MALƖKÖÖ 'BƆGƲ 8
8
Zezwi yɛ 'sɔdo'o nɩkpa -bebe lili 'nyɛ
1-Bhaa zlɩa -mɩmɩɛ 'mö, nɩkpa -bebe -wa 'titanɩ-ɛ -bha Zezwi yawʋ 'wlu 'sɔ wa'a lililu -kaa yɛ, 'n ɔ ji-a ɔ 'wʋbhlinɩngwa wɔzɩ, ɔ nɛ -bha wa de naa: 2“Nɩkpa -la ngazɩ'ɩ wa bhï'ï -bha, wa 'ylɩɛ ta-a la'a na yawʋ, 'bhë wa'a lililu -ka. 3N -yɛ nʋ wa -ka ngɔmʋ 'mlɩ wa 'yɛ wa 'bhigwlɩ'ɩ nimï mö nʋ-ɔ, -mʋmʋaa 'bhɛyɩ 'nɩ -köpaa yɛ, wa 'na 'yuogblʋ bhɛlɩ.” 4Wa nɛ naa: “-Abhitɩbha, yawʋdobhle klʋ -a glɩ-ɛ la'a, samɩ -a ji-e 'mö-a 'mö zʋzʋnʋɔ -a 'kʋa lilie 'nyɛ 'nɩ?” 5Ɔ nɛ: “'Fʋloku ya a -su-a nɩ?” Wa nɛ: “-A -su 'fʋloku -ngbisɔ.”
6Wa gba-a sa'a, 'n Zezwi ji-a nɩkpa 'bhuo 'dɩ 'nyɛ naa, wa glɩ -bha dʋdʋ'ʋ yɛ. Wa glɩ-a yɛ, 'n ɔ ji-a 'fʋloku la'a -ngbisɔ 'wʋ 'libhï, ɔ bhalɩ-a ɩ yɛ -Lagɔ, ɔ -dɩdɩnɩɩ-a 'mö, 'n ɔ jiɩ-a ɔ 'wʋbhlinɩngwa 'ye 'nyɛ, wa 'kɩ nɩkpa cɛ dlinɩɛ yɛ. 'N wa jua-a cɛ dlinɩ. 7Ɔ 'wʋbhlinɩngwa -su la 'yɛ zibhie -lɛ, 'n ɔ jiɩ-a 'wʋ 'libhï, ɔ bhalɩ-a ɩ yɛ -Lagɔ, 'n ɔ jiɩ-a ɔ 'wʋbhlinɩngwa 'ye 'nyɛ, wa 'kɩ 'yɛ nɩkpa cɛ dlinɩɛ yɛ. 8Wa li-a, 'n wa ji-a lʋ. 'Fʋlokukïbhï -yɛ zibhï sɔ -ɩ tʋ-a 'wʋ, ɔ 'wʋbhlinɩngwa 'libhiɩ-a, ɩ yena -köka -ngbisɔ. 9Nɩkpa -wa li-a lili la'a, wa nɩkpaa 'wli -mʋna. Wa bhɩa-a lilie 'ji 'bhë-ë, 'n Zezwi jua-a 'dɩ 'nyɛ naa wa mö wa 'bhigwlɩ'ɩ. 'N wa ji-a mö. 10Wa mö-a 'bhë, 'n Zezwi -yɛ ɔ 'wʋbhlinɩngwa 'sɔ ji-e -ma 'gɔlʋ 'mö -gbla, wa -dɩ-a 'nyi 'mö, dʋdʋ wa la-a Dalɩmanuta, 'n wa ji-e -ma ʋ -gömö mö.
Sa Zezwi gba-a falizɩɛ -wa 'jɩbha-a jɩblɩnaa de
11'Ylɩ -bhlʋ, falizɩɛ ghlɩ-ɛ -bha Zezwi, 'n wa -nyɔɔ 'sɔ ji-a kpɛnɩ. Wa 'kɔ 'mö jɩlaa yɛ, wa nɛ -bha ɔ de naa: Ɔ tuluanʋa jɩblɩna -a 'bhö-ö -ma -Lagɔ 'wʋ ji. 12Zezwi sulu-a nyɔmʋ, ɔ nɛ naa: “'Manɩɛ yɛ -sɩka'aa nɩkpa 'jɩbha bhe jɩblɩna 'nɩ? 'Dɩɛ -dɩ n nyɛya-a naa: -Sɩka'aa nɩkpa 'na jɩblɩna -bhlʋɔ 'bhë yɩlɩ.” 13Ɔ gba-a -sɩbha, 'n ɔ jua-a -bha tɩ. Ɔ -yɛ ɔ 'wʋbhlinɩngwa 'sɔ -gbla-a -ma 'gɔlʋ 'mö, 'n wa ji-e -ma 'nyie 'kïkë -mabhaa -gömö mö.
