Популярні біблійні вірші з GÉNESIS 24

Поділитись

Chaypi kamacheqa Diosmanta mañakuyta qallarerqa, nispa: Señor patronniy Abrahampa Diosnin, niway ari allin kajta ruwanayta, k'acha kayniykita rikuchikuy ari, patronniyta khuyakuspa.

Qan niy ari mayqenchus kananta, noqa pi sipastachus nisaj: P'uyñuykita uraychuchikuspa yakuta qoriway ujyanaypaj. Paytaj uraykuchikuytawan niwanqa: Kayqa ujyarikuy, camellosniykimampis ujyarichipusqayki, niwanqa, chay kachun ajllasqayki kamachiyki Isaacpaj. Ajinapi yachasaj qan patronniyta khuyakusqaykita.

Chaymanta Isaacqa Rebecata Sara mamampa toldonman pusakaporqa. Paywantaj Isaacqa casarakorqa. Chay qhepata Isaacqa mayta munakorqa Rebecata. Ajinamanta paywan sonqochakorqa mamampa wañupusqanmanta.

Chaymantataj Rebecata bendicispa nerqanku: Oh, hermanayku, qan kanki waranqa waranqaspa mamanku, mirayniyki qhechuchun ashkha llajtasta enemigosninkumanta.

Kunanqa juray ari, Señorrayku, janaj pachapi kay pachapipis kaj Diosrayku. Qan ama casarachinkichu waway Isaacta kay Canaampi kaj warmiswan, maypichus tiyakushani chay llajtayoj warmiswan. Manachayqa riy ari llajtayman, aylluy ukhumanta mask'amunki uj warmita waway Isaacpaj.