MALƖKÖÖ 'BƆGƲ 9
9
1Zezwi nɛ 'yɛ -bha wa de naa: “'Dɩɛ -dɩ n nyɛya 'mö-ö sa'a naa: Abha su-o la'a gla'aa nɩkpa -mʋmʋa 'na tlɩ, 'n wa nɩ -lɛ de 'bhuo -Lagɔɔ nyininyinipɩ -ɛ -yɛ 'mötɛnɔ ji-a jie yɩlɩ 'bhë.”
Zezwie 'wʋbhlinɩngwa ta yɛ ɔ 'ghlinɔ yɩlɩ
2Zezwi gba-a wa de wɛlɩ la'a, 'ylɩ -ngbʋpʋlʋ 'plɩ-a, 'n ɔ ji-a ɔ 'wʋbhlinɩngwa gla'aa nɩkpa ta 'wʋ 'libhï, -gɔgɔgbʋ 'kadʋ -ʋ 'do-a yawʋɔ 'klʋ, 'n ɔ -nyʋa 'sɔ ji-e -ma mö. Piɛlɩ-ɛ, Za-a, Zakö-ö, mʋa-a -sɩbha. Wa glɩ -ma, 'n ɔ ji-e -bha wa 'jie 'klʋ zuzlonʋ. 3Ɔ -banɩ pɔlʋmanɩ-a buun, 'n ɩ ji-a 'mö lɩ, sa ɩ pɔlʋmanɩ-a ma'a dʋdʋkpata -gömöö -lu 'nɩ-ɛ -bhla -sɩbha pɔlʋmanɩ. 4'N -benyido'oo -Lagɔɔ 'mögbanɩngwa, Moyizɩ -yɛ Eli 'sɔ jua-a 'wʋ ghlanɩ. Wa -yɛ Zezwi 'sɔ-ɔ 'dɩ -sa 'le. 5Wa yɩlʋa-a, Piɛlɩ nɛ -bha Zezwie de naa: “-Abhitɩbha, ma'aa glɩglɩɛ 'mʋna 'wʋ ɛ -bhï -bha, nglu -a 'yɛ -katia ta 'sɩbha, -na -leyi -bhlʋ, Moyizɩɛ -leyi -bhlʋ, 'bhë Elie -leyi.” 6Nganɔ -wʋ la-a wa ta -kpɔ 'lɩbha 'lee yɛ, -mɩɛ 'bhë Piɛlɩ 'yɛ gba ɔ 'nɩɩ la -ji. 7'N gbiluko jua-a 'wʋ 'su, -ma gbiluko la'a 'mö wɛlɩ 'bhönɩ-ɛ -ma ɩ nɛ: “Na dlɩɛ sɛkagu-o -la, a pönɩɔ 'yukwli.” 8Ɩ gba-a -sɩbha tɔngʋ, wa yɩlɩ-ɛ -bha wa yawʋ, Zezwie 'nyize 'nɩgbö -bha.
Zezwie 'wʋbhlinɩngwa kɔ Elie wɛlɩɛ yɛ ngli 'jɩbha
9Wa -wʋ-a -gɔgɔgbʋ kwli 'le, 'n Zezwi jua-a 'dɩ 'nyɛ naa, Nɩkpɛɛ 'Gu nɩ -lɛ tlɩ, ɔ nɩ -lɛ 'kudungwa 'gbamö 'wlʋ 'bhë-ë, -ɩ wa yɩlɩ-ɛ la'a wa 'na-a -sɩɩ -bhla -nɩ. 10Wa zʋ-ɔ -bha wɛlɩ la'a 'bhë, 'n wa 'jɩbhajɩbhanɩ-a ngli naa: “Sa 'kudungwa 'gbamöö 'wlʋwlʋɛ -sa 'mö-a -nɩ zɔmö 'nɩ?” 11'N wa jio-a ngli 'jɩbha naa: “'Manɩɛ yɛ -Lagɔɔ gböö nglipangwa, -ma wa nglipapɩɛ 'mö, 'n wa nʋ-ɔ 'mö-ö naa: Puanyɔ -ɔ -Lagɔ -sa-a -bha ɔ -yɛ jie ji-e, Elie swɩɛ nɩkpɛ ji-a -lɛ takado'o jie 'bhë 'nɩ?” 12Zezwi nɛ naa: “'Dɛdɛ'ɛ Eli-i ji-a jie, ɔ -yɛ -li 'bhuo göganɩ 'bhë Puanyɔ -ɔ -Lagɔ -sa-a -bha 'yɛ ji. -Ma -Lagɔwɛlɩɛ 'bɔgʋ 'mö, sa'a ɩ 'cɛlɩɔ-ɔ -ma naa, Nɩkpɛɛ 'Gu yʋlʋa wa jio -bha, 'n wa 'kɔ-a 'zwɩ zia. 13-Ma ɩ 'mö, 'dɩɛ -dɩ n nyɛya -bha naa: Eli yɛ ji 'bhë, -ɩ wa 'jɩbha-a 'mɩ wa nʋɔ-a 'ji, -ɩ 'cɛlɩɔ-ɔ -ma -Lagɔwɛlɩɛ 'bɔgʋ 'mö, ɩ 'yɛ 'wʋ 'wlenɩɛ yɛ.”