Zezwi yɛ 'zwiföaa 'kadɩɛ nglipalɩɛɛ 'ji palɩ
14Wa 'yɛ möö ji-e, 'fʋlo Zezwie 'wʋbhlinɩngwa dlʋnʋ-a 'wʋ, wa -su la 'fʋloko -bhlʋ 'tɩ -ma 'gɔlʋ 'mö. 15Wa-a -bha 'nyi 'klʋ, 'n Zezwi jua-a 'dɩ 'nyɛ naa: “A möna -bha Elodɩ -yɛ falizɩɛ 'sɔɔ 'fʋloplungakpɩɛ de 'mö.” 16Zezwi gba-a sa'a, ɔ 'wʋbhlinɩngwaa 'bhïë 'nyizee nyɩdɩ wa nɛ naa: “-Aa 'fʋlo -suo yɛ ɔ gba-a -sɩbha.” 17Zezwi jɩblɩnɩ-a sɛ-ɛ, 'n ɔ jua-a ngli 'jɩbha naa: “'Manɩɛ yɛ a pa-a dlɩ naa, a'a 'fʋlo -suo yɛ n gba-a -sɩbha 'nɩ? A'a -lɛ -bhla dlɩ sɛ jɩblɩnɩ, a'a -lɛ -bhla -lu 'mö 'nʋ 'nɩ-ɩ? 18'Mötunʋdlɩa a ka-a 'mlɩ 'nɩ-ɩ? 'Jie a ka-a 'wlumö n -tɔnʋ a 'yɛ la sɛ jɩnɩɛ yɛ, 'yukwlie a ka-a 'wlu, n -tɔnʋ a 'yɛ la 'nʋɔ yɛ, a dlɩa 'nɩ bhlinɩ -luo de 'nɩ-ɩ? 19La n 'yɛ-a 'fʋloku -ngbï 'mö -dɩdɩnɩ nɩkpaa 'wli -ngbï 'kɩ-a li-e, ɩ kïbhï -ɩ tʋ-a 'wʋ a 'libhiɩ-a, -köka ya ɩ yena 'nɩ?” Wa nɛ: “-Köka kugbïa 'sɔ.” 20Ɔ nɛ: “La n -dɩdɩnɩ 'yɛ-a 'fʋloku -ngbisɔ 'mö 'n nɩkpaa 'wli -mʋna jiɩ-a li-e, ɩ kïbhï -ɩ tʋ-a 'wʋ, a 'libhiɩ-a -köka ya ɩ yena 'nɩ?” Wa nɛ: “-Köka -ngbisɔ.” 21'N ɔ jua 'mö-a ngli 'jɩbha naa: “A'a -lɛ -bhla ɩ zɔmö 'mö 'nʋ 'nɩ-ɩ?”
Zezwi yɛ 'lɔkpɔlɔkpɔnyɔ -bhlʋ göpö
22Zezwi -yɛ ɔ 'wʋbhlinɩngwa 'sɔ 'tʋ-a 'nyi, -glɔ wa la-a Bɛtɩsayida wa nyini-e -ma ʋ 'mö, 'n -maa nɩkpa jio-a 'lɔkpɔlɔkpɔnyɔ -bhlʋ -la, 'n wa jio-a -bɛlɩ 'pa naa, ɔ zʋɔ cɛ ɔ 'kɔ göpö. 23Ɔ köbhanɩ-a 'lɔkpɔlɔkpɔnyɔ la'a sɔ, 'n ɔ -nyɔɔ ji-e -ma 'gbëë -kʋkʋngoyawʋ mö. 'N ɔ jio-a -dlɛ 'jie 'klʋ tli, ɔ zʋɔ-a cɛ 'jie 'klʋ 'bhë 'n ɔ jio-a ngli 'jɩbha naa: “-N jɩnɩ bhe -lu 'wʋ?” 24'Lɔkpɔlɔkpɔnyɔ 'libhï-a 'wlu, ɔ nɛ: “N jɩnɩ nɩkpaa namönamölʋa 'wʋ 'bhë-ë, wa -bhlee-a 'mö swi -bha na 'jie 'klʋ.” 25Zezwi zʋɔ-a cɛ 'klʋ 'sɔ, 'n 'lɔkpɔlɔkpɔnyɔ la'a ji-a 'pʋ, 'n ɔ ji-a -li 'bhuo 'jinanɩswɩ'ɩ yɩlɩ. 26'N Zezwi jio-a 'dɩ 'nyɛ naa: “Mö -na 'bhɛyɩ, -n 'na-a pla-a 'mö -ma Bɛtɩsayidaa 'gbë 'mö -nɩ.”
