MALƖKÖÖ 'BƆGƲ 5
5
Zezwi yɛ nɩkpɛ -bhlʋ 'jinylozuzuku -gömö kpëti
1Wa mö-a -daan, -ma 'nyie kïkë -mabha -gömöö dʋdʋ wa la-a Gadala, 'n wa ji-e -ma ʋ -gömö nyini. 2Zezwi 'wlʋ-ɔ -ma 'gɔlʋ 'mö tɔngʋ, nɩkpɛ -bhlʋ 'bhönɩ -ma lesikpï 'mö, 'n ɔ jio-a 'wʋ ji. 'Mɔ nɩkpɛ la'a 'jinylozuzuku ɔ ka la-a -gömö. 3-Ma lesikpï 'mö ɔ glɩnɩ la -bha. Nɩkpɛ 'nɩ bhɛlɩ ɔ 'kɔ la 'gɔgwɩ palɩ. 4-Wʋʋ yɛ-a, wa -kɔɔ 'kɔmʋʋ 'gɔgwɩ palɩ, ɩ 'bhuo ɔ sasanɩ-a 'jie yɛ -bɛ 'nɩɔ la bhɛlɩ. 5'Kɔmʋʋ sa zlɩ zɩ-a, sa sɛ julu-a, ɔ-ɔ -ma lesikpï -yɛ -gɔgɔgbɩ 'sɔ 'klʋ, 'n ɔ nylanɩ-ɛ -ma, 'n ɔ 'klanɩ-a ɔjɩ tɩkpaku. 6Zezwi namö -ma 'yu, ɔ yɩlɩɔ-a, ɔ 'libhï-a sɛcɛ 'wʋ, 'n ɔ jio-a 'wʋ mö, 'n ɔ ji-e -bha ɔ dlɩ'ɩ -kokomunigbö glu 'pa. 7'N ɔ ji-a 'mö 'kpö, ɔ nɛ: “-Lagɔ -ʋ -wʋ -ma -Lagɔtapɛ'ɛɛ 'Gu Zezwi, 'manɩ -n ji'i bhe nʋɔ 'nɩ? N -bhiamö yawʋ, -Lagɔɔ 'nglɩ 'mö, -n 'na-a la'a yʋlɔyʋlʋɛ -gömö -nɩ.” 8-Wʋʋ yɛ ɔ 'kpö-ö -sɩbha 'mö, 'jinylozuzuko -a -wʋɔ la-a -gömö 'ma Zezwi 'nyɛ-a 'dɩ naa, a 'bhö-öɔ -gömö. 9'N Zezwi jia-a ngli 'jɩbha naa: “Slɛ -na 'nglɩ 'nɩ?” A nɛ: “Na nglɩ -yɛ-a -zunɔ, -wʋʋ yɛ-a, -aa -bebe -bha.” 10'N a ji-a Zezwi yawʋ bhia naa, ɔ 'na-a kpëtiɩ -ma dʋdʋ la'a -gömö -nɩ.
11-Bhaa yawʋ, -gɔgɔgbʋ -bhlʋ 'klʋ, kokotiaa -zakpa-a la -bha 'wʋ li 'le. 12'Jinylozuzuku -ɩ -wʋ la-a nɩkpɛ la'a -gömö, 'n ɩ ji-a Zezwi -bɛlɩ 'pa, ɩ nɛ: “-A -bhiamö yawʋ, -n -kaya kpëti, -tatiya 'ji -a 'yɛ -ma kokotia -la 'mö pla.” 13'N Zezwi jiɩ-a 'wʋ nglu, ɩ 'bhö-a nɩkpɛ la'a -gömö 'n ɩ ji-e -ma kokotia 'mö pla. Ɩ plɩ-a 'mö tɔngʋ, 'n kokotia la'a ji-a gbugblonʋ, ɩ-ɩ gua 'le 'n ɩ ji-e -ma -gɔgɔgbʋ 'klʋ 'bhö-ö, 'n ɩ ji-e -ma gïnyi 'mö bhlinɩ. 'Mɩ kokotia la'aa 'wli sɔ la-a -sɩbha. 'N 'nyi ji-a ɩ 'bhuo 'lɩbha. 