Zezwi yɛ -sukusukulɩbhagu göpö
14Wa kwli-a -gɔgɔgbʋ, wa 'yɛ -bha Zezwie 'wʋbhlinɩngwa -mʋabhaa yawʋ nyinie mö-ö, -mʋa la'a -yɛ -Lagɔɔ gböö nglipangwa 'sɔ-ɔ kpɛnɩ 'le, wa 'palɩɔ nɩkpa -bebee -di 'mö, 'n wa jua-a -bha ghlɩ. 15Nɩkpa la'a yɩlɩ-a Zezwi-e, wa 'bhuo dlɩ-ɩ wʋlɔnʋa-a 'mö, 'n wa ji-a sɛcɛ 'wʋ 'libhï, 'n wa jio-a 'yuo mö wa 'kɔ bhalɩɛ yɛ. 16Ɔ nyini-e -bha ɔ 'wʋbhlinɩngwa yawʋ-ɔ, 'n ɔ jua-a ngli 'jɩbha naa: “'Manɩgbʋ a -yɛ nɩkpa -la 'sɔ kpɛnɩ-a 'mö 'nɩ?” 17-Ma nɩkpa -bebe la'aa gla'a, 'n nɩkpɛ -bhlʋ ji-a gbʋ -dɩ, ɔ nɛ: “-Abhitɩbha, na 'gu n -lamö -bha, 'jinylozuzuko ɔ ka-a -gömö, a yɛ ɔ'ɔ -dɩ gbʋ. 18A -kɔɔ glu 'wlʋ, dʋdʋ'ʋ a bhlɩɔ-a yɛ, 'n 'fïfli'i 'wlʋɔ-a ngli, 'n ɔ li-a gla 'mö, 'n ɔ nɩma gba -bha. N 'pa-a -na 'wʋbhlinɩngwa -bɛlɩ naa, wa kpëtio 'jinylozuzuko la'a -gömö, sɩanɩ wa sɩanɩa -bha.” 19Nɩkpɛ gba-a sa'a, Zezwi nɛ: “'Wuë! Nɩkpa -waa dlɩa-a 'tu-u 'mö, -zlɩmɩ n jiya-a 'gba 'mö 'wlʋɔ 'nɩ? -Zlɩmɩ a cɛyʋlɔnʋyʋlɔnʋɛ ji bhe na de 'bhlonʋɔ 'nɩ? A la'a 'mɔ 'gu.” 20'N wa -nyɔɔ ji-a ji. 'Jinylozuzuko -a -wʋ la-a gu la'a -gömö yɩlɩ-a Zezwi tɔngʋ, 'n a jio-a 'mö 'siasianɩ. Ɔ bhli-e -bha dʋdʋ'ʋ, 'fïfli'i -wʋɔ ngli do 'le, 'n ɔ ji-a 'luso. 21'N Zezwi ji-a ɔ -tɩbha ngli 'jɩbha naa: “-Ɩ la'a -kɔɔ la tɛ-ɛ -bhaa 'ylʋbö ya-a la'a 'nɩ?” Ɔ nɛ naa:“ Ɔ-ɔ 'gu 'wʋ 'n ɩ jio-a tɛ-ɛ. 22Zlɩ -mɩmɛɛ 'mö 'jinylozuzuko -kɔɔ 'wʋ 'libhï, 'n a pɔ-a -kosu'u. Zlɩ -mɩmɛɛ 'mö, 'n a pɔ-a 'nyi 'mö ɔ 'yɛ tlɩɛ yɛ. Ɩ yɛ -n -yɛ bhɛlɩ -n 'kɔ göpö, 'pa -aa de ngazɩdlɩ -n 'yɛ -aa -wa 'wʋ ji.” 23Zezwi nɛ: “'Manɩ -yɛ-a -n -yɛ bhɛlɩ 'nɩ? -Ɔ ka-a -Lagɔ dlɩ 'wʋɔ de -lu 'nɩ 'mö 'tɛ-ɛ.” 24Zezwi gba-a sa'a tɔngʋ, 'n 'guo -tɩbha ji-a 'mö 'kpö ɔ nɛ: “Yie-e! -Abhitɩbha, n ka -Lagɔ dlɩ 'wʋ 'bhë-ë, ɛ'ɛ -lɛ-a 'mö tenyi, ji'i 'wʋ -n 'yɛ na dlɩwʋkakʋ 'wʋ zumanɩ.”