Piɛlɩ nɛ naa, Puanyɔ -ɔ -Lagɔ -sa-a -bha mɔ-ɔ -yɛ-a Zezwi
27Zezwi -yɛ ɔ 'wʋbhlinɩngwa 'sɔ-ɔ -ma -glɔ wa la-a Filipöö Sezalee yawʋɔ 'gbï 'mö mö 'le, wa namö 'yuogblʋ'ʋ, 'n ɔ jua-a ngli 'jɩbha naa: “Nɩkpaa de -mɔ n glɩnɩ bhe 'nɩ?” 28Wa nɛ naa: “-Mʋmʋaa de Za Badizɩ -n glɩnɩ -bha, -mʋmʋa nɛ: -Lagɔɔ 'mögbanɩnyɔ Eli -n glɩnɩ -bha, -mʋmʋaa -nɩ de 'yɛ, -Lagɔɔ 'mögbanɩngwa gla'aa nɩkpɛ -bhlʋ -n glɩnɩ -bha.” 29'N Zezwi jua-a ngli 'jɩbha, ɔ nɛ naa: “Abhaa -nɩ 'na-a? -Mɔ n glɩnɩ-a a de 'nɩ?” Piɛlɩ -dɩ-a gbʋ, ɔ nɛ: “Puanyɔ -ɔ -Lagɔ -sa-a -bha mɔ -n glɩnɩ -bha.” 30'N Zezwi jua-a 'yukwlie 'tɩtlɩ naa: “A 'na-a -sanɩɩ nɩkpɛ 'lɩlɩlɩ -nɩ.”
Zezwi yɛ ɔ yʋlɔyʋlʋɛ -yɛ ɔ tlɩtlɩɛ 'sɔɔ gbʋ gba
31Zezwi -wʋ-a ɔ ghlɩghlɩgbɩɛ gbʋ -bha ɔ 'wʋbhlinɩngwaa de gba ji 'le, ɔ nɛ naa: “Nɩkpɛɛ 'Gu 'zwɩ wa jio-a zia tenyi, Izlayɛlɩɛ ngëyi 'möö nɩkpazɔgblʋɩ-ɛ, wa -Lagɔbʋbɔngwaa 'bhitɩbhangwa -yɛ -Lagɔɔ gböö nglipangwa 'sɔ, wa 'bhuo 'na 'kɔ jɩblɩnɩ, 'lɩbha wa jio-a 'n ɔ 'yɛ-a tlɩ. Ɔ -yɛ tlɩ 'bhë, 'ylɩ taa zlɩ -Lagɔ 'kɔ-a glu -sa.” 32Zezwi 'nyʋa-a sa'a 'dɩ vaa, dlɩ yawʋ ɩ -nyu-a Piɛlɩɛ yɛ, 'n ɔ jio-a kaböde wɔzɩ, 'n ɔ jio-a 'lʋnʋ. 33'N Zezwi jio-a -gömö panɩ -bha ɔ 'wʋbhlinɩngwa 'bhuoo 'ji 'klʋ, 'n ɔ ji-a Piɛlɩ 'lʋnʋ, ɔ nɛ naa: “Sata! 'Pa -najɩ nimï, -na dlɩpapɩɛ 'nɩ -Lagɔɔ dlɩpapɩɛɛ swɩ'ɩ -wʋ, nɩkpaa -leyie swɩ'ɩ ɛ -wʋ -bha.”
