Mak 14
14
Taboŋ taboŋ kuka tewyaŋa Yesus urŋiŋ emema nina
(Mat 26:1-5; Luk 22:1-2; Yon 11:45-53)
1Nal yera usinda go, iŋgu nal beŋgoy Takela Israel Isip dagu oyara yuwayiy iŋgu buwaya keraŋa polyaŋ guniŋ. Tusu debay diya go iŋgu, bret yis nim melaŋ nini ragu futtip. Arya tawbi lem dagu taboŋ taboŋ tusu iŋaŋ lem Moses dagu kabol suŋuwta iŋgu tusu taboŋ taboŋ yiŋ keta ulaw kiyaŋa, yiŋ gorogoro sip Yesus towsu urŋiŋ emaŋ guniŋ. 2Go nigu giyaŋa, <<Niŋ bret yis nim melaŋ nini ragu nalinda kabol iŋgu bitingin yuŋ.>>
Wela diya gureŋa ow le Yesus taboŋ inda yokriy
(Mat 26:6-13; Yon 12:1-8)
3Yesus Betani gura Saimon dagu yara kiy, lem iŋgu indanis miyay baraksaga utinda kiy. Arya iŋ yaŋtusu aŋyay tuwkiŋ, wela diya gureŋa kebay buŋta sip, da nad wayinda niŋgi bityaŋa yaliŋa sa alabasta naŋonda kiy owsu epe dori wakorosu Yesus taboŋ inda yokriy. 4Iŋgura welalem dip gura kiyaŋa yiŋ wela kabol tiy iŋgu neŋusu buwaya maykŋiŋ, yiŋsip nigu debaya yiŋ dariyaŋa, <<Wela ini giran gureŋa belget?>> 5Tusu giyaŋa, <<Gureŋa ini suryaŋnin keyiŋgo gamudeyiŋ beŋgoy owsu, bubul welalem sayibateŋ. Iŋguniŋ wela iŋgu mera inaŋa.>> 6Iŋgura Yesusda dariyiy, <<Di wela iŋgu darimina, sona. Di giran wela iŋgu murweŋ inageta? Wela ini iŋ kabol wasiŋ neniŋtiŋ bitiyat. 7Bubul welalem yiŋ nal atŋinda disi kip, iŋgura di sebi yingusu buwada tip go, nal guway di sebuyukip. Nawi go disi nal lewŋ kuguyuŋ. 8Wela ini kabol giray bitugusu epyat iŋgu patuw bityat. Iŋ gureŋa utnanda yokyat iŋgu iŋ nawi abaŋna patiŋyat meriŋda leleragu. 9Na payiŋ sip daridigatem, daŋ atŋinda naŋonda le kuka wasiŋ sayiy delaw walip go, wela kabol bityat iŋgu dayitiŋ iŋgura, buwaya polyukip,>> giy.
Yudas buwani tewriy Yesus ager atyanda kerkeranina
10Iŋgura Yesus dagu muluŋa 12 iŋgu diyap yiŋdagu waay Yudas, Iskariyot nina ley taboŋ taboŋ tawbi ragu siŋyanda Yesus ufi tiŋ uryaŋ guniŋ. 11Iŋgura Taboŋ taboŋ tawbi lem dagu iŋgu iŋawsu buwaya wasiŋiŋ yiŋ kuka tewyaŋa gamudeyiŋ Yudas inina nina. Arya iŋ keta ulaw kiy, gorogoro Yesus ow atyanda kerkera nina.
Yesus muluŋa soŋniy yiŋ isi aŋyay tiyaŋa.
(Mat 26:17-25; Luk 22:7-14; 22:21-23; Yon 13:21-30)
12Nal patitiy, tusu nal beŋgoy, bret yisnim melaŋ nini ragu futtiy. Nal iŋgura go Israel yiŋ sipsip apmonunim uruwsu nuwta, nal beŋgoy Ewumboŋ Israel yuwayiy Isip dagu oyarakiŋ niŋgi, iŋgu buwaya keraŋ polyaŋ guniŋ. Iŋgura muluŋa Yesus miŋyaŋa, <<Ga buwaga go, niŋ le afu gakta sip aŋyay iŋgu patiŋ nikina tuŋgu ga aŋyay nip,>> giyaŋa. 13Arya Yesus muluŋa yera suliyusu nigu dariyiy, <<Di le ya beŋgoy naŋonda lep go, lem diya ubu waay ikusu epe tuŋidip. Iŋgura di suŋu lepira. 14Iŋ le ya giray naŋonda lep go, di le ya ewi nigu miŋpira, <Muŋa lem nigu giyat, ya naŋonda afu giray iŋgu neragu patiŋra, na muluŋa soŋna yiŋ isi gura epe aŋyay ninkina, Takela Israel yuwayiy Isip dagu oyara iŋgu buwaya keraŋ pol yaŋguniŋ,> giyat. 15Iŋgura iŋ weldip afu patinriy patuw ya beŋgoy buŋta eti, fafat, gatgat yaŋ titiragu tusu ulal atŋinda dit totoragu eti, gura le aŋyay patiŋpira,>> giy. 16Arya lem yera iŋgu, yasowsu lera ya beŋgoy naŋonda iŋgura ulal atŋinda Yesusda giy gugu niŋgi futtimitariy. Iŋgura le gura aŋyay keraŋ diy.