14Ɩ ngokʋngwa yɩlɩ-a -ɩ la'a, 'n wa ji-a fito, 'n wa ji-a de 'bhuo 'dɩ kwa, -ma glɔ'ɔ -yɛ -gligbï'ï 'sɔ -ma wa kwa-a -sɩbha 'dɩ. Nɩkpa 'nʋ-a -ɩ 'plɩ-a, 'n wa jiɩ-a yɩlɩ kwla'a ji. 15'N wa ji-e -bha Zezwi ghlɩ, nɩkpɛ ka la-a 'jinylozuzuku -gömö glɩ -bha ɔ yawʋ, ɔ ka -banɩ 'mö, ɔ 'wlu 'mö 'nanɩmanɩɔ 'ji. Wa yɩlɩɔ-a, 'n -kakö jua-a köbha. 16-Wa -wʋ la-a -bha 'n Zezwi ji-a nɩkpɛ la'a 'jinylozuzuku -gömö kpëti, 'n ɔ ji-a 'pʋ, 'bhë -ɩ ghlɩ-a kokotia, 'n wa ji-a ɩ 'tɩtɩ nɩkpa la'a -sanɩ. 17Wa 'nʋɩ-a, 'n wa 'bhuo ji-a Zezwi yawʋ bhia naa, ɔ 'bhö-ö -ma wa dʋdʋkpata -gömö. 18Zezwi-e -ma 'gɔlʋ 'mö -gbla 'le ɔ 'yɛ nimï möö yɛ, 'n nɩkpɛ -ɔ ɔ göpö la-a jio-a -bɛlɩ 'pa naa, ɔ -nyɔɔ 'sɔ 'yɛ mö. 19Zezwi 'nɩɩ-ɩ 'wʋ nglu, ɔ nɛ -bha ɔ de naa: “Mö 'ligbë'ë, -ma -na -kosu 'jie nɩkpaa 'bhɛyɩ, -ɩ la'a -ɩ Nyininyɔ -Lagɔ -nʋmö-a 'ji, sa ʋ 'pa-a -na de ngazɩdlɩ, 'n ʋ -jimö-a göpö -n 'kʋa -sanɩ.” 20'N nɩkpɛ ji-a mö. Dʋdʋ wa la-a Dekapɔlʋ -ʋ ka-a 'bhugugwlɩ kugbïa 'mö, 'n ɔ ji-e -ma -ɩ Zezwi nʋɔ-a 'jie 'dɩ bia. Nɩkpa la'a 'bhuo -wa 'nʋɩ-a, ngli-i mönʋa-a tenyi.
Zezwi yɛ -jɛlɩbhanglɔ göpö
21Zezwi -yɛ ɔ 'wʋbhlinɩngwa 'sɔ -gbla-a -ma 'gɔlʋ 'mö, -ma gïnyie kïkë -mabha -gömö, ma wa 'bhö-ö la-a, 'n wa ji-e -ma nimï mö. Wa nyini-e -ma, Zezwi 'nɩgbö -bha 'nyi ngo'o, 'n nɩkpaa -zakpa 'kada ji-e -bha ɔ yawʋ 'wlu 'titanɩ. 22Nɩkpɛ -bhlʋ wa la-a Zayilwisɩ, -ɔ glɩnɩ-a -Lagɔbuduo 'yuganɩngwaa gla'aa -bhlʋ, 'n ɔ ji-a ji. Ɔ yɩlɩ-a Zezwi, 'n ɔ ji-e -bha ɔ dlɩ'ɩ -kokomunigbö glu 'pa. 23'N ɔ jio-a yawʋ bhia naa, ɔ nglugwileyi -wʋ-a nyɔmʋ gulia 'le, ɔ ji ɔ 'kɔ cɛ -gömö zʋ ɔ 'yɛ 'pʋ. 24'N Zezwi jiɩ-a 'wʋ nglu, ɔ -yɛ nɩkpɛ la'a 'sɔ-ɔ -ma ɔ 'ligbë'ë mö 'le, 'n nɩkpaa -zakpa-a -ganɩɔ la-a jio-a 'mö nyɔnʋ.
