MALƖKÖÖ 'BƆGƲ 6
6
Zezwie 'bhɩa 'nɩɔ dlɩ 'wʋ -ka
1Zezwi 'bhö-ö -bha, 'n ɔ ji-e -ma ɔ 'bhɛyɩ Nazalɛtɩ mö, ɔ 'wʋbhlinɩngwa -ganɩɔ, 'n wa ji-a mö. 2-Gwlɛnɩzlɩ nyini-a, wa mö-ö -ma -Lagɔbudu'u-o, 'n ɔ ji-a nɩkpa -Lagɔwɛlɩ ngli 'pa. Nɩkpa la'a 'bhuo -wa pönɩɔ-a 'yukwli ngli-i mönʋa -bha. 'N wa 'jɩbhajɩbhanɩ-a ngli naa: “-Woo-o! La ɔ -sa-a 'mö-ö -sa -nɩ -mɩ -la 'bhuo 'nɩ? La ɔ -sa-a gbajinɔ -la 'nɩ? Bhatɩ ɔ -wʋ-ɔ -la -sa nɛ nʋ 'le, -mɔ 'nyɔ 'mö-a -nɩ ɩ 'mötɛnɔ 'nɩ? 3Malie nyɩbhɛlʋgu, switɛlɩnyɔ la'a mɔ-ɔ 'nɩ-ɛ -la -wʋ 'nɩ-ɩ? Zakö-ö, Zozɩ, Zwidɩ, 'bhë Simo, mʋa 'nɩ-ɛ bhe ɔ -dagwie? -A -tɔnʋ ɔ -dagwienglugwie-e ma'a -aa gbë la'a 'mö?” -Ɩ la'aa yɛ wa'a la Zezwi dlɩ 'wʋ -ka. 4Ɩ yɛ Zezwi gba-a sa'a wa de naa: “-Lagɔɔ 'mögbanɩnyɔ, 'kɔmʋʋ -ma kaböbhɛyɩ ɔ wɛlɩ 'wɔlʋnʋ-a 'wʋ. -Ma ɔ 'bhëë 'bhiglɔ'ɔ, ɔ -lowlengwa -yɛ ɔ -kosu 'jie nɩkpa 'sɔ gla'a, ɔ wɛlɩ 'nɩ -ma 'wʋ 'wɔlʋnʋ.” 5Ɔ'ɔ -lɛ -ma bhatɩɛ -bɛ nɛ nʋnʋ, 'n ɛ nɩ guzungwaa 'jaja glɩnɩ, 'mʋa ɔ zʋ-a cɛ -gömö 'n ɔ jua-a göpö. 6Sa wa 'nɩɔ-a dlɩ 'wʋ -kaa yɛ ngli-i mönɔ -bha. Ɔ 'bhö-ö -ma ɔ 'bhiglɔ'ɔ, -ma yawʋɔ 'gbï 'mö, 'n ɔ ji-e -ma -Lagɔwɛlɩ ngli -pa kwla'a mö.
Zezwi yɛ ɔ 'wʋbhlinɩngwa kugbïa 'sɔ -kpɔ tia
7Zezwi wɔzɩ-a ɔ 'wʋbhlinɩngwa kugbïa 'sɔ -kpɔ, 'n ɔ jua-a 'sɔ 'sɔ 'sɔ tia, 'n ɔ jua-a 'gba 'nyɛ, wa 'yɛ 'jinylozuzuku kpëtie yɛ. 8'N ɔ jua-a 'dɩ 'mö zʋ naa: “A -yɛ mö 'le -wʋ-ɔ, a 'na-a -su 'yuogblʋbhlilu -nɩ, 'n ɛ nɩ cɛɛkapeyie 'nyize glɩnɩ. A 'na-a -su lili -nɩ, a 'na-a -su -kputu -nɩ, a 'na-a -su mëni -nɩ. 9A -ka -gbabɔ bhʋ'ʋ, 'bhë a 'na-a -su -banɩ 'sɔ 'sɔ -nɩ.” 10Ɔ nɛ 'yɛ -bha wa de naa: “A -yɛ mö, -glɔ -mʋɔ -gömö a -yɛ nyini, -maa nɩkpa kaya 'wʋ nglu, 'ligbë -aa 'wʋ wa 'paya-a, a glɩ -bhaa 'nyize yɛ, a mömöde -yɛ nyini 'bhë a 'yɛ mö. 11A -yɛ -ma -glɔ -mʋmʋɔ -gömö nyini-e, -maa nɩkpa nɩya 'wʋ nglu, wa nɩya 'yukwli pönɩ-ɛ, a 'plɩ. A -yɛ möö ji-e, a gbɔtɔ a kpli yawʋɔ bhuku. -Bhaa do'o, -ma -glɔ la'a 'möö nɩkpa ji sɛ jɩblɩnɩ naa, wa -yɛ -Lagɔ 'sɔɔ nyɩdɩɛ wɛlɩ-a 'mö -bha.” 12-Sɩbha Zezwi zʋ-a ɔ 'wʋbhlinɩngwa kugbïa 'sɔ 'dɩ 'mö 'n wa ji-a de 'bhuo nɩkpa 'dɩ -nyɛ kwla'a mö naa: “A ligba a 'yɛ a 'jinyloli cɛ 'mö -sa.” 13Wa mö-a, 'n wa ji-a nɩkpaa -bɛ 'jinylozuzuku -gömö kpëti. 'N wa ji 'yɛ-a guzungwaa -bɛ 'kpö 'wliyawʋ tli, 'n wa jua-a göpö.