17Arya gamniŋ tuw epu kiŋ Yesus muluŋan 12 isi epyaŋa. 18Atŋinda epe fafatda yaŋtusu, aŋyay tuw kusu, iŋgura Yesus nigu giy, <<Na payiŋ sip daridigatem, lem diyap lapdanda iŋ ufna tip, lem gon iŋ negis aŋyay tigatek iŋgu.>> 19Muluŋa nim yiŋ kuka iŋgu iŋawsu, buwaya murweŋiŋ, diyap diyap nigu Yesus miŋyaŋa, <<Ga neniŋtiŋ giyakara, ang?>> 20Go iŋ dariyiy, <<Iŋgu muluŋa 12 di lapdanda lem geyiŋ iŋgu negis bret ow turda patomyakak iŋgu. 21Payiŋpeŋ Lem Urmiŋ urŋiŋ emap, kuka aboŋ kisyaŋa iŋgu suŋu, go, lem gon iŋ Lem Urmiŋ ufitiŋ ager atyanda lep iŋgu go bubul sip. Lem iŋgu mami bosyaŋ melaŋ keyiŋgo wasiŋ,>> giy.
Yesus bret wain gis muluŋa nimi yiŋ sayiy
22Arya aŋyay tuw kusu, Yesus bret owusu Takela biŋaŋ yuŋ tiŋ, beku muluŋan yiŋ sayusu dariyiy, <<Inni nawi abaŋna, di ena.>> 23Tusu kap wain ow Takela biŋawsu sayiŋ atŋinda niyaŋa. 24<<Ini nawi asilana disi yararaŋ kip, tusu welalem atŋinda nina yokukuna. 25Na payiŋ sip daridigatem, na wain diya atebaw nuwgu yuŋ. Niyakam ini niŋgi kiŋ le le kabol Takela ragu welalem soŋni yiŋ ulayiyi ragu nalda wain germiŋ nukuna,>> giy.
26Arya yiŋ wak diyap ow Takela biŋay ikŋiŋ yuŋ tiŋ, liyaŋa Olip tegeyiŋ buŋta.
Yesus nigu giy <<Pita iŋ usniy sanip>> giy
27Arya Yesus dariyiy, <<Di atŋinda nasow awaŋa timitap. Kuka aboŋ kisyaŋa iŋgu suŋu, kuka iŋgu nigu.
<Na sipsip sepi urukuna go, sipsip atŋinda awaŋa timitap.>#14:27 Kuka ini Sekaraiya. 13:7 gura eti.
28Go emita waraŋusu patuw, lowkuna Galili,>> giy. 29Iŋgura Pitara nigu daririy, <<Atŋinda yiŋ gasow awaŋa timitap nawi go yuŋ,>> giy. 30Go Yesus nigu ketriy, <<Na payiŋ sip gigatem, mat sulap karkeku aŋaŋiŋ yera tiyaŋ melaŋ kiŋ, ga iŋanuw kiyaŋga melaŋ gita arbu tip,>> giy. 31Go Pita kuka muki sip giy, <<Yuŋ na gegis emaŋ guniŋ gip go iŋgu yit, na geniŋtiŋ iŋaw kiyaŋa melaŋ gugu yuŋ sip>> giy. Iŋgura muluŋa nim yiŋ atŋinda gusu kuka gugu niŋgi gimitaŋa.
Yesus le Getsamani aramara pananaw tiy
32Yesus le ya waay Getsamani gura lowsu, muluŋan yiŋ dariyiy, <<Di nimda yaŋtu kina, na pananaw tugusu.>> 33Iŋgura Pita, Yems, tusu Yon yuwayusu ley. Arya buway duk yitotiŋ niŋgi iŋgura buly sip weteriy. 34Iŋgura dariyiy, <<Na buwana murweŋ totget, emagusu, iŋguniŋ di nimda kusu uy neŋu kina,>> giy. 35Iŋgura iŋ diyap miy lowsu daŋ buŋta pasikusu pananaw tiy keta diya kiŋ murweŋ iŋgu kelyaŋ guniŋ. 36Iŋguniŋ nigu pananaw tiy, <<Aba Awa, ga ulal atŋinda bitiboŋ pira. Iŋguniŋ murweŋ utnanda epugusu iŋgu sabirta. Go, ga nawi buwana suŋpirago, ga buwaga soŋga suŋta,>> giy. 37Iŋgura mulituw epriy muluŋa arbu siŋyanda, go neŋ yiy wuw dak yusu kiyaŋa. Iŋgura epe Pita dariyiy, <<Saimon, ga wuwta yaŋ? Ga atŋinda sip yuŋ ata ewŋiŋ petmiy naŋonda kusu uy neŋu kiki ragu yaŋ? 38Uy neŋu kusu pananaw tuwkina, diyapmiy diya tontonaŋ epe tonaŋ diŋ niŋgi pasik piraŋ. Paiŋpeŋ buwada eti, go abaŋdanda okdigat,>> giy.