Zezwi nɛ ɔ -ganɩnyɔ -sa ɔjɩ dlɩ
34'N ɔ ji-a ɔ 'wʋbhlinɩngwa -yɛ nɩkpaa -zakpa-a glɩ la-a -bha 'sɔ wɔzɩ, ɔ nɛ -bha wa de naa: “Nɩkpɛ -yɛ nʋ ɔ ka'a -ganɩ nʋ-ɔ, ɔ -sa ɔjɩ dlɩ, ɔ -su ɔjɩɛ 'klʋkʋnʋsu 'bhë ɔ ka'a -ganɩ. 35-Wʋʋ yɛ-a, -ɔ la'a -ɔ gwɩ-a ɔ 'pɩ 'wʋ ɔ 'yɛ 'pʋɔ yɛ, cɛ'ɛ ɛ jio-a 'bhö-öö. -Ɔ la'a -ɔ 'tati-a na 'nglɩ -yɛ -Lagɔɔ 'tɩtɩɛ -tɩtɩ 'sɔɔ yɛ ɔ 'pɩ 'ji-e, mɔ-ɔ ji-a 'pʋɔ. 36Sa'a n gba-a naa: Nɩkpɛ 'yɛ ma'a 'pɩ 'wʋɔ -li 'bhuo ghlɩ 'bhë, ɔ -yɛ tlɩ ɔ 'yɛ 'wlumö tʋ-ʋ, 'manɩ ɔ -sa-a 'mö-ö -bha 'mɩ -li la'aa de 'nɩ? 37Ma'a 'pɩ 'wʋɔ -lu -mʋ 'yɛ 'nglɩ -ka -ʋ nɩkpɛ 'yɛ ɔjɩɛ -bhlɩbhlɩɛ 'mö zigbanɩnɩ ʋ'ʋ -bhlɩ. 38-Sɩka'aa nɩkpa -wa 'nɩ zʋ-ɔ -bha -Lagɔ, -wa nʋ-a 'jinyloli, nɩkpɛ -mɔ -yɛ -ma wa gla'a na zʋ pla, -zlɩ Nɩkpɛɛ 'Gu ji-a ɔ -Tɩbhaa 'gba -suo 'n ɔ -yɛ -Lagɔzuzuku 'sɔ 'yɛ-a ji-e, 'mɛ zlɩ la'a 'mö, 'mɔ nɩkpɛɛ zʋ ɔ ji 'yɛ-a -nɩ pla.”
Seçili Olanlar:
MALƖKÖÖ 'BƆGƲ 8: BNT96
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996
MALƖKÖÖ 'BƆGƲ 8
8
Zezwi yɛ 'sɔdo'o nɩkpa -bebe lili 'nyɛ
1-Bhaa zlɩa -mɩmɩɛ 'mö, nɩkpa -bebe -wa 'titanɩ-ɛ -bha Zezwi yawʋ 'wlu 'sɔ wa'a lililu -kaa yɛ, 'n ɔ ji-a ɔ 'wʋbhlinɩngwa wɔzɩ, ɔ nɛ -bha wa de naa: 2“Nɩkpa -la ngazɩ'ɩ wa bhï'ï -bha, wa 'ylɩɛ ta-a la'a na yawʋ, 'bhë wa'a lililu -ka. 3N -yɛ nʋ wa -ka ngɔmʋ 'mlɩ wa 'yɛ wa 'bhigwlɩ'ɩ nimï mö nʋ-ɔ, -mʋmʋaa 'bhɛyɩ 'nɩ -köpaa yɛ, wa 'na 'yuogblʋ bhɛlɩ.” 4Wa nɛ naa: “-Abhitɩbha, yawʋdobhle klʋ -a glɩ-ɛ la'a, samɩ -a ji-e 'mö-a 'mö zʋzʋnʋɔ -a 'kʋa lilie 'nyɛ 'nɩ?” 5Ɔ nɛ: “'Fʋloku ya a -su-a nɩ?” Wa nɛ: “-A -su 'fʋloku -ngbisɔ.”
