᤠ᤺ᤴᤍᤡᤰ ᤋᤠᤔᤠ” ᤀᤡᤃᤪ “ᤗᤠᤶᤍᤡ᤺ᤰᤗᤧ ᤁᤢᤜᤣ᤺ᤰᤛᤡᤱᤔᤠ” ᤐᤥᤱ᤹॥ ᤁᤴ ᤛᤠᤵᤐᤴᤏᤥ ᤀᤡᤛᤪᤠᤀᤡᤗᤒᤠ ᤛᤠᤵᤔᤢ᤺ᤴᤎᤡᤸᤗᤧ ᤁᤢᤒᤢᤱ ᤜᤡᤴᤍᤥᤰᤁᤡᤴ ᤏᤢ ᤀᤡᤛᤪᤠᤀᤡᤗᤒᤠ ᤔᤏᤠᤜᤠ᤹ ᤕᤥᤃ᤻ᤒᤠ ᤕᤥ᤺ᤃ᤻ᤔᤠ ᤔᤧᤒᤥ᤺ᤰᤂᤧᤀᤠᤱ ᤔᤧᤕᤢᤅᤧᤒᤠ ᤔᤡᤛᤪ ᤗᤠᤈᤣ᤹ᤗᤠᤶ ᤀᤡᤛᤪᤠᤀᤡᤗᤒᤠ ᤛᤢᤘᤠᤱᤜᤠ᤹ ᤏᤠ᤺ᤶᤛᤡᤱᤔᤠ ᤔᤧᤄᤥᤛᤧᤒᤠ ᤐᤠ᤺ᤴᤜᤠ᤹ ᤆᤧᤰᤂᤧ ᤐᤠ᤺ᤳᤋᤧᤀᤠᤱ ᤐᤳ॥ ᤁᤴ ᤛᤠᤵᤐᤴᤏᤥ ᤛᤧᤰᤂᤠᤒᤠ ᤁᤢᤗᤰ ᤛᤢᤶᤛᤡ ᤐᤳ—
᥇) ᤜᤡᤒᤪᤢᤜᤠ᤹ ᤕᤥ᤺ᤰᤗᤠᤶ ᤔᤧᤛᤧᤴᤍᤧᤒᤠ ᤏᤢ ᤂᤧᤱᤜᤠ᤹ ᤛᤡᤏᤤ ᤁᤥ᤺ᤰᤔᤠ ᤌᤠᤖᤡᤰ ᤗᤠᤶᤍᤡᤰ ᤔᤧᤈᤥᤃᤧᤒᤠ॥
᥈) ᤛᤡᤏᤤ ᤁᤥ᤺ᤰᤔᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤁᤢᤔᤏᤠᤜᤠ᤹ᤏᤢ ᤔᤠᤱᤜᤢᤵ ᤆᤥᤃᤢᤒᤠ. ᤂᤧᤴᤗᤠᤶ ᤂᤧᤱᤜᤠ᤹ ᤜᤡᤱᤔᤠᤖᤧ ᤗᤠᤃᤡ ᤂᤢᤴᤇᤡ᤹ ᤕᤧᤵᤗᤧᤰ. ᤂᤠᤛᤡᤱᤏᤡ᤺ᤵᤔᤠ. ᤕᤰᤕᤢᤱ ᤏᤢ ᤛᤠᤶᤕᤥᤌᤡᤶ ᤀᤡᤱᤈᤠᤱᤜᤠ᤹ ᤔᤧᤄᤥᤛᤢ॥
᥉) ᤀᤡᤛᤪᤠᤀᤡᤗᤡᤜᤠ᤹ᤖᤧ ᤔᤠᤱᤛᤧᤘᤠ ᤆᤥ᤺ᤰᤔᤠᤖᤧ ᤗᤠᤃᤡ ᤔᤧᤈᤥᤃᤢᤒᤠ ᤏᤢ ᤔᤧᤈᤥ᤺ᤰᤋᤢᤒᤠ ᤗᤧᤳᤋᤡ ᤋᤥ᤺ᤶᤔᤠᤍᤧᤴ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤛᤠᤶᤒᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤠᤱᤛᤧᤘᤠ ᤔᤧᤵᤔᤠ ᤌᤡᤶᤜᤠ᤹॥
ᤁᤢᤜᤣ᤺ᤰᤛᤡᤱᤔᤥ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤁᤴ ᤛᤠᤵᤐᤴᤏᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤥ᤺ᤰᤁᤥ ᤁᤧᤘᤠ᤹ᤒᤠ ᤁᤢᤔᤏᤠᤜᤠ᤹ ᤛᤧᤴᤍᤢᤛᤡᤀᤠᤱ ᤋᤠ᤺ᤴᤍᤡ ᤁᤧᤍᤠᤒᤠ ᤕᤧᤶᤔᤡᤸᤗᤧ ᤗᤠᤃᤡ ᤗᤠᤶᤀᤥᤔᤧᤵᤔᤠ ᤏᤡᤱᤛᤠᤱ ᤁᤧᤃᤵᤐᤠ ᤛᤢᤘᤠᤱ ᤆᤥ᤺ᤰᤔᤠᤛᤡᤖᤧ ᤗᤠᤃᤡ ᤂᤢᤏᤧ᤹ ᤌᤣᤎᤣ ᤆᤥᤃᤢ. ᤂᤧᤴ ᤏᤢᤖᤡᤰ ᤋᤠᤖᤡᤰ ᤐᤥᤎᤰ ᤐᤥ᤺ᤰᤂᤧᤀᤠᤱ ᤐᤳ॥