39Atebaw Yesus mulituw lowsu pananaw patuw tiy iŋgu atebaw le tiy. 40Yesus atebaw mulituw epusu muluŋa neŋyiy wuw dak yusu kiyaŋa. Giran yiŋ deŋya eryi goyi sip tiy iŋguniŋ. Arya Yesus epe wager yiŋ niŋgi, iŋgura yiŋ taŋtaŋu tiyaŋa kuka inina nina.
41Yesus leŋ arbutiŋ tiŋ, atebaw mulituw epusu dariyiy, <<Di wuwta sip yaŋ? Atŋinda tiyat waraŋna kinara len, patuw nal tiyat Lem Urmiŋ mat lem buly atyanda kerangusu. 42Di waraŋna kinara len, lem gon iŋ lem buly atyanda nakera nini nina iŋgu patuw epget on,>> giy.
Yudas, Yesus ow ager atyanda kerariy
(Mat 26:47-56; Luk 22:47-53; Yon 18:3-12)
43Yesus kuka tuwkiŋ muluŋa 12 iŋgu diyap yiŋdagu waay Yudas lem guway isi epyaŋa. Taboŋ taboŋ tawbi lem dagu, tusu iŋaŋ lem Moses dagu kabol suŋuwta, tusu taboŋ taboŋ yiŋdagu yiŋda suliyiŋ sapani tusu suwaŋ paŋer dagu owsu epyaŋa. 44Lem, Yesus ufi tiy iŋgu nigu lem iŋ isi epyaŋa iŋgu dariyiy, <<Le lem giray towsu kis inawkuna iŋgu. Di lem iŋgu towsu, patak sip olu ow lepiraŋ.>> 45Arya Yudas le futtusu awrusip Yesus siŋinda lowsu daririy, <<Muŋa lem.>> Gusu le towsu kis inariy. 46Iŋgura yiŋ le Yesus likusu tuwaŋa. 47Lem diya nuwamiy gaŋyu kiy, iŋ waraŋu sapani soŋni pesusu urata lem tawbi lem dagu feŋariy. Iŋgura amuiŋ kunaŋ tukyu pasikriy. 48Iŋgura Yesus lem tongusu epyaŋa iŋgu nigu dariyiy, <<Di ulal paŋer dagu wilusu epyata nawi natongusu iŋgu ager lem gabman dagu engusu epyaŋda gok tiyata. 49Nal atŋinda na disi Takela ragu fom yeyiŋ oyay inda kusu, welalem sawanaŋ sayuw kimiy. Di nal iŋgura natuwaŋda keyŋgo. Gu kuka aboŋ Takela ragu parda eti iŋgu go egaytip,>> giy. 50Iŋgura muluŋa nim yiŋ atŋinda sow awaŋa tiyaŋa.
51-52Apmonu muliyay diya tapyow posa kewtusu Yesus suŋu epriy, iŋ yit tuwaŋa. Go tapyow pesusu geŋgeŋ biraw awaŋa tiy.
Yesus ow le taboŋ siŋinda kukara tuwaŋa
(Mat 26:57-68; Luk 22:54-55; 22:63-71; Yon 18:13-14; 18:19-24)
53Lem Yesus tuwaŋa iŋgu, yiŋ owsu liyaŋa taboŋ tawbi lem dagu yara. Arya tawbi lem tusu iŋaŋ lem Moses dagu kabol iŋgu, tusu taboŋ taboŋ atŋinda abuw kiyaŋa. 54Pita iŋ Yesus suŋu ley, go iŋ le yeba miy kiy. Iŋgura iŋ le taubi lem dagu taboŋ ya afuy inda lowsu le kanmuni lem isi dit atuŋu kiy. 55Tawbi lem tusu taboŋ taboŋ, yiŋ lem dip apyiŋ epe, Yesus kabol gira bituwkiy iŋgu dayitiyaŋa. Yiŋ keta ulaw kiyaŋa, iŋ gira diya agosriy ingu dayitiŋ tiŋ, iŋgura yiŋ urnugusu. Go agosgos iŋdagu diya tuŋyaŋya melaŋ. 56Lem guway epe kuka tobtobaŋa uti buŋta keraŋa, gu kuka yiŋ dagu iŋgu diyap yuŋ, kuka soŋsoŋ tiyaŋa. Iŋgura agosgos iŋdagu diya tuŋyaŋa melaŋ. 57Lem dip gaŋyusu nigu kuka tobtobaŋa giyaŋa, 58<<Iŋ nigu giŋ, niŋ iŋaŋiy, <Na fomyeyiŋ Takela ragu, lemda futiyaŋa ini kekawsu, atebaw nal arbu naŋonda, debaydiya futtukuna, iŋgu lemda futpiraŋ yuŋ,>>> giyaŋa. 59Go kuka tiyaŋa iŋgu yit soŋsoŋ.