Dʋdʋnyininyɔ Elodɩ yɛ Zezwie -gbʋ gba
14'Ylɩ -bhlʋ, 'n dʋdʋnyininyɔ Elodɩ ji-a Zezwie 'dɩ 'nʋ. -Wʋʋ yɛ-a, ɔ 'nglɩ mö ɩ mö la -bha, 'n ɩ ji-a -gwlɩ 'bhuo 'ji bhɩa. Wa nɛ naa: “Za Badizɩ -ɔ tlɩ la-a, mɔ-ɔ 'wlʋ-a 'kudungwa 'gba 'mö. Wʋ yɛ ɔ ka-a 'gba 'n ɔ -wʋ-a bhatɩ nɛ nʋ 'le.” 15-Mʋmʋa nɛ naa: “-Lagɔɔ 'mögbanɩnyɔ Eli -bha.” -Mʋmʋa nɛ 'yɛ naa: “-Lagɔɔ 'mögbanɩngwaa swɩ'ɩɛ nɩkpɛ -bhlʋ -bha.” 16Wa -wɩɩ sa'a gba 'le, dʋdʋnyininyɔ Elodɩ 'nʋɩ-a, ɔ nɛ: “Za Badizɩ n nʋ la-a wa -dɩ 'wlu 'wʋ 'n wa jio-a 'wlu 'wʋ -dɩ-ɛ, mɔ-ɔ 'wlʋ-a glu.”
Sa Za Badizɩ tlɩtlɩnɩ-a 'mö
17-20Za Badizɩ 'nɩ-ɛ 'loloswɩ'ɩ tlɩ, wɛlɩ -wʋ la-a -bha. 'Ylɩ -bhlʋ, Elodɩ -sa-a ɔjɩɛ -dagu Filipö 'nglɔ yawʋ. Nglɔ la'a 'mɔ wa la-a Elodiadɩ. 'N Za Badizɩ gba-a ɔ de 'kɔmʋʋ naa: “-Nn -lɛ bhɛlɩ -n 'yɛ -na -daguo 'nglɔ kwa, -ɩ -n nʋ-ɔ la'a gba -n -sa -bha.” Za Badizɩ -yɛ sa'a gba-a, 'kalɛ ɩ palɩ-a 'nglɔ 'mlɩ tenyi. Ɔ yɛ Elodɩ nʋ-a wa köbha Za Badizɩ wa 'kɔ -die 'mö 'pa, 'n wa jio-o -ma 'pa. Ɔ -ji 'yɛ sɛ naa, -Lagɔnɩkpɛ -ɔ nanɩ-a -Lagɔ dlɩ yawʋ 'mɔ Za Badizɩ glɩnɩ -bhaa yɛ, ɔ nganɔ ɔ ka la-a -gömö. Wʋ yɛ, 'n ɔ gwɩɔ-a 'wʋ. Za Badizɩ -yɛ ɔ de -Lagɔwɛlɩ gba-a, ɔ dlɩ ɩ nʋ-a libho yawʋ, ɩ yɛ ɔ 'jɩbha la 'kɔmʋʋ ɔ 'kɔ 'yukwli pönɩ. 'Nglɔɔ -nɩ-ɛ, Za Badizɩɛ 'kalɛ ɔ ka-a 'mlɩɛ yɛ ɔ 'jɩbha wa 'kɔ la 'lɩbha 'bhë-ë, ɔ 'luwlie yɛ ɔ'ɔ la bhɛlɩ ɔ 'kɔ -lu nʋ.
Wa yɛ Za Badizɩ 'wlu 'wʋ -dɩ
21'Ylɩ -bhlʋ, 'n nglɔ la'aa 'möjʋazlɩ ji-a zɩ. Elodɩɛ gwalɩzlɩɛ 'wʋbhlizlɩ la-a -sɩbha, 'mɛ zlɩ la'a 'mö, 'n Elodɩ ji-e -ma ɔ nyininyinigwlɩ -gömöö nɩkpa 'kadɩ 'bhuo wɔzɩ, ɔ -nyʋa 'sɔ 'yɛ debhlʋ linɩɛ yɛ. Ɔ 'jiwʋngwa 'kadɩ-ɛ, 'slʋjaa 'bhitɩbhangwa -yɛ -ma Galilee -gwlɩ yawʋɔ 'nglɩmöngwa 'sɔ, 'mʋa ɔ wɔzɩ-ɛ -sɩbha. 22Wa-a li 'le, 'n Elodiadɩɛ nglugu ji-e -ma -budu'u pla, 'n ɔ ji-a jɩ. 'N ɔ jɩjɩbhʋ ji-a Elodɩ -yɛ ɔ lowlunɩkpa 'sɔ dlɩ 'mlɩ -sa. Elodɩ wɔzɩɔ-a, ɔ nɛ -bha ɔ de naa: “'Manɩɛ bhë -n -yɛ 'jɩbha -jɩbhanɩmʋ'ʋ, n -jimʋ 'nyɛ.” 23'N ɔ jio-a cɛ zlugonʋ naa: “'Manɩluo bhë -n ka'a 'jɩbhanɩ, n -jimʋ 'ye 'nyɛ. Ɛ ji na nyininyinigwlɩɛ 'bhïë 'köbhë glɩnɩ, n -jimöa 'ye 'nyɛ.” 24'N nglugu ji-e -ma -budu'u 'wlʋ, 'n ɔ ji-a ɔ -da ngli -jɩbha kwla'a mö. Ɔ nɛ: “'Nyia, dʋdʋnyininyɔ nɛ 'manɩluo 'bhë n -kɔɔ 'jɩbhanɩ ɔ -jimʋ'ʋ 'nyɛ, ɩ yɛ 'manɩlu n jio-a 'jɩbhanɩɛ 'nɩ?” -Da nɛ naa: “-N -yɛ mö 'jɩbhanɩɔ Za Badizɩɛ 'wlukple.” 25Ɔ ka sɛcɛ 'ji, 'n ɔ ji-e -ma -budu'u nimï mö, ɔ ghlɩ-ɛ -ma Elodɩ-ɛ, ɔ nɛ naa: “N 'jɩbha -n 'yɛ -sɩka'a Za Badizɩɛ 'wlukple -ma 'bëë 'mö sɛ palɩ -n -kamö'öa 'ye 'nyɛ.” 26Nglugu gba-a sa'a, 'n 'kalɛ ji-a Elodɩ dlɩ zɔmö bhlinɩ. Ɔ yɛ la -bha ɔ lowlunɩkpa 'ji 'klʋ zlugonʋ 'bhëë yɛ, ɔ'ɔ la-a 'mö 'jɩbha ɔ 'yɛ -bha ɔ wɛlɩ -sa. 27'N ɔ ji-a -bha -gaganɩlɩ'ɩ ɔ 'slʋjeyi -bhlʋ tia naa, ɔ mö -ma -diebudu'u ɔ 'yɛ Za Badizɩ 'wlu 'wʋ -dɩ, ɔ -yɛ ɔ 'wlukple 'yɛ ji. 28'Slʋjeyi mö-a, ɔ -dɩ-a Za Badizɩ 'wlu 'wʋ, ɔ -su ɔ 'wlukple -ma 'bëë 'mö, 'n ɔ -nyaa ji-a ji. Ɔ 'nyɛ-a nglugu 'ye, 'n nglugu jia-a ɔ -da kwa. 29Za Badizɩɛ 'wʋbhlinɩngwa 'nʋ-a ɔ tlɩtlɩdɩ-ɛ, 'n wa ji-a ɔ -gazɛ 'ye mö, 'n wa jiɛ-a zʋ.
