मर्कुस किताबको राइपैचान
किताबको राइपैचान
मर्कुसले लेख्या यइ किताब “परमेसोरको छोरा इसु ख्रिस्टको बार्या राम्मो रैबार” भुन्यर सुरु हुन्छ। यइ किताबमै बिसेसगरि इसुले गर्या कामहरु र उनुको अदिकारको बार्यामै लेख्या छुन्। इसुले सिच्छ्या दिदा, भुतहरु निकाल्दा र मान्ठहरुका पापहरु माप गद्दा उनु अदिकार पाया मान्ठ हुन् भुनि थाँ हुन्छ। इसुले मान्ठहरुकन पापबाट बचाउन आम्नो प्राण दिनको निम्ति आया “मान्ठको छोरो” भुन्याछुन्।
मर्कुसले इसुले गर्या कामहरु र सिच्छ्याकन स्हजिलो र प्रस्टै गर्या छुन्। यइ किताबमै इसुको उपदेस र सिच्छ्या भुन्दा पुनि उनुले गर्या कामहरुकन जोड् दिया छुन्। बप्तिस्मा दिन्या युहन्नाको बार्यामै, इसुको बप्तिस्मा र उनुको जाँचको बार्यामै छोट्करिमै लेख्यापछि लेख्न्याले तुरुन्तै इसुले निको पाड्या कामहरु र सिच्छ्या दिन्या सेबाको बार्यमै लेख्या छुन्। जस्हरि सुमय स्हकिनै जान्छ, इसुका चेलाहरुले उनुकन अँज राम्मोगरि बुज्न लाग्या हुन्छुन्, तर उनुका बिरोदिहरुले भुन्या उनुस्हात झुन दोस्मुनि बडाउछुन्। यइ किताबको उन्तिम अद्यायहरुले इसुको धत्तिको जिबनको उन्तिम सातामै भया कुडाहरु र इसु क्रुसमै मर्या र फेरि मर्याबाट ज्युँदियार सोर्ग गया कुडाहरु लेखिया छुन्।
छोटो सुचि
राम्मो रैबारको सुरु १:१-१३
इसुले गालिलमै गर्या काम १:१४—९:५०
गालिलदेखि यरुसलेम स्हम्म १०:१-५२
यरुसलेममै उन्तिम हप्ता ११:१—१५:४७
इसु मर्याबाट ज्युँदिया १६:१-८
प्रभु ज्युँदियापछि देखाला पड्या र सोर्गतिर गया १६:९-२०
Seçili Olanlar:
मर्कुस किताबको राइपैचान: JUML
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2024 (Active), Mother Tongue Translators Society and Wycliffe Bible Translators, Inc. All rights reserved.