60Arya Tawbi lem dagu taboŋ, waraŋu deŋyanda gaŋ yusu nigu Yesus miŋriy, <<Ga kuka diya ketpira yuŋ yaŋ, kuka geniŋ tiŋ tiyata ini gorogoro?>> 61Go Yesus kuka diya ketyaŋa melaŋ, aboŋni melaŋ tuŋyusu kiy. Iŋgura atebaw miŋriy, <<Ga Kristus#14:61 Lem gon Takelara alaygiy welalem yuwayiyi ragu iŋgu. yaŋ? Tusu ga Takela buŋta sip iŋgu urmiŋ yaŋ?>> 62Iŋgura Yesus nigu giy, <<Iŋgu nawi niŋgi. Di neŋpiŋ Lem Urmiŋ iŋ le Takela siŋinda yaŋtip afu biŋay geyiŋ gura. Iŋgura iŋ yaŋeyiŋ buŋ saba buŋtara eppiŋ.>> 63Arya Tawbi lem dagu taboŋ iŋ buway maykŋiŋ niŋgi iŋgura tapyow nimiy selusu nigu giy, <<Niŋ atebaw lem diya apyiŋ epŋiŋ niŋgi miŋyingin yuŋ. Lem ini kabol gira gira bitiriy iŋgu nina.>> 64Di atŋinda gusu dinsip iŋata patuw, lem ini iŋ Takela payiryat, iŋguniŋ lem ini gorinkina? Iŋgura atŋinda nigu giyaŋa, <<Iŋ agosyat iŋguniŋ iŋ emap.>> 65Arya lem dip epe Yesus moryaŋa, iŋgura tapyow ow deiŋ tewusu feŋawsu daryaŋa. <<Mat kuka luŋyaŋ gita.>> Iŋgura kanmuni lemda epe ow le feŋaŋa.
Pita iŋ Yesus iŋaw kiyaŋ melaŋ giy
(Mat 26:69-75; Luk 22:56-62; Yon 18:15-18; 18:25-27)
66Pita iŋ daŋta kiy ya oyay naŋonda iŋgura taboŋ beŋgoy tawbi lem dagu urata wela diya epriy. 67Eppe Pita neŋriy dit atuŋu kiy. Iŋgura wela iŋgu patak sip lem iŋgu neŋusu daririy, <<Ga yit ga Yesus Nasaret nina isi kiraya.>> 68Go Pita nigu giy, <<Ga kuka tigata iŋgu na iŋaw kiyaŋna melaŋ.>> Iŋgura futtuw ley oya yamrebay inda. 69Urata wela iŋgu atebaw neŋusu, lem nuwamiy gaŋyu kiyaŋa iŋgu dariyiy, <<Lem ini yit iŋ diyap yiŋdagu.>> 70Go atebaw nigu giy, <<Yuŋ e.>> Sisiyay yuŋ lem dip nuwamiy gaŋyu kiyaŋa yiŋ yit, Pita nina nigu giyaŋa, <<Payiŋpeŋ sip ga diyap yiŋdagu, ga lem Galili nina,>> giyaŋa.
71Iŋgura Pita kuka muki sip tiy, <<Daŋ eti. Na iŋaw kiyaŋna melaŋ, di lem giray nina gigata iŋgu.>> 72Arya, sisiyay yuŋ, karkeku atebaw aŋaŋriy. Iŋgura Pita, Yesusda daririy iŋgu, buway polyiy. <<Na payiŋ sip darigigatem, mat sulap karkeku aŋaŋiŋ yera tiyaŋ melaŋ kiŋ, ga gip na iŋaguw kiyaŋya melaŋ gita arbu tip,>> giy. Igura Pita buway buly sip tiŋ uli beŋgoy sip tiy.
Seçili Olanlar:
Mak 14: Madi
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2024 Wycliffe Bible Translators, Inc. All rights reserved.