Ma Zezwi tia la-a ɔ tiatiangwa wa yɛ -ma 'bhö-ö
30'Ylɩ -bhlʋ, ma Zezwi tia la-a ɔ tiatiangwa wa 'bhö-ö -ma, 'n wa ji-a ji, -ɩ la'a 'bhuo wa nʋ-ɔ -ma, 'n wa jio-a ɩ 'dɩ -sanɩ. 31Wa bhɩa-a 'ji, Zezwi nɛ: “A ji -a 'yɛ yawʋdobhle -bhlʋ 'klʋ mö, a 'yɛ 'kikie 'wʋ nyɛpɛ.” -Wʋʋ yɛ ɔ gba-a -sɩbha, -bha ɔ yawʋɔ jijingwa -yɛ mömöngwa 'sɔ -zu wa -zu -bhaa yɛ, ɔ -yɛ ɔ 'wʋbhlinɩngwa 'sɔ 'nɩ la cɛ'ɛ -wlonʋ wa 'yɛ lie 'bhëë 'fʋ. 32'N wa ji-a 'gɔlʋ 'mö -gbla, wa 'yɛ -ma yawʋdobhle la'a 'klʋ möö yɛ. 33Wa -wʋ-a mö 'le nɩkpaa -bɛ yɩlʋa-a, 'n wa jio-a jɩblɩnɩ. -Ma -gwlɩ 'bhuo -gömö, 'n nɩkpa ji-e -ma 'bhönɩ, wa-a 'pulo 'le 'n wa ji-a Zezwi -yɛ ɔ tiatiangwa 'sɔ 'yu 'plɩnɩ, ma wa -wʋ la-a mö 'le 'n wa jua-a -ma -kʋnʋ kwla'a mö. 34'Gɔlʋ sɩbha-a 'nyie 'kïkë ngo Zezwi 'sibhë-a yɛ, nɩkpaa -zakpaa 'kada glɩ -bha 'nyi ngo'o. Ɔ yɩlʋa-a, wa 'bɩ 'mö ngazɩ 'lɩbhɔ-a tenyi. -Wʋʋ yɛ-a, wa -bhlee wlia -mɩ 'nɩ ngokʋnyɔ -ka mɩ-ɩ. 'N ɔ jua-a -Lagɔwɛlɩɛ -bɛ ngli 'pa.
Zezwi yɛ nɩkpaa 'wli -ngbï lili 'nyɛ
35Zlɩ-ɩ -wʋ la 'mö-a flanɩ 'lee yɛ, 'n Zezwie 'wʋbhlinɩngwa jio-a yawʋ nyini, wa nɛ -bha ɔ de: “-Abhitɩbha, yawʋdobhle klʋ -a glɩ-ɛ la'a, 'bhë zlɩ -wʋ-ɔ la'a flanɩ 'le. 36'Nyɛ nɩkpa 'dɩ, wa 'yɛ 'wʋ -sɔ, wa 'yɛ la'a yawʋɔ 'gbï -yɛ -gligbï 'sɔɔ 'mö mö, wa 'yɛ lili pɩa wa 'yɛ li.” 37Wa gba-a -sɩbha Zezwi nɛ naa: “A 'bhï a 'nyʋa lili wa 'yɛ li.” Wa nɛ: “-N -yɛ nʋ wa 'bhuo wa 'yɛ li nʋ-ɔ, mënie 'wlie gwlɩ kugbïaa 'fʋlo -a ji-a pɩaa.” 38Ɔ nɛ naa: “'Fʋloku ya a -su-a 'nɩ? A mö a 'yɛ ngli 'jɩbhajɩbhanɩ.” 'N wa ji-a mö, wa ji-a nimï wa nɛ: “-A -su 'fʋloku -ngbï zibhï ja 'sɔ.” 39'N ɔ jua-a 'dɩ 'nyɛ naa, wa gba nɩkpaa de, wa 'yɛ -bha -putuko -gömö -zakpö -zakpö 'mö sɛ glɩ-ɩ. 40'N nɩkpa ji-a gwlɩ -ngbï -ngbï -yɛ gwlɩ 'sɔ kugbïa kugbïaa -zakpö 'mö sɛ glɩ-ɩ. 41Zezwi 'libhï-a 'fʋloku la'a -ngbï -yɛ zibhï ja 'sɔ la'a 'wʋ-ɔ, ɔ yɩlɩ-a ghayɩ, 'n ɔ ji-a ɩ yɛ -Lagɔ bhalɩ, ɔ -dɩdɩnɩ-a 'fʋloku la'a 'mö, 'n ɔ jiɩ-a ɔ 'wʋbhlinɩngwa 'ye 'nyɛ, wa 'kɩ nɩkpa cɛ dlinɩɛ yɛ. 'N ɔ ji 'yɛ-a wa 'bhuo zibhï ja 'sɔ -kpɔ cɛ dlinɩ. 42Nɩkpa 'bhuo li-a, lʋ wa lʋ -bha. 'N lili -mɩmɩ ji-a 'wʋ tʋ-ʋ. 43'Fʋlokukïbhï -yɛ zibhï 'sɔ -ɩ tʋ-a 'wʋ, wa 'libhiɩ-a, ɩ yena -köka kugbïa 'sɔ. 44Nɩkpa la'a -wa li-a 'mɩ lili, wa gla'aa nyɩbhɛlɩɛ 'bhïë 'nyize nyini nɩkpaa 'wli -ngbï.