25'Nglɔ -bhlʋ -wʋ la-a -ma -zakpa la'a 'mö, -jɛ -wʋɔ la-a 'lɩbha 'le, ɛ -sɔɔ 'ylʋbö kugbïa 'sɔ 'mö. 26Yʋlɔ 'le ɔ -wʋ la-a tenyi, ɔ -li 'bhuo 'mɩ ɔ 'nyɛ-a -dɔtʋlʋɩ 'ye wa 'kɔ göpöö yɛ, 'bhë ɔ'ɔ -lɛ 'pʋ. 'Mɩɛ 'bhë ɔ gu 'tamanɩ-a 'mö tenyi. 27Ɔ 'nʋ-a Zezwie 'dɩ, 'n ɔ ji-a ji, ɔ 'nyaka-a nɩkpaa -zakpa, ɔ ghlanɩ-ɛ -ma Zezwi nimï, 'n ɔ ji-a ɔ -bana cɛ zʋ. 28-Wʋʋ yɛ ɔ zʋa-a -sɩbha cɛ-ɛ, ɔ dlɩ zɔmö nɛ naa: “N -yɛ ɔ yakaluo 'fʋ cɛ zʋ, n ji 'pʋ.” 29Ɔ zʋa-a cɛ tɔngʋ, dlu -ʋ -wʋɔ la-a 'mö kwli 'le 'n ʋ ji-a 'nɩgbö. 'N ɔ 'bhë ji-a sɛ jɩblɩnɩ naa, ɔ nɩma yɛ 'mö nanɩmanɩ ɔ yɛ 'pʋ 'bhë. 30-Bha -gaganɩlɩ'ɩ 'n Zezwi ji-a sɛ jɩblɩnɩ naa, 'mötɛnɔ -ʋ -wʋɔ-a -gömö, ʋ yɛ nɩkpɛ -bhlʋ göpö 'bhë. Ɔ 'nɩgbö-a, 'n ɔ ji-a 'mö 'bhɩlɔ, ɔ nɛ naa: “A'a -mɔ zʋ-ɔ na yakalu cɛ 'nɩ?” 31Ɔ 'wʋbhlinɩngwa nɛ naa: “-Abhitɩbha, -n jɩnɩ-a 'mö la'a nɩkpa -bebe -wa -binɩmö-a 'wʋ, wa -wʋmö-a 'mö nyɔnʋ 'le 'bhë-ë, 'n -n nʋ-ɔ 'mö-a -ɔ zʋ'ʋ-a cɛ 'nɩɛ?” 32Wa gba-a sa'a 'bhë-ë, 'n Zezwi ji-a 'ji sɛ tli -ɔ zʋɔ-a cɛ ɔ 'kɔ yɩlɩɛ yɛ. 33'Nglɔɔ 'bhë -ji sɛ naa mɔ -bhaa yɛ, nganɔ 'lɩbhɔ -bha. Yawʋ -wʋɔ tɛlɩ 'le, 'n ɔ ji-e -bha Zezwi dlɩ'ɩ -kokomunigbö glu 'pa, sa ɩ 'plɩplɩnɩ-a 'mö 'n ɔ ji-a 'pʋ, 'n ɔ jio-a ɩ 'bhuo -sanɩ. 34Zezwi nɛ -bha ɔ de naa: “Na 'gu, -na -Lagɔɔ dlɩwʋkakʋ -kamö pua -na gu yɛ bhɩa 'bhë, sulu dlɩ yɛ -n 'yɛ mö.”