25Zezwi yɩlɩ-ɛ -bha 'wʋ nɩkpaa -bɛ -wʋɔ-a yawʋ zumanɩ 'le, 'n ɔ ji-a yʋlʋ 'mö 'jinylozuzuko 'dɩ 'nyɛnɩ, ɔ nɛ: “'Jinylozuzuko, -nmö ka-a 'nglɩ 'n gu -la 'nɩ-a gbaa -ji, 'n ɔ'ɔ-a -nganɩ, 'bhö-öɔ -sɩka'a -gömö, -nn jio-a 'mö -gömö 'lɩlɩlɩ -nɩ.” 26'Jinylozuzuko 'siasianɩ-a 'gu 'mö tenyi, a 'kpö-a 'mö, 'n a jio-a -gömö 'bhö-ö. 'N 'guo nɩma ji-a yawʋ bhli e -bhlee-a 'mö -gazɛ, ɩ yɛ nɩkpaa -bɛ nɛ: “Ɔ yɛ tlɩ 'bhë!” 27Zezwi köbhanɩ-a 'gu sɔ, ɔ 'libhïo-a 'wlu, 'n ɔ ji-a ghayɩ 'nɩgbönɩ.
28Zezwi -yɛ ɔ 'wʋbhlinɩngwa 'sɔ nyini-e -ma 'ligbë'ë, yawʋdolɩ'ɩ, 'n wa jio-a ngli 'jɩbha naa: “'Jinylozuzuko -la, 'manɩɛ yɛ -a sɩanɩa bhe -nɩ 'nɩ?” 29Ɔ nɛ naa: “-Saa zuzuko -la, -n nɩ -lɛ -Lagɔ -bɛlɩ 'pa 'bhë, -nn -lɛ bhɛlɩ -n 'ka nɩkpɛ -gömö kpëti.”
Zezwi yɛ 'sɔdo'o ɔ tlɩtlɩgbʋ -yɛ ɔ gluwlʋgbʋ 'sɔ gba
30Zezwi -yɛ ɔ 'wʋbhlinɩngwa 'sɔ 'bhö-ö -bha, wa-a -ma Galilee -gwlɩ -gömö 'plɩnɩ 'le-e, ɔ'ɔ la 'jɩbha -maa nɩkpa 'yɛ sɛ jɩblɩnɩ. 31-Wʋʋ yɛ-a, -ɩ la'a -ɩ jio-a ghlɩɛ gbʋ ɔ -wʋ la-a ɔ 'wʋbhlinɩngwaa de gba 'le naa: “-Ma nɩkpaa cɛ'ɛ wa ji-a Nɩkpɛɛ 'Gu 'pɛlʋ 'paa, wa 'kɔ-a 'lɩbha. Ɔ -yɛ tlɩ 'bhë, 'ylɩ taa zlɩ ɔ 'yɛ-a glu 'wlʋ.” 32Zezwi gba-a wɛlɩ la'a wa de-e, wa 'nɩɩ-ɩ 'mö 'nʋ, wa 'kɔ 'yɛ ɩ yɛ ngli 'jɩbha dlɩ wa nimïnɩɩ-a cɛ.
Zezwie 'wʋbhlinɩngwa nɛ naa, -mɔ -yɛ-a wa gla'aa 'kadɔ 'nɩ?
33'N wa ji-e -ma Kapɛnaɔmö nyini. Wa nyini-e -ma 'ligbë'ë, 'n Zezwi ji-a ɔ 'wʋbhlinɩngwa ngli 'jɩbha naa: “'Manɩgbʋ a -wʋ la bhe -ma 'yuogblʋ'ʋ 'mö kpɛnɩ 'le 'nɩ?” 34Ɔ 'jɩbhʋa-a -sɩbha ngli-e, wa 'bhuo 'wʋ wa dʋ -bha, -wʋʋ yɛ-a, wa namö-ö -ma 'yuogblʋ'ʋ, wɛlɩ -ɩ wa kpɛnɩ-a 'mö mɩ-ɩ -yɛ-a naa, -mɔ -yɛ-a wa gla'aa 'kadɔ 'nɩ? 35Ɔ glɩ-a yɛ, 'n ɔ ji-a ɔ tiatiangwa kugbïa 'sɔ -kpɔ wɔzɩ, 'n ɔ jua-a 'dɩ 'mö zʋ, ɔ nɛ naa: “A gla'aa nɩkpɛ -mɔ -yɛ nʋ ɔ 'yɛ -mʋabhaa bhla 'yu -ga nʋ-ɔ, ɔ nyini-a ɔjɩ yɛ, ɔ 'plɩanɩ ɔjɩ nimï, ɔ zʋ a 'bhuoo nyɩgbajʋlʋ.” 36Ɔ 'libhï-a 'gwikikeyi -lɛ 'wʋ, ɔ 'nɩgbanɩɔ-ɔ -bha wa nyɩdɩ 'bhë, 'n ɔ jio-a gbaközɔmö zʋ. Ɔ nɛ -bha wa de naa: 37“-Ɔ -yɛ na 'nglɩ 'mö sa'aa 'gwileyi 'jinanɩswɩ'ɩ köbha, -amöö 'bhë ɔ köbha-a 'jinanɩswɩ'ɩ, -ɔ ka'a 'yɛ 'jinanɩswɩ'ɩ köbha -amöö 'bhëë 'nyize ɔ'ɔ -lɛ 'jinanɩswɩ'ɩ köbha, na -Tɩbha -Lagɔ -ʋ tia'a-a 'mʋ ɔ köbha-a 'jinanɩswɩ'ɩ.”