Mak 14
14
Taboŋ taboŋ kuka tewyaŋa Yesus urŋiŋ emema nina
(Mat 26:1-5; Luk 22:1-2; Yon 11:45-53)
1Nal yera usinda go, iŋgu nal beŋgoy Takela Israel Isip dagu oyara yuwayiy iŋgu buwaya keraŋa polyaŋ guniŋ. Tusu debay diya go iŋgu, bret yis nim melaŋ nini ragu futtip. Arya tawbi lem dagu taboŋ taboŋ tusu iŋaŋ lem Moses dagu kabol suŋuwta iŋgu tusu taboŋ taboŋ yiŋ keta ulaw kiyaŋa, yiŋ gorogoro sip Yesus towsu urŋiŋ emaŋ guniŋ. 2Go nigu giyaŋa, <<Niŋ bret yis nim melaŋ nini ragu nalinda kabol iŋgu bitingin yuŋ.>>
Wela diya gureŋa ow le Yesus taboŋ inda yokriy
(Mat 26:6-13; Yon 12:1-8)
3Yesus Betani gura Saimon dagu yara kiy, lem iŋgu indanis miyay baraksaga utinda kiy. Arya iŋ yaŋtusu aŋyay tuwkiŋ, wela diya gureŋa kebay buŋta sip, da nad wayinda niŋgi bityaŋa yaliŋa sa alabasta naŋonda kiy owsu epe dori wakorosu Yesus taboŋ inda yokriy. 4Iŋgura welalem dip gura kiyaŋa yiŋ wela kabol tiy iŋgu neŋusu buwaya maykŋiŋ, yiŋsip nigu debaya yiŋ dariyaŋa, <<Wela ini giran gureŋa belget?>> 5Tusu giyaŋa, <<Gureŋa ini suryaŋnin keyiŋgo gamudeyiŋ beŋgoy owsu, bubul welalem sayibateŋ. Iŋguniŋ wela iŋgu mera inaŋa.>> 6Iŋgura Yesusda dariyiy, <<Di wela iŋgu darimina, sona. Di giran wela iŋgu murweŋ inageta? Wela ini iŋ kabol wasiŋ neniŋtiŋ bitiyat. 7Bubul welalem yiŋ nal atŋinda disi kip, iŋgura di sebi yingusu buwada tip go, nal guway di sebuyukip. Nawi go disi nal lewŋ kuguyuŋ. 8Wela ini kabol giray bitugusu epyat iŋgu patuw bityat. Iŋ gureŋa utnanda yokyat iŋgu iŋ nawi abaŋna patiŋyat meriŋda leleragu. 9Na payiŋ sip daridigatem, daŋ atŋinda naŋonda le kuka wasiŋ sayiy delaw walip go, wela kabol bityat iŋgu dayitiŋ iŋgura, buwaya polyukip,>> giy.
Yudas buwani tewriy Yesus ager atyanda kerkeranina
10Iŋgura Yesus dagu muluŋa 12 iŋgu diyap yiŋdagu waay Yudas, Iskariyot nina ley taboŋ taboŋ tawbi ragu siŋyanda Yesus ufi tiŋ uryaŋ guniŋ. 11Iŋgura Taboŋ taboŋ tawbi lem dagu iŋgu iŋawsu buwaya wasiŋiŋ yiŋ kuka tewyaŋa gamudeyiŋ Yudas inina nina. Arya iŋ keta ulaw kiy, gorogoro Yesus ow atyanda kerkera nina.
Yesus muluŋa soŋniy yiŋ isi aŋyay tiyaŋa.
(Mat 26:17-25; Luk 22:7-14; 22:21-23; Yon 13:21-30)
12Nal patitiy, tusu nal beŋgoy, bret yisnim melaŋ nini ragu futtiy. Nal iŋgura go Israel yiŋ sipsip apmonunim uruwsu nuwta, nal beŋgoy Ewumboŋ Israel yuwayiy Isip dagu oyarakiŋ niŋgi, iŋgu buwaya keraŋ polyaŋ guniŋ. Iŋgura muluŋa Yesus miŋyaŋa, <<Ga buwaga go, niŋ le afu gakta sip aŋyay iŋgu patiŋ nikina tuŋgu ga aŋyay nip,>> giyaŋa. 13Arya Yesus muluŋa yera suliyusu nigu dariyiy, <<Di le ya beŋgoy naŋonda lep go, lem diya ubu waay ikusu epe tuŋidip. Iŋgura di suŋu lepira. 14Iŋ le ya giray naŋonda lep go, di le ya ewi nigu miŋpira, <Muŋa lem nigu giyat, ya naŋonda afu giray iŋgu neragu patiŋra, na muluŋa soŋna yiŋ isi gura epe aŋyay ninkina, Takela Israel yuwayiy Isip dagu oyara iŋgu buwaya keraŋ pol yaŋguniŋ,> giyat. 15Iŋgura iŋ weldip afu patinriy patuw ya beŋgoy buŋta eti, fafat, gatgat yaŋ titiragu tusu ulal atŋinda dit totoragu eti, gura le aŋyay patiŋpira,>> giy. 16Arya lem yera iŋgu, yasowsu lera ya beŋgoy naŋonda iŋgura ulal atŋinda Yesusda giy gugu niŋgi futtimitariy. Iŋgura le gura aŋyay keraŋ diy.