Zezwi yɛ gu -ɔ tlɩ la-a gala
35Zezwi kɩ sa'a ngli, -ma Zayilwisɩɛ 'ligbë'ë nɩkpa 'bhönɩ-ɛ -ma wa nɛ naa: “Zayilwisɩ, 'gu yɛ tlɩ 'bhë -n 'na-a yʋlʋa 'mö kpakpaswɩ'ɩ -Abhitɩbha -nɩ.” 36Wa gba-a -sɩbha Zezwi 'nʋɩ-a 'bhë, ɔ nɛ -bha Zayilwisɩɛ de naa: “-N 'na-a nimï dlɩ -nɩ, -ka -Lagɔ dlɩ 'wʋɔ 'nyize.” 37Nɩkpaa -zakpa -ganɩɔ la-a, 'n ɔ jia-a 'nɩgbanɩ. Ɔ 'wʋbhlinɩngwa gla'aa nɩkpa ta, Piɛlɩ-ɛ, Zakö-ö, Zaköö -dagu Za, 'mʋa ɔ 'libhï-a 'wʋ 'n ɔ -nyʋa ji-e -ma Zayilwisɩɛ 'ligbë'ë mö. 38Wa -yɛ Zayilwisɩ 'sɔ nyini-e -ma ɔ 'ligbë'ë, nɩkpaa -bebe su -bha, -mʋmʋa-a wi 'le, -mʋmʋa-a nyla 'le 'n wa jua-a -bha ghlɩ. 39Zezwi pla-a -ma 'ligbë'ë, 'n ɔ ji-a wa 'bhuo ngli 'jɩbha naa: “'Manɩɛ jɔ-ɔ 'mö-ö -sa 'nɩ? 'Manɩɛ yɛ a -wʋ-a wi 'le 'nɩ? 'Gu 'nɩ-ɛ tlɩ, ngɔmö 'le ɔ -wʋ -bha.” 40Ɔ gba-a sa'a, 'n wa jio-a nyanɩ. 'N ɔ ji-a wa 'bhuo 'pɩ 'pa. 'Guo -tɩbha -yɛ ɔ -da 'sɔ, ɔ 'wʋbhlinɩngwa ta köka, 'mʋa ɔ 'libhï-a 'wʋ, -buduköbhë -aa 'mö 'guo -gazɛ pö la-a, 'n ɔ -nyʋa ji-e -ma pla. 41Wa pla-a -ma, Zezwi köbha-a 'guo sɔ yɛ, ɔ nɛ: “Talita kumi!” Ɩ zɔmö-ö -yɛ-a naa: “Na 'gu, -sɔ 'wʋ!” 42-Bha -gaganɩlɩ'ɩ, 'gu -sɔ-a 'wʋ 'n ɔ ji-a namö. 'Ylʋbö kugbïa 'sɔ ɔ ka la -bha, -wa -wʋ la-a -bha wa yɩlɩ-a -ɩ la'a 'wʋ, ngli-i mönʋa-a tenyi. 43'N Zezwi jua-a 'yukwlie 'tɩtlɩ naa, wa'a -sanɩ ɩ 'dɩ nɩkpɛ 'lɩlɩlɩ -nɩ. Ɔ nɛ -bha 'guo -lowlengwaa de naa, wa 'nyɔ lili ɔ 'yɛ li.
Seçili Olanlar:
MALƖKÖÖ 'BƆGƲ 5: BNT96
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996
MALƖKÖÖ 'BƆGƲ 5
5
Zezwi yɛ nɩkpɛ -bhlʋ 'jinylozuzuku -gömö kpëti
1Wa mö-a -daan, -ma 'nyie kïkë -mabha -gömöö dʋdʋ wa la-a Gadala, 'n wa ji-e -ma ʋ -gömö nyini. 2Zezwi 'wlʋ-ɔ -ma 'gɔlʋ 'mö tɔngʋ, nɩkpɛ -bhlʋ 'bhönɩ -ma lesikpï 'mö, 'n ɔ jio-a 'wʋ ji. 'Mɔ nɩkpɛ la'a 'jinylozuzuku ɔ ka la-a -gömö. 3-Ma lesikpï 'mö ɔ glɩnɩ la -bha. Nɩkpɛ 'nɩ bhɛlɩ ɔ 'kɔ la 'gɔgwɩ palɩ. 4-Wʋʋ yɛ-a, wa -kɔɔ 'kɔmʋʋ 'gɔgwɩ palɩ, ɩ 'bhuo ɔ sasanɩ-a 'jie yɛ -bɛ 'nɩɔ la bhɛlɩ. 5'Kɔmʋʋ sa zlɩ zɩ-a, sa sɛ julu-a, ɔ-ɔ -ma lesikpï -yɛ -gɔgɔgbɩ 'sɔ 'klʋ, 'n ɔ nylanɩ-ɛ -ma, 'n ɔ 'klanɩ-a ɔjɩ tɩkpaku. 6Zezwi namö -ma 'yu, ɔ yɩlɩɔ-a, ɔ 'libhï-a sɛcɛ 'wʋ, 'n ɔ jio-a 'wʋ mö, 'n ɔ ji-e -bha ɔ dlɩ'ɩ -kokomunigbö glu 'pa. 7'N ɔ ji-a 'mö 'kpö, ɔ nɛ: “-Lagɔ -ʋ -wʋ -ma -Lagɔtapɛ'ɛɛ 'Gu Zezwi, 'manɩ -n ji'i bhe nʋɔ 'nɩ? N -bhiamö yawʋ, -Lagɔɔ 'nglɩ 'mö, -n 'na-a la'a yʋlɔyʋlʋɛ -gömö -nɩ.” 8-Wʋʋ yɛ ɔ 'kpö-ö -sɩbha 'mö, 'jinylozuzuko -a -wʋɔ la-a -gömö 'ma Zezwi 'nyɛ-a 'dɩ naa, a 'bhö-öɔ -gömö. 9'N Zezwi jia-a ngli 'jɩbha naa: “Slɛ -na 'nglɩ 'nɩ?” A nɛ: “Na nglɩ -yɛ-a -zunɔ, -wʋʋ yɛ-a, -aa -bebe -bha.” 10'N a ji-a Zezwi yawʋ bhia naa, ɔ 'na-a kpëtiɩ -ma dʋdʋ la'a -gömö -nɩ.