-Ɔ nɩ a tʋnyɔ glɩnɩ-ɛ, a -ghöbhanɩnyɔ -bha
38Zezwi gba-a sa'a wɛlɩ la'a, 'n Za ji-a gbʋ -dɩ, ɔ nɛ naa: “-Abhitɩbha, nɩkpɛ -bhlʋ-ɔ -na 'nglɩ 'mö 'jinylozuzuku nɩkpa -gömö kpëti 'le 'n -a jio-a yɩlɩ. Ɔ'ɔ ma'a -aa gla'a -wʋɔ yɛ, -a 'jɩbha -a 'kɔ la 'nɩgbanɩ.” 39Zezwi nɛ naa: “A 'na-a 'nɩgbanɩɔ -nɩ, -wʋʋ yɛ-a, nɩkpɛ -mɔ 'yɛ-a na 'nglɩ 'mö bhatɩ nʋnʋ 'bhë, ɔ 'yɛ -bha 'bhö-ö ɔ ka'a ngli nyimanɩ ɔ'ɔ -bhlɩ. 40-Ɔ la'a -ɔ 'nɩ-a -aa tʋnyɔ glɩnɩ-ɛ, nimï ɔ -wʋya -bha. 41Sa'a n gba-a naa, sa a glɩnɩ-a Puanyɔ -ɔ -Lagɔ -sa-a -bhaa -lʋaa yɛ, nɩkpɛ -mɔ kaya 'nyukɔpʋ 'nyɛ, ɔ 'na ɩ 'pɛnɔ 'mö bɔ -bha -Lagɔɔ de.
Sa Zezwi gba-a -wa dlʋa-a nɩkpaa gbʋ
42Na -lʋa -wa -tɛnɩ'ɩ-a dlɩ, nɩkpɛ -mɔ -yɛ wa gla'aa -bhlʋ dlʋa, ɔ -kɔɔ na gbʋ dlɩ'ɩ -sanɩ, 'mɔ nɩkpɛ, wa -kɔɔ kpiyikadɛ -blʋ'ʋ gwanɩ, wa -kɔɔ -ma gïnyi 'mö 'pa, mɩ-ɩ -bhlee-a -fɛ yʋlɔyʋlʋ -ʋ -Lagɔ jio-a -gömö -laa bhla. 43-44-Na kɔtɩkpa -kamö 'jinyloli 'mö kwa 'le -wʋ-ɔ, -dɩa -bha -n -yɛ sɔköbhë 'sɔ 'yɛ -ma 'kɔgwlɛpɩ 'wʋ mö, -mɩzlɩ -n 'yɛ -na kɔtɩkpö 'sɔ 'ji -ka 'bhë, [-n 'yɛ -kosu -ʋ 'na-a 'ngïmo, ma wa -gazɩɛ lilinɔ 'nɩ tlɩ-a 'mö mö.] 45-46-Na kple -kamö 'jinyloli 'mö kwa 'le -wʋ, -dɩa -bha -n -yɛ kpleköbhë 'yɛ -ma 'kɔgwlɛpɩ 'wʋ mö, -mɩzlɩ -n 'yɛ -na kpli 'sɔ 'ji -ka 'bhë, [-n 'yɛ -ma -kosu -ʋ 'na-a 'ngïmo, ma wa -gazɩɛ lilinɔ 'nɩ tlɩ-a 'mö mö.] 47-48-Na 'ji -kamö 'jinyloli 'mö kwa 'le -wʋ-ɔ, -sɛɛ -ma -n -yɛ 'yɩfa 'yɛ -ma 'kɔgwlɛpɩ 'wʋ mö, -mɩzlɩ -n 'yɛ -na 'jie 'sɔ -kpɔ 'wlumö -ka 'bhë, -n 'yɛ -ma -kosu -ʋ 'na-a 'ngïmo, ma wa -gazɩɛ lilinɔ 'nɩ tlɩ-a 'mö mö. 49-Wʋʋ yɛ-a, nɩkpa 'bhuo -kosu jua-a 'wlawla zʋa-a, sa gïbhï zʋa-a bʋbɔnʋli 'wlawla -bha -Lagɔ 'ji 'klʋ.
50Gïbhï -lie -li -bha, 'n ɩ -yɛ-a 'mö 'nʋ ngli bhɩa-a, 'manɩ nya a jiɩ-e 'mö-a 'nʋ ngli -lanɩɛ 'nɩ? 51Sa gïbhï nanɩmanɩ-a lili ngli a -wʋ -sɩbha -ma a linɩkpa gla'a, a -nyʋa 'yɛ -ghöbhanɩ.”
