Популярні біблійні вірші з wandījo 21

Поділитись

Ū SEEBA ūngeniha ū Saala gīt'umo walī wang'wisagīgīja; na ng'hana ū SEEBA ūng'wītīla ū Saala ūmo walī wisagīgīja.

Ū Mulungu ūng'wigwa ū nyanda alīlīla, hūna Malaika wa ng'wa Mulungu ūng'witana ū Haagali kūfuma ng'wigūlū, ūng'wīla gīkī, “Haagali ūlīkoyiwa kī? Ūtoogohage; ū Mulungu wang'wigwaga ū nyanda ūmo alīlīlīla aho alambalalile henaho. Jaga ūkandime ū nkono gwakwe ū nyanda, ūngūngūmūle; nguno nakūng'wīta kūbiza ihanga itaale.”

Hūna ū Saala ūbūūcha nda, ūmyalīla ū Abulahamu ng'wana ngosha mu būnamhala bokwe, ng'wikanza īlo Mulungu walī wang'wīla.

Ū Saala ūhaya, “Ū Mulungu wanenhelile seko, na būlī ng'wene ūyo alagwigwe ū mhayo gwenūyū akūseka hamò nane.”

Alīyo ū Mulungu ūng'wīla gīkī, “Ūtakoyage no kūlwa nguno ya ng'witūnja wako nū nina. Ū Saala ng'wigwage mu yose īyo alīkūwīla; nguno ū būbyīle wako būkūbalwa kūbītīla mulī Isaka.

Nū būbyīle wa ng'witūnja wa nkīma ū nsese, nakūwīta kūbiza ihanga, guno nang'hwe ng'witūnja wako.”