11-Bhaa yawʋ, -gɔgɔgbʋ -bhlʋ 'klʋ, kokotiaa -zakpa-a la -bha 'wʋ li 'le. 12'Jinylozuzuku -ɩ -wʋ la-a nɩkpɛ la'a -gömö, 'n ɩ ji-a Zezwi -bɛlɩ 'pa, ɩ nɛ: “-A -bhiamö yawʋ, -n -kaya kpëti, -tatiya 'ji -a 'yɛ -ma kokotia -la 'mö pla.” 13'N Zezwi jiɩ-a 'wʋ nglu, ɩ 'bhö-a nɩkpɛ la'a -gömö 'n ɩ ji-e -ma kokotia 'mö pla. Ɩ plɩ-a 'mö tɔngʋ, 'n kokotia la'a ji-a gbugblonʋ, ɩ-ɩ gua 'le 'n ɩ ji-e -ma -gɔgɔgbʋ 'klʋ 'bhö-ö, 'n ɩ ji-e -ma gïnyi 'mö bhlinɩ. 'Mɩ kokotia la'aa 'wli sɔ la-a -sɩbha. 'N 'nyi ji-a ɩ 'bhuo 'lɩbha. 14Ɩ ngokʋngwa yɩlɩ-a -ɩ la'a, 'n wa ji-a fito, 'n wa ji-a de 'bhuo 'dɩ kwa, -ma glɔ'ɔ -yɛ -gligbï'ï 'sɔ -ma wa kwa-a -sɩbha 'dɩ. Nɩkpa 'nʋ-a -ɩ 'plɩ-a, 'n wa jiɩ-a yɩlɩ kwla'a ji. 15'N wa ji-e -bha Zezwi ghlɩ, nɩkpɛ ka la-a 'jinylozuzuku -gömö glɩ -bha ɔ yawʋ, ɔ ka -banɩ 'mö, ɔ 'wlu 'mö 'nanɩmanɩɔ 'ji. Wa yɩlɩɔ-a, 'n -kakö jua-a köbha. 16-Wa -wʋ la-a -bha 'n Zezwi ji-a nɩkpɛ la'a 'jinylozuzuku -gömö kpëti, 'n ɔ ji-a 'pʋ, 'bhë -ɩ ghlɩ-a kokotia, 'n wa ji-a ɩ 'tɩtɩ nɩkpa la'a -sanɩ. 17Wa 'nʋɩ-a, 'n wa 'bhuo ji-a Zezwi yawʋ bhia naa, ɔ 'bhö-ö -ma wa dʋdʋkpata -gömö. 18Zezwi-e -ma 'gɔlʋ 'mö -gbla 'le ɔ 'yɛ nimï möö yɛ, 'n nɩkpɛ -ɔ ɔ göpö la-a jio-a -bɛlɩ 'pa naa, ɔ -nyɔɔ 'sɔ 'yɛ mö. 19Zezwi 'nɩɩ-ɩ 'wʋ nglu, ɔ nɛ -bha ɔ de naa: “Mö 'ligbë'ë, -ma -na -kosu 'jie nɩkpaa 'bhɛyɩ, -ɩ la'a -ɩ Nyininyɔ -Lagɔ -nʋmö-a 'ji, sa ʋ 'pa-a -na de ngazɩdlɩ, 'n ʋ -jimö-a göpö -n 'kʋa -sanɩ.” 20'N nɩkpɛ ji-a mö. Dʋdʋ wa la-a Dekapɔlʋ -ʋ ka-a 'bhugugwlɩ kugbïa 'mö, 'n ɔ ji-e -ma -ɩ Zezwi nʋɔ-a 'jie 'dɩ bia. Nɩkpa la'a 'bhuo -wa 'nʋɩ-a, ngli-i mönʋa-a tenyi.