Seçili Olanlar:
MALƖKÖÖ 'BƆGƲ 9: BNT96
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996
MALƖKÖÖ 'BƆGƲ 9
9
1Zezwi nɛ 'yɛ -bha wa de naa: “'Dɩɛ -dɩ n nyɛya 'mö-ö sa'a naa: Abha su-o la'a gla'aa nɩkpa -mʋmʋa 'na tlɩ, 'n wa nɩ -lɛ de 'bhuo -Lagɔɔ nyininyinipɩ -ɛ -yɛ 'mötɛnɔ ji-a jie yɩlɩ 'bhë.”
Zezwie 'wʋbhlinɩngwa ta yɛ ɔ 'ghlinɔ yɩlɩ
2Zezwi gba-a wa de wɛlɩ la'a, 'ylɩ -ngbʋpʋlʋ 'plɩ-a, 'n ɔ ji-a ɔ 'wʋbhlinɩngwa gla'aa nɩkpa ta 'wʋ 'libhï, -gɔgɔgbʋ 'kadʋ -ʋ 'do-a yawʋɔ 'klʋ, 'n ɔ -nyʋa 'sɔ ji-e -ma mö. Piɛlɩ-ɛ, Za-a, Zakö-ö, mʋa-a -sɩbha. Wa glɩ -ma, 'n ɔ ji-e -bha wa 'jie 'klʋ zuzlonʋ. 3Ɔ -banɩ pɔlʋmanɩ-a buun, 'n ɩ ji-a 'mö lɩ, sa ɩ pɔlʋmanɩ-a ma'a dʋdʋkpata -gömöö -lu 'nɩ-ɛ -bhla -sɩbha pɔlʋmanɩ. 4'N -benyido'oo -Lagɔɔ 'mögbanɩngwa, Moyizɩ -yɛ Eli 'sɔ jua-a 'wʋ ghlanɩ. Wa -yɛ Zezwi 'sɔ-ɔ 'dɩ -sa 'le. 5Wa yɩlʋa-a, Piɛlɩ nɛ -bha Zezwie de naa: “-Abhitɩbha, ma'aa glɩglɩɛ 'mʋna 'wʋ ɛ -bhï -bha, nglu -a 'yɛ -katia ta 'sɩbha, -na -leyi -bhlʋ, Moyizɩɛ -leyi -bhlʋ, 'bhë Elie -leyi.” 6Nganɔ -wʋ la-a wa ta -kpɔ 'lɩbha 'lee yɛ, -mɩɛ 'bhë Piɛlɩ 'yɛ gba ɔ 'nɩɩ la -ji. 7'N gbiluko jua-a 'wʋ 'su, -ma gbiluko la'a 'mö wɛlɩ 'bhönɩ-ɛ -ma ɩ nɛ: “Na dlɩɛ sɛkagu-o -la, a pönɩɔ 'yukwli.” 8Ɩ gba-a -sɩbha tɔngʋ, wa yɩlɩ-ɛ -bha wa yawʋ, Zezwie 'nyize 'nɩgbö -bha.
Zezwie 'wʋbhlinɩngwa kɔ Elie wɛlɩɛ yɛ ngli 'jɩbha
9Wa -wʋ-a -gɔgɔgbʋ kwli 'le, 'n Zezwi jua-a 'dɩ 'nyɛ naa, Nɩkpɛɛ 'Gu nɩ -lɛ tlɩ, ɔ nɩ -lɛ 'kudungwa 'gbamö 'wlʋ 'bhë-ë, -ɩ wa yɩlɩ-ɛ la'a wa 'na-a -sɩɩ -bhla -nɩ. 10Wa zʋ-ɔ -bha wɛlɩ la'a 'bhë, 'n wa 'jɩbhajɩbhanɩ-a ngli naa: “Sa 'kudungwa 'gbamöö 'wlʋwlʋɛ -sa 'mö-a -nɩ zɔmö 'nɩ?” 11'N wa jio-a ngli 'jɩbha naa: “'Manɩɛ yɛ -Lagɔɔ gböö nglipangwa, -ma wa nglipapɩɛ 'mö, 'n wa nʋ-ɔ 'mö-ö naa: Puanyɔ -ɔ -Lagɔ -sa-a -bha ɔ -yɛ jie ji-e, Elie swɩɛ nɩkpɛ ji-a -lɛ takado'o jie 'bhë 'nɩ?” 12Zezwi nɛ naa: “'Dɛdɛ'ɛ Eli-i ji-a jie, ɔ -yɛ -li 'bhuo göganɩ 'bhë Puanyɔ -ɔ -Lagɔ -sa-a -bha 'yɛ ji. -Ma -Lagɔwɛlɩɛ 'bɔgʋ 'mö, sa'a ɩ 'cɛlɩɔ-ɔ -ma naa, Nɩkpɛɛ 'Gu yʋlʋa wa jio -bha, 'n wa 'kɔ-a 'zwɩ zia. 13-Ma ɩ 'mö, 'dɩɛ -dɩ n nyɛya -bha naa: Eli yɛ ji 'bhë, -ɩ wa 'jɩbha-a 'mɩ wa nʋɔ-a 'ji, -ɩ 'cɛlɩɔ-ɔ -ma -Lagɔwɛlɩɛ 'bɔgʋ 'mö, ɩ 'yɛ 'wʋ 'wlenɩɛ yɛ.”