ᤁᤴ ᤛᤠᤵᤐᤴᤏᤥ ᤁᤧᤕᤧᤰᤐᤠ ᤔᤏᤠ ᤔᤥᤛᤠᤴ ᤐᤳ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤏᤠᤜᤠ᤹ ᤔᤡᤛᤪ ᤗᤠᤈᤣ᤹ᤗᤠᤶ ᤗᤠᤶᤗᤥᤔᤠᤛᤡᤀᤠᤱ ᤗ᤺ᤵᤔᤠ ᤑᤧᤵᤔᤠᤛᤡᤖᤧ ᤗᤠᤃᤡ ᤂᤢᤏᤧ᤹ ᤛᤣᤃᤢ॥ ᤁᤴ ᤛᤠᤵᤐᤴᤏᤥ ᤁᤧᤒᤵᤐᤠ ᤗᤰᤁᤡᤱᤃ ᤌᤡᤒᤥᤱ ᤀᤡᤱᤈᤠᤱᤅᤡᤸᤗᤧ ᤌᤠᤔᤡᤱᤅᤡᤴ ᤁᤧᤖᤧᤰᤏᤢ᤺ᤸᤗᤧ ᤁᤧᤀᤡᤱᤒᤠ ᤆᤥᤰ. ᤂᤧᤴ ᤏᤠ᤺ᤳᤗᤠ ᤏᤡᤒᤥᤱᤅᤥ ᤐᤳᤗᤥ॥
ᤋᤠᤱᤒᤠ ᤌᤠᤔᤡᤱ
ᤀᤡᤛᤪᤠᤀᤡᤗᤡᤜᤠ᤹ᤖᤧ ᤔᤡᤛᤪ ᤗᤠᤈᤣ᤹ᤗᤠᤶ ᤆᤥ᤺ᤰᤕᤢᤶᤓᤥ ᤔᤧᤄᤥᤛᤢ᤹ ᥇:᥇–᥇᥋:᥈᥇
ᤁ) ᤔᤡᤛᤪ ᤗᤠᤈᤣ᤹ᤀᤥ ᤕᤥᤃ᤻ᤒᤠ ᤕᤥ᤺ᤃ᤻ᤔᤠ ᤔᤧᤘᤕᤧᤒᤠ ᥇:᥇-᥈᥈
ᤂ) ᤔᤥᤛᤠᤴ ᤛᤠᤘᤠ᤺ᤴᤇᤡᤱᤒᤠ ᤏᤢ ᤜᤡᤴᤈᤠ᤹ ᤘᤕᤧᤒᤠ ᥈:᥇–᥊:᥉᥇
ᤃ) ᤔᤥᤛᤠᤴ ᤏᤢ ᤜᤠᤖᤢᤏᤧᤸᤗᤧ ᤔᤡᤛᤪᤒᤠ ᤜᤠᤱᤅᤡᤴ ᤋᤡᤱᤍᤡᤱ ᤏᤠᤖᤠ ᤋᤢᤔᤧᤛᤢᤒᤠ ᥋:᥇–᥇᥋:᥇᥆
ᤄ) ᤛᤡᤍᤠ᤹ ᤔᤧᤶᤓ᤺ᤴᤏᤣᤒᤠ ᤂᤖᤧ᤺ᤱ ᤆᤠᤔᤠ ᤋᤱᤏᤠᤶ ᤏᤢ ᤔᤡᤛᤪ ᤗᤠᤈᤣ᤹ᤗᤠᤶ ᤗᤠᤶᤍᤡᤰ ᥇᥈:᥇–᥇᥋:᥈᥇
ᤜᤧ᤺ᤳᤋᤠᤱᤒᤠ ᤘᤖ᤺ᤱᤅᤥᤏᤢ ᤛᤡᤏᤤ ᤁᤥ᤺ᤰᤔᤠ ᤌᤠᤖᤡᤰᤐᤠ ᤗᤠᤶᤍᤡᤰ ᥇᥋:᥈᥈–᥇᥎:᥈᥍
ᤛᤠᤶᤕᤥᤌᤡᤶ ᤀᤡᤱᤈᤠᤱ ᤏᤢ ᤔᤠᤱᤜᤢᤵ ᥇᥏:᥇–᥈᥊:᥇᥎
ᤛᤣᤛᤣ ᤛᤠ᤺ᤱᤃᤠᤜᤡᤶ ᤏᤢ ᤔᤠᤱᤛᤧᤘᤠ ᤆᤥ᤺ᤰᤔᤠ ᤀᤡᤱᤈᤠᤱ ᥈᥋:᥇–᥊᥆:᥉᥎
Seçili Olanlar:
ᤗᤠᤶᤍᤡᤰ ᤛᤠᤵᤐᤴ ᤏᤡᤛᤢᤶ: LIFOTNT
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2009, 2023, Wycliffe Bible Translators, Inc. All rights reserved.