Zezwi yɛ -jɛlɩbhanglɔ göpö
21Zezwi -yɛ ɔ 'wʋbhlinɩngwa 'sɔ -gbla-a -ma 'gɔlʋ 'mö, -ma gïnyie kïkë -mabha -gömö, ma wa 'bhö-ö la-a, 'n wa ji-e -ma nimï mö. Wa nyini-e -ma, Zezwi 'nɩgbö -bha 'nyi ngo'o, 'n nɩkpaa -zakpa 'kada ji-e -bha ɔ yawʋ 'wlu 'titanɩ. 22Nɩkpɛ -bhlʋ wa la-a Zayilwisɩ, -ɔ glɩnɩ-a -Lagɔbuduo 'yuganɩngwaa gla'aa -bhlʋ, 'n ɔ ji-a ji. Ɔ yɩlɩ-a Zezwi, 'n ɔ ji-e -bha ɔ dlɩ'ɩ -kokomunigbö glu 'pa. 23'N ɔ jio-a yawʋ bhia naa, ɔ nglugwileyi -wʋ-a nyɔmʋ gulia 'le, ɔ ji ɔ 'kɔ cɛ -gömö zʋ ɔ 'yɛ 'pʋ. 24'N Zezwi jiɩ-a 'wʋ nglu, ɔ -yɛ nɩkpɛ la'a 'sɔ-ɔ -ma ɔ 'ligbë'ë mö 'le, 'n nɩkpaa -zakpa-a -ganɩɔ la-a jio-a 'mö nyɔnʋ.
25'Nglɔ -bhlʋ -wʋ la-a -ma -zakpa la'a 'mö, -jɛ -wʋɔ la-a 'lɩbha 'le, ɛ -sɔɔ 'ylʋbö kugbïa 'sɔ 'mö. 26Yʋlɔ 'le ɔ -wʋ la-a tenyi, ɔ -li 'bhuo 'mɩ ɔ 'nyɛ-a -dɔtʋlʋɩ 'ye wa 'kɔ göpöö yɛ, 'bhë ɔ'ɔ -lɛ 'pʋ. 'Mɩɛ 'bhë ɔ gu 'tamanɩ-a 'mö tenyi. 27Ɔ 'nʋ-a Zezwie 'dɩ, 'n ɔ ji-a ji, ɔ 'nyaka-a nɩkpaa -zakpa, ɔ ghlanɩ-ɛ -ma Zezwi nimï, 'n ɔ ji-a ɔ -bana cɛ zʋ. 28-Wʋʋ yɛ ɔ zʋa-a -sɩbha cɛ-ɛ, ɔ dlɩ zɔmö nɛ naa: “N -yɛ ɔ yakaluo 'fʋ cɛ zʋ, n ji 'pʋ.” 29Ɔ zʋa-a cɛ tɔngʋ, dlu -ʋ -wʋɔ la-a 'mö kwli 'le 'n ʋ ji-a 'nɩgbö. 'N ɔ 'bhë ji-a sɛ jɩblɩnɩ naa, ɔ nɩma yɛ 'mö nanɩmanɩ ɔ yɛ 'pʋ 'bhë. 30-Bha -gaganɩlɩ'ɩ 'n Zezwi ji-a sɛ jɩblɩnɩ naa, 'mötɛnɔ -ʋ -wʋɔ-a -gömö, ʋ yɛ nɩkpɛ -bhlʋ göpö 'bhë. Ɔ 'nɩgbö-a, 'n ɔ ji-a 'mö 'bhɩlɔ, ɔ nɛ naa: “A'a -mɔ zʋ-ɔ na yakalu cɛ 'nɩ?” 31Ɔ 'wʋbhlinɩngwa nɛ naa: “-Abhitɩbha, -n jɩnɩ-a 'mö la'a nɩkpa -bebe -wa -binɩmö-a 'wʋ, wa -wʋmö-a 'mö nyɔnʋ 'le 'bhë-ë, 'n -n nʋ-ɔ 'mö-a -ɔ zʋ'ʋ-a cɛ 'nɩɛ?” 32Wa gba-a sa'a 'bhë-ë, 'n Zezwi ji-a 'ji sɛ tli -ɔ zʋɔ-a cɛ ɔ 'kɔ yɩlɩɛ yɛ. 33'Nglɔɔ 'bhë -ji sɛ naa mɔ -bhaa yɛ, nganɔ 'lɩbhɔ -bha. Yawʋ -wʋɔ tɛlɩ 'le, 'n ɔ ji-e -bha Zezwi dlɩ'ɩ -kokomunigbö glu 'pa, sa ɩ 'plɩplɩnɩ-a 'mö 'n ɔ ji-a 'pʋ, 'n ɔ jio-a ɩ 'bhuo -sanɩ. 34Zezwi nɛ -bha ɔ de naa: “Na 'gu, -na -Lagɔɔ dlɩwʋkakʋ -kamö pua -na gu yɛ bhɩa 'bhë, sulu dlɩ yɛ -n 'yɛ mö.”