Zezwi yɛ -bha 'nyi 'klʋ namönɩ
45Wa 'bhö-a lilide, 'n Zezwi ji-a ɔ 'wʋbhlinɩngwa 'dɩ 'nyɛ naa, wa -gbla 'gɔlʋ 'mö wa 'yɛ -ma 'nyie kïkë -mabha -gömöö -glɔ wa la-a Bɛtɩsayidaa 'jibhɛyɩ mö. Nɩkpa -wa su-o -bha -yɛ mö 'bhë, ɔ 'kʋa -ma ghlɩ. 46'Mʋa nɩkpa, ɔ -sʋa-a ngo -gömö wa mö-a 'bhë-ë, 'n ɔ ji-e -ma -gɔgɔgbʋ -bhlʋ 'klʋ mö, ɔ 'yɛ -Lagɔ -bɛlɩ 'paa yɛ. 47Sɛ mö-a julu-o, kïkë -aa -gömö wa tɩ la-a Zezwi, ɔ -bhlʋ glɩ -bhla -ma, 'n ɔ 'wʋbhlinɩngwa -yɛ 'gɔlʋ ji-e -ma 'nyi nyɩdɩ nyini. 48Nyɔmʋ -wʋ la-a 'pa 'lee yɛ, wa 'gɔlʋ 'nɩ 'bhö-ö -gbawʋ, 'n wa ji-a -pakayɩpapɩɛ 'wʋ yʋlɔ. Zlɩ ngo'o Zezwi yɩlʋa-a, ɔ-ɔ -bha 'nyi 'klʋ namönɩ 'le 'n ɔ jua-a 'wʋ mö. Ɔ nyini-e -bha wa yawʋ-ɔ, 'plɩplɩswɩ'ɩ ɔ ka la -bha. 49Wa yɩlɩɔ-ɔ -bha 'nyi 'klʋɔ namönɩlɩ'ɩ-ɛ, wa -tɔnʋɔ 'kuë, 'n wa ji-a 'mö 'kpö. 50-Wʋʋ yɛ-a, wa 'bhuo yɩlɩɔ-a nganɔ 'lɩbhʋa -bha. Wa'a la wajɩ 'mö -nganɩ. 'N Zezwi ji-a gbʋ -dɩ, ɔ nɛ: “A sulu dlɩ yɛ, -amö -bha, a 'na-a nganɩ -nɩ.” 51Ɔ -gbla-a -ma 'gɔlʋ 'mö, 'n nyɔmʋ ji-a 'wʋ donʋ. 'N ngli jua-a möna. 52-Wʋʋ yɛ-a, wa dlɩaa 'mötunʋ yɛ sa Zezwi 'nyɛnyɛnɩ-a nɩkpaa -bebe lili 'mö wa 'nɩɩ-ɩ la 'mö 'nʋ.
-Glɔ wa la-a Zenezalɛtɩ, Zezwi yɛ -maa guzungwa göpö
53Zezwi -yɛ ɔ 'wʋbhlinɩngwa 'sɔ -dɩ-a 'nyi 'mö, -glɔ wa la-a Zenezalɛtɩ wa sɩbhʋ-a ngo-o, 'n wa ji-a 'gɔlʋ 'nɩgbanɩ. 54Wa 'wlʋ-ɔ -ma 'gɔlʋ 'mö tɔngʋ, 'n nɩkpa ji-a Zezwi jɩblɩnɩ. 55'N wa ji-e -ma yawʋɔ -gwlɩ -gömö 'dɩ kwa. Nɩkpa -su guzungwa -gbatia 'wʋ, la wa -yɛ 'nʋ naa ɔ -wʋ, 'n wa kwʋa-a -bha. 56De 'bhuo la Zezwi 'plɩnɩ-a, -ma -gligbï'ï, -ma -gwlɩ 'kikie -yɛ -gwlɩ 'kadɩ 'sɔɔ 'mö, -bha -glodu'u nɩkpa zʋ-a wa guzungwa yɛ, 'n wa pɔ-a -bɛlɩ naa, ɔ 'tatua 'ji wa 'yɛ ɔ -banaa kle 'fʋ cɛ zʋ. -Wa la'a 'bhuo -wa zʋa-a cɛ, 'pʋ wa 'pʋ -bha.