Zezwi yɛ -sukusukulɩbhagu göpö
14Wa kwli-a -gɔgɔgbʋ, wa 'yɛ -bha Zezwie 'wʋbhlinɩngwa -mʋabhaa yawʋ nyinie mö-ö, -mʋa la'a -yɛ -Lagɔɔ gböö nglipangwa 'sɔ-ɔ kpɛnɩ 'le, wa 'palɩɔ nɩkpa -bebee -di 'mö, 'n wa jua-a -bha ghlɩ. 15Nɩkpa la'a yɩlɩ-a Zezwi-e, wa 'bhuo dlɩ-ɩ wʋlɔnʋa-a 'mö, 'n wa ji-a sɛcɛ 'wʋ 'libhï, 'n wa jio-a 'yuo mö wa 'kɔ bhalɩɛ yɛ. 16Ɔ nyini-e -bha ɔ 'wʋbhlinɩngwa yawʋ-ɔ, 'n ɔ jua-a ngli 'jɩbha naa: “'Manɩgbʋ a -yɛ nɩkpa -la 'sɔ kpɛnɩ-a 'mö 'nɩ?” 17-Ma nɩkpa -bebe la'aa gla'a, 'n nɩkpɛ -bhlʋ ji-a gbʋ -dɩ, ɔ nɛ: “-Abhitɩbha, na 'gu n -lamö -bha, 'jinylozuzuko ɔ ka-a -gömö, a yɛ ɔ'ɔ -dɩ gbʋ. 18A -kɔɔ glu 'wlʋ, dʋdʋ'ʋ a bhlɩɔ-a yɛ, 'n 'fïfli'i 'wlʋɔ-a ngli, 'n ɔ li-a gla 'mö, 'n ɔ nɩma gba -bha. N 'pa-a -na 'wʋbhlinɩngwa -bɛlɩ naa, wa kpëtio 'jinylozuzuko la'a -gömö, sɩanɩ wa sɩanɩa -bha.” 19Nɩkpɛ gba-a sa'a, Zezwi nɛ: “'Wuë! Nɩkpa -waa dlɩa-a 'tu-u 'mö, -zlɩmɩ n jiya-a 'gba 'mö 'wlʋɔ 'nɩ? -Zlɩmɩ a cɛyʋlɔnʋyʋlɔnʋɛ ji bhe na de 'bhlonʋɔ 'nɩ? A la'a 'mɔ 'gu.” 20'N wa -nyɔɔ ji-a ji. 'Jinylozuzuko -a -wʋ la-a gu la'a -gömö yɩlɩ-a Zezwi tɔngʋ, 'n a jio-a 'mö 'siasianɩ. Ɔ bhli-e -bha dʋdʋ'ʋ, 'fïfli'i -wʋɔ ngli do 'le, 'n ɔ ji-a 'luso. 21'N Zezwi ji-a ɔ -tɩbha ngli 'jɩbha naa: “-Ɩ la'a -kɔɔ la tɛ-ɛ -bhaa 'ylʋbö ya-a la'a 'nɩ?” Ɔ nɛ naa:“ Ɔ-ɔ 'gu 'wʋ 'n ɩ jio-a tɛ-ɛ. 22Zlɩ -mɩmɛɛ 'mö 'jinylozuzuko -kɔɔ 'wʋ 'libhï, 'n a pɔ-a -kosu'u. Zlɩ -mɩmɛɛ 'mö, 'n a pɔ-a 'nyi 'mö ɔ 'yɛ tlɩɛ yɛ. Ɩ yɛ -n -yɛ bhɛlɩ -n 'kɔ göpö, 'pa -aa de ngazɩdlɩ -n 'yɛ -aa -wa 'wʋ ji.” 23Zezwi nɛ: “'Manɩ -yɛ-a -n -yɛ bhɛlɩ 'nɩ? -Ɔ ka-a -Lagɔ dlɩ 'wʋɔ de -lu 'nɩ 'mö 'tɛ-ɛ.” 24Zezwi gba-a sa'a tɔngʋ, 'n 'guo -tɩbha ji-a 'mö 'kpö ɔ nɛ: “Yie-e! -Abhitɩbha, n ka -Lagɔ dlɩ 'wʋ 'bhë-ë, ɛ'ɛ -lɛ-a 'mö tenyi, ji'i 'wʋ -n 'yɛ na dlɩwʋkakʋ 'wʋ zumanɩ.”