17Arya gamniŋ tuw epu kiŋ Yesus muluŋan 12 isi epyaŋa. 18Atŋinda epe fafatda yaŋtusu, aŋyay tuw kusu, iŋgura Yesus nigu giy, <<Na payiŋ sip daridigatem, lem diyap lapdanda iŋ ufna tip, lem gon iŋ negis aŋyay tigatek iŋgu.>> 19Muluŋa nim yiŋ kuka iŋgu iŋawsu, buwaya murweŋiŋ, diyap diyap nigu Yesus miŋyaŋa, <<Ga neniŋtiŋ giyakara, ang?>> 20Go iŋ dariyiy, <<Iŋgu muluŋa 12 di lapdanda lem geyiŋ iŋgu negis bret ow turda patomyakak iŋgu. 21Payiŋpeŋ Lem Urmiŋ urŋiŋ emap, kuka aboŋ kisyaŋa iŋgu suŋu, go, lem gon iŋ Lem Urmiŋ ufitiŋ ager atyanda lep iŋgu go bubul sip. Lem iŋgu mami bosyaŋ melaŋ keyiŋgo wasiŋ,>> giy.
Yesus bret wain gis muluŋa nimi yiŋ sayiy
22Arya aŋyay tuw kusu, Yesus bret owusu Takela biŋaŋ yuŋ tiŋ, beku muluŋan yiŋ sayusu dariyiy, <<Inni nawi abaŋna, di ena.>> 23Tusu kap wain ow Takela biŋawsu sayiŋ atŋinda niyaŋa. 24<<Ini nawi asilana disi yararaŋ kip, tusu welalem atŋinda nina yokukuna. 25Na payiŋ sip daridigatem, na wain diya atebaw nuwgu yuŋ. Niyakam ini niŋgi kiŋ le le kabol Takela ragu welalem soŋni yiŋ ulayiyi ragu nalda wain germiŋ nukuna,>> giy.
26Arya yiŋ wak diyap ow Takela biŋay ikŋiŋ yuŋ tiŋ, liyaŋa Olip tegeyiŋ buŋta.
Yesus nigu giy <<Pita iŋ usniy sanip>> giy
27Arya Yesus dariyiy, <<Di atŋinda nasow awaŋa timitap. Kuka aboŋ kisyaŋa iŋgu suŋu, kuka iŋgu nigu.
<Na sipsip sepi urukuna go, sipsip atŋinda awaŋa timitap.>#14:27 Kuka ini Sekaraiya. 13:7 gura eti.
28Go emita waraŋusu patuw, lowkuna Galili,>> giy. 29Iŋgura Pitara nigu daririy, <<Atŋinda yiŋ gasow awaŋa timitap nawi go yuŋ,>> giy. 30Go Yesus nigu ketriy, <<Na payiŋ sip gigatem, mat sulap karkeku aŋaŋiŋ yera tiyaŋ melaŋ kiŋ, ga iŋanuw kiyaŋga melaŋ gita arbu tip,>> giy. 31Go Pita kuka muki sip giy, <<Yuŋ na gegis emaŋ guniŋ gip go iŋgu yit, na geniŋtiŋ iŋaw kiyaŋa melaŋ gugu yuŋ sip>> giy. Iŋgura muluŋa nim yiŋ atŋinda gusu kuka gugu niŋgi gimitaŋa.