Seçili Olanlar:
MALƖKÖÖ 'BƆGƲ 6: BNT96
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996
MALƖKÖÖ 'BƆGƲ 6
6
Zezwie 'bhɩa 'nɩɔ dlɩ 'wʋ -ka
1Zezwi 'bhö-ö -bha, 'n ɔ ji-e -ma ɔ 'bhɛyɩ Nazalɛtɩ mö, ɔ 'wʋbhlinɩngwa -ganɩɔ, 'n wa ji-a mö. 2-Gwlɛnɩzlɩ nyini-a, wa mö-ö -ma -Lagɔbudu'u-o, 'n ɔ ji-a nɩkpa -Lagɔwɛlɩ ngli 'pa. Nɩkpa la'a 'bhuo -wa pönɩɔ-a 'yukwli ngli-i mönʋa -bha. 'N wa 'jɩbhajɩbhanɩ-a ngli naa: “-Woo-o! La ɔ -sa-a 'mö-ö -sa -nɩ -mɩ -la 'bhuo 'nɩ? La ɔ -sa-a gbajinɔ -la 'nɩ? Bhatɩ ɔ -wʋ-ɔ -la -sa nɛ nʋ 'le, -mɔ 'nyɔ 'mö-a -nɩ ɩ 'mötɛnɔ 'nɩ? 3Malie nyɩbhɛlʋgu, switɛlɩnyɔ la'a mɔ-ɔ 'nɩ-ɛ -la -wʋ 'nɩ-ɩ? Zakö-ö, Zozɩ, Zwidɩ, 'bhë Simo, mʋa 'nɩ-ɛ bhe ɔ -dagwie? -A -tɔnʋ ɔ -dagwienglugwie-e ma'a -aa gbë la'a 'mö?” -Ɩ la'aa yɛ wa'a la Zezwi dlɩ 'wʋ -ka. 4Ɩ yɛ Zezwi gba-a sa'a wa de naa: “-Lagɔɔ 'mögbanɩnyɔ, 'kɔmʋʋ -ma kaböbhɛyɩ ɔ wɛlɩ 'wɔlʋnʋ-a 'wʋ. -Ma ɔ 'bhëë 'bhiglɔ'ɔ, ɔ -lowlengwa -yɛ ɔ -kosu 'jie nɩkpa 'sɔ gla'a, ɔ wɛlɩ 'nɩ -ma 'wʋ 'wɔlʋnʋ.” 5Ɔ'ɔ -lɛ -ma bhatɩɛ -bɛ nɛ nʋnʋ, 'n ɛ nɩ guzungwaa 'jaja glɩnɩ, 'mʋa ɔ zʋ-a cɛ -gömö 'n ɔ jua-a göpö. 6Sa wa 'nɩɔ-a dlɩ 'wʋ -kaa yɛ ngli-i mönɔ -bha. Ɔ 'bhö-ö -ma ɔ 'bhiglɔ'ɔ, -ma yawʋɔ 'gbï 'mö, 'n ɔ ji-e -ma -Lagɔwɛlɩ ngli -pa kwla'a mö.
Zezwi yɛ ɔ 'wʋbhlinɩngwa kugbïa 'sɔ -kpɔ tia
7Zezwi wɔzɩ-a ɔ 'wʋbhlinɩngwa kugbïa 'sɔ -kpɔ, 'n ɔ jua-a 'sɔ 'sɔ 'sɔ tia, 'n ɔ jua-a 'gba 'nyɛ, wa 'yɛ 'jinylozuzuku kpëtie yɛ. 8'N ɔ jua-a 'dɩ 'mö zʋ naa: “A -yɛ mö 'le -wʋ-ɔ, a 'na-a -su 'yuogblʋbhlilu -nɩ, 'n ɛ nɩ cɛɛkapeyie 'nyize glɩnɩ. A 'na-a -su lili -nɩ, a 'na-a -su -kputu -nɩ, a 'na-a -su mëni -nɩ. 9A -ka -gbabɔ bhʋ'ʋ, 'bhë a 'na-a -su -banɩ 'sɔ 'sɔ -nɩ.” 10Ɔ nɛ 'yɛ -bha wa de naa: “A -yɛ mö, -glɔ -mʋɔ -gömö a -yɛ nyini, -maa nɩkpa kaya 'wʋ nglu, 'ligbë -aa 'wʋ wa 'paya-a, a glɩ -bhaa 'nyize yɛ, a mömöde -yɛ nyini 'bhë a 'yɛ mö. 11A -yɛ -ma -glɔ -mʋmʋɔ -gömö nyini-e, -maa nɩkpa nɩya 'wʋ nglu, wa nɩya 'yukwli pönɩ-ɛ, a 'plɩ. A -yɛ möö ji-e, a gbɔtɔ a kpli yawʋɔ bhuku. -Bhaa do'o, -ma -glɔ la'a 'möö nɩkpa ji sɛ jɩblɩnɩ naa, wa -yɛ -Lagɔ 'sɔɔ nyɩdɩɛ wɛlɩ-a 'mö -bha.” 12-Sɩbha Zezwi zʋ-a ɔ 'wʋbhlinɩngwa kugbïa 'sɔ 'dɩ 'mö 'n wa ji-a de 'bhuo nɩkpa 'dɩ -nyɛ kwla'a mö naa: “A ligba a 'yɛ a 'jinyloli cɛ 'mö -sa.” 13Wa mö-a, 'n wa ji-a nɩkpaa -bɛ 'jinylozuzuku -gömö kpëti. 'N wa ji 'yɛ-a guzungwaa -bɛ 'kpö 'wliyawʋ tli, 'n wa jua-a göpö.