Zezwi yɛ gu -ɔ tlɩ la-a gala
35Zezwi kɩ sa'a ngli, -ma Zayilwisɩɛ 'ligbë'ë nɩkpa 'bhönɩ-ɛ -ma wa nɛ naa: “Zayilwisɩ, 'gu yɛ tlɩ 'bhë -n 'na-a yʋlʋa 'mö kpakpaswɩ'ɩ -Abhitɩbha -nɩ.” 36Wa gba-a -sɩbha Zezwi 'nʋɩ-a 'bhë, ɔ nɛ -bha Zayilwisɩɛ de naa: “-N 'na-a nimï dlɩ -nɩ, -ka -Lagɔ dlɩ 'wʋɔ 'nyize.” 37Nɩkpaa -zakpa -ganɩɔ la-a, 'n ɔ jia-a 'nɩgbanɩ. Ɔ 'wʋbhlinɩngwa gla'aa nɩkpa ta, Piɛlɩ-ɛ, Zakö-ö, Zaköö -dagu Za, 'mʋa ɔ 'libhï-a 'wʋ 'n ɔ -nyʋa ji-e -ma Zayilwisɩɛ 'ligbë'ë mö. 38Wa -yɛ Zayilwisɩ 'sɔ nyini-e -ma ɔ 'ligbë'ë, nɩkpaa -bebe su -bha, -mʋmʋa-a wi 'le, -mʋmʋa-a nyla 'le 'n wa jua-a -bha ghlɩ. 39Zezwi pla-a -ma 'ligbë'ë, 'n ɔ ji-a wa 'bhuo ngli 'jɩbha naa: “'Manɩɛ jɔ-ɔ 'mö-ö -sa 'nɩ? 'Manɩɛ yɛ a -wʋ-a wi 'le 'nɩ? 'Gu 'nɩ-ɛ tlɩ, ngɔmö 'le ɔ -wʋ -bha.” 40Ɔ gba-a sa'a, 'n wa jio-a nyanɩ. 'N ɔ ji-a wa 'bhuo 'pɩ 'pa. 'Guo -tɩbha -yɛ ɔ -da 'sɔ, ɔ 'wʋbhlinɩngwa ta köka, 'mʋa ɔ 'libhï-a 'wʋ, -buduköbhë -aa 'mö 'guo -gazɛ pö la-a, 'n ɔ -nyʋa ji-e -ma pla. 41Wa pla-a -ma, Zezwi köbha-a 'guo sɔ yɛ, ɔ nɛ: “Talita kumi!” Ɩ zɔmö-ö -yɛ-a naa: “Na 'gu, -sɔ 'wʋ!” 42-Bha -gaganɩlɩ'ɩ, 'gu -sɔ-a 'wʋ 'n ɔ ji-a namö. 'Ylʋbö kugbïa 'sɔ ɔ ka la -bha, -wa -wʋ la-a -bha wa yɩlɩ-a -ɩ la'a 'wʋ, ngli-i mönʋa-a tenyi. 43'N Zezwi jua-a 'yukwlie 'tɩtlɩ naa, wa'a -sanɩ ɩ 'dɩ nɩkpɛ 'lɩlɩlɩ -nɩ. Ɔ nɛ -bha 'guo -lowlengwaa de naa, wa 'nyɔ lili ɔ 'yɛ li.
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996