Yesus le Getsamani aramara pananaw tiy
32Yesus le ya waay Getsamani gura lowsu, muluŋan yiŋ dariyiy, <<Di nimda yaŋtu kina, na pananaw tugusu.>> 33Iŋgura Pita, Yems, tusu Yon yuwayusu ley. Arya buway duk yitotiŋ niŋgi iŋgura buly sip weteriy. 34Iŋgura dariyiy, <<Na buwana murweŋ totget, emagusu, iŋguniŋ di nimda kusu uy neŋu kina,>> giy. 35Iŋgura iŋ diyap miy lowsu daŋ buŋta pasikusu pananaw tiy keta diya kiŋ murweŋ iŋgu kelyaŋ guniŋ. 36Iŋguniŋ nigu pananaw tiy, <<Aba Awa, ga ulal atŋinda bitiboŋ pira. Iŋguniŋ murweŋ utnanda epugusu iŋgu sabirta. Go, ga nawi buwana suŋpirago, ga buwaga soŋga suŋta,>> giy. 37Iŋgura mulituw epriy muluŋa arbu siŋyanda, go neŋ yiy wuw dak yusu kiyaŋa. Iŋgura epe Pita dariyiy, <<Saimon, ga wuwta yaŋ? Ga atŋinda sip yuŋ ata ewŋiŋ petmiy naŋonda kusu uy neŋu kiki ragu yaŋ? 38Uy neŋu kusu pananaw tuwkina, diyapmiy diya tontonaŋ epe tonaŋ diŋ niŋgi pasik piraŋ. Paiŋpeŋ buwada eti, go abaŋdanda okdigat,>> giy.
39Atebaw Yesus mulituw lowsu pananaw patuw tiy iŋgu atebaw le tiy. 40Yesus atebaw mulituw epusu muluŋa neŋyiy wuw dak yusu kiyaŋa. Giran yiŋ deŋya eryi goyi sip tiy iŋguniŋ. Arya Yesus epe wager yiŋ niŋgi, iŋgura yiŋ taŋtaŋu tiyaŋa kuka inina nina.
41Yesus leŋ arbutiŋ tiŋ, atebaw mulituw epusu dariyiy, <<Di wuwta sip yaŋ? Atŋinda tiyat waraŋna kinara len, patuw nal tiyat Lem Urmiŋ mat lem buly atyanda kerangusu. 42Di waraŋna kinara len, lem gon iŋ lem buly atyanda nakera nini nina iŋgu patuw epget on,>> giy.
Yudas, Yesus ow ager atyanda kerariy
(Mat 26:47-56; Luk 22:47-53; Yon 18:3-12)
43Yesus kuka tuwkiŋ muluŋa 12 iŋgu diyap yiŋdagu waay Yudas lem guway isi epyaŋa. Taboŋ taboŋ tawbi lem dagu, tusu iŋaŋ lem Moses dagu kabol suŋuwta, tusu taboŋ taboŋ yiŋdagu yiŋda suliyiŋ sapani tusu suwaŋ paŋer dagu owsu epyaŋa. 44Lem, Yesus ufi tiy iŋgu nigu lem iŋ isi epyaŋa iŋgu dariyiy, <<Le lem giray towsu kis inawkuna iŋgu. Di lem iŋgu towsu, patak sip olu ow lepiraŋ.>> 45Arya Yudas le futtusu awrusip Yesus siŋinda lowsu daririy, <<Muŋa lem.>> Gusu le towsu kis inariy. 46Iŋgura yiŋ le Yesus likusu tuwaŋa. 47Lem diya nuwamiy gaŋyu kiy, iŋ waraŋu sapani soŋni pesusu urata lem tawbi lem dagu feŋariy. Iŋgura amuiŋ kunaŋ tukyu pasikriy. 48Iŋgura Yesus lem tongusu epyaŋa iŋgu nigu dariyiy, <<Di ulal paŋer dagu wilusu epyata nawi natongusu iŋgu ager lem gabman dagu engusu epyaŋda gok tiyata. 49Nal atŋinda na disi Takela ragu fom yeyiŋ oyay inda kusu, welalem sawanaŋ sayuw kimiy. Di nal iŋgura natuwaŋda keyŋgo. Gu kuka aboŋ Takela ragu parda eti iŋgu go egaytip,>> giy. 50Iŋgura muluŋa nim yiŋ atŋinda sow awaŋa tiyaŋa.
51-52Apmonu muliyay diya tapyow posa kewtusu Yesus suŋu epriy, iŋ yit tuwaŋa. Go tapyow pesusu geŋgeŋ biraw awaŋa tiy.
Yesus ow le taboŋ siŋinda kukara tuwaŋa
(Mat 26:57-68; Luk 22:54-55; 22:63-71; Yon 18:13-14; 18:19-24)
53Lem Yesus tuwaŋa iŋgu, yiŋ owsu liyaŋa taboŋ tawbi lem dagu yara. Arya tawbi lem tusu iŋaŋ lem Moses dagu kabol iŋgu, tusu taboŋ taboŋ atŋinda abuw kiyaŋa. 54Pita iŋ Yesus suŋu ley, go iŋ le yeba miy kiy. Iŋgura iŋ le taubi lem dagu taboŋ ya afuy inda lowsu le kanmuni lem isi dit atuŋu kiy. 55Tawbi lem tusu taboŋ taboŋ, yiŋ lem dip apyiŋ epe, Yesus kabol gira bituwkiy iŋgu dayitiyaŋa. Yiŋ keta ulaw kiyaŋa, iŋ gira diya agosriy ingu dayitiŋ tiŋ, iŋgura yiŋ urnugusu. Go agosgos iŋdagu diya tuŋyaŋya melaŋ. 56Lem guway epe kuka tobtobaŋa uti buŋta keraŋa, gu kuka yiŋ dagu iŋgu diyap yuŋ, kuka soŋsoŋ tiyaŋa. Iŋgura agosgos iŋdagu diya tuŋyaŋa melaŋ. 57Lem dip gaŋyusu nigu kuka tobtobaŋa giyaŋa, 58<<Iŋ nigu giŋ, niŋ iŋaŋiy, <Na fomyeyiŋ Takela ragu, lemda futiyaŋa ini kekawsu, atebaw nal arbu naŋonda, debaydiya futtukuna, iŋgu lemda futpiraŋ yuŋ,>>> giyaŋa. 59Go kuka tiyaŋa iŋgu yit soŋsoŋ.