Dʋdʋnyininyɔ Elodɩ yɛ Zezwie -gbʋ gba
14'Ylɩ -bhlʋ, 'n dʋdʋnyininyɔ Elodɩ ji-a Zezwie 'dɩ 'nʋ. -Wʋʋ yɛ-a, ɔ 'nglɩ mö ɩ mö la -bha, 'n ɩ ji-a -gwlɩ 'bhuo 'ji bhɩa. Wa nɛ naa: “Za Badizɩ -ɔ tlɩ la-a, mɔ-ɔ 'wlʋ-a 'kudungwa 'gba 'mö. Wʋ yɛ ɔ ka-a 'gba 'n ɔ -wʋ-a bhatɩ nɛ nʋ 'le.” 15-Mʋmʋa nɛ naa: “-Lagɔɔ 'mögbanɩnyɔ Eli -bha.” -Mʋmʋa nɛ 'yɛ naa: “-Lagɔɔ 'mögbanɩngwaa swɩ'ɩɛ nɩkpɛ -bhlʋ -bha.” 16Wa -wɩɩ sa'a gba 'le, dʋdʋnyininyɔ Elodɩ 'nʋɩ-a, ɔ nɛ: “Za Badizɩ n nʋ la-a wa -dɩ 'wlu 'wʋ 'n wa jio-a 'wlu 'wʋ -dɩ-ɛ, mɔ-ɔ 'wlʋ-a glu.”
Sa Za Badizɩ tlɩtlɩnɩ-a 'mö
17-20Za Badizɩ 'nɩ-ɛ 'loloswɩ'ɩ tlɩ, wɛlɩ -wʋ la-a -bha. 'Ylɩ -bhlʋ, Elodɩ -sa-a ɔjɩɛ -dagu Filipö 'nglɔ yawʋ. Nglɔ la'a 'mɔ wa la-a Elodiadɩ. 'N Za Badizɩ gba-a ɔ de 'kɔmʋʋ naa: “-Nn -lɛ bhɛlɩ -n 'yɛ -na -daguo 'nglɔ kwa, -ɩ -n nʋ-ɔ la'a gba -n -sa -bha.” Za Badizɩ -yɛ sa'a gba-a, 'kalɛ ɩ palɩ-a 'nglɔ 'mlɩ tenyi. Ɔ yɛ Elodɩ nʋ-a wa köbha Za Badizɩ wa 'kɔ -die 'mö 'pa, 'n wa jio-o -ma 'pa. Ɔ -ji 'yɛ sɛ naa, -Lagɔnɩkpɛ -ɔ nanɩ-a -Lagɔ dlɩ yawʋ 'mɔ Za Badizɩ glɩnɩ -bhaa yɛ, ɔ nganɔ ɔ ka la-a -gömö. Wʋ yɛ, 'n ɔ gwɩɔ-a 'wʋ. Za Badizɩ -yɛ ɔ de -Lagɔwɛlɩ gba-a, ɔ dlɩ ɩ nʋ-a libho yawʋ, ɩ yɛ ɔ 'jɩbha la 'kɔmʋʋ ɔ 'kɔ 'yukwli pönɩ. 'Nglɔɔ -nɩ-ɛ, Za Badizɩɛ 'kalɛ ɔ ka-a 'mlɩɛ yɛ ɔ 'jɩbha wa 'kɔ la 'lɩbha 'bhë-ë, ɔ 'luwlie yɛ ɔ'ɔ la bhɛlɩ ɔ 'kɔ -lu nʋ.
Wa yɛ Za Badizɩ 'wlu 'wʋ -dɩ
21'Ylɩ -bhlʋ, 'n nglɔ la'aa 'möjʋazlɩ ji-a zɩ. Elodɩɛ gwalɩzlɩɛ 'wʋbhlizlɩ la-a -sɩbha, 'mɛ zlɩ la'a 'mö, 'n Elodɩ ji-e -ma ɔ nyininyinigwlɩ -gömöö nɩkpa 'kadɩ 'bhuo wɔzɩ, ɔ -nyʋa 'sɔ 'yɛ debhlʋ linɩɛ yɛ. Ɔ 'jiwʋngwa 'kadɩ-ɛ, 'slʋjaa 'bhitɩbhangwa -yɛ -ma Galilee -gwlɩ yawʋɔ 'nglɩmöngwa 'sɔ, 'mʋa ɔ wɔzɩ-ɛ -sɩbha. 22Wa-a li 'le, 'n Elodiadɩɛ nglugu ji-e -ma -budu'u pla, 'n ɔ ji-a jɩ. 'N ɔ jɩjɩbhʋ ji-a Elodɩ -yɛ ɔ lowlunɩkpa 'sɔ dlɩ 'mlɩ -sa. Elodɩ wɔzɩɔ-a, ɔ nɛ -bha ɔ de naa: “'Manɩɛ bhë -n -yɛ 'jɩbha -jɩbhanɩmʋ'ʋ, n -jimʋ 'nyɛ.” 23'N ɔ jio-a cɛ zlugonʋ naa: “'Manɩluo bhë -n ka'a 'jɩbhanɩ, n -jimʋ 'ye 'nyɛ. Ɛ ji na nyininyinigwlɩɛ 'bhïë 'köbhë glɩnɩ, n -jimöa 'ye 'nyɛ.” 24'N nglugu ji-e -ma -budu'u 'wlʋ, 'n ɔ ji-a ɔ -da ngli -jɩbha kwla'a mö. Ɔ nɛ: “'Nyia, dʋdʋnyininyɔ nɛ 'manɩluo 'bhë n -kɔɔ 'jɩbhanɩ ɔ -jimʋ'ʋ 'nyɛ, ɩ yɛ 'manɩlu n jio-a 'jɩbhanɩɛ 'nɩ?” -Da nɛ naa: “-N -yɛ mö 'jɩbhanɩɔ Za Badizɩɛ 'wlukple.” 25Ɔ ka sɛcɛ 'ji, 'n ɔ ji-e -ma -budu'u nimï mö, ɔ ghlɩ-ɛ -ma Elodɩ-ɛ, ɔ nɛ naa: “N 'jɩbha -n 'yɛ -sɩka'a Za Badizɩɛ 'wlukple -ma 'bëë 'mö sɛ palɩ -n -kamö'öa 'ye 'nyɛ.” 26Nglugu gba-a sa'a, 'n 'kalɛ ji-a Elodɩ dlɩ zɔmö bhlinɩ. Ɔ yɛ la -bha ɔ lowlunɩkpa 'ji 'klʋ zlugonʋ 'bhëë yɛ, ɔ'ɔ la-a 'mö 'jɩbha ɔ 'yɛ -bha ɔ wɛlɩ -sa. 27'N ɔ ji-a -bha -gaganɩlɩ'ɩ ɔ 'slʋjeyi -bhlʋ tia naa, ɔ mö -ma -diebudu'u ɔ 'yɛ Za Badizɩ 'wlu 'wʋ -dɩ, ɔ -yɛ ɔ 'wlukple 'yɛ ji. 28'Slʋjeyi mö-a, ɔ -dɩ-a Za Badizɩ 'wlu 'wʋ, ɔ -su ɔ 'wlukple -ma 'bëë 'mö, 'n ɔ -nyaa ji-a ji. Ɔ 'nyɛ-a nglugu 'ye, 'n nglugu jia-a ɔ -da kwa. 29Za Badizɩɛ 'wʋbhlinɩngwa 'nʋ-a ɔ tlɩtlɩdɩ-ɛ, 'n wa ji-a ɔ -gazɛ 'ye mö, 'n wa jiɛ-a zʋ.