25Zezwi yɩlɩ-ɛ -bha 'wʋ nɩkpaa -bɛ -wʋɔ-a yawʋ zumanɩ 'le, 'n ɔ ji-a yʋlʋ 'mö 'jinylozuzuko 'dɩ 'nyɛnɩ, ɔ nɛ: “'Jinylozuzuko, -nmö ka-a 'nglɩ 'n gu -la 'nɩ-a gbaa -ji, 'n ɔ'ɔ-a -nganɩ, 'bhö-öɔ -sɩka'a -gömö, -nn jio-a 'mö -gömö 'lɩlɩlɩ -nɩ.” 26'Jinylozuzuko 'siasianɩ-a 'gu 'mö tenyi, a 'kpö-a 'mö, 'n a jio-a -gömö 'bhö-ö. 'N 'guo nɩma ji-a yawʋ bhli e -bhlee-a 'mö -gazɛ, ɩ yɛ nɩkpaa -bɛ nɛ: “Ɔ yɛ tlɩ 'bhë!” 27Zezwi köbhanɩ-a 'gu sɔ, ɔ 'libhïo-a 'wlu, 'n ɔ ji-a ghayɩ 'nɩgbönɩ.
28Zezwi -yɛ ɔ 'wʋbhlinɩngwa 'sɔ nyini-e -ma 'ligbë'ë, yawʋdolɩ'ɩ, 'n wa jio-a ngli 'jɩbha naa: “'Jinylozuzuko -la, 'manɩɛ yɛ -a sɩanɩa bhe -nɩ 'nɩ?” 29Ɔ nɛ naa: “-Saa zuzuko -la, -n nɩ -lɛ -Lagɔ -bɛlɩ 'pa 'bhë, -nn -lɛ bhɛlɩ -n 'ka nɩkpɛ -gömö kpëti.”
Zezwi yɛ 'sɔdo'o ɔ tlɩtlɩgbʋ -yɛ ɔ gluwlʋgbʋ 'sɔ gba
30Zezwi -yɛ ɔ 'wʋbhlinɩngwa 'sɔ 'bhö-ö -bha, wa-a -ma Galilee -gwlɩ -gömö 'plɩnɩ 'le-e, ɔ'ɔ la 'jɩbha -maa nɩkpa 'yɛ sɛ jɩblɩnɩ. 31-Wʋʋ yɛ-a, -ɩ la'a -ɩ jio-a ghlɩɛ gbʋ ɔ -wʋ la-a ɔ 'wʋbhlinɩngwaa de gba 'le naa: “-Ma nɩkpaa cɛ'ɛ wa ji-a Nɩkpɛɛ 'Gu 'pɛlʋ 'paa, wa 'kɔ-a 'lɩbha. Ɔ -yɛ tlɩ 'bhë, 'ylɩ taa zlɩ ɔ 'yɛ-a glu 'wlʋ.” 32Zezwi gba-a wɛlɩ la'a wa de-e, wa 'nɩɩ-ɩ 'mö 'nʋ, wa 'kɔ 'yɛ ɩ yɛ ngli 'jɩbha dlɩ wa nimïnɩɩ-a cɛ.
Zezwie 'wʋbhlinɩngwa nɛ naa, -mɔ -yɛ-a wa gla'aa 'kadɔ 'nɩ?
33'N wa ji-e -ma Kapɛnaɔmö nyini. Wa nyini-e -ma 'ligbë'ë, 'n Zezwi ji-a ɔ 'wʋbhlinɩngwa ngli 'jɩbha naa: “'Manɩgbʋ a -wʋ la bhe -ma 'yuogblʋ'ʋ 'mö kpɛnɩ 'le 'nɩ?” 34Ɔ 'jɩbhʋa-a -sɩbha ngli-e, wa 'bhuo 'wʋ wa dʋ -bha, -wʋʋ yɛ-a, wa namö-ö -ma 'yuogblʋ'ʋ, wɛlɩ -ɩ wa kpɛnɩ-a 'mö mɩ-ɩ -yɛ-a naa, -mɔ -yɛ-a wa gla'aa 'kadɔ 'nɩ? 35Ɔ glɩ-a yɛ, 'n ɔ ji-a ɔ tiatiangwa kugbïa 'sɔ -kpɔ wɔzɩ, 'n ɔ jua-a 'dɩ 'mö zʋ, ɔ nɛ naa: “A gla'aa nɩkpɛ -mɔ -yɛ nʋ ɔ 'yɛ -mʋabhaa bhla 'yu -ga nʋ-ɔ, ɔ nyini-a ɔjɩ yɛ, ɔ 'plɩanɩ ɔjɩ nimï, ɔ zʋ a 'bhuoo nyɩgbajʋlʋ.” 36Ɔ 'libhï-a 'gwikikeyi -lɛ 'wʋ, ɔ 'nɩgbanɩɔ-ɔ -bha wa nyɩdɩ 'bhë, 'n ɔ jio-a gbaközɔmö zʋ. Ɔ nɛ -bha wa de naa: 37“-Ɔ -yɛ na 'nglɩ 'mö sa'aa 'gwileyi 'jinanɩswɩ'ɩ köbha, -amöö 'bhë ɔ köbha-a 'jinanɩswɩ'ɩ, -ɔ ka'a 'yɛ 'jinanɩswɩ'ɩ köbha -amöö 'bhëë 'nyize ɔ'ɔ -lɛ 'jinanɩswɩ'ɩ köbha, na -Tɩbha -Lagɔ -ʋ tia'a-a 'mʋ ɔ köbha-a 'jinanɩswɩ'ɩ.”