6Wa gba-a sa'a, 'n Zezwi ji-a nɩkpa 'bhuo 'dɩ 'nyɛ naa, wa glɩ -bha dʋdʋ'ʋ yɛ. Wa glɩ-a yɛ, 'n ɔ ji-a 'fʋloku la'a -ngbisɔ 'wʋ 'libhï, ɔ bhalɩ-a ɩ yɛ -Lagɔ, ɔ -dɩdɩnɩɩ-a 'mö, 'n ɔ jiɩ-a ɔ 'wʋbhlinɩngwa 'ye 'nyɛ, wa 'kɩ nɩkpa cɛ dlinɩɛ yɛ. 'N wa jua-a cɛ dlinɩ. 7Ɔ 'wʋbhlinɩngwa -su la 'yɛ zibhie -lɛ, 'n ɔ jiɩ-a 'wʋ 'libhï, ɔ bhalɩ-a ɩ yɛ -Lagɔ, 'n ɔ jiɩ-a ɔ 'wʋbhlinɩngwa 'ye 'nyɛ, wa 'kɩ 'yɛ nɩkpa cɛ dlinɩɛ yɛ. 8Wa li-a, 'n wa ji-a lʋ. 'Fʋlokukïbhï -yɛ zibhï sɔ -ɩ tʋ-a 'wʋ, ɔ 'wʋbhlinɩngwa 'libhiɩ-a, ɩ yena -köka -ngbisɔ. 9Nɩkpa -wa li-a lili la'a, wa nɩkpaa 'wli -mʋna. Wa bhɩa-a lilie 'ji 'bhë-ë, 'n Zezwi jua-a 'dɩ 'nyɛ naa wa mö wa 'bhigwlɩ'ɩ. 'N wa ji-a mö. 10Wa mö-a 'bhë, 'n Zezwi -yɛ ɔ 'wʋbhlinɩngwa 'sɔ ji-e -ma 'gɔlʋ 'mö -gbla, wa -dɩ-a 'nyi 'mö, dʋdʋ wa la-a Dalɩmanuta, 'n wa ji-e -ma ʋ -gömö mö.
Sa Zezwi gba-a falizɩɛ -wa 'jɩbha-a jɩblɩnaa de
11'Ylɩ -bhlʋ, falizɩɛ ghlɩ-ɛ -bha Zezwi, 'n wa -nyɔɔ 'sɔ ji-a kpɛnɩ. Wa 'kɔ 'mö jɩlaa yɛ, wa nɛ -bha ɔ de naa: Ɔ tuluanʋa jɩblɩna -a 'bhö-ö -ma -Lagɔ 'wʋ ji. 12Zezwi sulu-a nyɔmʋ, ɔ nɛ naa: “'Manɩɛ yɛ -sɩka'aa nɩkpa 'jɩbha bhe jɩblɩna 'nɩ? 'Dɩɛ -dɩ n nyɛya-a naa: -Sɩka'aa nɩkpa 'na jɩblɩna -bhlʋɔ 'bhë yɩlɩ.” 13Ɔ gba-a -sɩbha, 'n ɔ jua-a -bha tɩ. Ɔ -yɛ ɔ 'wʋbhlinɩngwa 'sɔ -gbla-a -ma 'gɔlʋ 'mö, 'n wa ji-e -ma 'nyie 'kïkë -mabhaa -gömö mö.
Zezwi yɛ 'zwiföaa 'kadɩɛ nglipalɩɛɛ 'ji palɩ
14Wa 'yɛ möö ji-e, 'fʋlo Zezwie 'wʋbhlinɩngwa dlʋnʋ-a 'wʋ, wa -su la 'fʋloko -bhlʋ 'tɩ -ma 'gɔlʋ 'mö. 15Wa-a -bha 'nyi 'klʋ, 'n Zezwi jua-a 'dɩ 'nyɛ naa: “A möna -bha Elodɩ -yɛ falizɩɛ 'sɔɔ 'fʋloplungakpɩɛ de 'mö.” 16Zezwi gba-a sa'a, ɔ 'wʋbhlinɩngwaa 'bhïë 'nyizee nyɩdɩ wa nɛ naa: “-Aa 'fʋlo -suo yɛ ɔ gba-a -sɩbha.” 17Zezwi jɩblɩnɩ-a sɛ-ɛ, 'n ɔ jua-a ngli 'jɩbha naa: “'Manɩɛ yɛ a pa-a dlɩ naa, a'a 'fʋlo -suo yɛ n gba-a -sɩbha 'nɩ? A'a -lɛ -bhla dlɩ sɛ jɩblɩnɩ, a'a -lɛ -bhla -lu 'mö 'nʋ 'nɩ-ɩ? 18'Mötunʋdlɩa a ka-a 'mlɩ 'nɩ-ɩ? 'Jie a ka-a 'wlumö n -tɔnʋ a 'yɛ la sɛ jɩnɩɛ yɛ, 'yukwlie a ka-a 'wlu, n -tɔnʋ a 'yɛ la 'nʋɔ yɛ, a dlɩa 'nɩ bhlinɩ -luo de 'nɩ-ɩ? 19La n 'yɛ-a 'fʋloku -ngbï 'mö -dɩdɩnɩ nɩkpaa 'wli -ngbï 'kɩ-a li-e, ɩ kïbhï -ɩ tʋ-a 'wʋ a 'libhiɩ-a, -köka ya ɩ yena 'nɩ?” Wa nɛ: “-Köka kugbïa 'sɔ.” 20Ɔ nɛ: “La n -dɩdɩnɩ 'yɛ-a 'fʋloku -ngbisɔ 'mö 'n nɩkpaa 'wli -mʋna jiɩ-a li-e, ɩ kïbhï -ɩ tʋ-a 'wʋ, a 'libhiɩ-a -köka ya ɩ yena 'nɩ?” Wa nɛ: “-Köka -ngbisɔ.” 21'N ɔ jua 'mö-a ngli 'jɩbha naa: “A'a -lɛ -bhla ɩ zɔmö 'mö 'nʋ 'nɩ-ɩ?”