Ma Zezwi tia la-a ɔ tiatiangwa wa yɛ -ma 'bhö-ö
30'Ylɩ -bhlʋ, ma Zezwi tia la-a ɔ tiatiangwa wa 'bhö-ö -ma, 'n wa ji-a ji, -ɩ la'a 'bhuo wa nʋ-ɔ -ma, 'n wa jio-a ɩ 'dɩ -sanɩ. 31Wa bhɩa-a 'ji, Zezwi nɛ: “A ji -a 'yɛ yawʋdobhle -bhlʋ 'klʋ mö, a 'yɛ 'kikie 'wʋ nyɛpɛ.” -Wʋʋ yɛ ɔ gba-a -sɩbha, -bha ɔ yawʋɔ jijingwa -yɛ mömöngwa 'sɔ -zu wa -zu -bhaa yɛ, ɔ -yɛ ɔ 'wʋbhlinɩngwa 'sɔ 'nɩ la cɛ'ɛ -wlonʋ wa 'yɛ lie 'bhëë 'fʋ. 32'N wa ji-a 'gɔlʋ 'mö -gbla, wa 'yɛ -ma yawʋdobhle la'a 'klʋ möö yɛ. 33Wa -wʋ-a mö 'le nɩkpaa -bɛ yɩlʋa-a, 'n wa jio-a jɩblɩnɩ. -Ma -gwlɩ 'bhuo -gömö, 'n nɩkpa ji-e -ma 'bhönɩ, wa-a 'pulo 'le 'n wa ji-a Zezwi -yɛ ɔ tiatiangwa 'sɔ 'yu 'plɩnɩ, ma wa -wʋ la-a mö 'le 'n wa jua-a -ma -kʋnʋ kwla'a mö. 34'Gɔlʋ sɩbha-a 'nyie 'kïkë ngo Zezwi 'sibhë-a yɛ, nɩkpaa -zakpaa 'kada glɩ -bha 'nyi ngo'o. Ɔ yɩlʋa-a, wa 'bɩ 'mö ngazɩ 'lɩbhɔ-a tenyi. -Wʋʋ yɛ-a, wa -bhlee wlia -mɩ 'nɩ ngokʋnyɔ -ka mɩ-ɩ. 'N ɔ jua-a -Lagɔwɛlɩɛ -bɛ ngli 'pa.
Zezwi yɛ nɩkpaa 'wli -ngbï lili 'nyɛ
35Zlɩ-ɩ -wʋ la 'mö-a flanɩ 'lee yɛ, 'n Zezwie 'wʋbhlinɩngwa jio-a yawʋ nyini, wa nɛ -bha ɔ de: “-Abhitɩbha, yawʋdobhle klʋ -a glɩ-ɛ la'a, 'bhë zlɩ -wʋ-ɔ la'a flanɩ 'le. 36'Nyɛ nɩkpa 'dɩ, wa 'yɛ 'wʋ -sɔ, wa 'yɛ la'a yawʋɔ 'gbï -yɛ -gligbï 'sɔɔ 'mö mö, wa 'yɛ lili pɩa wa 'yɛ li.” 37Wa gba-a -sɩbha Zezwi nɛ naa: “A 'bhï a 'nyʋa lili wa 'yɛ li.” Wa nɛ: “-N -yɛ nʋ wa 'bhuo wa 'yɛ li nʋ-ɔ, mënie 'wlie gwlɩ kugbïaa 'fʋlo -a ji-a pɩaa.” 38Ɔ nɛ naa: “'Fʋloku ya a -su-a 'nɩ? A mö a 'yɛ ngli 'jɩbhajɩbhanɩ.” 'N wa ji-a mö, wa ji-a nimï wa nɛ: “-A -su 'fʋloku -ngbï zibhï ja 'sɔ.” 39'N ɔ jua-a 'dɩ 'nyɛ naa, wa gba nɩkpaa de, wa 'yɛ -bha -putuko -gömö -zakpö -zakpö 'mö sɛ glɩ-ɩ. 40'N nɩkpa ji-a gwlɩ -ngbï -ngbï -yɛ gwlɩ 'sɔ kugbïa kugbïaa -zakpö 'mö sɛ glɩ-ɩ. 41Zezwi 'libhï-a 'fʋloku la'a -ngbï -yɛ zibhï ja 'sɔ la'a 'wʋ-ɔ, ɔ yɩlɩ-a ghayɩ, 'n ɔ ji-a ɩ yɛ -Lagɔ bhalɩ, ɔ -dɩdɩnɩ-a 'fʋloku la'a 'mö, 'n ɔ jiɩ-a ɔ 'wʋbhlinɩngwa 'ye 'nyɛ, wa 'kɩ nɩkpa cɛ dlinɩɛ yɛ. 'N ɔ ji 'yɛ-a wa 'bhuo zibhï ja 'sɔ -kpɔ cɛ dlinɩ. 42Nɩkpa 'bhuo li-a, lʋ wa lʋ -bha. 'N lili -mɩmɩ ji-a 'wʋ tʋ-ʋ. 43'Fʋlokukïbhï -yɛ zibhï 'sɔ -ɩ tʋ-a 'wʋ, wa 'libhiɩ-a, ɩ yena -köka kugbïa 'sɔ. 44Nɩkpa la'a -wa li-a 'mɩ lili, wa gla'aa nyɩbhɛlɩɛ 'bhïë 'nyize nyini nɩkpaa 'wli -ngbï.