-Ɔ nɩ a tʋnyɔ glɩnɩ-ɛ, a -ghöbhanɩnyɔ -bha
38Zezwi gba-a sa'a wɛlɩ la'a, 'n Za ji-a gbʋ -dɩ, ɔ nɛ naa: “-Abhitɩbha, nɩkpɛ -bhlʋ-ɔ -na 'nglɩ 'mö 'jinylozuzuku nɩkpa -gömö kpëti 'le 'n -a jio-a yɩlɩ. Ɔ'ɔ ma'a -aa gla'a -wʋɔ yɛ, -a 'jɩbha -a 'kɔ la 'nɩgbanɩ.” 39Zezwi nɛ naa: “A 'na-a 'nɩgbanɩɔ -nɩ, -wʋʋ yɛ-a, nɩkpɛ -mɔ 'yɛ-a na 'nglɩ 'mö bhatɩ nʋnʋ 'bhë, ɔ 'yɛ -bha 'bhö-ö ɔ ka'a ngli nyimanɩ ɔ'ɔ -bhlɩ. 40-Ɔ la'a -ɔ 'nɩ-a -aa tʋnyɔ glɩnɩ-ɛ, nimï ɔ -wʋya -bha. 41Sa'a n gba-a naa, sa a glɩnɩ-a Puanyɔ -ɔ -Lagɔ -sa-a -bhaa -lʋaa yɛ, nɩkpɛ -mɔ kaya 'nyukɔpʋ 'nyɛ, ɔ 'na ɩ 'pɛnɔ 'mö bɔ -bha -Lagɔɔ de.
Sa Zezwi gba-a -wa dlʋa-a nɩkpaa gbʋ
42Na -lʋa -wa -tɛnɩ'ɩ-a dlɩ, nɩkpɛ -mɔ -yɛ wa gla'aa -bhlʋ dlʋa, ɔ -kɔɔ na gbʋ dlɩ'ɩ -sanɩ, 'mɔ nɩkpɛ, wa -kɔɔ kpiyikadɛ -blʋ'ʋ gwanɩ, wa -kɔɔ -ma gïnyi 'mö 'pa, mɩ-ɩ -bhlee-a -fɛ yʋlɔyʋlʋ -ʋ -Lagɔ jio-a -gömö -laa bhla. 43-44-Na kɔtɩkpa -kamö 'jinyloli 'mö kwa 'le -wʋ-ɔ, -dɩa -bha -n -yɛ sɔköbhë 'sɔ 'yɛ -ma 'kɔgwlɛpɩ 'wʋ mö, -mɩzlɩ -n 'yɛ -na kɔtɩkpö 'sɔ 'ji -ka 'bhë, [-n 'yɛ -kosu -ʋ 'na-a 'ngïmo, ma wa -gazɩɛ lilinɔ 'nɩ tlɩ-a 'mö mö.] 45-46-Na kple -kamö 'jinyloli 'mö kwa 'le -wʋ, -dɩa -bha -n -yɛ kpleköbhë 'yɛ -ma 'kɔgwlɛpɩ 'wʋ mö, -mɩzlɩ -n 'yɛ -na kpli 'sɔ 'ji -ka 'bhë, [-n 'yɛ -ma -kosu -ʋ 'na-a 'ngïmo, ma wa -gazɩɛ lilinɔ 'nɩ tlɩ-a 'mö mö.] 47-48-Na 'ji -kamö 'jinyloli 'mö kwa 'le -wʋ-ɔ, -sɛɛ -ma -n -yɛ 'yɩfa 'yɛ -ma 'kɔgwlɛpɩ 'wʋ mö, -mɩzlɩ -n 'yɛ -na 'jie 'sɔ -kpɔ 'wlumö -ka 'bhë, -n 'yɛ -ma -kosu -ʋ 'na-a 'ngïmo, ma wa -gazɩɛ lilinɔ 'nɩ tlɩ-a 'mö mö. 49-Wʋʋ yɛ-a, nɩkpa 'bhuo -kosu jua-a 'wlawla zʋa-a, sa gïbhï zʋa-a bʋbɔnʋli 'wlawla -bha -Lagɔ 'ji 'klʋ.
50Gïbhï -lie -li -bha, 'n ɩ -yɛ-a 'mö 'nʋ ngli bhɩa-a, 'manɩ nya a jiɩ-e 'mö-a 'nʋ ngli -lanɩɛ 'nɩ? 51Sa gïbhï nanɩmanɩ-a lili ngli a -wʋ -sɩbha -ma a linɩkpa gla'a, a -nyʋa 'yɛ -ghöbhanɩ.”
Seçili Olanlar:
:
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bete New Testament © Bible Society of Côte d'Ivoire 1996