Zezwi yɛ 'lɔkpɔlɔkpɔnyɔ -bhlʋ göpö
22Zezwi -yɛ ɔ 'wʋbhlinɩngwa 'sɔ 'tʋ-a 'nyi, -glɔ wa la-a Bɛtɩsayida wa nyini-e -ma ʋ 'mö, 'n -maa nɩkpa jio-a 'lɔkpɔlɔkpɔnyɔ -bhlʋ -la, 'n wa jio-a -bɛlɩ 'pa naa, ɔ zʋɔ cɛ ɔ 'kɔ göpö. 23Ɔ köbhanɩ-a 'lɔkpɔlɔkpɔnyɔ la'a sɔ, 'n ɔ -nyɔɔ ji-e -ma 'gbëë -kʋkʋngoyawʋ mö. 'N ɔ jio-a -dlɛ 'jie 'klʋ tli, ɔ zʋɔ-a cɛ 'jie 'klʋ 'bhë 'n ɔ jio-a ngli 'jɩbha naa: “-N jɩnɩ bhe -lu 'wʋ?” 24'Lɔkpɔlɔkpɔnyɔ 'libhï-a 'wlu, ɔ nɛ: “N jɩnɩ nɩkpaa namönamölʋa 'wʋ 'bhë-ë, wa -bhlee-a 'mö swi -bha na 'jie 'klʋ.” 25Zezwi zʋɔ-a cɛ 'klʋ 'sɔ, 'n 'lɔkpɔlɔkpɔnyɔ la'a ji-a 'pʋ, 'n ɔ ji-a -li 'bhuo 'jinanɩswɩ'ɩ yɩlɩ. 26'N Zezwi jio-a 'dɩ 'nyɛ naa: “Mö -na 'bhɛyɩ, -n 'na-a pla-a 'mö -ma Bɛtɩsayidaa 'gbë 'mö -nɩ.”
Piɛlɩ nɛ naa, Puanyɔ -ɔ -Lagɔ -sa-a -bha mɔ-ɔ -yɛ-a Zezwi
27Zezwi -yɛ ɔ 'wʋbhlinɩngwa 'sɔ-ɔ -ma -glɔ wa la-a Filipöö Sezalee yawʋɔ 'gbï 'mö mö 'le, wa namö 'yuogblʋ'ʋ, 'n ɔ jua-a ngli 'jɩbha naa: “Nɩkpaa de -mɔ n glɩnɩ bhe 'nɩ?” 28Wa nɛ naa: “-Mʋmʋaa de Za Badizɩ -n glɩnɩ -bha, -mʋmʋa nɛ: -Lagɔɔ 'mögbanɩnyɔ Eli -n glɩnɩ -bha, -mʋmʋaa -nɩ de 'yɛ, -Lagɔɔ 'mögbanɩngwa gla'aa nɩkpɛ -bhlʋ -n glɩnɩ -bha.” 29'N Zezwi jua-a ngli 'jɩbha, ɔ nɛ naa: “Abhaa -nɩ 'na-a? -Mɔ n glɩnɩ-a a de 'nɩ?” Piɛlɩ -dɩ-a gbʋ, ɔ nɛ: “Puanyɔ -ɔ -Lagɔ -sa-a -bha mɔ -n glɩnɩ -bha.” 30'N Zezwi jua-a 'yukwlie 'tɩtlɩ naa: “A 'na-a -sanɩɩ nɩkpɛ 'lɩlɩlɩ -nɩ.”