Zezwi yɛ -bha 'nyi 'klʋ namönɩ
45Wa 'bhö-a lilide, 'n Zezwi ji-a ɔ 'wʋbhlinɩngwa 'dɩ 'nyɛ naa, wa -gbla 'gɔlʋ 'mö wa 'yɛ -ma 'nyie kïkë -mabha -gömöö -glɔ wa la-a Bɛtɩsayidaa 'jibhɛyɩ mö. Nɩkpa -wa su-o -bha -yɛ mö 'bhë, ɔ 'kʋa -ma ghlɩ. 46'Mʋa nɩkpa, ɔ -sʋa-a ngo -gömö wa mö-a 'bhë-ë, 'n ɔ ji-e -ma -gɔgɔgbʋ -bhlʋ 'klʋ mö, ɔ 'yɛ -Lagɔ -bɛlɩ 'paa yɛ. 47Sɛ mö-a julu-o, kïkë -aa -gömö wa tɩ la-a Zezwi, ɔ -bhlʋ glɩ -bhla -ma, 'n ɔ 'wʋbhlinɩngwa -yɛ 'gɔlʋ ji-e -ma 'nyi nyɩdɩ nyini. 48Nyɔmʋ -wʋ la-a 'pa 'lee yɛ, wa 'gɔlʋ 'nɩ 'bhö-ö -gbawʋ, 'n wa ji-a -pakayɩpapɩɛ 'wʋ yʋlɔ. Zlɩ ngo'o Zezwi yɩlʋa-a, ɔ-ɔ -bha 'nyi 'klʋ namönɩ 'le 'n ɔ jua-a 'wʋ mö. Ɔ nyini-e -bha wa yawʋ-ɔ, 'plɩplɩswɩ'ɩ ɔ ka la -bha. 49Wa yɩlɩɔ-ɔ -bha 'nyi 'klʋɔ namönɩlɩ'ɩ-ɛ, wa -tɔnʋɔ 'kuë, 'n wa ji-a 'mö 'kpö. 50-Wʋʋ yɛ-a, wa 'bhuo yɩlɩɔ-a nganɔ 'lɩbhʋa -bha. Wa'a la wajɩ 'mö -nganɩ. 'N Zezwi ji-a gbʋ -dɩ, ɔ nɛ: “A sulu dlɩ yɛ, -amö -bha, a 'na-a nganɩ -nɩ.” 51Ɔ -gbla-a -ma 'gɔlʋ 'mö, 'n nyɔmʋ ji-a 'wʋ donʋ. 'N ngli jua-a möna. 52-Wʋʋ yɛ-a, wa dlɩaa 'mötunʋ yɛ sa Zezwi 'nyɛnyɛnɩ-a nɩkpaa -bebe lili 'mö wa 'nɩɩ-ɩ la 'mö 'nʋ.
-Glɔ wa la-a Zenezalɛtɩ, Zezwi yɛ -maa guzungwa göpö
53Zezwi -yɛ ɔ 'wʋbhlinɩngwa 'sɔ -dɩ-a 'nyi 'mö, -glɔ wa la-a Zenezalɛtɩ wa sɩbhʋ-a ngo-o, 'n wa ji-a 'gɔlʋ 'nɩgbanɩ. 54Wa 'wlʋ-ɔ -ma 'gɔlʋ 'mö tɔngʋ, 'n nɩkpa ji-a Zezwi jɩblɩnɩ. 55'N wa ji-e -ma yawʋɔ -gwlɩ -gömö 'dɩ kwa. Nɩkpa -su guzungwa -gbatia 'wʋ, la wa -yɛ 'nʋ naa ɔ -wʋ, 'n wa kwʋa-a -bha. 56De 'bhuo la Zezwi 'plɩnɩ-a, -ma -gligbï'ï, -ma -gwlɩ 'kikie -yɛ -gwlɩ 'kadɩ 'sɔɔ 'mö, -bha -glodu'u nɩkpa zʋ-a wa guzungwa yɛ, 'n wa pɔ-a -bɛlɩ naa, ɔ 'tatua 'ji wa 'yɛ ɔ -banaa kle 'fʋ cɛ zʋ. -Wa la'a 'bhuo -wa zʋa-a cɛ, 'pʋ wa 'pʋ -bha.
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996