60Arya Tawbi lem dagu taboŋ, waraŋu deŋyanda gaŋ yusu nigu Yesus miŋriy, <<Ga kuka diya ketpira yuŋ yaŋ, kuka geniŋ tiŋ tiyata ini gorogoro?>> 61Go Yesus kuka diya ketyaŋa melaŋ, aboŋni melaŋ tuŋyusu kiy. Iŋgura atebaw miŋriy, <<Ga Kristus#14:61 Lem gon Takelara alaygiy welalem yuwayiyi ragu iŋgu. yaŋ? Tusu ga Takela buŋta sip iŋgu urmiŋ yaŋ?>> 62Iŋgura Yesus nigu giy, <<Iŋgu nawi niŋgi. Di neŋpiŋ Lem Urmiŋ iŋ le Takela siŋinda yaŋtip afu biŋay geyiŋ gura. Iŋgura iŋ yaŋeyiŋ buŋ saba buŋtara eppiŋ.>> 63Arya Tawbi lem dagu taboŋ iŋ buway maykŋiŋ niŋgi iŋgura tapyow nimiy selusu nigu giy, <<Niŋ atebaw lem diya apyiŋ epŋiŋ niŋgi miŋyingin yuŋ. Lem ini kabol gira gira bitiriy iŋgu nina.>> 64Di atŋinda gusu dinsip iŋata patuw, lem ini iŋ Takela payiryat, iŋguniŋ lem ini gorinkina? Iŋgura atŋinda nigu giyaŋa, <<Iŋ agosyat iŋguniŋ iŋ emap.>> 65Arya lem dip epe Yesus moryaŋa, iŋgura tapyow ow deiŋ tewusu feŋawsu daryaŋa. <<Mat kuka luŋyaŋ gita.>> Iŋgura kanmuni lemda epe ow le feŋaŋa.
Pita iŋ Yesus iŋaw kiyaŋ melaŋ giy
(Mat 26:69-75; Luk 22:56-62; Yon 18:15-18; 18:25-27)
66Pita iŋ daŋta kiy ya oyay naŋonda iŋgura taboŋ beŋgoy tawbi lem dagu urata wela diya epriy. 67Eppe Pita neŋriy dit atuŋu kiy. Iŋgura wela iŋgu patak sip lem iŋgu neŋusu daririy, <<Ga yit ga Yesus Nasaret nina isi kiraya.>> 68Go Pita nigu giy, <<Ga kuka tigata iŋgu na iŋaw kiyaŋna melaŋ.>> Iŋgura futtuw ley oya yamrebay inda. 69Urata wela iŋgu atebaw neŋusu, lem nuwamiy gaŋyu kiyaŋa iŋgu dariyiy, <<Lem ini yit iŋ diyap yiŋdagu.>> 70Go atebaw nigu giy, <<Yuŋ e.>> Sisiyay yuŋ lem dip nuwamiy gaŋyu kiyaŋa yiŋ yit, Pita nina nigu giyaŋa, <<Payiŋpeŋ sip ga diyap yiŋdagu, ga lem Galili nina,>> giyaŋa.
71Iŋgura Pita kuka muki sip tiy, <<Daŋ eti. Na iŋaw kiyaŋna melaŋ, di lem giray nina gigata iŋgu.>> 72Arya, sisiyay yuŋ, karkeku atebaw aŋaŋriy. Iŋgura Pita, Yesusda daririy iŋgu, buway polyiy. <<Na payiŋ sip darigigatem, mat sulap karkeku aŋaŋiŋ yera tiyaŋ melaŋ kiŋ, ga gip na iŋaguw kiyaŋya melaŋ gita arbu tip,>> giy. Igura Pita buway buly sip tiŋ uli beŋgoy sip tiy.
Seçili Olanlar:
:
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2024 Wycliffe Bible Translators, Inc. All rights reserved.