Zezwi yɛ ɔ yʋlɔyʋlʋɛ -yɛ ɔ tlɩtlɩɛ 'sɔɔ gbʋ gba
31Zezwi -wʋ-a ɔ ghlɩghlɩgbɩɛ gbʋ -bha ɔ 'wʋbhlinɩngwaa de gba ji 'le, ɔ nɛ naa: “Nɩkpɛɛ 'Gu 'zwɩ wa jio-a zia tenyi, Izlayɛlɩɛ ngëyi 'möö nɩkpazɔgblʋɩ-ɛ, wa -Lagɔbʋbɔngwaa 'bhitɩbhangwa -yɛ -Lagɔɔ gböö nglipangwa 'sɔ, wa 'bhuo 'na 'kɔ jɩblɩnɩ, 'lɩbha wa jio-a 'n ɔ 'yɛ-a tlɩ. Ɔ -yɛ tlɩ 'bhë, 'ylɩ taa zlɩ -Lagɔ 'kɔ-a glu -sa.” 32Zezwi 'nyʋa-a sa'a 'dɩ vaa, dlɩ yawʋ ɩ -nyu-a Piɛlɩɛ yɛ, 'n ɔ jio-a kaböde wɔzɩ, 'n ɔ jio-a 'lʋnʋ. 33'N Zezwi jio-a -gömö panɩ -bha ɔ 'wʋbhlinɩngwa 'bhuoo 'ji 'klʋ, 'n ɔ ji-a Piɛlɩ 'lʋnʋ, ɔ nɛ naa: “Sata! 'Pa -najɩ nimï, -na dlɩpapɩɛ 'nɩ -Lagɔɔ dlɩpapɩɛɛ swɩ'ɩ -wʋ, nɩkpaa -leyie swɩ'ɩ ɛ -wʋ -bha.”
Zezwi nɛ ɔ -ganɩnyɔ -sa ɔjɩ dlɩ
34'N ɔ ji-a ɔ 'wʋbhlinɩngwa -yɛ nɩkpaa -zakpa-a glɩ la-a -bha 'sɔ wɔzɩ, ɔ nɛ -bha wa de naa: “Nɩkpɛ -yɛ nʋ ɔ ka'a -ganɩ nʋ-ɔ, ɔ -sa ɔjɩ dlɩ, ɔ -su ɔjɩɛ 'klʋkʋnʋsu 'bhë ɔ ka'a -ganɩ. 35-Wʋʋ yɛ-a, -ɔ la'a -ɔ gwɩ-a ɔ 'pɩ 'wʋ ɔ 'yɛ 'pʋɔ yɛ, cɛ'ɛ ɛ jio-a 'bhö-öö. -Ɔ la'a -ɔ 'tati-a na 'nglɩ -yɛ -Lagɔɔ 'tɩtɩɛ -tɩtɩ 'sɔɔ yɛ ɔ 'pɩ 'ji-e, mɔ-ɔ ji-a 'pʋɔ. 36Sa'a n gba-a naa: Nɩkpɛ 'yɛ ma'a 'pɩ 'wʋɔ -li 'bhuo ghlɩ 'bhë, ɔ -yɛ tlɩ ɔ 'yɛ 'wlumö tʋ-ʋ, 'manɩ ɔ -sa-a 'mö-ö -bha 'mɩ -li la'aa de 'nɩ? 37Ma'a 'pɩ 'wʋɔ -lu -mʋ 'yɛ 'nglɩ -ka -ʋ nɩkpɛ 'yɛ ɔjɩɛ -bhlɩbhlɩɛ 'mö zigbanɩnɩ ʋ'ʋ -bhlɩ. 38-Sɩka'aa nɩkpa -wa 'nɩ zʋ-ɔ -bha -Lagɔ, -wa nʋ-a 'jinyloli, nɩkpɛ -mɔ -yɛ -ma wa gla'a na zʋ pla, -zlɩ Nɩkpɛɛ 'Gu ji-a ɔ -Tɩbhaa 'gba -suo 'n ɔ -yɛ -Lagɔzuzuku 'sɔ 'yɛ-a ji-e, 'mɛ zlɩ la'a 'mö, 'mɔ nɩkpɛɛ zʋ ɔ ji 'yɛ-a -nɩ pla.”
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996